Blogcamp-2011 Алматыда. «Хабар» Телеарнасы. Таразы бағдарламасы
Сапасы жақсы

Бүгін, 25 наурызда, Астана шаһарының «Тағам» дәмханасында Аршаттың ұйытқы болуымен қазақ блоггерлері бас қосты. Астаналық блоггерлердің басы қосылмайды деген ойдың быт-шытын шығаратын жақсы бір кездесу болды.

Осы кездесуде Аршат бауырымыз Алматыға Блог-құрылтайға бармаған астаналық блоггерлерге сыйлық үлестірді. Кездесуден көріністер:



Жалғасын мына жерден қарасаңыз болады

Димаш (qisyq) және Әйгерім (aikosh) маған мен бар суреттерді жіберіпті.

Қарағанды уақыты 12.00. аршаттар пойызбен Қарағандыдан аман-есен өтіп кетті. Кездесеміз деп ойлағанымызбен кездесе алмай қалдық. "Қайықшыға жел қарсы" демекші, жолды көлік апаты тежеп тастады. Нәтижесінде біздің қалаға жарты сағат тоқтап тұратын пойызға үлгере алмай қалдым. Осы жазбамды Қарағанды вокзалынан жазып отырмын. Алла жазса Әбекең пойызға түскі бірде отырып, 1.30-да "Қоңыр салқын төске алып, алматыны бетке алып" тартып отырады.

Осыдан 2 жыл бұрын қазақ блогосферасында бір «эстафета» болған еді (негізі эстафеталар көп болатын сол кездерде). Әр блоггер өзі туралы анкетаны толтырып, соған сәйкес коллаж жасаған болатын. Менің жауаптарым және коллажым төмендегідей болған екен, 2 жылда пәлендей өзгеріс көрмедім. Сондықтан еш өзгеріссіз жарияладым:



1. Атың кім? — негізі Аршат, бірақ біреулер үшін Арчи, админ, ұлым үшін Ба-па немесе Ба-пау
2. Сүйікті фильмің? – Побег из Шоушенка
3. Сүйікті сусының? – Сыра
4. Өскенде кім болғың келетін еді? – Суретші
5. Бір сөзбен өзіңді қалай сипаттайсың? – Жалқау
6. Қазіргі көңіл-күйің қандай? – Керемет
7. Арманыңдағы қала? — Стамбул
8. Туған жерің? — Ақтөбе облысы, Ойыл ауданы, Жекенді совхозы
9. Сүйікті түсің? — Қызыл
10. Сүйікті тамағың? — Қуырылған картоп
11. Дүниедегі ең қатты жақсы көретін нәрсең? – Wordpress
12. Сүйікті мекенің? – Балкон

P.S эстафетаны жалғастырғысы келгендер, өз блогында осы анкетаны толтырып, қасына коллаж қоя қойсын. Тақырып атын «Коллаж мінез» деп жанына өз никіңізді жазып қойыңыз, басқалармен шатасып кетпеу үшін.

Алдыңғы жазбада «желге ұшқан ақшаларды» талқылап, біраз буымызды сыртқа шығарған тәріздіміз. Өкініштісі, қазір сайт жасап, дамытқысы келетін адамға үкімет тарапынан грант бөлінбейді (әрине, егер қаттырақ жыласаң, бірдеңе беріп қалатын шығар. Ол жағын тексермедім). Аршат та бұл жайлы ойын тарқатып айтқан еді.

Есесіне, Халықаралық ұйымдар онлайн медиа ашуға, интернетті дамытуға арнап гранттарға байқау жариялап отыр. Соның бірі Сорос Қазақстан қорының бағдарламалары.

Бірінші жобаның тақырыбы «Онлайн медиа құру байқауы» деп аталса, екіншісі «Интернетті қолдану мен дамытуды ынталандыратын жобаларды жүзеге асыру байқауы» деп аталады (орысша берілген екен, дәл аудара алмаған сияқтымын).

Енді мына Аршат деген пысық жігіт қой..Құр жүрмейді, неше түрлі прожекттер ойластырып, оларды жүзеге асырып та жүреді… Тынбай қылған еңбегінің жемісін көріп жүр ғой… Жұмыстан келгеннен кейін, түнделетіп отырып сайтты жақсартудың қамын қамдап жүргенін біреу білер, біреу білмес… Ол – қазақ интернетінің ауыр тауқіметін ұзақ жылдардан бері көріп, біліп келе жатқан жігіт қой… Сол еңбектің ақысы, жасаған дүниеңді басқалардың игілігіне қолдануы, қолданушылардың санының артуы ғой негізі… Кез келген сайт, өз юзерлерімен құнды… Юзерлерінің санымен құнды… Сайттағы туындаған берекелі ортасымен құнды..
Бұндай сайттардың бірі қазақ интернетінің тарих беттеріне алтын әріптермен жазылған керекинфо.кз (Аршаттың мұрындық болуымен ашылған сайт білмейтіндер үшін-автор) сайты болатын… Бұндай сайт дегенім, берекелі ортаның туындауы тұрғысын меңзеп тұрғандығым..” Бұндай” деу арқылы қандай сайтпен салыстырылуда десеңіз дабай.кз туралы айтып тұрғанымды атап өтер едім… Көптен бері қазақ интернетінде бұндай контент, бұндай орта көрмеген едім… Бұны енді Аршат досым болған үшін жазып отырған жоқпын… Мен де сайт ресурсы мәселесінде өзіндік талғамы бар юзермін… Сондықтан өз пікірімді “ чисто” объективтілік қырынан жазып отырмын..

Басынан ескертемін! Бұл ешқандай да көре алмастық, ішітарлық не қызғаншақтық емес! Болған жайдың жаңғырығы ғана. Өздеріңізге мәлім, соңғы кезде «Mozilla Firefox»-ты жүктеп, компыңызға қондырар болсаңыз, оны жаңартқан кезде «Мcafee security scan plus» деп аталатын тулза бірге орнайтын болып жүр. Тегін дүниеден ешкім бас тартпаған болар:) Мен де бас шұлғып оның қызметімен келістім. Шындығында ол антивирус емес. Бар болғаны соның утилиттерінің бірі. Мақсаты — компыңызға қаншалықты қауіп төніп тұрғанын тексереді де ескертеді. Сондай бір әрекет кезінде маған екі сайтты (суретті қараңыз) қауіпті етіп көрсетті. Соның бірі атышулы — kezdesu.com боп шықты. Ал енді Аршат жауап бер:))) Сайтыңның кодына не салып қойдың?

ПыСы: Алайда өзім оған көп мән бере қоймадым. Өйткені, жақында көшіп бастаған timurdan.info атты сайтымды да жұмыстағы WebSense "Өте қауіпті сайттардың" санатына жатқызып үлгеріп, блок қойып тастады:) Әйтеуір экстремистік демегеніне шүкір:)

timurrr.co.cc