18-36 жас аралығындағы әр қазақстандық футболдан Ұлттық Құрама қатарына шақырылуы мүмкін

Блог - Rafaello: 18-36 жас аралығындағы әр қазақстандық футболдан Ұлттық Құрама қатарына шақырылуы мүмкін

Әлем Чемпионатына іріктеу кезеңін 3 ұпаймен аяқтаған Ұлттық Құрамамыздағы кадр мәселелерін шешу мақсатында Ұлттық Желі Белсенділері және Мультитақырып Сарапшылар қауымдастығы жаңа ұсыныс әзірледі. Мамандардың пікірінше Құрамаға 18 бен 36 жас аралығындағы әр қазақстандық шақырылуы тиіс. Құрама қатарына шақырылатын адамдар 31 желтоқсанға дейін жергілікті футбол федерацияларына медициналық анықтама және жеке құжаттарын тапсырулары қажет. Әлбетте кей әлеуметтік топтар, денсаулығы жарамсыздар және көпбалалы әкелер бұл міндетті шақырудан тыс қалады.

Естеріңізге сала кетейік, бұл әзірше тек жоба күйінде ғана. Қоғамдық талқыдан өткеннен кейін ғана қабылдануы мүмкін нәрсе.

Сондай-ақ жиын барысында басқа да мәселелер және жаңалықтар айтылды:

— Ұлттық Құраманың қазіргі ойыншыларының кей біреулері отбасыларынан Ұлттық Құрамада ойнайтындарын жасырады екен;
— Оқу білмейтін ұлына Англияның Челси командасын Қазақстан деп айтып келген әке баласы мектепке барғаннан кейін асылып өліпті;
— Психологтар Ұлттық Құрама матчтарынан зардап шеккен жанкүйерлерге сенім телефоны арқылы қолдау көрсетуге дайын екендерін мәлімдеді;
— Белсенділер мешіт имамдарын да халыққа психологиялық және рухани көмек көрсетуге шақырды;
— 6 матчтан тұратын жеңілістер сериясы Армениямен тең ойыннан кейін бұзылған бас бапкер Бородюк келесі жылы жаңа жеңілістер сериясын бастамақшы;
— Ұлттық Құраманың соңғы 2 голын соққан Бауыржан Тұрысбекке депутаттық ұсынылмақшы;
— Балалар үйінің тәрбиешілері ұлттық құрама футболшылары қонаққа келмесе дейді. Балалар онсыз да өмірде жаралы;
— Әлем чемпионаты іріктеуінде өз тобында соңғы орын алған Ұлттық Құрама енді бағын Жайдарманда сынап көрмек;
— Дания, Черногория, Армения, Польша, Румыния… Ұлттық Құрама футболшыларына әсіресе Черногория табиғаты мен румын қыздары ұнапты;
— Ресейдегі Әлем Чемпионатына қалайда тегін барғысы келетін Қазақстан Құрамасы футболшылары волонтерлер құрамына енуге өтініш жіберді;
— Ел имиджі және ұлт денсаулығына нұқсан келтіруіне байланысты Ұлттық Құрама ойындарын теледидардан көрсетуге тыйым салынуы мүмкін;
— Ұлттық Құрамаға Мессиден қолдау: Біз де шыға алмайтын сияқтымыз…
— Youtube Қазақстан футболына қатысты барлық видеоларды өшірді;
— Қайрат клубы басшылығы Ұлттық Құрама сапында 3 ойында 2 гол соққан Бауыржан Тұрысбек өздерінің ойыншылары екенін естіп, таң қалды;
— 6 жеңілістен кейін 1 ұпай ала алған Бородюк бапкер Футбол Федерациясына 2 жылдық келісімшарт ұсынды;
— 2017 жылы ешқандай жеңіске жете алмаған Ұлттық Құрама жылды жақсы аяқтау мақсатында №51 мектеп-гимназиясының қыздар командасымен жолдастық матч өткізетін болды;
— Қазақстан Ұлттық Құрамасында ойнатылып жүрген украиналық Малый атты азамат өзін құтқарып алу туралы елшілікке хат жазды.
Әрі қарай

Қазақстан - Дания матчы қалай аяқталады?

Футбол, тек қана футбол!: Қазақстан - Дания матчы қалай аяқталады?
Қазақстан футбол федерациясы Қазақстан мен Дания құрамалары арасындағы ойынға кіретін билеттің бағасын бекітті. Баға 1000 теңгеден басталады.

