Жыл басында әлемге әйгілі ресейлік модель Ирина Шейктің футбол жұлдызы Криштиану Роналдумен ажырасып кеткені қызу талқыланып еді. Футболшы Роналдудың өмірі, спорттық карьерасы барлығы халыққа белгілі. Ал ару қыз Иринаның осы жетістікке қалай жеткенін біреу білсе, біреу білмес. Ендеше, осы красавица туралы не білеміз.


Өмір жолы


Иринаның тағдыры Золушка ертегісіне ұқсас. Әлемді табындырып жүрген ару Ресейдің Челябинск облысының Еманжелинск қаласында дүниеге келген. Әкесі шахтада кенші болып жұмыс істген. Анасы музыка пәнің мұғалімі. Шағын қалада өмір сүрген адамға әлемдік деңгейге көтерілемін деп армандау қиынға соғатыны белгілі ғой. Алайда Ира бала кезінде болашақта ешкімге ұқсамайтын ерекше тағдыр күтіп тұрғанын сезеді. Әр түрлі қиялдарға беріліп, басқа әлемде өмір сүреді екен.

Мектепте оқып жүргенде оның сыртқы сұлулығын бразилиялық супермодель қыздар Адриано Лима мен Анна Беатрис Барроспен салыстыратындар көп болыпты.

Ал Ира 14 жасқа толғанда әкесінің ауруы асқынып, қайтыс болады. Екі қызды дұрыстап бағып-қағу үшін анасы қосымша тағы бір жұмысқа тұрады. Үлкен қызы Татьяна мен кішісі Ирина да аналарына көмектесіп, жақсы оқып, үй жұмыстарына жәрдемдеседі.

Ирина мектепті бітірген соң Челябинскідегі мемлекеттік университеттің маркетинг факультетіне оқуға түседі. Оқумен қатар анасы қызын жергілікті модельдердің студиясына апарады. Ол жердегілер бірден жас қыздың сыртқы келбетін ұнатып, «Супермодель-2004» байқауына қатыстырады. Бұл конкурстан Ирина Шайхлисламова бірінші орын алады.

Қазылар алқасында модельдерді іздеп жүретін скаут, әлемге жаңа жұлдыздарды танымал етудің шебері Гия Джикидзе отырады. Бұған дейін Наталья Водянова, Евгения Володина, Полина Куклина, Ольга Шерердің жұлдызын жаққан маман байқаудан кейін Иринаға келіп өз ұсынысын айтады. Ира бұл ұсыныстан бас тартпайды. Әпкесі мен анасы киімдерін жинауға көмектесіп, жас қыз Парижге ұшады.


Францияда оны жаңа өмір күтіп тұрды. Бұрынғы Ирина Шайхлисламова деген аты-жөнін қысқартып, Ирина Шейх деп өзгертеді. Shayk Париждегі сән агенттіктерінің бірімен келісімшартқа отырады. Агенттік негізінен шет елден сұлу қыздарды табуға әбден маманданған. Басында Иринаға аптасына бар-жоғы 50 еуро ғана төлейді. Парижде бұл ақшаға тек тек пәтер жалдауға ғана жетеді. Сондықтан ақырындап, тамақ жеуді азайта бастайды. Бірақ Ира берілмеуге тырысады. Үнемі кастингтерден қалмай, өзінің болашағына сенеді.

Сол төзімділік пен сенімділік көп уақыт өтпей, өз жемісін берді. Алғаш рет 2005 жылы жаңа белеске көтерілді. Танымал журналдардың бірінің мұқабасына суреті шығады. Ирина 2007 жылы өміріндегі маңызды қадам италиялық «Intimissimi» компаниясымен келісімшарт отырды. Үш жыл бойы осы компанияның бет-бейнесі болып, жарнама роликтерден қалыс қалған емес. 2010 жылдан бастап, аталған брендтің елшісі болып табылады.

Иринаның дене сымбатына қатты қызыққан америкалық атақты спорт журналы «Sports Illustrated» бірге жұмыс істеуге шақырады. Жыл сайын журнал танымал спортшылар мен модельдердің суретімен арнайы жеке номерін шығарады. Міне, осы журнал 2007 жылдан бері Иринаның суретін беруді ұмыт қалдырған емес. Ал 2011 жылдан бастап, мұқабасында шығарып жүр.



Криштианумен махаббаты

Әлемнің үздік ойыншыларының бірі Криштиану Роналдумен махаббаты оның есімін әлемге танымал етті. Әйтпесе 2010 жылға дейін Иринаны көпшілік жұрт біле бермейтін.

Португалиялық футболшымен Emporio Armani жарнамасының түсірілімінде танысқан. Төрт жылдық махаббат романы керемет танымалдылыққа алып келді. Оның өміріне қызғатындар мен жаңа келісімшарттар көбейді. Сондай-ақ өсек-аяңда толастамады.

Жақында екі жұлдыздың ажырасқаны белгілі болды. Батыс журналистерінің жазуынша, Ирина Шейк Роналдудың анасының 60 жылдық мерейтойына қатысудан бас тартқан көрінеді. Кейін екеуінің арасында жанжал болып, әйгілі спортшы қалыңдығымен әрі қарай қатынасты үзетінін айтқан.

Бейтаныс қаладағы өмір

Бірнеше жыл Парижде тұрғаннан кейін Миланға, кейіннен Нью-Йоркке көшіп кетті. Ол жақтан пәтер сатып алды. Анна Вьялицина мен Джессика Уайт секілді танымал модельдермен құрбы болды.

Бала арманым журналист болу еді

– Ешкім білмейтін басқа қандай талантың бар?

– Мен модель болғанша, жеті жыл музыкамен айналыстым. Анам музыка пәнінің мұғалімі. Сондықтан бала күнімнен пианинода өте жақсы ойнадым. Содан өзім ләззат алатынмын. Қыздарға негізі музыкант болған жарасады ғой. Әлі күнге дейін Бетховеннің сонатасын ұнатамын. Сондай-ақ нотаны ұмытқан емеспін. Әрине көбірек қолға алып тұрмаған соң қиын. Қолым шыға бастапты.

ш

Ал негізгі арманым журналист болу еді. Бастысы, кім болсамда туған қаламнан алысқа кететініме сенімді болдым. Бұл менің тағдырым екенін сездім. Ал елден кеткен күні құр қол бос қайтпаймын деп өз-өзіме сөз бердім. Бұл мақсат мені кәдімгідей қанаттандырды. Айтпақшы, модель бизнесіне тек жұмыс ретінде қараймын. Бұл жұмысқа келгендердің көбісі жылайды, шағымданып жатады. Жүйкелері сыр беріп, шыдамай кетеді. Мен карьерамды аяқтағаннан кейін бұл туралы ойлауды ұмытатын боламын. Модель бизнес хоббиім емес. Сондықтан басқа істермен айналысамын. Менің ең сүйікті жұмысымның бірі қаржы саласы.

