Бұл жерде көбіңіз бар, азыңыз бар,
Ұзын шашты, бұйра шаш, тазыңыз бар.
Ал құрметті халайық, тоқтамастан,
Жазыңыздар комментті жазыңыздар!!!

Бүгінгі күннің ауырын-ай! Лекторлар не үшін қасына 1 литрлік су қойып қоятындығын бүгін толық түсінгендеймін!

Оятқыш шырылынан ояндым. Сағатқа қарасам, 10.36 екен. Өшіріп қайта жата бергенімде, апам(әжем):
— Әй, бастық-батыр(Үйде әжем солай атайды) бүгін лекциям бар деген едің ғой — деді.
— Ой, әкемнің үлкен баласыыыыыы, ұмытып кетіппін ғой, Қозы (інім), шалбарымды әкелші — деп жатырмын ішімнен.:)

Таң қаламын! Адам жата беріп те жалығады екен! Әйтпесе, интернет, тамақ, көрпе-төсек, кітаптар, Шымкенттің қақ ортасында пәтерім бар! Алматыдан қуып жіберсе, әйтеуір, далада қалмасымды білем!

Биыл алдыңғыдан өзгеше қыс болды. Шымқалаға келген күнім +10 бар еді, шамасы… Келесі күндері қар жауды дейсің, қарға қарық болып қалдық. Әдетте кішкене жауып тоқтап қалатын қарымыз, күнімен-түнімен тоқтамады. Ақыры, қардың биіктігі 60см болды! Халық у-шу! „Не боп кетті өзі?„ деп таңқалысуда. Соңғы 5 жылдықта (қателеспесем) болмаған қар болды. Тас жолдарда қар кіртік-кіртік болып тұрып қалды…

Таксиге тоқтатайын дедім. Қызыл түсті Opel Vectra келіп тоқтады. Аққұба реңді, қырлау мұрынды кісі есікті ішінен ашты.
— Қайда барасың, бауырым? — деді.
— Огонек. Тоғызқабатты басқарманың алдына -дедім қолымды үрлей.
— 500 болады!
— Ой братан, қымбат айттың ғой! 300ге баратын жер ғой мынау тұрған — дедім ортаңғы үш бармағымды көрсете.
— Жолды қарасай бауырым, ешкім бармайды 300ге! Отыр кеттік! — деді қолын маған сермеп.
Бағасы қанағаттырмаған соң есікті жаптым да, кері қарай жүрдім…
Кішкене жүргенім сол еді, әлгі Opel артқа жүріп келді де:
— Ал, отыр кеттік 300ге — деді.
Машинаның ішіне жайғасып алдым. Келе жатырмыз. Әңгіме қызу кетті…
— Бұл шешеңнің… басшылары қайда қарап отыр өзі. Жол болса мынау, әлі тазалаған жоқ. Тым болмаса бөлінген ақшаның жартысын жеп, жартысын жұмсаса болмай ма? Машинам шашылып қалатын болды ғой! — деді ашуланып.
Үнсізбін.
— Осы жолдың басшысы бір рет отырса ғой машинама! Қаладағы бүкіл қотыр жолмен жүре отырып апаратын едім баратын жеріне…
Қызыл Opel тоғыз қабаттық басқарманың алдына келіп тоқтады.
— Рахмет, аға!

Назар аудармаңыздар, інім ғой (анда-санда чашканың ішіне түсіп шомылып алатын әдеті бар):)

Сағат кешкі 6-лар шамасы. Телефоным шырылдап мазамды алды. Pathword нөмір екен. „Кім болды" деймін ішімнен. "Қап, бәлем, біреу-міреу қарызын сұрап жылайын деп жатыр-ау" деп ойладым. Бірақ, соңғы рет кімнен қарыз алғаным есіме түсе қоймады. Көтердім.
— Ассалаумағалейкум Саке?
— Оооо, Ерекеее, уағалейкум ассалам (Ербол Серікбай — termin.kz, surak-zhauap.kz деп аталатын Еуропа мен Солтүстік және Оңтүстік Америкада қолданылмаса да, Азия мен Антарктидада мықты беделге ие сайттардың АДМИНИСТРАТОРЫ, KerekInfoның белді қолданушысы)!
— Бүгін сағат кешкі 8 де Венецияның қасындағы LogyCom деген дүкеннің жанындағы кафеге (Мереке деген кафе. Жазудағы Е, К әріптерінің сбеті жанбай қалған:))кел! — деді!

