кешегі неміс порносын көре алмай қалғандарға

Еуропа чемпионатына іріктеу ойындарында бүгін біздің Құрама Германиямен кездеседі, Кайзерслаутернда Фриц Вальтер стадионында. Ойын біздің сағатпен 00:50-де Хабар арнасынан тікелей көрсетіледі.



Ойынға болжам жасап керек емес сияқты. Жаңа бапкеріміз Беранек сиқыршы емес, сондай-ақ біздің қорғаным шебі Абдуллин, Кислицын сияқты "қорғаушылардан" құралғасын бұл шепті қорғаныс деп айтуға да келмейді. Жарақаттарына байланысты Смаков пен Карпович те бүгін алаңға шыға алмайды.

Түрік тіліндегі бір сайттарды ақтарып отырып, «Қазақстан және футбол» дейтін тақырыбы бар жазбаға көзім түсті. Жазба ертеректе, дәлірегі біздің алаңда Түркиямен ойналған Еуро-2012 іріктеу турнирінен бір күн бұрын (02.09.2010) жарияланыпты. Десе де онда жазылған жайттар әлі де күн тәртібінде деуге болады. Қысқасы, жазбаны қаз-қалпында, мұртын баспай тек сөзбе-сөз аударып, ұсынуды жөн көрдім:
«Ұлттық құрамамыз жаңа үмітпен бастағалы отырған Еуро-2012 іріктеу турниріндегі ең алғашқы ресми матчын Қазақстанға қарсы өткізбек. Қазақстан футболы пәлендей маңызды көрінбегенімен бізге аса таныс емес мемлекет. Қазақстан жайында біраз мәлімет алу үшін сол жақта өмір сүріп жатқан қандасымыз Акын Күрекчіден білгендерімен бөлісуді өтіндім. Бекер обалы не, өтінішімді екі етпеді. Акын — Әл-Фараби атындағы Қазақ Ұлттық Университеті, математика факультетінің түлегі. Аталмыш мемлекетке 2000 жылы аяқ басып, 2005 жылы университетті тәмамдаған, сондай-ақ бес жылдан бері сол елде қызмет етеді. Әңгімені ары қарай созбай, сөзді Акынның өзіне берейін.
«Қазақстан 2010-ӘЧ іріктеу турнирінде ағылшындармен бір топта-тұғын. Уимблидегі матчта ағылшындар қарсыласын 5-1 есебімен жеңді.
Қазақстан — Кеңес Одағынан бөлініп шыққан Орта Азиялық республикалардың ішіндегі аумағы ең үлкен мемлекет. Шығысында Қытаймен шекаралас бұл мемлекеттің батысы Каспий теңізіне дейін созылып жатыр. Еуропаға жақындығы ескеріліп, 2000 жылдың басындағы өтініші қабыл болып, 2006-ӘЧ іріктеулеріне Еуропадан қатысқан-ды. Кездейсоқтық болар, Кеңес Одағынан бөлініп шығысымен он минуттан кейін егемендігін таныған Түркиямен ол жолы да бір топқа түскен-тұғын. Түркия болса екі матчта да айтарлықтай есеп айырмасымен ұтқан болатын
Қазақстандағы спортқа көз жүгіртіп көрелік. Қазақстанда аяқдопты халық қаншалықты сүйсе де елдегі №1 бірінші спорт деп атауға келмейді. Бұл елдегі Тур де Франсқа қатысқан мемлекеттің бас қаласымен аттас «Астана» велокомандасы мұнда велоспорттың кең тарағанының айғағы. Бұл саладағы ең атақты спортшысы Александр Винокуров. Орайы келгенде айта кету керек, Астана қазақ тілінде елорда дегенді білдіреді. Екінші орында бокс, Олимпиада ойындарында қазақ спортшылары медальдың денін осы сала бойынша еншілейді десек артық айтқандық емес.
Ақтөбе- Тель Авив матчынан бір абзац.Капитан Самат Смақов және Мұрат Тілешев.
Қазіргі Қазақстан футболына келсек, елдің Премьер Лига деп аталатұғын басты футбол бәсекесіндегі командалардың жалпы саны он екі. Жыл сайын бұл лигамен үш команда қоштасып төменнен үш команда қосылып отырады. Ресеймен шекаралас аймақтағы Ақтөбе қаласының шаһармен аттас командасы біраз жылдан бері лигада басымдық танытып келеді. Ағымдағы жылы аталмыш команданың Чемпиондар Лигасында Тель Авивтік Хапоеэль алдын ораса, Еуропа Лигасында АЗ Алкмаармен жұптасты.