– Жұмыс, жұмыс… қалай демаласың?


– Міндетті түрде аптасына бір рет моншаға барамын. Нью-Йоркте Фултон-стрит деп аталатын орыс моншасы бар. Бұл монша денемнің тазаруына ғана емес, сондай-ақ отаныма деген сағынышымды басады. Вуди Алленнің киноларын көремін. Мураками мен Достаевскийдің кітаптарын оқығанды ұнатамын.

– Біраз уақыт бұрын киноға түсіп, актерлік қабілетінді сынап көрдің. «Геракл» фильмінде эпизодтық рөл емес, бірден басты рөлді сомдадың. Өзіннің актерлік талантынды сездің бе?

– Шынын айтқанда өте қиын болды. Кез келген кәсіп дайындықты қажет етеді. Менің бұл рөлге келіскенім, орыс тілің жақсы білетін болғандықтан.Paramount pictures студиясымен жұмыс істеген қатты ұнады. Адамдарының барлығы өз кәсібінің мамандары екен.

– Осындай қызықты мамандықтың арқасында біраз қаланы араладың. Соның ішінде қай жер ерекше ұнайды?

– Маған Италия ұнайды. Әсіресе, Милан қаласы. Әлемдегі ең стильді қала деп білемін. Бұл жерде жақсы киінуге болады. Сондай-ақ Нью-Йоркті жақсы көремін. Ол жақтан кез келген іздегенінді табуға болады. Сән әлемінің барлық қызықтары осында.

– Қандай дүкенге жиі барасың?


– Мен қазіргі кезде Нью-Йоркте тұрамын. Сондықтан осы қаланың дүкендерін аралаймын. Менің сүйікті дүкендерім – Scoop, Intermix, Jill Stuart, Blue and Cream. Ал Миланға барғанда Intimissimi-ге соғамын.



– Нью-Йорктегі өзің баратын 5 сүйікті құпия жерді атап өтесің бе?

1.Батыс тас жолы. Өзеннің жаңында орналсқан. Мұнда келіп Нью-Джерсиді қараған ұнайды.
2. Манхэттен мен Бруклински көпірінің арасындағы саябақ. Бұл жерде судың қасына келіп, айналадағы болып жатқан қызықтардың бәрін көруге болады.
3. Менің үйім. Көп уақытымда үйді өткізгенді жақсы көремін. Бірақ өкінішке қарай, көп жұмыс істегендіктен уақытым бола бермейді.
4. жаттығу залы. Аптасына 4-5 рет барамын.
5 Фултон-стрит орыс моншасы. Аптасына бір рет барып тұрамын.

– Sports Illustrated и victoria's Secret өнімдерін жарнамалайсыз. Осындай сіз сияқты сұлу болу үшін қандай кеңестер бересіз?

– Бұл өте маңызды. Өз денсаулығынды күтуің қажет. Мен көп жұмыс істеймін. Боксты ұнатамын. Құнарлы тамақ пен көп су ішемін. Бастысы, бақытты болу керек. Өз сұлулығынды бағалап, күту қажет.

– Ешкім білмейтін қандай құпияларыңыз бар?

– Көңіл күйім жақсы болғанда, күлкілі шығармалар жазамын.

– Қандай мемлекеттерде болғыңыз келеді?

– Мен бұған дейін Мадагаскарға баруды армандаған едім. Осы жұмыстың арқасында былтырғы жылы ол жақта болдым. Қазіргі кезде Жаңа Зеландияға барғым келеді. Бұл мемлекетті суреттен көрдім. Енді, өз көзіммен көрсем деп ойлаймын.

Дайындаған Бек Төлеуов

Инчхондағы Азия ойындары аяқталды. Көңіліміз шат. Жиырма жыл бұрынғы өз рекордымызды жаңарттық. Бізге әзірге үш алыпқа жету қайда? Сондықтан бесінші орынға түсіп қалмай, өз рекордымызды жаңарта беру әлдеқайда маңызды болып тұр. Кезінде 1994 жылы Хиросимада жүлде салғанның бәрі Кеңес өкіметінің спорттық мектебінен шыққандар еді. Ал қазіргі спортшылардың дені өзіміздің төл өнім. Мысалы, жүзу спортынан үш дүркін Азия ойындарының чемпион атанған Баландиннің жасы небәрі он тоғызда.
Бұл Азия ойындары Қазақстан спортының қай бағытта келе жатқанын, кем-кетігі мен артық тұстарын мейлінше көрсетті. Медальды қай спорттан жинауға болатынында түсіне бастағандаймыз. Ең бастысы, 17 миллион халықтың арасынан сары құрлық додасында жүлде алуға қабілетті 84 спортшы шықты. Бұл мақтауға тұрарлық көрсеткіш.



Ал Корея Азия ойындарына қалай дайындалды? қандай спорт кешендері бар деген сұраққа мына суреттермен жауап беріп көрсек:



«Incheon Asiad Main» – осы Азия ойындарына арналып салынған жаңа стадион. Сыйымдылығы – 61,074 адам. Бұл жерде Азия ойындарының ашылуы және жабылуы сондай-ақ жеңіл атлетиканың жарыстары өтеді. Сарықұрлықтың додасы аяқталған соң 30 мыңға дейін кішірейтіледі. Құрлысқа 429 миллион доллар жұмсалған.



«Gyeyang Asiad Archery Field» спорт кешені – нысана көздеушілердің сайысы өтетін орын. Сыйымдылығы – 1181 орын.



«Anyang Hogye Gymnasium» – боулинг спортына арналған кешен. Сыйымдылығы – 270 орын.



«Gyeyang Gymnasium» – бадмминтон ойынына арналған спорт кешені. Сыйымдылығы – 4304 орын.



«Yeonhui Cricket Ground» – крикет ойындары өтетін алаң. Сыйымдылығы – 2371 орын.



«Munhak Baseball Stadium» – бейсбол спортына арналған алаң. Сыйымдылығы – 27 877 орын.



«Munhak Stadium» – 2002 жылғы әлем чемпионаты кезінде салынған. Сол кезде бұл стадионда Коста-Рика мен Түркия, Дания мен Франция және Оңтүстік Корея – Португалия құрамалары доп тепкен еді. Сыйымдылығы – 49084 адам. Футбол ойындарының финалдық кездесу осы жерде өтеді.



«Ansan Wa» алаңы – 2006 жылы ашылған. Бұл стадион 35 000 адамға арналған. Өзі дәл Сеулге баратын метроның жанында орналасқан.



«Goyang Stadium» – футбол матчтары өтеді. Сыйымдылығы – 41 311адам.



