Ілмектерден іздеу

Ақтауда өткен Домбыра Party-ды бір есімізге түсіріп жіберейік!

• Домбыра Party
• 31 желтоқсан 2013, 05:27

Домбыра — думан!!!

Аталардың жолымен жиған үлгі
Домбыраның шанағына сыйған үнді,
Құдіреті қос ішектің дәлелдесін
«Қазақ» болып атадан туғанымды!

Шабыт берсін шалқыған кеуделерге
Желбіретсін желкенді туларымды!
Әсем әуен төгілген пернелерден
Көріңіздер, домбыра думанымды!

Суреттейтін тұлғасы тау елесін
Абыл, Ақтан, Нұрымдар жебегесін,
Паш етіп даламдағы дархандықты
Жеті қайқы саздары әуелесін!

Қалықтаса көгімде бала қыран
Талмасын деп қанатың салам ұран!
Құрманғазы, Дина мен Есір болып
Күй төгілсін киелі шанағыңнан!

Сағым болып жортады құмай тазы
Ата сөзін баталы ұл айтады,
Қашаған, Аралбайдың дастандарын
Жаттап жүрген ұлдарың жыр айтады!

Сырға толы Шәмшінің саздарымен
Маңғыстаудың таулары мұнартады.
Дүбірлеткен даланы дара үнді
Құлақ тігіп, тыңдай ма шың арқары?

Тебіреніп, толқынымен тербегендей
Асау теңіз жуасып, сыр айтады,
Домбыраның шанағында дөңгеленген
Менің жаным дүниеге құмар тағы!

Нұргүл Маулина, ақын.

Бізде Ақтауда алғашқы Пәти 23-інші мамырда 14 шағын/аудандағы теңіз жағалауында өткен болатын.Ол туралы Абылай kerekinfo.kz/blog/10647.html жазған болатын.Осы Домбыра Party бізге көп пайдасын тигізді.Оны әрине Ақтаулық пәтишілер біледі.қызықты оқиғалар да көп болды.)Айтыста, тартыста бәрі болды… Ал мен сіздермен керемет естелік, суреттер мен видеолармен бөлісейін!

Әрі қарай

Қазақтың ұлттық саз аспаптарының өткені, бүгіні және келешегі

• 3 маусым 2013, 15:19

Ата бабаларымыздан жеткен рухани мұрамыз ұшан теңіз. Ауыз әдебиеті, қол өнер, ақындық-шешендік өнер, құсбегілік, ат баптау, спорттық түрлі ойындар, ән-күй тағы басқа көптеген әлем халықтарынан ұлттық бояуымен өзгешеленіп тұратын ерекше өнерлер мирас болып қалды. Солардың бірі және бірегейі ұлттық саз аспатары.

Алғашқыда ел арасындағы әнші күйшілер өздері қажетті аспаптарын жасап алып ойнап елге өнерлерін көрсетіп жүре берді. Келе келе қазақ сахарасының жағрафиялық ерекшеліктеріне орай саз аспаптары үндік ерекшелігіне және формасына қарай сан алуан түрге ене бастады. Ертеде саз аспаптарды ағаштан, түрлі өсімдіктерден, малдың терісінен, сүйегінен, мүйізінен, қылынан және басқа Қазақтың ұлттық саз аспаптарының өткені, бүгіні және келешегі да түрлі заттардан жасаған. Халқымыздың жыр аңыздарынан, дастандарынан және өткен ғасырлардағы саяхатшылардың, ғалымдардың еңбектерінен көне аспаптардың сипаттамаларын, суреттерін кездестіреміз.

Әрі қарай

Мюзикл көрінісі

• 5 мамыр 2013, 10:58

Мамыр айының алғашқы күндері. Таңертеңнен бері күн бір түйіліп, бір ашылды. Ұйтқып соққан жел, анда-санда себелеген жаңбыр ешқандай романтикалық көңіл-күйдің орнауына септігін тигізбейтіні анық еді.
Бірақ, табиғаттың ауыспалы мінезі, әуен ритмі және көпшілік ортасында орындалған би -мюзикл сюжетіне бергісіз көріністі күтпеген жерден көріп қуандым. Мұхит асып, Нью-Йорктегі Бродвей бойындағы мюзикл спектакліне барғандай әсер алдым.

