***
… Саягүл 6 сыныпта Мираның альбомындағы анкетаға былай депТ: «Махаббат деген — анаға сүйіспеншілік».
Мира альбом жасауда стратегиялық қате жіберді: оқу озаты, СССР құламағанда обком төрағалығына дейін баруы мүмкін пуритан, әсіре консерватор, қатігез Саягүл альбомға ең бірінші болып жазбауы керек еді. Қалған оқушылар да Саягүлдің ығымен кетіп, енді альбомның аяғына дейін махаббат дегеніміз — ананың балаға, баланың әкеге, атаның немереге, иттің күшікке, мысықтың марғауларына, түйенің ботасына, дрозофилл шыбындарының өз пілделеріне сүйіспеншілігі боп кетіпті, әйтеуір қыз бен жігітке қатысы жоқ дүние екен де. Енесстің.

***
8 сынып оқушыларына дегенмен табиғаттың бұлжымас заңдары мен гормондар әсер ете бастаған.

ЖАЛҒЫЗ

Әр қазақ – менің жалғызым!
Сабыр
Өмірде ақындардың бәрі жалғыз.
Мұқағали
Сенсіз… жалғыз жабықтым.
Анар
Керқұла атқа тақымым тиіп, жал құшпай,
Жалғыз жортқам жасымнан.
Бақтыбай
Жалғыз болған соң тәтті емес,
Тәтті болған соң жалғызсың!
Батырболат

Тәәәәк. Негізі өзім махаббат тақырыбын көп көтеретін азаматтардың бірімін(пазор=). Менің есімім Бақдаулет. Мен sen-ushin.kz сайтының ұйымдастырушысымын (қысқасы админмін). Бұл менің осы сайттағы бірінші жазбам. Жазба 14 ақпан жайлы.
Бір жыл бұрын осы 14 ақпан «мейрам ғой» деп сайтымдағы оқырмандарға сыйлық жасап немесе жай құттықтап құтылатынмын))
Бірақ сол күні сайтыма боқтау сөздер естідім. «Неге бұл мейрам тойлануы керек?? Біз неге шет елдің мейрамын тойлауымыз керек??» — деп кей оқырмандар қатты «ренжіді». Бірақ, неге біз махаббатын көрсету үшін тағы бір себеп табылғанына қуанбай, осындай әңгімені қозғаймыз??
Бұл мейрам туралы сіздердің ойыңыз…

Осы аптада мейлінше махаббат тақырыбында жазбалар жазып көрейік. Жазу міндетті емес әрине  Жазу үшін жазбаңыз, яғни өз өзіңізді қинап. Бұрын осы тақырыпта жазылған жазбаларды да бір қопарып шығып, эфирге шығару да сәлемденеді.

P.S жаңа жазбаларды мүмкін болса осы қауымдастыққа жазыңыздар.

Түрікше
Seni Seviyorum

Ағылшынша
I love you

Немісше
Ich liebe dich

Французша
Je t'aime; Je t'adore

Итальянша
Ti amo

Мен үшін махаббаттың алатын орны – ерекше. Осы ұлы сезім болмаса, жігіт пен қыз бір-біріне ғашық болып, ынтық болмас еді. Қаншама ақындар мен жазушылар осы сезімнің арқасында ғашықтарына өлең арнап, романдар жазған. Мүмкін кейбірі сол сезім болмаса, ақын, жазушы атанбас та еді. Тек олар ғана емес қолдарынана шеберлігі тамған суретшілер де, мүсіншілер де, кез келген өнер иелері. Театрдағы қойылымдар мен кинорежиссерлердің де көбі – махаббат тақырыбында. Адам болып жаратылған соң, осы өте нәзік сезімді жүрекпен ұғынып, бастан кешірудің өзі – Мен үшін үлкен бақыт!!! Махаббат мен үшін — мәңгі ертегі…

Шыны керек, махаббат жайлы посттарды оқу мені жалықтырып жібереді. Ммм… «ол мені сүймейді», «мен оны мәңгілік сүйемін» секілді бітпейтін толғаулар басталды деймін ішімнен. Қатыгездік? Мүмкін. Бірақ мен ондай сөздерді әкем қалжыңдап айтпақшы «жүрген кезде бір, үйленер кезде бір» айтқанды қалар едім. Сол себепті бұл жазба да махаббат жайлы алғашқы әрі соңғы жазба болсын деп ойлаймын.

Жиырма жылғы тәжірибем бойынша және де өзімнің «бақылаушы» табиғатымның нәтижесі қазірде менің алдыма «махаббат» ұғымын «сыйластық» ұғымымен тығыз байланыстырып отыр.

Оқушы кездегі тізбек бойынша бүкіл сыныпқа таралатын анкеталар естеріңізде ме? Сонда «болашақ жарыңның қандай болғанын қалайсың?» дегенге бәрі де «Ол әрине мені сүю керек, сыйлау керек, мені қорғау керек», сияқты ұзақ тізімді жазып қоятын. Дәлірек айтсақ арамыздағы «ерте есейген» біреу солай жазып, қалғандары соның жауабын қайталап жазатын. Мен де қайталадым. Алайда ол кезде маған «сыйлау» деген түсінік бос сөз болатын. «Сүю» дегенді түсінесің, "қорғау, аялау" дегенді де түсінесің, ал «сыйлау» тек әріптер жиынтығы сияқты.

Адамзаттың өткен ұзақ өміріне көз салсақ, оның өнері мен поэзиясында махаббаттан,ғашықтықтан асқан тақырып болмапты. Махаббатты көне заманда әр халық өздерінің ұғымына, дініне, дәуіріне сәйкес әр түрлі түсінген сияқты. Мәселен, ертедегі грек, рим қолжазбаларында Махаббат құдайлар кейпінде көрсетіліп, дуниенің бар кілті солардың қолында деп дәлелденді. Соның нәтижесінде құдайдың өзі махаббат мағынасында ұғынылған.

Махаббат, жігітті айтам, Оралда туып өскен. Анасы жүкті кезінде шаранасы қыз болса екен деп армандапты. Содан, жынысқа тәуелді емес Махаббат деген ат қоюды ұйғарады. Айы-күні келгенде дүниеге шекесі торсықтай ұл әкеліп, атын өздеріңіз байқап отырғандай, Махаббат деп қояды. Қазір ол Астанада тұрады. Құрылыс фирмаларының бірінде жұмыс істейді. Осыдан бір жылдай уақыт бұрын, жұмыстың ретімен бәсекелес компаниялардың біріне жолы түседі. Мұндағылар, өздерінде де бір Махаббатың бар екенін айтады. Бірақ, бұл күні танысудың сәті түспей, бірнеше күн өткен соң ол аттасымен танысу үшін қайтып барады. Таныса келе Махаббат та, қызды айтам, Оралдық болып шығады. Тағдыр Астанада жолықтырған екі жас содан бері бірге. Маған жолыққанда туған жерлеріне үйлену тойын жасауға бара жатыр екен. Бұйырса 14-қаңтарда Оралда Махаббат пен Махаббаттың тойы! Очм, нағыз Махаббат станциясы.)))

Әсіресе жігіт Махаббат мәз, «Анама барып, міне отыз жылдан соң Махаббат деген қызды болдың деп айтам», дейді! Бақыт тілейік оларға!