Құрбан айттарың қабыл болғай құрметті бауырлар!!! Алла тағала барша еткен құлшылық-ғибадаттарыңыз бен ниеттеріңізге қарай жақсылықтан жазсын!!! екі дүниенің бақыты мен екі дүние жәннатын сіздерге нәсіп еткей!!! әр уақыт Хидает пен Бейбітшілікте өмір сүруімізге Аллахым тағдырға жазғай!!! еліміз аман, деніміз сау болып, қоғамымыз гүлденіп, болашағымыздың қызығын көрейік!!!

Менің нәпсім менен насихат сұрады. Мен оған жауап берейін, алайда қызығушылық танытқанға аз да болса пайдам тиер деген үміттемін.
Ұстазым айтқаны бар: "Өмір капиталы өте аз, ал орындау керек болған істер өте көп". «Мен өз нәпсімді насихатқа ең мұқтаж деп білемін».

Сабырлық діндегі мақамдардың бірі, дін жолына түскен жандарға берілетін дәрежелердің бірі. Діндегі жалпы мақамдардың барлығы үш негізге сүйенеді: таным, жағдай және амал ету. Әр мақамның анықтамасы ара-жігіп ажыратпай оны айқындай алмаймыз. Әрбір айқындалған мақам жағдайы анықталады. Ал, жағдай амал етуге себі тиеді. Демек, таным бейне бір ағаш, жағдай оның бұтақтары тәрізді. Ал, амал оның жемісі іспетті. Келесі кезекте Аллаһтың жаратқан үш түрдің: періште, адам және жан-жануар арасындағы сабырдың орны қандай? Сабырлық тек адам баласына тән қасиет. Сабырлық жан-жануарда және періштеде жоқ. Жан-жануарда болмау себебі, ол ақылсыз жаратылыс. Ал, періште бойында сабырлықтың болмауы, ол Аллаһтың кемел туындысы. Демек, сабырлық ақылы бар, алайда кемелдікке өз талпынысымен жетуі керек болған жаратылысқа қажет. Ол жаратылыс адамзат.

Ханафи мазхабтың ұлттық құндылықтарымызбен үйлесуі.
Фиқхи мазхабтардың бір-бірінен айырмашылығына пайдалану әдістері не хадистердің түрлі риуаяттармен келгендігі негізгі себептер болуымен қатар, мазхабтың қалыптасу мекендегі әлеуметтік ортаның әсері де белгілі мағынада әсері болған. Мазхабтардың айырмашылығы жайында көптеген зеріттеулер жүргізілу барысында, оның қалыптасуында әлеуметтік негіздердің әсері және орны назардан шет қалып отырды.

ҚҰРАН ЕКІ ДҮНИЕ САҒАДАТЫ
Алла тағала құран кәрімді пайғамбарлар мен елшілердің соңғысы әрі сардары Мухаммедке (с.ғ.с.) адамзатты хақ жолға және иман нұрына бастау үшін жіберді. Маида сүресінің 15-16 аяттарында:
قد جاءكم من الله نورٌ و كتابٌ مبين يهدي به الله مَن اتبع رضوانه سبل السلام و يُخرجهم من الضلمات إلى النور بإذنه و يهديهم صراط مستقيم.