Сыртта 2-0-мен жеңіліп, өз алаңында 2-1-мен жеңсе де, қалағандарын қолда ете алмады.
Шынын айтсақ, Қазақстан Лигасына пәлендей қызығушылық жоқ, билеттері арзан болғанымен трибунасы анау айтқандай толы болмайды. (Естеріңе сала кетейік, бір кездері Галатасарай мен Бешікташта доп тепкен Мехмет Аксу бес-алты жыл бұрын Астаналық «Жеңіс» сапында ойнады.)
Лига ойындары ауа райына орай Ресейдікімен бірдей уақытта басталып, бірдей уақытта демалысқа шығады. Қазақстанда ауыз толтырып айтатындай бір жұлдыз жоқ. Бір кездері Ресей командаларында ойнаған Руслан Балтиев бар. Өткен жылы «Тобыл» фомасын киген-ді, биыл қош айтысты. Қазір де ұлттық құрамаға әрең-әрең енген Самат Смақовтан басқа қазақстандық футболсүйерлердің табынатынындай бір футболшы жоқ деуге болады.
Қазақстан ұлттық құрамасында маңыз беруге тұрарлық аяқдопшылар Лиганың ең мықты командасы «Ақтөбенің» шабуылшысы Мұрат Тілешев пен өткен жылы іріктеулерде Галатасараймен жолы түйіскен «Тобыл»командасының орта алаң ойыншысы Нұрбол Жұмасқалиев. Қазақстан футболы пәрменді бір бастаманы қажет етеді. Менің ойымша елдегі футболдың дамуы үшін елдің негізгі екі шаһары Алматы мен Астана клубтары «Қайрат» пен «Локомотивті» күшейту керек сияқты. Бұл екі командадан басқаларының шетелден аяқдопшы әкелуі қиын секілді көрінеді. Бас жаттықтырушы Қазақстанға келгенге дейін тек жәрдемші рөлін атқарып келген қырық жеті жасар ұлты неміс Бернд Шторк. Жасанды көгал болса да Қазақстан құрамасы бізді пәлендей тықсырады деп ойламаймын.
Матч ойналатын стадион Астана Арена — үсті ашылып жабылатын, отыз мың кісілік стадион. Sembol İnşaat дейтұғын түрік компаниясы 3,5 жылда салған бұл стадионның бюджеті 160 миллион еуроны құрайды. Бұл стадиондағы бізді бөгейтін нәрсе – жасанды көгал. Қазірден баспасөзімізден керексіз көгал дауын еститін секілденемін.
Стадионның тұсаукесері 2009 жылы ел президенті Нұрсұлтан Назарбаевтың туған күніне және Астананың елорда атанған күніне сәйкестендіріліп, 6-шілдеде өткізілді. Қазіргі елорда жаңа шаһар болғандықтан сол жылы басталған үлкен жобалардың тұсаукесері аталмыш датаға орайластырылады. Мәселен, үстіміздегі жылы әлемде қайталанбайтын ең алғашқы үлгілердің бірі Хан Шатыры ойын-сауық орталығы ашылды. Астана мидай жазық далада орналасқандықтан және бұған қоса қысы өте қатты, -40 градус аязды болуы себепті халықты аталған шаһарда ұстай білу үшін соңғы үлгідегі технологиямен миллиардтаған доллар жұмсалып, заманға сай қала жабдықталуда.
Қазақстанға келгеніңізде барлық жерден көзге ілінетін 2030 цифрын әңгіме етіп, жазбамды тәмамдайын. Қазақстан 2030 жылы дүниедегі ең дамыған елдердің бірі болуды мақсат етеді. Ол үшін қолдарындағы көмір, мұнай, уран және басқа пайдалы қазбалардың қоры жете ме о жағы бір Құдайға мәлім, десе де мектепте оқып жүргенде суқанымыз сүймейтін Менделеев кестесіндегі бүкіл элементтерді Қазақстан жерінен табуға болады».