7-34. Қолымдағы экраны істен шығайын деп тұрған телефонымды алып, Ерболға қоңырау шалдым.
— Алло, Ереке, мен келдім.
— Келіп қалдың ба? Қазір барам. 10 минут!
Тұтқа қойылды.

Далада қар күреп жатқан жігіттерге қарап тұрмын! Бір-екеуі қазақ емес сияқты. Әй жарайды, қойшы соны!

Ербол келді. Кафенің ішіне кіріп ішпек-жемегімізді алып әңгімеге кірістік те кеттік! Ерболды сол күні өмірімде бірінші рет көрдім. Түр-сымбаты келіскен, қараторы жігіт (телефонын өзінен сұраңыздар:)). 2 сағаттай ұзақ әңгіме болды. Кафе жабылатын болған соң бір-ақ шықтық.

Кіршік қарды аяусыз басып келем. Жаңағы таксисттің айтқаны рас секілді. Машина түгілі аяғым шашылып қалайын деп зорға жүріп келемін.

Қыздар керек емес пе? — деді бір әйел.
Жоқ! — деппін тауар алғалы тұрған адамдай!
«Астафирулла, сақтай гөр, Жаратқан ием! Сенсіз кіммін? Біліп-білмегендерімізді кешіре гөр!»
Ішімде жиіркеніш лаулап жатыр! Әлгі жерге қайта оралып, әлгі әйелді қарға көміп тастағым келіп тұр. Әрі қарай жүре бердім!

Аптекада «зеленка» жоқ екен! Таусылып кетіпті!

Алдыңғы күні бір қызды көрдім! Ұнады! Көздері тым әдемі сияқты! Еңлік… Есімі де тым әдемі…

Дүйсенбі күні Отырар Университетінде лекциям бар! Содан соң Алма қалаға шығамын Алла қаласа!

Құрметті Шымқаланың блоггерлері және блоггер еместері!
Күні ертең қаламыздағы ордалы оқу орындарының бірі болып саналатын Отырар Университетінде Веб сайттарға байланысты жалпылама лекция оқығалы жатырмын. Қызығушылық танытып жатсаңыздар келулеріңізге болады.
Өту уақыты күндізгі 12:15 шамасында!
Лекция залы белгісіз болып тұрғандықтан толық мәліметті таңертең еңгізетін боламын! Келушілерге есік ашық! Көкейде жүрген сұрақтарыңызды дайындап келіңіздер! Сұрақ-жауапқа арнайы уақыт бөлінетін болады.Сұрақтар қазақ, орыс, ағылшын тілдерінде қабылданады.
Лектор: Садық Шерімбек (Қара Сақал)
Лекция тілі: Қазақша
Өтетін орны: Отырар Университеті
Қазақстан, Шымкент,
Терешкова көшесі, 14
8 (7252) 53-84-53

Бүгін өте жақсы күн болды!

Кейбіреулерге ащы болса да айтайын, Шымкентте театр бар. Жай ғана театр емес, Қазақстандағы жалғыз ғана әзіл және сатира театры. Бас директоры сатираның белді майталмандарынан бірі — Уәлибек Әбдрәйімов.

Сонымен кеше таңертең ОТЫРАРTV каналында Уәлибек ағамыздың интервьюін тыңдадым. Жарықтық, жібереді ғой әңгімені… Сөз соңында жаңа «Бонапарттың үйленуі» атты комедиялық қойылымның болатынын айтты.

Сонымен баяғы Шымкенттік сарынға салып, таныстардан сұрастырып, қойылымға шақыру билетін алдық-ау әйтеуір:)

6:00де басталатын қойылым әдеттегідей 6:32де басталды.

