Кісі қолынан қаза тапқан қорықшы жерленді

Кісі қолынан қаза тапқан қорықшы Ерлан Нұрғалиев жерленді. Марқұмның денесін Қарағанды облысы, Нұра ауданы, Баршын ауылындағы қорымға қойды. Қаралы жиынға келген ауыл шаруашылық министрінің өкілі Ерлан Нұрғалиевты «Ерлігі үшін» наградасына ұсынғандарын айтты.

Басшылар осылай десе...

22-қыркүйек күні «КТК» арнасынан берілген жаңалықтар жағамды ұстатты. «Дін істері министрінің мешіттерде уағыз орыс тілінде де оқылсын, деген бастамасы дауға айналды»,- деп басталатын сөйлем кімді болсын елең еткізері анық. Мешітке уағыз тыңдауға мұсылмандар баратыны белгілі. Ал Қазақстанда тұрып жатқан мұсылмандардың көпшілігі — қазақтар. Сонда қазақтарға орысша уағыз жүргізілуі керек пе? Әлде елімізде болып жатқан барлық мәселелердің бәрі айналып келгенде тілге тіреле ме? Жә, көпұлтты мемлекет екенімізді ескере отырып, уағыз орыс тілінде де айтылсын делік. Бұл бастама Қазақстанда болып жатқан діни экстремизимдерге тосқауыл бола ала ма? Иә, оны алдағы уақытта көре жатармыз… Қаншалықты дұрыс не бұрыс шешім екенін…
Осы бейнесюжеттен тағы бір түсінбегенім — ҚР Дін істері және азаматтық қоғам министрі Нұрлан Ермекбаевтың пікірі. Ол кісінің айтуы бойынша, имамдар қазақша, арабша оқып жатқан уағыздарды түсінбейді. Тек қана қала тұрғындары емес, ауылда тұрып жатқан қазақтар да түсінбейді. Өйткені, дін тілі мен тұрмыстық тіл екі бөлек.Блог - abilbekova_inabat: Басшылар осылай десе...Сонда қалай, уағыз айтатын имамдардың өздері қазақша түсінбейді ме? Егер олар қазақша, арабша түсінбейтін болса, мешітке баратын жамағатқа осы күнге дейін дін жайлы қалай түсіндіріп келген. Және де (жоғарыда айтып өттім) «Тек қана қала тұрғындары емес, ауылда тұрып жатқан қазақтар да түсінбейді»деген сөйлем ауыл мәдениетінің төмендігін айтып тұрғандай. Ауыл тұрғындарының қазақша түсінбеуі, қазақ тіліндегі уағызды түсінбеуі мүмкін емес. Түптеп келгенде, ұлттық салт-дәстүрді берік ұстанатын да, исламның бес парызын орындайтын да, ана тілімізді шұбарламай сөйлейтін де — ауыл тұрғындары. Тек ауылдан ғана қазақ исі аңқып тұрғанын қалайша ұмытамыз?! Өздері қазақ тілін жетік білмеген соң, барлық қазақтар өз тілін түсінбейді деп ойлайтын шығар. Десе де, бір тарақпен бүкіл елдің шашын тарауға болмайды ғой. Бәлкім, жоғарыдағылар ойын дұрыс жеткізе алмаған болар… Дұрысы — қазақ тілінде жеткізе алмаған болар. Қазақ тілін, қазақ тілінде айтылған уағыздарды не имам түсінбесе, не оны тыңдайтын халық түсінбесе оны кім түсінеді? "Қиыстырып қалсаң отын жанар,қисындырып айтсаң халық нанар", — дейді Бауыржан Момышұлы. Халыққа бағыт-бағдар беретін басшылар ойын дұрыс жеткізе білcе, бұқара да қолдар еді.
Әрі қарай

НұрКЗ-дегі каменттер

Өзім жаңалықтарды көбіне nur.kz сайтынан оқимын. Сонда кейбір жаңалықтарға қанша камент жазсаң да модерлер шығармай қояды. Есесіне стилистикасы мен орфографиясы бірдей бірсарынды каменттер қаптап кетеді. Ондай жағдайлар көбіне мынадай Казахстан ратифицировал договор о ЕАЭС деген секілді жаңалықтар шыққан кезде орын алып тұрады.

Бір-екі скриншот қояйын:

Оcылай екен...: НұрКЗ-дегі каменттер

Көбіне әртүрлі атпен жазады. Былай:
Оcылай екен...: НұрКЗ-дегі каменттер
Оcылай екен...: НұрКЗ-дегі каменттер

Білгім келгені, осындай жұмысқа қанша төлейді екен? Резюмемді қайда жіберем?
Әрі қарай

Жаңалықтар математикасы

Кез келген өнім секілді тележаңалықтар да тұтынушы, яғни көрерменге дайын күйінде жеткізіледі. Бірақ, ең қысқасы бес минут, ұзақ дегенде бір сағатқа созылатын жаңалықтар бағдарламасының дайындалуы да тұнып тұрған математика. Енді, күн сайын түбір астын шығарып, матрица түзіп жатқанымыз шамалы. Дей тұрғанмен, математика элементтері біздің жұмыста жетерлік.
Әрі қарай

Тағы бір Астана жаңалықтары

Тұтынушы кейпінде жезөкшелер және жеңгетайларын ұстауға кеткен тағы бір полиция қызметкері нәпсісіне жеңіліп қайтты.