«Namdong Asiad Rugby Field Stadium» – регби ойындарына арналған стадион. Сыйымдылығы – 1604 орын.



«Yeorumul Tennis Courts» – бұл жерде теннис ойындары өтеді. Сыйымдылығы –5802 орын



Су спортына арналған кешен

Оңтүстік Кореяның Инчхон қаласында Жазғы Азия ойындарының негізгі жарыс күні бүгін басталды. Алғашы нәтижелеріміз жаман емес. Лондон Олимпиадасында Александр Винокуров алтын алып, сол жеңісті жол соңғы күнге дейін жалғасып еді. Бұл жолы да сол бақытты сәт ұзағынан болсын деп тақымды қысып отырмыз.
Жиырмасыншы қыркүйекте жарыс жолына алдымен құралайды көзге мергендер шықты. Қыздар 10 метрлік қашықтықтан, жігіттер 50 метрді нысанаға алды.
Юлия Дришлюк 27, Зәуреш Байбосынова 30, Юлия Комендра 34-ші орыннан әрі аса алмады. Ерлер арасында Владимир Исаченко 12, Вячеслав Подлесный 28 Рашид Юнусметов 31-ші орынмен шектелді.

Қоржынымызға алғашқы алтынды ауыр атлетикадан 17 жастағы Маргарита Елисеева салды. Ең жеңіл салмақтағы аруымыз қарсыластарынан оқ бойы озып кетті. Екінші орын алған индонезиялық Агустиани жеті келіге қалып қойды.
1. Маргарита Елисеева (Қазақстан) — 194 (88 + 106)
2. Сри Вахьюни Агустиани (Индонезия) — 187 (80 + 107)
3. Мальо Тогоева (Өзбекстан) — 187 (81 + 106).

Екінші алтынды дзюдодан Елдос Сметов еншіледі. Бұл қазақ дзюдосы тарихында сары құрлық ойындарындағы алғашқы алтын. Жастар арасында тұңғыш әлем чемпион атанған 22 жастағы жамбылдық спортшы қуаныштан жылап жіберді. Сметов осымен тоқтап қалмай, келесі жылы Астанадағы әлем біріншілігінің алтынын да алады деп үміт білдіреміз.
Елдостың алтынынан бөлек, екі қоламыз бар.(Ленария Мингазова ( 52 келі), Азамат Мұканов 66 келі).
Синхорнды жүзуден апалы-сіңілі Александра мен Екатерина Немичтер үшінші орынға қол жеткізді.
Ушудан Райлин Ризайдин (56 келі), Ришат Ливеншо (65келі) ширек финалға жолдама алды.
Баскетболдан ерлер құрамасы жеребе бойынша «В» тобына түскен еді. Біздің құрама алғашы турда Сауд Арабиясы кездесіп, 89:59 есебімен жеңіске жетті (15:17, 20:12, 25:17, 29:13). Осы матчта 18 ұпай жинаған Анатолий Колесников ең нәтижелі ойын.шы атанды.
Ертең енді Пәкістанмен кездесеміз.
Әсел Жақаева, Айжан Ақылбаева, Аружан Егембердиева секілді қаракөз қыздарымыз өнер көрсететін су добы құрамасы да алғашқы ойында жеңіске жетті. Алты құраманың арасында өтіп жатқан жарыста біздің қыздар алдымен Гонгонгпен кездесіп 25:1 есебімен ұтты. Ең үздік ойыншы Айжан Ақылбаева (5 ұпай). Ертең Өзбекстанмен кездеседі. Олар бүгін Сингапурдан басым түсті.
Жағажай волейболынан әйелдер құрамасы «С» тобындағы алғашқы ойындарын бастады. Татьяна Машкова мен Ирина Цымбалова жұбы жарыс қожайындарының намысын қорғаған Хьюсук Юн мен Юн Ли жұбымен кездесті. Ойын аса тартысты болған жоқ. Жерлестеріміз екі партияда (21:6, 21:15) ұтып тастады.
Одан кейін «Д» тобындағы ерлер құрамасы Мальдивтен келген волейболшы жігіттерде ширақ танытып, оңай ұтты ((21:14, 21:16) есебімен ұтты.
бүгінгі бағдарламаның соңында Александр Дьяченко мен Алексей Сидоренко Оман құрамасынан басым түсті.
Ал нағыз спорт кешенінде өткен волейболдан Қазақстан ерлер құрамасы Оңтүстік Кореядан үш партияда ұтылды (16:25, 21:25, 23:25).
Ендігі қарсыласы Катар құрамасы. Ойын 23 қыркүйекте өтеді.
Семсерлесуден жолымыз болған жоқ. Эльмир Әлімжанов бастаған спортшыларымыз ширек финалдан әрі аса алмады.
Алғашқы күннің қорытындысы:
1. Оңтүстік Корея — 13 (5, 5, 3);
2. Қытай — 11 (5, 1, 5);
3. Моңғолия — 4 (2, 1, 1);
4. Қазақстан — 5 (2, 0, 3).

Футболдың әлемдегі №1 спорт екенін бәрі мойындайды. Қазіргі кезде ерлермен қатар қыздар да доп тебуге құштар. Бразилия, Германия, Канада, Қытай, Швеция, Корея, Жапония қыздарының қарқындары керемет. Ал қазақ қыздары ала допқа 80-жылдардың орта тұсынан жақындай бастады. Сол кездегі астана – Алматы қаласында «Мерей» қыздар клубы болған. Бұл команданың 1991 жылы Италияның «Миланымен» жолдастық кездесу өткізгенін біреу білсе, біреу білмес. КСРО құлап, Қазақстан өз алдына жеке мемлекет болған тұста «Мерей» Ресей асты. Қыздарымыз өздерінің мықты екендіктерін ол жақта да мойындатты. Әрине, команда атауы ауысты. Бұрынғыдай «Мерей» емес, ВВС деп аталды. Жақында осы команданың сапында үздік ойыншылардың бірі болған Орынбасар Дәуренбекованы арнайы іздеп барып, әңгімелескен едік. Орынбасар Амангелдіқызы қазіргі кезде Астана қаласындағы №8 Балалар мен жасөспірімдердің мамандандырылған олипиадалық резерв спорт мектебі әйелдер бөлімінің жаттықтырушысы. Танымал футболшы, белгілі бапкермен әңгімені қыздар футболы төңірегінде өрбіттік.