Басталғалы тұр

Ия!!! Оралуыңмен КерекИнфо! Шынында да Дабай.кзке кейбіреулер кері пікір тудырып үлгерген еді. Бірақ қалай болғанда да құлағымыз үйреніп те қалыпты! Жаңа ат — жаңа шыңдармен иықтасады деп үміттенеміз! Алдағы уақыттарда бұл сайттан шынында да көптеген керекті инфо табуымызға, өзімізде бар инфоны жұртпен бөлісуге бар күшімізді салуға тырысамыз! Жарайсың Асау Бота! Аузыма «Админ красава» дегеннен басқа сөз келмей тұр!

Көпшілік ортасында сөйлей білу мәнері — жеке бизнесті дамыту, қызметтік деңгейіңіздің көтерілуі, өз мекемеңізді жоғарғы дәрежеде таныта білу және ең бастысы өзіңізді дұрыс таныта білудің басты факторларынан бірі екені даусыз.
Сіз қаншалықты айналаңыздағы адамдарға өзіңіздің дұрыс әсеріңізді қалдырғаныңыз сайын, соншылықты олар сізді қайта тыңдауға құштар болады. Тарихта өткен барша қолбасшылар, президенттер және атақты бизнес адамдары өздерінің қызыл тіл шеберлігінің арқасында өте үлкен нәтижелерге жетіп отырған.
Бұл жазбада өздерін шешендік өнерде мойындата білген ең мықты ораторлардың кеңестері түйінделген. Осы айтылған кеңестер бойынша өзіңізді тәжірибеден өткізсеңіз, біршама уақыттан соң сіз де айтулы ораторлардың қатарында болуыңыз ғажап емес:

1. Сіз сөйлегелі тұрған аудитория
Сіз мінберге шыққанда, өзіңіз тұрған аудиториядағы адамдар үшін шыққаныңызды ұмытпаңыз. Сіздің барлық ойыңыз, түйініңіз, қимыл-әрекетіңіздің барлығы да соларға бағытталуы тиіс. Сізді тыңдап жатқандарға рухани көмектесіңіз, көңілдерің көтеріңіз болашаққа құлшыныстарын арттыруға тырысыңыз.

Жанұя… Әр буынында жылулық бар қасиетті ұғым. Мен бақыттымын… Осы ұғымға қатысым болғаны үшін, осы ұғыммен батырған кештерім мен атырған таңдарым үшін…
Бүгінгі түн ұзаққа созылды… Ойланумен болдым. Көөп ойландым… Меніңше жанұямды сағындым… Әкемді көрмегелі алты ай болды…
Менің әке-шешем ауылдан тысқары жайлауда тұрады… Ең жақын көршіміз 2 шақырым алыста…
Бұрын өзім жүрген айналамнан бақытты жанұяларды көп іздейтінмін. Бір қызығы өзімнің әке-шешем жөнінде осы мәселеде еш ойланып көрмеген екенмін…
Батыр, Қаһарман деген кімдер өзі? Және не үшін олар сол атқа лайық болды екен?! Меніңше ешкім істемеген немесе істей алмаған құнды әрекеттерді жасау қолдарынан келген адамдар осы бір атауға лайық… Бұлар қайда? Мүмкін ол медицинада емі жоқ деген ауруға дәрі ойлап тапқан ғалым болар… Мүмкін ол ел жолында күресте жанын берген батыр болар?! Бірақ олар шынында да аз ба?..

Қалай айттың ұмытшы деп
Қалай сені ұмытармын.
Кеткен сәтте суып жүрек
Жаным сенен үміт алдым.

Ойлай берсем ой терең-ді
Кінәлайсың текке неге
Осындаймын қайтем енді
Өтінемін өкпелеме…

Мына видеоны көрген соң көлікті жылдам айдау былай тұрсын, көлік айдағым да келмей қалды.

Автомобиль апатынан жылына Қытайда-98470, Үндістанда-94970, АҚШта-43440, Бразилия мен Россияда-34000нан адам көз жұмады екен.

Осыдан біршама уақыт бұрын өз нағашым көлік апатына ұшырады. Үлкен жолдың бойында 160км/сағ жылдамдықпен келе жатып астындағы көлігі қотырдан секірген. Сол кезде нағашым көліктің есігін өзін-өзі ашып сыртқа лақтырған. Машина жол жағасына тұмсығымен түсіп, рөлде отырған досы сол мезетте қайтыс болды.



Ойлан! Біреудің обалына қалып жүрме!