Жарияланымдар

Жазғы сылбырлық маусымы басталды



Жаз жақындаған сайын интернеттегі белсенділік те азая бастайды. Осы сылбырлық маусымы енді басталған сияқты. Ешкім ештеңе жазғысы келмейді, пікір жазуға да ерінеді

Күзге дейін осылай енді…
Әрі қарай

Ұлы Отан Соғысы ардагерлерін еске ала отырайық

Көпшілігіміздің аталары соғысқа қатысты. Сол кісілерді еске ала отырайық.

Менің атам — Ораз Тәжбағамбетов (1926 — 1985)
Ұлы Отан Соғысы ардагері, 1944 жылы майданға аттанып, Румынияны азат етуге қатысқан, Жеңіс күнін Берлинде қарсы алған. Ағасы Иманғали екеуі соғыстан аман оралған, ал әкелері Тәжмағамбет соғыста қаза болған.

www.obd-memorial.ru/ — осы сайт арқылы соғыста қаза болған аталарыңыз туралы деректерді таба аласыз. Арғы атам Әйекенов Тәжмағамбет туралы енді ғана таптым. Қткен жылы таба алмаған едім, аты-жөні дұрыс жазылмаған екен құжатында. Түрлі варианттармен көріп, енді ғана таптым:

Аекинов Ташмагамбет деп жазылған екен, 2 воздушно-десант. Гв. дивизиясында болған. 1900 жылы туғанын да енді біліп отырмын, қайтқан уақыты 29/06/1944

Сіздер де іздеп көріңіздер.
Әрі қарай

"Жаужүрек мың балаға" барма, барғызба!!!

Кеше «Жаужүрек мың бала» фильмінің премьерасы болды. Алғаш болып барғандардың көбі өкпелі. Киноның өзіне айтылып жатқан сын көп, бірақ ең бастысы қазақша кино көремін деп барып, орысшасын көріп алданып қалғандай сезімде көпшілік.

Кино.кз сайтындағы кестеге қарайтын болсақ Астанада тек қана Сарыарқа кинотеатрында күндізгі уақыттардың бірінде ғана қазақ тіліндегі нұсқасы көрсетіледі. Қалған уақыттарда және барлық кинотеатрларда тек орысша дыбыстамасы көрсетілуде. Иә, әрине кино алдымен коммерциялық жоба, түсірушілерге және көрсетушіге пайда әкелуі керек. Яғни, орысшасын көп адам көреді деген есеппен осылай істеген. Киноны түсірушілерді де, киноны көрсетуші кинотеатрларды да кінәлауға болмайды, түсінеміз оларды да. Бірақ, олар да қазақ ұлтына немқұрайдылықпен қарамаулары тиіс. Біз де қоғамбыз, біздің де таңдауларымыз бар. Неге олармен санасуымыз керек? Олар бізбен санассын.

Егер сен ҚАЗАҚ болсаң бұл фильмге барма, айналаңды да барғызба! Қазақтың да қоғам екенін көрсет. Өйткені бұл біздің кінәміз, біз оларды осындай қылдық. Ей, қазақ, кішкене болса да намысың бар болса бұл киноға барма. Бұл біздің протестіміз болсын. Ұлтшылдық тек құр айқай, бос сөз, әдемі ұран ғана емес, ұлтшыл болсаң ең болмаса бір рет сөзбен емес іспен әрекет қыл. Осы акцияға қосыл, басқаларға да естірт!

«Жаужүрек мың балаға» барма, барғызба!!!
Әрі қарай

КерекИнфо мотиваторлар байқауы

КерекИнфоны қысқаша қалай суреттер едіңіз? Бір-екі сөзбен қалай сипаттар едіңіз? Осы ойыңызды мотиватор арқылы жеткізіп көріңіз. Сіз үшін КерекИнфо не?

Байқауға тек мотиваторлар қатысады. Сондықтан мотиватор талаптарына сай болуы тиіс:

— тақырыпқа сай сурет, көк фон ішіне орналастырылады;
— ортасына Times New Roman шрифтімен қою қылып KEREKINFO.KZ сөзі жазылуы тиіс;
— астына сіздің КерекИнфо туралы сөзіңіз;
— суреттің ені 500 пиксельден аспауы тиіс;

Мысал үшін мынандай мотиваторлар:


Әрі қарай

ОРТ Евразия жаңалықтар бере бастады

ОРТ Евразия арнасы жаңалықтар қызметін бастады. Енді еліміздегі және әлем жаңалықтарын осы арнадан да қарауға болады. Бұл арнаның жаңалықтар қызметінің бір ерекшелігі — дикторлар ауыспай, қос тілде жүргізе береді. Жаңалықтарды Астана уақытымен 19:00-де қарай аласыздар.

Интернеттен қараймын десеңіз:

Әрі қарай

"Жаужүрек мың бала" фильмінің арнайы сайты

Киностан сайты «Жаужүрек мың бала» фильміне арналған арнайы сайт ашты. Бұл сайттан фильм туралы барлық ақпаратты таба аласыздар. Фильм туралы, түсіруші топ туралы, трейлер, жаңалықтар, сұхбаттар, фотогалерея барлығы осы сайтта.



mynbala.kinostan.kz
Әрі қарай

Сынық терезе теориясы

"Қылмыспен күресудегі табысыңызға қалай жеттіңіз?" сұрағына Нью Йорктың аты аңызға айналған мэрі Джулиани былай жауап беріпті:



— Бос тұрған бір ғимарат бар. Сол ғимараттың бір терезесі сынса, сол терезені тездетіп жөндемесеңіз аз уақыт ішінде сол жерден өткен адамдар тағы бір тас лақтырып, сындырып кете береді. Мен бір терезе сынса бірден жөндетіп отырдым. Бір бағана түбіне немесе ғимарат жанына біреу қоқыс пакетін тастап кетсе, сол қоқысты тез жинамасаңыз басқалар да солай тастап кете береді. Мен тасталған әр қоқысты жинатып отырдым.

Бір жердің қылмыс ауданына айналуы сынған терезеден басталады. Айналада ешкім әрекет қылмаса, терезе тездетіп жөнделмесе жұрт ол жерде тәртіпке қарайтын ешкім жоқ екен деп басқа терезелерді де сындыра бастайды. Мұның арты үлкен қылмыстарға айналады, біраз уақыттан кейін ол аудан полиция кіре алмайтын аудандардың біріне айналады.

Мұны түсінген Нью Йорк полициясы алдымен кішкентай қылмыстардың соңына түседі. Метроға билет алмай кіргендерді, подъезд алдында дәрет сындырғандарды, қоғам мүлкін бүлдіргендерді, көшеде бөтелке лақтырғандарды ұстап, жазалай бастайды.
Әрі қарай

КерекКонтент байқауына қатыс, қазақша контентке өз үлесіңді қос!



Gastarbaiter контент байқауын жасайық деген ұсыныс айтты. Сол идеямен КерекКонтент атты байқау жариялаудамын. Мақсат қазақша пайдалы контентті көбейту, КерекИнфода сапалы пост жазуды дамыту, бірігіп бір команда болып жұмыс істеп көру.

Байқау қалай өтеді?
Бірнеше тақырыпта материалдар дайындалады. Байқау бірнеше турдан тұрады. Әр тақырып өзінің тур күнінде жарияланады. Кейін барлығының жалпылай қортындысы шығарылып, үздіктер анықталады.

Тақырыптар қандай?
Әрі қарай