түпнұсқасы мына жерде www.365gunspor.com/haberdetay_42427_Kazakistan-ve-Futbol.html

Өткен сенбі біз Sefire-i alem дейтұғын ұйымда "Әзербайжанды танытым күні" өткен-тұғын. Әзербайжан қыздар жоғары демегенмен, көңіл тоғайтарлық деңгейде дайындалыпты. Мынау соның суреттері. Жасыратын несі бар, бұрын бұл мемлекет туралы үш-ақ нәрсе білетінмін. Мұнай көп ел, астанасы — Баку және президенті Ильхам Әлиев. Бекер обалы не, ұйымдастырушылардың слайд шоуының арқасында көп нәрсеге қанықтық.
Енді Қазақстанды танытым күні сәуірдің ортасында. Мынауский жоба жасаймыз деп біздің қыздар білекті сыбанып отыр. Арық айтып, семіз шыға алсақ игі.
Мынау содан суреттер:

Аймақтарды жан-жақты дамыту, аудан-ауыл тұрғындарының әл-ауқатын арттыру — қашанда мемлекет башылығының жіті назарында, қатаң қадағалауында екендігі белгілі. Осы ретте біз Елбасының қойып отырған тапсырмаларын орындауда, Жолдауларды жүзеге асыруда аймақтардың қазіргі аяқ алысы қандай деген сауалға жауап іздеп көруді жөн көрдік… Бұл жолғы зерттеу нысанамызға – Маңғыстау облысы түсті. Сонымен көріп, білгеніміз, ойға түйгеніміз мынау. Бүгінгі Маңғыстау облысы – жан-жақты дамыған, заманауи талаптарға сай жұмыс істейтін ірі өнеркәсіп орталығына айналған. Газы мен суы тартылып, балабақшасы ашылып, еңселі білім ошақтары бой көтерген қазыналы түбекте халықтың жан басына шаққандағы жалпы ішкі өнімінің көлемі 18 мың АҚШ долларына жеткен. Осылайша Маңғыстау еліміз бойынша әлеуеті артқан, бизнес үшін қолайлы үздік 3 аймақтың қатарына еніп отыр. Маңғыстауда тағы нендей жаңалық бар? Қарапайым қараның тұрмысы қалай деулеріңіз мүмкін? Бұл сауалдардың жауабын осы өңірден оралған тілшіміз Аида Қыдырбайқызы беруге тырысады.

Бүгін Антальяның орталық стадионында Қазақстан мен Беларусь құрамалары кездеседі. Естеріңе сала кетейін, биыл құрама қатарына Самат Смақов, Давид Лория секілді ардагерлер қайтып оралды. Трансляция болады дегенді естімеппін. Егер ойын телебездірден көрсетеді деген ақпараттарың болса, каментке жазыңдар.

Кекілді кері қайтарған сайлаудың самалы күн санап күш жинап келеді. Аптаның соңын ала бере, Орталық сайлау комиссиясы алдағы науқанның амал-шарттарын анықтап тастады. Комиссия төрағасы Қуандық Тұрғанқұлов сайлауға түсетіндердің додаға шашатын ақшасының 431 млн 973 мың теңгеден аспауы тиіс екенін ескертті. Қалта қамынан бөлек, үміткерлер еліміздің 14 облысының кем дегенде тоғыз облысында тұратын 91 мың сайлаушының қолын жинауы керек болады. 

