Ілмектерден іздеу

Күл

Жұмыстан шаршап келді. Түнгі ауысымнан шыға сала үйіне тартқан-ды. Жаман да болса өзінікі: аяқ киімді, шалбар, жейдені шешіп тастап, төсегінде керіле жатқан тым-тым ұнайтын. Мамасының асты-үстіне түсіп, інісі мен қарындасы шуласа, тыйып тастап, «Тамақ дайын болғанша, дем ала ғой, қарғам» деп жатын бөлменің есігін жай ғана жауып шығып кететіні де жанына майдай жағатын.

Бүгін де осы тізбек қатесіз қайталанды. Жаздың ыстығында салқын жайманы бауырына қысып, жастықты құшақтап жатып көзі ілініп кетіпті.
Әрі қарай

Эстафета. Менен бір ыстық тамақ пен бір салат!

Алты жеңге мен бес әпкенің ортасында өскендіктен тамақ істеу мұқтаждығына ұрынбаппын. Сонда да болса Ернұр берген эстафетаны пайдаланып сіздерге бірдеңе ұсына алады екенмін.
Шоққа піскен картоп

Алдымен, үлкен емес орташа (екі -үш жасар баланың жұдырығндай) картоптарды іріктеп алыңыз. Тамақ пісірген пештің (қойдың қиының шоғы ерекше дәм береді)шоғына картоптарды көмеміз. Картоптың күйіп кетпеуі үшін шоқтың лебіне қолыңызды 10 санағанша ұстап тұра алсаңыз жеткілікті. Дәл уақытын түйсігіңіз арқылы сезіп, шамалыдан соң күлге піскен ыстық картопты үргілеп жеп отырасыз.
Әрі қарай