***

Тағы бір қырсық көшеге гамажсыз шықты. Шыдауда.
Әрі қарай

Жаңалығыңыз қандай?

Пікірлер арқылы бір-бірінің басына т**ып, түрлі-түрлі ой қозғап, қыран-топан күлкіге қарық болған кездерді сағынып кеттім
Твиттер, Фейзбук дегендер уақытша Керектен алыстататын шығар. Алайда мұндағы жылы ортаға бәрібір жетпейді екен.
Әрі қарай

Ақпараттар ағыны - 29 тамыз 2012

САЯСАТ. Сыртқы Істер Министрлігінен Қырғызстан Үкіметіне үлкен қолдау:
— Алеооо, қоя бер тұтқаны. Қазір өзіміз телефон шаламыз.

СПОРТ. Оңтүстік Қазақстан облыстық спартакиадасында тоғызқұмалақтан 3-ші орын алған мектеп оқушысының жеңісі сарабдал саясаттың арқасында екені анықталды.

ҚОҒАМ. Үлкен қауіп! Биыл республика көлемінде 10 мыңға жуық адам журналист дипломын алды.

ҚЫЛМЫС. Ораза біткеннен кейін жазғы кафеде сыра ішіп отырған жігітті жігіттер көріп қалды.

МЫСҚЫЛ. «Астанаға автобуспен келдіңдер ме? Біз купеге билет болмағасын СВ-мен келдік» понтына үлкен жауап: «Пойызға дым билет жоқ екен, самолетпен келдік». Понтқа үлкен понт та кешікпеді: «Мен де самолетпен келдім, сендерді көрмедім ғой. Әлде эконом класс жақта болдыңдар ма?»

СЫЛҚЫМ. Суы ақпай, бұзылып тұрған унитаз бір қызды жаңа жігітімен айырып тынды.

РУХАНИЯТ. Етістіктерден ұйқас құрастыра алатын тағы бір жігіт ақын атанып, алғашқы өлең жинағын шығарды.

ТЕХНОЛОГИЯ. «Маған сол звондаса, SMS жазса болды» деп полифония телефонмен басталған тағы бір серуен әзірше Iphone 4S-ке келіп тоқтады.

БІЛІМ. Жұрттың баласы биыл тағы да грантқа түсті.

ИНТЕРНЕТ. Тағы да бір танымал адам «Айт қабыл болсын», «Мейрам құтты болсын», «Жолға шықтым», "Қайырлы жұма", «Жеңіс құтты болсын, Алға Қазақстан» деп жазу үшін Твиттерге тіркелді.

ӘЛЕУМЕТ. Тағы да бір USB флешканың қақпағы жоғалды…
Әрі қарай

Астанада анти-дәмхана ашылды.


Астанада Қазақстан үшін жаңа форматта көңіл- көтеру орны ашылды.«Біздің орын» деп аталатын алкогольсіз анти-дәмхана Сарыарқа көшесінде 33/1 үйінде орналасқан.Мұнда қонақтар жеген тамақтары үшін емес, осы жерде өткізген уақыты үшін ақша төлейді.Тамақты өзіңмен бірге алып келуге болады, ал шай, кофе, үстел ойындары мен басқа да көңіл көтеру шаралары тегін ұсынылады. Мұнда әртүрлі клубтардың жиылысын өткізуге қолайлы. Сондықтан, біле жүріңіздер.

Ақпарат мына жерден алынды:http://thenews.kz/2012/06/14/1125296.html
Әрі қарай

Үйсіз-күйсіз журналистер

Бермесең, бермей-ақ баспанаңды…

31 арнадағы Информбюро бағдарламасы, үйсіз журналистердің мәселесін көтермекші. Расында журналистер тұрғын үйге қатысты ешбір мемлекеттік бағдарламаға жатпайды, (тек жас отбасы болмаса), әдетте бойында ұлтына деген ықыласы мен энтузиазмы бар журналистер пәтерден-пәтерге көшіп, азғантай жалақысы мен газет-журналдарда, телеарналарда шапқылап жүреді… Жалпы аталған БАҚ-тың нары да, бары да солар, материал жазу үшін, шығару үшін ізденіп, ат шалдырып алысқа желіп, жалпы дайын мақала мен телерепортаждың ыстық-суығын көтеріп, төзіп жүретіндер де осы бауырларымыз. Осындай кейіпкерлерді шақырамыз!!! Маған личкоға хат жазса деген өтінішім бар… Өздеріңіз білетін осындай журналистер туралы жаза отырсаңыздар, алғыстан басқа айтарым жоқ!
Әрі қарай