Футболдан 2018 жылғы Әлем Чемпионатының іріктеу турниріндегі Қазақстан мен Дания құрамалар арасындағы матч 2017 жылдың 10 маусымында Алматы қаласындағы Орталық стадионында өтеді.

Бұл матч Қазақстан Ұлттық құрамасы үшін Әлем Чемпионатының іріктеу турнирінде өз алаңында өткізетін үшінші кездесу болмақ. Алғашқы екі ойында біздің футболшылар Польша және Румыния құрамаларымен тең түскен еді.

Алматы қаласының Орталық стадионына 24 мыңдай жанкүйер сыяды. Қазақстан мен Дания матчындағы ең төменгі баға 1000 теңгені құрайды. Ең қымбат билет батыс трибунадағы VIP-орындарға тиесілі. Олардың бағасы — 15 мың теңге.

Билеттерді www.ticketon.kz, www.zakazbiletov.kz, www.kff.kz сайттарында онлайн сатып алуға болады. Сонымен қатар, Алматы қаласының Орталық стадионының кассаларында сатылады.
Әрі қарай

Кіржиген көзқарас: Жайдарман. Маусымашар. 2 күн

Өнер-білім бар жұрттар: Кіржиген көзқарас: Жайдарман. Маусымашар. 2 күн
Жайдарман тақырыбына арналған бүгінгі екінші жазба маусымашардың екінші күнін (тікелей байланысты қарасайшы, а) қамтиды. Қатардағы көрермен ретінде, өзімнің алған сезімдерімді ортаға салуды жалғастырамын.
Залдан әзіл есту телеэфирден қарағандағыдан өтімділеу болып келеді екен. Өзінің бір аурасы бар, монтажсыз – шынайы, ішкі атмосфера. Көрермен де ризашыл, ілтипаттылау екенін ескеру керек, залдың біраз бөлігін жайдарманшылар (һәм олардың жанкүйерлері, достары) алып отырды. Өз ләззатымен ышқына күлген еркектерге қосылып, еріксіз жымияды екенсің. Екінші жағынан, бұл күнге жинақталған командалардың ішінде тәжірибелілеулері көптеу болған шығар.

Бұл күнгі гала-концерттің кей әзілдері есіме түспеуі мүмкін, дей тұрғанмен, ел алдына шығу құрметіне/жауапкершілігіне ие болған командаларды атамай кеткен де (қайбір риза дейсің бірақ, мұндай себеппен аталғандарына) болмас. Негізі, бұл күні көп командалардың есте қаларлық бір ерекшеліктері болды, саналы түрде өздері соған ұмтылған да шығар.
Әрі қарай

ЖАЙДАРМАН, Жоғары Лига, жартылай финал, 1 - күн, 5.10.2014

Әлқисса…
Былтыр, Жоғары Лиганың жартылай финалында Жастар Сарайында Оралдың «Назар аудар» атты командасы залды тұрғызып жіберген. Биылғы жартылай финал да осал болмады. Әлбетте, біз тек бірінші күн туралы айтып отырмыз…
Әрі қарай

Қиялымдағы Ұлттық Құрама

Ұлттық Құраманың әр жеңілісінен кейін айтылып жатады ғой «тек қазақтар ойнау керек» деп. Шынымен солай болса қалай болар еді? Қиялдап көреміз бе?

Мен мынадай нұсқа жасап көрдім:

Футбол, тек қана футбол!: Қиялымдағы Ұлттық Құрама

Қақпада: Самат Отарбаев
Қорғаушылар: Данияр Мұқанов, Самат Смақов, Азат Нұрғалиев
Ортада: Асхат Тағыберген, Бауыржан Исламхан, Қайрат Әшірбеков, Нұрбол Жұмасқалиев, Ұлан Қонысбаев
Шабуылда: Дәуренбек Тәжімбетов, Таңат Нөсербаев

Қосалқы құрамда: Алмат Бекбаев, Мұрат Мұқашев, Алдан Балтаев, Исламбек Қуат, Мақсат Байжанов, Асхат Борантаев, Жамбыл Көкеев, Абат Айымбетов, Аслан Дарабаев, Қуаныш Бегалин, Тоқтар Жаңғылышбай

Бас бапкер: Талғат Байсуфинов
Көмекшілер: Ойрат Садуов, Асқар Қожабергенов
Әрі қарай

Аида Жанарбекова (Қазақстан қыздар гандболы құрамасының шабуылшысы): Әр спортшының мақсаты – Олимпиада!

