Ұлы деп мойындаңдар ал, қаззақтар!

Мейір амиго жоғалып кеткенде, кемпірі бес жылдай күтті де, алтыншы жылы ауыл аймақтан рұқсат сұрап, қалаға көшемін, басқа байға тиемін деп, ал Мейірдің заттарын осы ел-жұрт түгел бөліп алыңдар деді.
Асып бара жатқан мүлкі де жоқ, сол, анау темір тордың ар жағында отырған кезіндегі
Әрі қарай

Бұл тек Керекинфоға ғана тән емес!


Керекинфоны неге «спартандық мектеп» дейді? Ойлап қараңызшы!

Өш, сөйтіп пафосты прологпен бастап тұрсам ия… :*) Ешкім де бізді «спартандық мектеп» демейді. Өзімізге өзіміз сондай атақ тағып алмасақ. Керектің Дарвинисттік табиғи сұрыпталу заңымен «Спартандық дисциплинаны» салыстыруға келмес. Өлгенде, Спартандықтардың мақсаты болды ғой, максы құрғыр.
Әйтсе де, Керекинфоны хаос мекені демес едім. Және біздің ұлтшыл радикалдармен ұқсас жерлеріміздің де көптігін байқадым. Төменде «неге олай» екенін негіздемек болып тыраштанғанымды байқайсыз.
Әрі қарай

Дабай, мықтыларды анықтайық!


www.dabai.kz
«Дабай» сайты қайта оралды, жаңа форматпен. Бұрыннан бар формат қой, тек қазақша нұсқасы жоқ еді. Соны өзімше істегендей болдым, орыстардың скриптімен.

Сайтта брендтар, адамдар, заттар, оқиғалар, жерлер т.б ойыңызға келген неше түрлі нәрсені салыстыруға болады.
Әрі қарай

Қайда екен қайда, дариға сол қыз?

Тұрып шаршаған отырып демалады.Отырып шаршаған жатып демалады.Жатып шаршаған адам ойланады екен. Қазақстанның гүлденуі жайлы ойлады деп қалмаңыздар. Осы дим дә, «Дабай кз» кезінде арамызда болған Жартыбас ВИПқыз бен Шойқара Еркебұлан қайда екен?
Әрі қарай

КерекИнфоға оралу

Админнің бөлмесі: КерекИнфоға оралуДабай.кз ашылғанына 2 айдай уақыт болды. Осы қысқа уақыт ішінде өзіндік аудиториясы қалыптасып үлгерді. Нағыз пікірталас платформасына айналып үлгерді. Басында техникалық тұрғыда әлсірей бастаған Кездесу.ком сайтына альтернатива ретінде эксперимент ретінде бастаған жобам еді. Кейін Асхат бастаған блогшылардың қолдауымен жақсы жобаға айналып шыға келді. Қолданушы пікірімен санаспауға болмайды, Дабай деген ат көпшілікке ұнамады. Менің өзіме сондай жеңіл атау ұнап тұрса да, мұндай атпен сайттың болашағы бұлыңғыр деген болжамдар айтылды. Сол себепті әлі жолдың басындамыз, кеш емес әлі деген оймен кезінде Қазнетте танымал болған КерекИнфо сайтының атын таңдадым. Дабайдағы белсенділікті біреулер сол баяғы КерекИнфоға да ұқсатты, сол кездегі рух қайта келгендей деген пікірлер болды. Ақыры осы сайтта ақпарат бөлісіп жүр екенбіз, ақпаратымыз керек болсын, керек инфо болсын! Осы атты жатсынбай бұдан кейін КерекИнфоға үйрене берулеріңізді сұраймын. Ал қолданушылар Дабайшылар емес кезінде қалыптасып қалған Керекшілер деп аталайық.
Осындай ребрендингке түсіністікпен қарауларыңызды өтінемін, Дабай аты ұнайды дегендерден кешірім сұраймын. Бұрынғы доменмен де кіре беруге болады.
Әрі қарай

Дабай-дың сазайы..

Енді мына Аршат деген пысық жігіт қой..Құр жүрмейді, неше түрлі прожекттер ойластырып, оларды жүзеге асырып та жүреді… Тынбай қылған еңбегінің жемісін көріп жүр ғой… Жұмыстан келгеннен кейін, түнделетіп отырып сайтты жақсартудың қамын қамдап жүргенін біреу білер, біреу білмес… Ол – қазақ интернетінің ауыр тауқіметін ұзақ жылдардан бері көріп, біліп келе жатқан жігіт қой… Сол еңбектің ақысы, жасаған дүниеңді басқалардың игілігіне қолдануы, қолданушылардың санының артуы ғой негізі… Кез келген сайт, өз юзерлерімен құнды… Юзерлерінің санымен құнды… Сайттағы туындаған берекелі ортасымен құнды..
Бұндай сайттардың бірі қазақ интернетінің тарих беттеріне алтын әріптермен жазылған керекинфо.кз (Аршаттың мұрындық болуымен ашылған сайт білмейтіндер үшін-автор) сайты болатын… Бұндай сайт дегенім, берекелі ортаның туындауы тұрғысын меңзеп тұрғандығым..” Бұндай” деу арқылы қандай сайтпен салыстырылуда десеңіз дабай.кз туралы айтып тұрғанымды атап өтер едім… Көптен бері қазақ интернетінде бұндай контент, бұндай орта көрмеген едім… Бұны енді Аршат досым болған үшін жазып отырған жоқпын… Мен де сайт ресурсы мәселесінде өзіндік талғамы бар юзермін… Сондықтан өз пікірімді “ чисто” объективтілік қырынан жазып отырмын..
Әрі қарай

Қош келдіңдер қыздар, рахмет қыздар!