.
Қала балалары әлсіз келеді

– Өткен аптада Қазақстан халқы спортшылардың кәсіби мерекесін атап өтті. Дәл осы күні жас балаларды футболға қабылдадыңыздар. Іріктеу кезеңдері қандай критерийлер бойынша жүргізілді?
– Бұл мектеп жыл сайын әр түрлі жас дәрежелері бойынша іріктеу жүргізеді. Биылғы таңдау 1999 жылы туған және одан кіші балаларға түсті. Бірақ келген балалардың басым бөлігі көңілден шықпады. Физикалық тұрғыдан әлсіз. Тез шаршап қалады. Әйтпесе, футболға деген махаббаттары шексіз, ықыластары мықты.
– Неге онда таңнан кешке дейін қара жұмыс істеп, одан қалса доп қуалап өсетін ауыл балаларын тартпайсыздар?
– Ауыл балаларының қалада туғандарға қарағанда дене күші жағынан мықты болатынын мен де мойындаймын. Бірақ ауылдың балалары алыста, Астанаға келіп-кетулері қиын.
– Сонда балаларды жатқызатын интернат жоқ па?
– Интернат бар. Алыстан келген балаларды орналастырып жатырмыз.
Солардың арасынан бір қызды ерекше атап кеткім келіп отыр. 2002 жылы дүниеге келген. Өте талантты. Қазіргі кезде аралас топта жаттығып жүр. Дұрыстап дайындалса, болашағы зор.
– Жақында Қарағанды қаласында өткен VII Спартакиадаға қатысыпсыздар. Ол жақтағы нәтижелеріңіз қандай болды?
– Бұл жарысқа аумақтардан 7 команда қатысты. Қыздарымыз турнирді жоғары деңгейде бастаған еді. Ұпай саны бойынша алғашқы үштікте келе жатқанбыз. Бірақ соңында бесінші орынға түсіп қалдық. Негізі қыздар футболы барлық өңірде жақсы дамып келеді. Әсіресе, Қызылорда, Қарағанды, Көкшетау командаларының аяқ алыстары қуантады.
– Шәкірттеріңізге кәсіби клубтардан ұсыныс түсе ме?
– Мен дайындаған үш қыз қазіргі кезде «Шахтер-Қарағанды» командасында өнер көрсетіп жүр. Оданда басқа да шәкірттерім бар. Мені қынжылтатыны – Астанада қыздардың кәсби клубының жоқтығы. Мектепті бітіргеннен кейін кейбір қыздардың қайда барарларын білмей абдырап қалатыны сондықтан. Астана еліміздің бас қаласы болғандықтан, міндетті түрде бір кәсіби клуб керек деп ойлаймын.

– Жігіттермен қатар қыздар арасында да әлем, Еуропа чемпионаттары өткізіліп тұрады. Сол сайыстардың іріктеу кезеңдеріне қазақ қыздары да қатысатынын білеміз. Бірақ, өкінішке қарай, нәтижелеріне көңілі толмай тұр. Еліміздің қыздар командасының германиялық әріптестерінен 0:17 есебімен ұтылғаны есіңізде болар?
– Қазақстан қыздар құрамасы Шымкентте орналасқан. Ұлттық құраманың негізгі ойыншылары жергілікті БИІК командасынан жасақталған. БИІК, өздеріңізге белгілі, Чемпиондар лигасына қатысып тұрады. Сондай-ақ жастар мен жасөспірімдердің U-21, U-17 құрамаларының да базасы оңтүстікте. Жанкүйерлер тарапынан қызығушылық жоғары. Жалақы мәселесі де шешілген. Мен бұған қуанамын. Ал жаңағыдай жеңілістер уақытша құбылыс деп ойлаймын. Қазақ футболы да дамып келеді. Қыздарымыз да жарқын жеңістерімен қуантады әлі.
– Ал бапкерлердің жалақысына көңіліңіз тола ма?
– Біздің елде балалар жаттықтырушыларының жалақысы жетісіп тұрған жоқ. Өте аз. Мен өз саламды жақсы көремін. Кәсіби спортқа өмірімнің 25 жылын арнадым. Клубтық турнирлердің төресі саналатын Чемпиондар лигасына қатысу бақыты да бұйырды. Төрт рет ірі турнирлерде төрешілік еттім. Олардың арасында Еуропа чемпионатының іріктеу кезеңі де бар.
– Орынбасар ханым, сіздің есіміңіз аталғанда сол баяғы Алматының «Мерейі» еске түседі. Біз сол клубты неге сақтап қала алмадық?
– Қазақстанда қыздар футболы 1987 жылы пайда болды. Мен спорттық жолымды «Қарағанды-Олимп» командасында ойнаудан бастадым. Бұл клуб КСРО чемпионатының бірінші лигасында ойнады. Ал «Мерей» – жоғары лигадағы белді клубтардың бірі. «Қарағанды-Олимп» те 1992 жылы жоғары лигаға жолдама алды. Алайда КСРО құлап, аласапыран болып жатқан тұста бұл чемпионат тоқтатылды. «Мерей» Ташкенттің әскери клубының (ЦСКА) негізінде құрылған. Одақ тарағаннан кейін команданы Ресейге әкететін болды. Бұған қарсы болған ешкімді көрмедім. Ресейдің әскери-әуе күштерінің спорттық клубы негізінде жасақталды. Сондықтан команданың атауы ВВС деп аталды. Алдымен 1992 жылдың көктемінде Тольятти қаласында, кейіннен Самараға ауыстырды. Қарағандыдан Светлана Литвинова, Рәзия Нүркенова және мен Ресейге шақырту алдық. Келісімшарт талаптары ұнағандықтан сол жаққа кетуді жөн көрдік.

Мартамен бір алаңда доп тептік

– Самарадағы карьераңыз қалай жалғасты?
– Біздің команда жоғары лигаға қатысты. Алдымен күміс жүлде бұйырды. Одан соң екі жыл қатарынан (1993-1994) чемпион атандық. Жалпы, 1992 жылдан бастап, 2001 жылға дейін бірінші-екінші орыннан төмен түсіп көрмеппіз. Тек қаржылық жағдай қиындаған 2002 жылдан бастап үшінші орыннан беске дейін төмендедік.

Ол кезде футболшылар, бапкерлер құрамы өте жақсы болды. Жатын орын, жаттығу жұмыстары – барлығы көңілімізден шығатындай дәрежеде болды. Командадағы бірнеше қыз Ресей құрамасы алынды. Кейіннен Мәскеу мен Украинадан қыздар келді. Барлығы бізде ойнауға ұмтылатын. Өйткені біз сол кездегі ең үздік команда болатынбыз.
– Қандай халықаралық турнирлерге қатыстыңыздар?
– Екі рет Германияда өткені танымал халықаралық жарыстың чемпионымыз. Одан соң Бразилиядағы ашық турнирде күміс жүлдегер болдық. Ол жерде Бразилия, АҚШ құрамалары ойнады. «Алтын допты» бес рет иеленген атақты футболшы Мартаға қарсы өнер көрсеттік. Бұдан бөлек Кореядағы доп додасын айтуға болады. Чемпиондар лигасындағы ойындарды ерекше атағым келеді.
– Ресейдің төрт дүркін чемпионы деген дардай атағыңыз бар. Карьераңыз аяқтағаннан кейін ол жақта бапкер ретінде қалуға ұсыныс болмады ма?
– Мен спорттық мансабымды 2004 жылы аяқтадым. Осыдан соң төрешілік қызметке кірістім. Бірақ отбасылық жағдайларға байланысты елге қайтып оралуға тура келді. Негізі Рәзия Нүркенова екеуіміз бапкерлік қызметті Ресейде бастаған болатынбыз. Ал тағы бір қазақ қызы Роза бутсысын шегеге бір жыл бұрын іліп, бапкерлікті бастап кетті.