Алматыдан Азиаданың иісі шығады. Дәлірек айтқанда алматылықтардың бойынан Азиаданың бір элементін көруге болады. Азиада басталғалы бері Азиада белгісі бар тоқылған бас киім, шалғы киіп жүрген жастарды көрдім.

Сонымен қатар көшеде қызыл киім киген Азиада волонтерлері де жиі көзге ұшырасады. Стадион маңында көк ту сатып тұрады. Көптеген алматылықтардың көліктерінен де көк туымызды байқадым. Өткенде көше ортасында бір жігіт туды желбіретіп жүгіріпжүргенін де көзім  шалған.
Сосын базарда Ирбидің суреті бар пакет ұстаған жандар. Әйтеуір айналамның бәрі бір сәтте Азиада болып кетті. Мүмкін Алматы көшесінде аз жүруім керек шығар
Фурмановтағы Орталық Мұражайда мынадай көрме болып жатыр екен. Жолай соға кетіп едім. Ол туралы Айжанәдемі фоторепортаж жасаған. Менікі жай әшейін түсірген видеоларды жинастыра салып едім.
пысы. көрмедегі заттар шынымен де әдемі екен. Бағалары да онша қымбат емес сияқты көрінді.
urimtal.wordpress.com/2011/02/05/%d0%b0%d0%b9%d0%bd%d0%b0%d0%bb%d0%b0%d0%bc%d0%bd%d1%8b%d2%a3-%d0%b1%d3%99%d1%80%d1%96-%d0%b0%d0%b7%d0%b8%d0%b0%d0%b4%d0%b0-%d0%b1%d0%be%d0%bb%d1%8b%d0%bf-%d0%ba%d0%b5%d1%82%d1%82%d1%96/

Қазақстанда Азиадада тапсырылатын сый комплектілерінің дизайнын жасау төрт жыл бұрын басталып кетіпті. Бұл туралы Tengrinews.kz тілшісіне VII Қысқы Азия ойындарының креатив директоры Тигран Тунеянц хабарлаған екен.
Дизайнердің сөзіне қарағанда, оның командасы Азиаданың өзіне тәні сипат-стилистикасының үлкен бөлігін жасап шыққан. Жекелеп алғанда, олар жарыс талисманының эскиздерін, логотипін жасап, түстік гаммаларын белгілеген және жарнамалық материалдардың бір бөлігін өз мойындарына алған. Ал негізгі жұмыстары медальдардың дизайнын жасау болыпты.

Қысқы Азия ойындарындағы шайбалы хоккейден жоғары дивизиондағы ерлер командаларының тартысы басталып та кетті. Кеше біздің құрама командамызбен Қытай елінің құрама командасы өзара бақ сынасты. Ойынның қалай өрбігінін өздеріңізде байқаған боларсыздар.Есеп 14-1, Қазақстан құрамасының пайдасына.
Менің айтпағым осы ойыннан кейінгі тілшілердің ойыншылардан алған сұхбаты жайында. Хоккей құрама командамыздың каптитаны Талғат Жайлауовтан сұхбат алу барысында тілші мынандай сұрақты қойып қалды, “Қақпамызға 1 шайба кіргізіп алуымыздың басты себебі не?”. Тілшінің де өз білгені бар шығар. Бірақ спорттың аты спорт, ойынның аты ойын.ірі есеппен жеңіп тұрып бұл сұрақты қоймаса да болар еді менің ойымша. Оның орнына, “Жапония құрамасының ойындарын тамашаладыңыздар, осы мықты командаға қарсы қалай ойнамақшысыздар?, Ойындарынан осал тұстарын байқадыңыздар ма?”дегендей сұрақтар қою керек еді. Бұның бәрін ИМХО деуші ме еді…