Әрі қарай

Өнер менің өмірімде....

• 10 шілде 2012, 02:48

Әрбір адамның жүрек түкпірінде бір сиқыр бар секілді. Бұл ғажайып сырға толы сандықта неше түрлі армандар, мақсаттар бар десеңші! Ал бұл сандықтың ең түбінде немесе кейде жарық жұлдыздай алға шоқ етіп шығатын бір нәрсе бар. Бұл не деп ойлайсыздар?

Әрі қарай

Граффити

• 26 сәуір 2012, 18:57

Төмендегі суреттер ертеректе түсірілген. Кеше ноутбугымдағы папкаларды қарап отырып, тауып алдым. Назарларыңызға ұсынам.

Әрі қарай

Киіз басып көрші өзің

• 19 сәуір 2012, 10:11

Әрі қарай

Академияның суретшілері

• 10 сәуір 2012, 22:52

Мен жұмыс істейтін жер — Атыраудағы дарынды оқушылардың бас қосқан өнер шаңырағы. Ең алғаш келген кезімде ондағы оқушылардың талантын көріп қатты таң қалғанмын. Еуропаның көптеген елдерінен құр қол келмейтін өнерлі өрендерді дайындап отырған мектепті осы кезге дейін білмейтін едім. Сондықтан оның әрбір жеткен жетістігіне таң қалумен ғана болдым. Тек мен ғана емес, өзге Атыраулықтарға айтсам да, «солай ма еді» деп таң тамаша болады. Себебі, қанша жерден жүлдемен оралса да, елге танымал бола алмай келеді. Сол үшін ғой Ал мына суреттер сол мектеп оқушыларының дипломдық жұмыстары.

Әрі қарай

Мәдени жаңалық

• Әбіләкімнің ауылы
• 15 ақпан 2012, 12:04

Ақпан айының бірінші жұлдызынан бастап Оман сұлтандығының астанасы Мускатта (Масқат) халықаралық шығармашылық фестивалі өтіп жатыр. Бұл фестиваль ақпанның 25-ші жұлдызына дейін жалғасын таппақ. Осы шара аясында Қазақстанның атынан Қарағанды облысының мәдениет басқармасына қарасты Қали Байжанов атындағы концерттік бірлестігінің «Арқа сазы» фольклорлық ансамблі және «Аққу» хореографиялық би ансамблі, дәстүрлі ән өнерін насихаттаушы ретінде ҚР мәдениет қайраткері Дәуренбек Аркеновтар барып қайтты. Шетелдіктердің біздің елдің киімі мен халық аспаптарына қызығушылықпен қарайтындығы осы фестиваль аясында тағы да белгілі болғандай.

Әрі қарай

Зумба дегеніміз не?

• Фитнесс және әуесқой бодибилдинг
• 9 ақпан 2012, 00:42

Бұл қазіргі таңда әлемдегі өте танымал фитнес бағдарламалардың бірі. Зумба – арнайы дайындықты қажет етпейтін, африка тайпаларының, латиноамерикалық билердің, сондай-ақ шығыс «қарын» биі (немесе танец живота), фламенко, рок-н-ролл және хип хоп билеріне негізделген ерекше заманауи бидін түрі болып табылады. Бұл би оңай қимылдардың, әртүрлі музыкалық ритмдердің, бөксемен жасалынатын қимылдардың көптігінің арқасында қазіргі таңдағы ең маңызды мәселелердің бірі — артық салмақты тастауға зор ықпалын тигізіп қана қоймай көтеріңкі көңіл күй сыйлайды.
«Зумбамен бір сағат айналысудың өзі құдды бір мерекеде жүргендей әсер қалдырады», — дейді, әлемнің танымал жұлдыздары жеке хореографы ретінде шақыратын бидің негізін салушы Альберто Перес. Бұл биде Merengue, Salsa, Samba және Flamenco билерінің де қимылдары бар.

Әрі қарай

Етіктен жасалған маска

• Жұма күнгі бояннндар
• 21 қаңтар 2012, 18:27

Боянның бояны

Әрі қарай