Ресейде бес қазақ қызы болды

– Ресейде қанша қазақ қызы доп тепті?
– Қазақстаннан Ресейге бес қыз бардық. Олар: Рәзия, Бота, Сәуле, Роза және мен.
– Шыны керек, қазақтардың доп тебе алатынына өзге елдердің күмәнмен қарайтынын білеміз. Сіздер сол жағымсыз пікірді өзгертіп, қазақ қыздарының мықты екенін дәлелдей алдыңыздар ма?
– «Мерей» командасы Ресейге кеткенде ойыншылар ғана емес, клуб басшылары, бапкерлер де сол жақта ауысты. Команданы Алматыдан Самараға ертіп барған Александр Соловьев пен Виталий Шажков болатын. Негізі екеуі де – Қазақстаннан. Бізді де шақырған осы бапкерлер еді.

Мен, негізінен, оң қапталдағы жартылай қорғаушы болдым. Бірақ алаңның бапкерлер қажет деп тапқан кез келген бұрышында ойнай беретінмін. Сөйтіп әмбебап ойыншы болдым (күліп). Үнемі негізгі құрамның ойыншысы болдық. Сондықтан қазақ қыздары өздерінің мықты екендіктерін мойындатты деп ойлаймын. Бірнеше рет маусым соңында үздік 33 футболшының қатарына қосылдым.
Негізі 90-шы жылдары ол жақта қазақ деген ұлттың бар екенін білмейтіндер де болған. Тіпті, біреулер бізді әлі күнге дейін киіз үйде тұрады деп ойлайды екен. Кейіннен барлығы дұрысталды. Ал ойынымызды көріп, ойлары мүлдем өзгерді. Мені екі рет Ресей құрамасына шақыртты. Рәзия Нүркенова, тіпті, КСРО құрамасында өнер көрсеткен.

Рәзияның сегіз шәкірті Ресей құрамасында жүр

– Сізбен бірге жанкүйерлердің көзайымына айналған Сәуле Жарболова деген суперфорвард бар еді. Ол кісі қазір қайда жүр?
– Қазақстанға Көкешова, сосын Сәуле екеуіміз қайттық. Ол қазір Алматы спорт және туризм академиясында жұмыс істейді. Сонымен қатар балалар бапкері де.
– Елге қайтып оралған қыздарды атап өттіңіз. Ал Рәзия Нүркенова неге қайтпады?
– Рәзия 2003 жылы біз ойнаған сол ВВС командасының бапкерлер штабына кірді. Кейіннен бас бапкер болып тағайындалды. Ал қазіргі кезде Ресейдің 19 жасқа дейінгі құрамасында аға бапкердің көмекшісі. Рәзияның 8 бірдей төл шәкірті бүгінгі күні Ресей құрамасында өнер көрсетіп жүр. Сондай-ақ бірінші дәрежелі төреші. Ресейдің спорт шебері. Сондықтан сол жақта қалып қойды. Дегенмен түбі туған жеріне қайтып оралады ғой. Қазақ емес пе?
– Елге шақырып жатса келер ме еді?
– Енді ол ұсынған шарттарға байланысты деп ойлаймын. Егер біздің басшылар жақсы келісімшарт ұсынса, қарсы бола қоймас.
– Өзіңіздің қандай армаңыз бар?

– Қазақ футболының қарыштап дамығанын көргім келеді. Ел футболының болашағына сенемін. Ал басты арманым – Астанада қыздардың кәсіби клубын құру.
– Соңғы сұрақ, өзіңіз қай өңірдің тумасыз? Футболға қалай келдіңіз?
– Ақмола облысының, Қорғалжын ауданында дүниеге келгенмін. Спорттық ғұмырым ауылда басталды. Спорттық жолды таңдауыма алғашқы ұстаздарым Ержан Әбдірахманов пен Болат Амантаевтың ықпалы зор. Содан соң Қарағандыға оқуға түстім. Сол жерде жүріп «Қарағанды-Олимп» командасындасына алындым. Бапкерлер бірден негізгі құрамда ойнатты. Қалғанын әлгінде айттым. Халықаралық дәрежедегі төрешімін. Ресейдің спорт шеберімін. Ресейдің әйелдер арасындағы чемпионатының төрт дүркін чемпионы әрі кубок иегерімін.
– Әңгімеңізге рақмет!
Әңгімелескен – Бек ТӨЛЕУОВ,
«Sport»

Бүгін –ертең Чемпиондар лигасының ширек финалының қарымта матчтары өтеді. Қазіргі кезде «Реал» мен «Боруссиядан» басқа жұптардың барлығы қызық болайын деп тұр. Мадридтік команданың жартылай финалға шығатыны ешкімнің күмәні жоқ шығар. Көпшілік жұрт «Челсиден» ерлік күтеді. Әлемде ПСЖ-дан гөрі «ақсүйектердің» жанкүйерлері көп екені жасырын емес. Талай жауапты сәтте Жозе Моуринью командасын тығырықтан шығара алатын керемет тактик екенін көрсетіп жүр. Бүгінде сол қабілетін дәлелдей алама? Сол жағы көп адамға қызық болайын деп тұр.

Бұл ойынға Париждік команданың басты жұлдызы Златан Ибрагимович қатыспайды. Әлемде 47 размерлі бутсы киетін жалғыз футболшының бір айға дейін алаңға шыға алмайтыны белгілі.Егер, ПСЖ жартылай финалға шығып жатса, Ибраның жоқтығы сөзсіз білінетін болады.Мұндай деңгейде лидер әр кезде керек.

Ертең «Атлетико» өз алаңында «Барселонаны» қабылдайды. Алғашқы кездесуде Неймар керемет пас шығарып берген Андрес Иньеста өзінің футболдағы 500 кездесуіне шықпақшы. Бұл кездесуде, «Барселона» фаворит саналғанымен, «Атлетиконы» да ұмытпау керек.