«Расында сендерге Алла құзырынан нұр мен айқын кітап (Құран) келді. Онымен (кітаппен) Алла Өз ризалығын іздегендерді тура жолға бастайды. Және оларды зұлыматтан нұрға шығарып, тура жолға салады»,-деп айтқан.
Алланың кәләмі болған бұл кітап адамзат игілігіне қажет күллі дүниені және оларды бақытқа жетелейтін әрі адасудан құтқаратын үкімдерді қамтиды. Кімде-кім бұл кітапты берік ұстап, оны тиләуат етуге, терең мағынасына ой салуға ұмтылса, ондағы пәрмендерді бұлжытпай орындаса бұл дүние және ақирет бақытына қол жеткізеді. Ал, кім бұл иләһи сөзге, яғни құранға құлақ аспай, теріс айналып кетсе үлкен бақытсыздыққа және орасан зор шығынға тап болары анық. Исра сүресінің 9-10 аяттарында Хақ тағала:
إن هذا القرآن يهدي للتي هي أقومُ و يبشر المؤمنين الذين يعملون الصالحات أنّ لهم أجراً كبيرا و أن الذين لا يؤمنون بالآخرة أعتدنا لهم عذابا أليما.
«Расында бұл Құран ең тура жолға жетелейді. Сондай-ақ, ізгі амал жасаушы мұсылмандарға үлкен сауап барлығын сүйіншілейді. Ал, ақыретке иман етпейтіндерге (Біз) ауыр азап әзірледік»,-деп әмір етеді.
Алла тағала бұл құранды тиләуат етуді, мағынасына терең бойлауды, үкімдеріне амал етуді және һидаятынан мықтап ұстауды әмір етуде. Сондай-ақ, құранды оқып, үкімдеріне амал еткен жандарға мол сауап және жәннаттан жоғары дәреже уәде еткен.
Құранды тиләуат етуші және үкімдерін орындаушы мұсылманға берілетін фазилеттер жайлы Пайғамбарымыздың (с.ғ.с.) хадистеріне тоқтала кетейік.
Сахаба Ибн Масуд (р.а.) пайғамбарымыздан (с.ғ.с.):
منْ قرأ حرفا من كتاب الله فله حسنة و الحسنة بعشرة أمثالها لا أقول: الم حرف و لكن ألف حرف, و لام حرف, و ميم حرف.
Мағынасы: «Кім Алланың кітабынан бір әріп оқитын болса, оған бір сауап беріледі. Ал, сауап он еселенеді. Мен: Алиф, Лам, Мим бір әріп деп айтпаймын. Бәлкім: Алиф бір әріп, ләм бір әріп, мим бір әріп»,-деп айтқан. Демек, Алиф, лам, мимге отыз сауап.
Ал, хазіреті Абдулла ибн Амр (р.а.):
يقال لصاحب القرآن: اقرأ و ارتق و رتّل كما كنتَ ترتل في الدنيا, فإنّ منزلتك عند آخر آية تقرؤها.
Мағынасы: «Құран иесіне (жаттаған адамға): оқы да жоғарылай түс және дүниеде мәнерлеп оқығаныңдай оқи түс! Расында сенің жәннаттағы мекенің соңғы оқыған аятыңның орны»,-деген хадисті жеткізген.
Құран иесі дегеніміз: үнемі тиләуат етуші, жаттап жүруші, мағынасына мән беруші және амал етуші мұсылман. Міне, мұндай мұсылман Құран аяттарын жат алумен, үкімдерін амалға асырумен және Құран әмірлерінен шет шықпаумен өзіне жәннаттан мекен әзірлейді.

Білсең егер, бауырым,
Білімсіздік – ауыру.
Құран, Сүннет – дәрісі,
Аурудан керек арылу.
Болып жүрсең әбігер,
Ғалым деген дәрігер.
Құран менен Сүннеттен,
Тауып берер дәрілер.

Ибн әл-Қайим өзінің әйгілі өлең шумақтарында ұлы сөздерді айтқан болатын: “Надандық — өлімге апаратын ауру, оның шипасы екі нәрседе: Құран мен Сүннет – бұл дәрі, ал дәрігері – дана ғалым!” (Қараңыз: “Шәрху усули сәләсә” 18).

«Расында мен өзімді еркінмін деп санай аламын ба?» немесе өзіме бір насихат.
Сонымен, өз еркімнің барлығы тек өз қолымда деп ойлама!
Назар салсаң әлемге,
Қонақ үйге ұқсайтын жай табарсың әлбетте.
Байқарсың көздерімен парасаттың,
Ешбір зат тұрмас босқа мағынасыз, мақсатсыз қаралмайтын.
Өзіңе назар салсаң бұл тұрғыда,
Қалайша мағынасыз жаратылдың?
Барлық пенде, әр адам бұл жалғанда
Жолығады, әрине үш сұраққа.
Сен кімсің? — ақыл дейді иесіне,
Неліктен жаратылдым бұ дүниеде?
Сұрақтың біріншісі осы болар,
Бас қатып ойланумен кісі тұрар.
Іздейді ол жауапты тіміскілеп,
Ғылымнан жауабын мен табармын деп.
Ғылым мен салаларын көп зеріттеп,
Неден тәні жасалды соны тапты.
Алайда мұның өзі тым күрделі үрдіс екен, түбіне әлі де жете алмапты.
Ал рухқа, жанға пенде назар салса,
Алланың сыры екенін ұғынады.
Тылсым күш секілді рух тәнімізде,
Белгісіз қалай, қандай оның болмысы.
Бұл ғажап қонақ үйде адам баласы,
Бейне бір кіші әлем боп табылады.
Жанары ашылғанда алғашқы сәт,
Келгендей көктем кезі жылу тарап,
Жаңа өмір, жаңа кітап ашылғандай,
Сәби бір Алланың мұғжизасы екендігі айқындалады.
Екінші сұрақ ақыл қойды иесіне,
-Қайдансың деген сауал бұл үлгіде.
Анамның жатырынан дерсің әлі,
Алайда рухың сенің болды мәңгі.
Тәнің ғой заманына тәуелді екен,
Бұлшықет құрайды оны сүйекпенен.
Қадамын басып жүрген бұл денеміз,
Онымен жазған сәтті өткіземіз.
Уақыты аз қалғанда ол әлсіреп,
Қартайған шаққа шынында тез жетеміз.
Демек біз жәннат үшін жаратылдық,
Сонан Алла бізге берді тағаттық.
Жалғасы енді болады…