Гандбол — қазақ үшін таңсық спорт түрлерінің бірі. Гандбол ойнайтын қазақтар өте аз. Бүгін Гандболдан Қазақстан Ұлттық Құрамасының ойыншысы Аида Жанарбекованы таныстырғымыз келеді. Аида тек спортшы ғана емес, ол КерекИнфоның белсенді мүшесі. Сайттағы логині: Aidakonya

Біз білмейтін қазақтар: Аида Жанарбекова (Қазақстан қыздар гандболы құрамасының шабуылшысы): Әр спортшының мақсаты – Олимпиада!

– Гандболды таңдауыңа не себеп болды? Қашаннан бері айналысып келесің?
– Кішкентайымнан спорттың кез келген түріне бейім болдым. 5 сынып оқып жүргенімде дене шынықтыру пәнінің мұғалімдері Минеева Вера Ивановна және Юсупов Мажит Каримович мені гандбол үйірмесіне шақырды. Сол кезде гандболдан ештеңе білмейтінмін. Мені арнайы шақырғандықтан, жауапкершілікпен қатысып, ойнап жүрдім. Жаттығуды құр жібермейтінмін. Гандболға қызығуыма бапкерім де әсер етті. Ол кісі менің кумирім еді. Соған ұқсағым келді, оның ойы, пікір маған өте қызық болатын. Сондықтан, бар мүмкіндігімді салып жаттықтым. Қазір де сол тәртібімнен айныған жоқпын.
Әрі қарай

Ұлттық Құрамаға Ресей және Беларусьтан 300 футболшы ұсынылды



Футболдан Ұлттық Құрамамыздың сәтсіз ойындарынан кейін бүгін таңертең ҚФЖБ (Қазақстан Футбол Жанашырлары Бірлігі) мүшелері шұғыл түрде жиналып, Футбол Федерациясына ұсыныс тастады. Ұсыныста 2013 жылдың 22 наурызында өз алаңымызда ойналатын Германия матчына дейінгі жүзеге асырылуы қажет іс-шаралар тізімі берілді. Солардың ішіндегі ең маңыздысы — шет елден жаңа футболшылар әкелу.
Әрі қарай

Қазақстан - Австрия матчына барамыз



КерекИнфолықтар, 12 қазан күні Астана-Аренада өтетін Қазақстан — Австрия матчына бірге барайық.

Қай секторда жиналатынымызды кейін осында жазамыз. Бәріміз бірге жиналып, Ұлттық құрамамызға қолдау көрсетейік.
Әрі қарай

Бразилия - 2014 іріктеу ойындарындағы қарсыластарымыз белгілі болды


2014 жылы Бразилияда өтетін Әлем чемпионатының іріктеу ойындарының жеребесі өтті бүгін түнде. Біз С тобына мына құрамалармен түстік:

Германия, Швеция, Ирландия, Австрия, Фарер аралдары.
Әрі қарай

Германия - Қазақстан

Еуропа чемпионатына іріктеу ойындарында бүгін біздің Құрама Германиямен кездеседі, Кайзерслаутернда Фриц Вальтер стадионында. Ойын біздің сағатпен 00:50-де Хабар арнасынан тікелей көрсетіледі.



Ойынға болжам жасап керек емес сияқты. Жаңа бапкеріміз Беранек сиқыршы емес, сондай-ақ біздің қорғаным шебі Абдуллин, Кислицын сияқты "қорғаушылардан" құралғасын бұл шепті қорғаныс деп айтуға да келмейді. Жарақаттарына байланысты Смаков пен Карпович те бүгін алаңға шыға алмайды.
Әрі қарай

Ұлттық құраманың жаңа бапкері: Мирослав Беранек



Сонымен Ұллтық Құрамаға көптен күткен бапкері де сайланды. Ол — чехиялық Мирослав Беранек. Спорт сайттарындағы мәліметтерге сүйенетін болсақ ол бұрын ұллтық құрама бапкерінің көмекшісі болған, 2002 жылы Чехия жастар құрамасын Еуропа жүлдегері қылған. Чехия кубогын және Венгрия чемпионатын ұтқан.

Танымал футболшы және бапкерлер бағаларын өлшеуші сайт Transfermarkt сайтының мәліметіне сенетін болсақ Беранек бұрын Венгрияның Дебрецен және Чехияның Кладно командаларында бапкерлік жасаған. Ал БАҚта жазылған басқа командаларда ол көмекші бапкер қызметін жасаған сияқты. Соңғы жұмыс орны Кладно командасы, Чехия 1-лигасының аутсаудерлерінің бірі.

Сонымен тағы да белгісіз, табыссыз, шетелдік бапкер. Қабыл алыңдар, құтты болсын!
Әрі қарай