Осыдан бес-алты жыл бұрын Ресей Федерациясының президенті Владимир Путин мен көркем гимнастикадан Олимпиада және әлемнің екі және Еуропаның бес дүркін абсолютті чемпионы Алина Кабаева арасындағы үйлену тойы жайлы қауесет күллі әлемге таралды. Тіпті осы ақпаратты таратқаны үшін «Московский корреспондент» газетінің бас редакторы қызметінен қуылып, кейіннен газет жабылған болатын.


Уақыт өте келе Путин мен Кабаева арасындағы махаббатқа сенушілердің саны артты. Өйткені былтырғы жылы Ресей президенті өзінің некелі жарымен халық алдында заңды түрде ажырасты. Оның үстіне, Алина Ресей Федерациясының мемлекеттік думасына «Единый Россия» партиясының атынан сайланған болатын. Өздерініз білетіндей, бұл биліктің партиясы. Бірақ, президенттің спортшы қызбен үйленгені туралы әлі күнге ешқандай ресми мәлімде жасалған жоқ.
Біздің бүгінгі айтпағыз бұл емес. Көркем гимнастиканың хас шебері атанған спортшы қыздың әкесі Марат Кабаев жайлы болмақшы. Көпшілік жұрт Алинаны білгенімен әкесі жайлы көп біле бермейді.

Марат Кабаев 1961 жылы, 27 мамырда Өзбекстанда дүниеге келген. Татар ұлтының өкілі. Өзбекстан мен Қазақстанға танымал кәсіби футболшы. Өзбекстанның атақты командасы «Пахтакордың» сапында ұзақ жылдар ойнаған. Кеңес Одағы кезінде «Қайрат» пен «Пахатакор» арасындағы дербилерге қатысуы арқылы алматылық жанкүйерлерге де етене таныс. Жалпы «Пахтакорда» 1980-1990 жылдар аралығында 275 ойынға қатысып, 48 гол соққан. Оның арасында Ростов-на-Данудың СКА, украиналық «Днепр» клубтарында өнер көрсеткен.
Ал 1991 жылы Өзбекстанның «Умид» командасынан Павлодардың «Ертісіне» ауысады. Маратпен бірге тағы бір футболшы Владимир Цирин қоса келеді. Екі футболшының отбасы Павлодардағы «Север» қонақ үйінде тұрады. Мараттың сегіз жастағы қызы Алина Павлодарға келгенде де спорттан қол үзіп қалмаған. Дәлірек айтқанда, Қазақстанда жаттығуын жалғастырған. Тіпті, әкесі Қазақстандағы көркем гимнастикамен айналысатындарға демеушілік еткен. Еліміз тәуелсіздікті енді алып, спортшыларымыздың халықаралық жарыстарға шыға алмай жүрген кезі болатын. Сол 1993 жылдары Кабаеваның әкесі көркем гимнастика спортшыларына Жапониядағы халықаралық жарысқа қатысуына жағдай жасаған. Күншығыс еліне аттанған спортшыларымыздың жол-шығынын өз мойынына алған. Осы жылдары бірнеше халықаралық жарыстарға қызы Алина Қазақстанның қатысқан екен.

Марат Кабаев «Ертіс» сапында 1991-1994 жылдар аралығында 109 ойынға қатысып, 28 доп соқты. 1993 жылы Қазақстан чемпионы атанды. Одан кейін Қызылорданың «Қайсар» клубында бір маусым өткізді. Ал карьерасын Самарқанның «Динамосында» аяқтады.
Футболдағы карьерасын аяқтаған соң, бапкерлікке біржола бет бұрады. Басында 10 жылдай Ташкентегі «Шығатай» деп аталатын футбол мектебінде балалар бапкері ретінде қызмет етті. 2004 жылы «Трактор» командасына бас бапкердің көмекшісі ретіне шақырылады. Одан кейін «Алмалық» клубының қосалқы құрамын, Өзбекстан жастар құрамасын, «Қызылқұм» командасын жаттықтырды. 2012 жылы сол кездегі «Рубиннің» бас бапкері Құрбан Бердыевтің шақыруымен қазандық клубқа селекционер-бапкер ретінде тағайындалады. Қазіргі кезде сол қызметті атқарып жүр.
Жары Любовь баскетбол спортымен айналысқан. Қазіргі кезде екеуі ажырасып кеткен. Қос қызы бар. Біреуі жоғарыда айтқан Алина, екіншісі Лейсана. Әйелі мен екі қызы Мәскеуде тұрады.

Футбол. Лига Чемпионов УЕФА. 1/8 финала. Первые матчи. Зенит — Боруссия Д.:
Показатели игроков. Р.Левандовски тотал (0.5) бол 2.1 Выиграло
Футбол. Лига Чемпионов УЕФА. 1/8 финала. Первые матчи. Олимпиакос — Манчестер Юн:
Инд.тотал. Тотал Олимпиакос (1) бол 2.1 Выиграло
Кешегі ең әдемі ставка осы болды. МЮ-дің бірдене бүлдіретінін сезгенмін. Түйсігім алдамады. Олимпиакос негізі жақсы команда. Гректер футбол ойнағанда ешкімнен қорықпайды ғой. Қарсыластың атақ дәрежісінен қаймықпайтынын бұл жолы да дәлелдей алды. Олимпиакос сонымен қатар өзінің алдындағы бес қарғыс атқан статистиканы бұзды. Өйткені, гректерден бұрынғы өз алаңында ойнаған бес бірдей команда ұтылып қалып еді. Ал МЮ ағылшындардың черный фиаскосын жалғастыруда. Футбол отанының үкілген үш командасы алғашқы ойында бір доп соға алмай пұшайман болды. Енді үміттері «Челсиде» болып тұр.
Ағылшын командалары соңғы рет төрт көзі түгел плей-оффқа 2008/2009 жылдары шыққан екен. Арада төрт жылда сол жетістіктерін қайталап еді. Бірақ, барлығынынң жағдайы қиын)) Былтырда солай болып еді.
Бүгінгі түнде ойнайтын командаларға болжам жасап көрсек:



Галатасарай — Челси
Гол в 1-м тайме: да 1.5
Тотал Галатасарай (1) бол 2.4
Шальке 04 — Реал М
Ф2(-1) 1.7
П2, П2 2
ЖК Галатасарай — ЖК Челси
Тот(4) Б 1.85
УГЛ Галатасарай — УГЛ Челси
Тотал УГЛ Галатасарай (4.5) бол 1.65

Ordnung


2012/2013 жылғы маусымда «Барса» мен «Реал» УЕФА Чемпиондар лигасының финалына дейін жетті. Қай жылы болмасын, осы турнирдің басты фавориттері саналатын қос командадан кез-келген жанкүйер жоғары орын күтетіні анық.Егер екеуі де финалға шыққанда, «Эль Классиконың» куәсі болатын едік. Бірақ, жанкүйер тілегі орындалмады. Испанияның қос мықтысын германиялық «Боруссия» мен «Бавария» жартылай финалдан қайтарды.
Жартылай финалда Левандовски «Реал» қақпасына покер орындаған тарихтағы алғашқы ойыншы атанды. Ал «Бавария» каталондық клубты 7:0 есебімен тас-талқан етіп ұтты.