Алматыдағы мәдени шаралар

London Beat тобы «Гүлдер» фестивалінде өнер көрсетеді

Ұлыбританиялық London Beat тобы Алматының «Мәдениет жылы» аясында өтетін «Алматы — гүл қала» фестивалінде өнер көрсетеді. «Гүлдер» фестивалі 26 мамыр күні «Астана» алаңында өтеді.
Фестиваль барысында қала тұрғындары мен қонақтары үшін бірегей гүлдер көрмесі, жәрмеңкелер, гүлдермен безендірілген көліктер шеруі, түрлі мәдени ойын-сауық шаралар және эстрада жұлдыздарының концерті ұйымдастырылмақ.
Әрі қарай

ОРТ Евразия жаңалықтар бере бастады

ОРТ Евразия арнасы жаңалықтар қызметін бастады. Енді еліміздегі және әлем жаңалықтарын осы арнадан да қарауға болады. Бұл арнаның жаңалықтар қызметінің бір ерекшелігі — дикторлар ауыспай, қос тілде жүргізе береді. Жаңалықтарды Астана уақытымен 19:00-де қарай аласыздар.

Интернеттен қараймын десеңіз:

Әрі қарай

Цинизм министері Голикова ханумның мәлімдемесі

28.04.2012, KM.RU хербарлайды.

Ресей Денсаулық сақтау және цинизм Министері Татьяна Голикова, Сібір аймағындағы дәрігер тапшылығын былай шешуді ұсынады, салидатсстың:
Әрі қарай

Жаңалықтар - 28 наурыз 2012

Жарақатына байланысты Лондон Олимпиадасына бара алмайтын Серік Сапиевтің орнына құрамаға әнші Бейбіт Қорған шақырылды.

***

Қазақ эстрадасына өзбек ағайындардан үлкен қолдау! «3 клип түсіргенге 1 клип тегін» акциясы басталды.

***

«Сыр ақшамы» газетінің кешегі номерінен Блоггерлер Құрылтайы басталатынын оқыған бір топ қызылордалық блоггерлер қауымы Астанаға аттанды.

***

Рикки Мартиннің Қостанайдағы концерті еліміздің әнұранымен салтанатты түрде басталды.

***

Мәжіліс депутаты Марсель Көшімхан бұдан кейін Кувейт тауарларын алмау және KW домен зонасындағы сайттарға кірмеу туралы ұсыныс жасады.

***

Бауыржан Шоуда бірнеше жыл бойы сахнаға микрофон алып, шығып жүрген бір жігіттің де жеке күлкі театры ашылды.
Әрі қарай

Жаңалықтар - 12 наурыз 2012

Бальзак жасындағы жолаушы әйелдің «Не істеп тұрмыз? Неге жүрмейміз?» классикалық сұрағына «Асықсаңыз таксиге мініңіз» деп төмен тонмен, әлсіз жауап берген контролердің стресіне жүргізушінің қаһары қосылып, маршрутка карьерасы сәтсіз басталды.

***

Аула белсендісі 64 жасар Люба апайдың ЦОНдағы шаруалары бар болғаны 12 минутта аяқталып, үйіне ашулы қайтты.

***

"Қайрат" капитанының «Мықты болсаң өзің ойнап көр» сөздерінен кейін ойынға қосылған жанкүйер әзірше 2 ойында 4 гол соғып, 2 гол пасын берді.

***

Францияда үйленген гей мұсылмандар туралы депутат Марсель Көшімхан өзінің Твиттер бетінде «Діндер аздық, дүрдараздық, барып тұрған п***раздық!» деп баға берді.

***

Құрсақта жатқаннан діни тәрбие алып келе жатқан 11 айлық Мухаммед-ханафияның алғашқы сөзі 1 күнде нағашысы үйретіп кеткен «Наху» сөзі болуы баланың ата-анасының көңіліне кірбің ұялатты.

***

Satibaldi Kerbabaev подружилась с Нуржан Тукой и Аскар Наймантаевым. 11 ч. назад возле Астана.
Әрі қарай

Атырау-Маңғыстау пойызы



Бүгін таңғы сағат 5терде Құлсары қаласынан 18 шақырмдай жерде Атырау-Маңғыстау бағытындағы пойыз қар құрсауында қалып қойды.

Поезд жарты сағат тұрғаннан кейін Құлсары қаласынан шығып 469-шақырымда рельстердің қардың астында қалуы себепті тоқтап қалды.
Жолдарды қардан тазалауға қазір шамамен 90 адам мен арнайы техникалық жабдықтар жұмылдырылған.
Мінеки тағы да фотолар. Осыған қарағанда жоғарыдағы фото монтаж емес
Әрі қарай