Бұрын қазақ қыздарынан дәл осы сайттағыдай белсенділік байқамап едім. Сайт ашылғалы тіркелген қолданушылар бойынша жігіттерге қарағанда сандары аз болса да белсенділіктері көп болып тұр біздің қыздардың. Біздің қазақ қыздары тек Моймир, агенттерде отырмайды, олар блогқа пост та жаза алады, посттарға әдемі камент те жаза алады. Сайт админі ретінде риза болып отырмын қыздарға, осы сайтты дамытуға көп үлестері болатын сияқты. Суреттегідей қарды бұзып жарып шыққан гүлдей болып көрінді маған қыздардағы бұл серпіліс.
Рахмет сендерге қыздар! Демалыстарың сәтті өтсін!
Әрі қарай

Тағы да бала арман)

Тотының "Іздеп келген бала арман" жазбасын оқып, өзімнің армандарым есіме түсіп кетті… Солардың ішіндегі ең тәттісі — қаламгер болу еді. Республикалық "Ұлан" газеті, «Ақжелкен» журналдарына өлең, мақалаларымды үздіксіз жіберіп тұратынмын. Бірсыпырасы жарияланды да. Бірақ "Ұланның жас тілшісі" деген куәлікке қолым жетпей-ақ кетті. Мектептің соңғы жылдарында жазуды мүлдем қойып кеттім. Мамандық таңдау барысында ойлана келе ортақол журналист болғанша, ортақол технарь болсам, елге пайдам көбірек тиер деген желеумен «Есептеу техникасы» мамандығына оқуға түстім. Әлі де сол мамандығым бойынша оқуды жалғастырудамын.
Әйтсе де, жазғысы кеп тұратын адам үшін (ғылыми мақалалардан да басқа нәрсе жайлы) блогтың да берері көп-ау? Менің орындалмаған бала арманымның сәл де болса жүзеге асуына септігін тигізген Дабайға көп-көп рахмет!))))
Әрі қарай

introduction...

Алғашқы қадам әрқашан қиын келеді. Дабайдағы екінші постым осы. Жалпы блог деген жақсы ғой. Бір блоггер айтқанындай: «Алғашында мен бұны тек, жұлдыздар мен танымал адамдар ғана жүргізеді деп ойлағанымын»,-деп еді. Мен де солай ойлап едім… Кешке теледидар көріп отырып, 7 арнадан On.kz сайтының жарнамасына ілініп, алғаш рет сонда тіркеліп едім. Расында Он.кз әлеуметтік тордан гөрі блоггерлермен толысқан. Сонда бастап едім блог жазуды. Ә дегенде не жазарын білмей, Дәурен Қуат ағама жіберген мақаланы жарияладым. Алғашқы пікірлер, алғашқы ойлар… Ақырындап сіңісіп те кеттік. Түсінбегенді Жалғас Ертайдан сұрап отырып (ол кезде «бастық» «онбағанның» басы-қасында жүр еді), үйреніп отырдым. Қарашаның басында «дабайлаған» бір-екеудің сөзін түсінбедім. Дабайы несі деп қойдым))) Қазір өзім дабайлап отырмын. Бұл постты не айтары да, не берері де жоқ. Жәй жаздым. Алдағы күндері «серьезный» пост жарияламақпын, тақырып ескерткіштердің сапасы мен мәніне арналмақ деп анонс беріп қояйын)
Әрі қарай

Ілмектер туралы

Админнің бөлмесі: Ілмектер туралы

Әр жазудың астына ілмектер қосу керек. Ілмектер не және не үшін керек? Ілмектер — сіздің мақалаңыздағы кілт сөздер, яғни қандай сөздер арқылы сіздің мақалаңыз іздеу жүйелеріне ілініп, қай сөздер бойынша табылғанын қалайсыз, сол сөздерді жазуыңыз керек. Қарап отырсам осы жерін көп адам түсінбеген сияқты, толық сөйлем немесе сөздердің арасына үтір қоймай бәрін бір сөйлем сияқты қылып жариялап жіберіп жүргендер бар. Ал кей қолданушылар өте сауатты қолданып жүр осы функцияны.

Админнің бөлмесі: Ілмектер туралы

Араларын үтірмен бөлуді ұмытпаңыздар!

P.S профильдегі Қала деген жерге өз email адрестерін жазып жүргендерді түсінбедім, түсінікті болып Қала деп жазылып тұр ғой.
Әрі қарай

Керекинфо жолымен

Еееуу, керекинфо бар болған замандарда,
Бір құдірет бітуші ед қаламдарға.
Одан бері құбылды шартарабың,
Олқылықтар сыр беріп жамандарға.
Сынар болсаң сыналар нысана көп,
Сау нәрсені түртпектеп харамдарға.
Жақсы көру, түйсіну жағымды еді,
Керекинфолық деген адамдарға.

Дабайыңды аштырдың бісміллә деп,
Бісмілләсіз құрдас-оу іс қылма тек.
Айтушы едім өзіңе күндестерің
Шалса дағы пасыққа пысқырма деп.
Талабың таудай болса ішітарлар
Көрдің ғой, апыл-ғұпыл ышқынар кеп.
Бесікке бөленгенде жас періште,
Ырымдаймыз тышты ма, тышты ма деп.
Дабайыңның тышуы тәтті болсын,
Дәріптеліп қазақы дәстүр, әдеп.
Әрі қарай