«Сосьедадтың» жұлдызы жаңған маусым



«Басктер» өздерінің керемет маусымдарын өткізді. Араға 10 жыл салып, қайтадан Чемпиондар лигасына жолдама алды. Филипп Монтанье аз уақыттың ішінде тамаша команда жасақтап үлгерді. Испания біріншілігінің алғашқы үш жүлдесі «Барса», «Реал», «Атлетикоға» бұйырған соң, Чемпиондар лигасына жолдама беретін төртінші орынның тағдыры тек соңғы турда анықталды. «Сосьедад» пен таласқа түскен «Валенсия» сырт алаңда «Севильяға» ұтылды.Өз кезегінде Монтанье шәкірттері «Депортивоны» жеңіп, төртінші орынға иелік етті. Сәтті маусымнан кейін бас бапкер Испанияны Францияға ауыстырды. Оның орнына испаниялық Ягоба Аррасате келді.
Аррасате жаттықтыруымен команда Чемпиондар лигасының плей-офф кезеңінде «Лионды» жарысты шығарды. Бірақ, топтық кезең олар үшін сәтті болған жоқ. МЮ, «Шахтер», «Байер» командаларымен бір топқа түскен «Реал Сосьедад» бар жоғы бір ұпаймен топтық кезеңді соңғы орынмен аяқтады.
Касильястың жарақаты



Жыл басында мадридтік «Реал» Испания кубогының ширек финалында «Валенсия» клубымен жолықты. Примераның бас жүлдесінен үміт үзген соң, Жозе Моуринью Чемпиондар лигасы мен осы ел кубогынан дәмелі болатын. «Сантьяго Бернабеудегі» кездесуде Криштиану бастаған футболшылар аса қиындықсыз жеңіске жетті. Ал қарымта ойын мадридтік команданың символы Икер Касильяс үшін аса қиын күннің бір болды. Капитан қақпашы осы кездесудің 14-минутында алған жарақатынан наурыздың соңында бірақ жазылып шықты.
Икер қатардан шығып қалған соң, оның орнына сенімді қақпашы қажет болды. Қосалқы құрамдағы Адан мен Хесус аңыз капитанның орнын басуға сай емес еді. Екі күннен кейін Жозе бапкер «Севильяның» қақпашысы Диего Лопесті шақырды. Лопес командаға келе сала, өзінің №1 қақпашы болуға дайын екенін көрсетті. Сенімді ойынымен бапкер сенімінен шықты. Касильяс жарақатынан жазылып шыққан соң, негізгі құрамға оралады деп ойлаған едік. Бірақ, олай болмай шықты. Жозе бапкер Лопеске сенімді артуды әрқарай жалғастыра берді. Капитан қосалқы құрамда қалды. Маусым аяқталған соң, Жозе кетіп, оның орнына Карло Анчелотти келді. Италияндық бапкерде Касильясқа емес, Лопеске сенім артты. Қазіргі кезде Икер Чемпиондар лигасы, Испания кубогында ғана команданың қақпасын күзетеді. Ал Диего Лопес чемпионаттағы ойындарда алғашқы минуттан алаңға шығады.

17 жылғы үзілістен соң...



Соңғы жылдары Испаниядағы жүлденің барлығы тек екі командаға бұйырып жүргені баршаға аян. Қос мықтыға айтарлықтай қарсылық көрсетіп, Испания кубогын жеңіп алған «Атлетико» командасы болды. Диего Симоненің шәкірттері финалда басқа-басқа емес, өздерінің мәңгілік қарсыластары «Реалды» 2:1 есебімен ұтты.
2013 жылдың 17 мамырында араға 17 жыл салып, мәртебелі кубокқа қол жеткізді. Финалда мергендігімен көзге түскен Диего Коста мен Миранда болды. Осылайша 2012/13 жылғы маусымда «Реал» ең соңғы жүлдесінен де айырылды.

Бразилиядағы жеңіліс



«Қызыл фурия» соңғы әлем чемпионаты Еуропа бірінішілігінен соң, Конфедерация кубогының басты жүлдесінен де үміткер еді. Финалға сүрінбей жеткен Дель Боске шәкірттері ақтық сында алаң иелерімен кездесті. Осы екі құраманың ойынын жанкүйерлер көптен күтіп жүр еді. Соңғы жылдары сүрінбей жүрген Испания мен туғандарынан доппен бірге өсетін Бразилия аяқдопшылары арасындағы ойын кімді болсын бей-жай қалдырмайтыны анық. Әйткенмен финал біз күткендей болмады. Пиреней түбегінің футболшылары финалда Латын Америкасының құрамасына еш қарсылық таңыта алмады. Неймар бастаған жігіттер 3:0 есбемін тас-талқан етіп ұтты.

Жыл трансфері



Жыл трансфері сөзсіз Гарет Бэйл. Уэльс құрамасының футболшысын «Реал» 100 миллион еуроға «Тоттенхэмнан» сатып алды. Бұл футбол әлеміндегі ең қымбат трансфер болды. Осыған дейін ең қымбат трансфер Криштиану Роналдудың бағасы 94 миллион еуро бағаланған еді.
Жалпы осы маусымда Флорентино Перес футболшыларды сатып алуда аса белсенділік таңытты. Бэйлден бөлек, Иско (30 миллион еуро ), Ильярраменди (40 миллион еуро) секілді футболшылар карольдік клубтың қатарын толықтырды.

Испания жастары Еуропа чемпионы



Испанияның кез-келген жастағы құрамасы әрбір турнирдің басты фавориті саналады. Өтіп бара жатқан 2013 жылы Испанияның U-21 жасқа дейінгі құрамасы Еуропа чемпионы атанды. Осылайша Испания жастары құрлықта төртінші және қатарынан екінші рет бас жүлдеге қол жеткізіп отыр.
Чемпионат барысында Де Хеа, Монтойя, Бартра, Ильярраменди, И. Мартинес, Коке, Тьяго, Иско, Тельо, Мората, А. Морено өз шеберліктерін паш етті.

Елдің бәрі жылды қорытындылап жатыр. Бізде сол үрдісті бастап кетейік. Ендеше,
2013 жылы футбол әлемінде әлем, Еуропа чемпионаты секілді ірі додалар өткен жоқ. Есесіне, «Конфедерация – 2013» турнирі Бразилия халқын той-думанға бөледі. Шілде айындағы турнирде алаң иелері қатарынан төртінші мәрте жеңіске жетті. «Пентекампеондар» ақтық сында әлем және Еуропа чемпионы Испания құрамасын 3:0 есебімен ұтты.

