Жар-жар

Жар-жар…Жоқ әңгіме той туралы емес. “7 арнадан” көре алатын бағдарлама жайлы. Бағдарлама авторы Бибігүл Дәулетбекқызы(бізге “Аялы алақан” арқылы таныс) жүргізушісі Данагүл Темірсұлтанова (“Тамашадағы” ше,”Аққу мен Гәкку”). Ресейлік “Давай, үйленейік” бағдарламасының қазақша көшірмесі десем Бибігүл әпкеміз ренжи қоймас. Әдемі көшіре алсаң, қазақы кейіпте бере алсаң кімнен көшірсеңде бәрібір дер едім. Данагүл бағдарламаны кейбіреулер секілді кібіртіктемей еркін жүргізеді екен.Қатысушыны әңгімеге жетелей алуы бәрі жақсы. Айтарым мынау негізі.
Бағдарламаның басты мақсаты еліміздегі өз жартысын таппай жүргендердің бағын ашу.Яғни екі жасты табыстыру.”Жетінші” арнадан қашаннан бері көрсетіліп жатқанын білмедім, өзім кешегі санын тамашаладым.Жұмыстан үйге келіп асқа отыра беретін кезде болады екен шамасы. 19 сағаттан аса бере басталатын болуы керек.
ал осы бағдарламаға кімдер келіп отыр?! 20-21 жастағы қыздар. Олардың өмірі енді басталып жатыр дер едім.әлде 20 дан асқан қыздарды Тәтімов мырза кәрі қыздар есебіне кіргізте бастаған ба? Әрине, 20 жасар қыз баланың тұрмыс құрғанына қарсылығым жоқ.Нағыз тұрмыс құрар жаста осы жас шығар қыздар үшін. Бірақ бұл жобаға 23 жастан асқан қыздар қатысса қалай болар еді? Жаман мен жақсына айыра алатын. Селтең жүрісті емес отбасын шын ойлай бастайтын қыздардың жасы осы шамадан басталатын болар? Сіз қалай ойлайсыз?
ПыСы: Бағдарлама дүйсенбі-бейсенбі аралығында сағат кешкі жетіден аса “Жетінші” арнадан көрсетіледі.