«Конфедерация» кубогының үздік ойыншысы – Неймар

Жас болса да, аз уақыт ішінде Бразилия құрамасының көшбасшысы болып үлгерген Неймар осы турнир барысында өзін барлық қырынан таңытты. 21 жастағы шабуылшы төрт рет мергендігімен көзге түсті. Оның Жапония қақпасына соққан голы турнирдегі ең әдемі голдардың бірі болды. Алдағы жылы өз елдеріңде өтетін әлем біріншілігінде Неймар Бразилия құрамасының басты сенім артар серкесі.

Франция үздігі – Рибери

Францияның жыл футболшысын әлем әйгілі «France Football» журналы анықтайды. 1958 жылдан бері үш жолақты өздерінің үздіктерін анықтап келеді. Биылғы жыл бұл жүлдеге Мюнхеннің «Бавария» командасының жартылай қорғаушысы Франк Рибери лайық деп таңылды. Осы жылы неміс командасы сапында барлық жүлдеге қол жеткізген Франк ұлттық құрамасының Бразилиядағы әлем біріншілігіне жолдама алуына өз үлесін қосты. Негізі Рибери 2007,2008жылдары екі рет қатарынан жыл үздігі аттанған болатын.
Рибериден бөлек, үміткерлер қатарында Поль Погба мен Блез Матюди де болды.

Германия үздігі –Бастиан Швайнштайгер

Германия өз үздіктерін 1960 жылдан бері анықтап келеді. Жыл футболшысын Германия спорт журналистер ассоциациясы мен футбол журналистері және «Kicker» журналының қызметкерлері анықтайды. Жыл футболшысына Германия футболшыларынан бөлек, Бундеслигада өнер көрсететін шетел футболшылары да таласа алады. 2004 жылы бразилиялық Аилтон Германияның үздік футболшысы болған алғашқы шетелдік ойыншы атанды. Одан кейін Рибери мен Роббен де Германияның жыл ойыншысы атанған болатын.
Биылғы жыл немістер мюнхендік «Бавария» клубының жартылай қорғаушысы Бастиан Швайнштайгерді үздік деп таңыды. Былтыр бұл мәртебелі жүлдеге Марк Ройс қол жеткізген еді.

Англия үздігі – Гарет Бэйл

Англияда жылдың үздік ойыншысын елдегі футбол журналистер ассоциациясы (Football Writers' Association Footballer of the Yea) анықтайды. Ағылшындар өздерінің үздіктерін 1947/48 жылғы маусымнан бері анықтап келеді. Алғаш «Блэкпул» клубының жартылай қорғаушысы Стэнли Мэтьюз осы сыйлыққа ие болған. Бұл сыйлыққа Мэтьюз, Кенни Далглиш, Тьерри Анри, Криштиану Роналду секілді футболшылар екі реттен қол жеткізген.
Ал биылғы 2012/2013 маусымның үздігі болып «Тоттенхэм» сапында жасындай жарқыраған уэльстік Гарет Бэйл таңылды. Бэйл маусым аяқталған соң, «Реал» сапына ауысып кетті.
Швеция үздігі – Златан Ибрагимович
Швеция өз үздіктерін 1946 жылдан бері анықтап келеді. Жыл футболшысын «Aftonbladet» газеті мен Швеция футбол одағы таңдайды. Алғаш бұл жүлдеге Гуннар Грен ие болған. Ал биыл осымен сегізінші рет Швецияның жыл футболшысы, ПСЖ клубының шабуылшысы Златан Ибрагимович болды. Златан ПСЖ-ның ғана емес, ұлттық құрамасының да капитаны әрі көшбасшысы. Ибрагимович қазіргі кезде әлемдегі үздік ойыншылардың алғашқы бестігінің қатарында. Сонымен қатар, жыл футболшысы атану жөнінен Златан өзіндік рекорд орнатты. Осы уақытта Швецияда екіден көп ешкім жыл футболшысы атанбаған екен.

Австрия үздігі – Давид Алаба

Австрия 21 жастағы жас футболшыны Давид Алабаны жыл футболшысы әрі жыл спортшысы ретінде таңдады. «Баварияның» сол қапталдағы негізгі қорғаушысы ұлттық құрама сапында да өзін жақсы қырынан көрсетіп жүр. Алаба Австрияның осымен үшінші мәрте үздік футболшысы атанып отыр. Давид бұл жөнінен тек төрт мәрте үздік атанған Ивица Бастичке ғана жол беріп тұр.

Нидерланды үздігі – Вильфрид Бони

Қызғалдақ гүлінің отаны өздерінің үздік футболшыларын 1984 жылдан бері анықтап келеді. Жыл футболшысын Жоғары лига мен екінші дивизионда өнер көрсететін футболшылардың дауыс беруі арқылы таңдалады. Алғаш бұл жүлдеге «Фейеноорд» клубында өнер көрсеткен Еуропа чемпионы Руд Гулит жеңіп алған болатын. Ал биыл жыл футболшысы атағы «Кот-дꞌ Ивуар құрамасының шабуылшысы Вильфрид Бониге бұйырды. «Витесс» клубында өнер көрсеткен Бони 2012/2013 жылғы маусымда 30 ойында 31 гол соқты.
жалғасы бар…

Тұңғышбай Жаманқұлов айтатын «өнер адамы» өлеңінің ізімен
Біздер, біздер қазақ деген халықтың ұлымыз,
«Интернет» деген қоқыс жәшігінің құлымыз.
Барды-бар деп жоқты-жоқ деп жасырмай,
Әлеуметтік желіні шулатып жүрген жындымыз.

Біреулердің оғы жоқ боп атарға,
Іздеп жүрміз «оппозияциялық» сапарды.
Жыртығынды жамап беріп жақсының,
Ешкім бізді қоса алмай жүр қатарға.

Алдымызда жалт жұлт етіп от шырақ,
Интернетсіз бірдеңе жетпегендей боп тұрад.
Ата-әжелер жаны қалмай жатса да,
Әлі күнге шын түсінген жоқ бірақ…
Әлі күнге шын түсінген жоқ бірақ…

Жанымызға ешкім бермей тынышытық,
Блогерлердің көңілін тауып ұғыстық.
Ғаламтордың пайдасы мол екенін,
Қазақтарға түсіндіруге тырыстық.
Бізге ғашық бейтаныс қыз, шыбық бел,
Бізге ғашық фотосы жоқ жігіттер!
Біз жүрген жер, онлайн мен офлайн,
Ешқашан да үзілмесін үміттер.