Бүгін танысым звондайды.
-Айттадың ба, -деді бірден. Жұмыста кезекші екендігімді, ертең айттайтынымды айттым.
-Болмайды, Ереке үш үйге айттап кіру парыз,- деп қояды діндарсып.Өзі не үшін парыз екендігіне дәлел де айта алмайды.(Ахи-ша дәлел сұрап едім))).Тек естіген нәрсесін айтып қояды. Сосын осы әңгімені тағы бір танысымның аузынан естідім. Сосын таныстарымнан сұрай бастамаймын ба, байқап қарасам көпшілігінде осы түсінік. Үш немесе жеті үйге айттап кіру парыз. Ондай парыздың жоқтығын ұқпайды көбі. Көпшілігі елден естіген. Ел арасында жүрген осындай аңыздың бірі — Қадыр түні Қадыр ата келеді, соны тосу керек. Қалай тосса да бәрібір, тосса болды. Өткенде бір қыз агент арқылы Қадыр ата келіп па еді, көрдіңіз ба деп сұрап қояды. Білгенімше түсіндіруге тура келді. Жалпы діни мейрам, іс-әрекеттерге қатысты осындай түсінік халқымыздың басым бөлігінде бар сияқты. Бұдан соң түрлі секта көбеймегенде қайтеді.
Ұсыныс: Діни басқармаға діни ағарту бойынша жұмысты жандандыру керек. Халықтың діни сауаттылық деңгейін, жаңағыдай қарапайым нәрселер бойынша анықтау керек (Сауалнама т.б) Сосын сол бойынша жұмыс істеген жөн. Меніңше бұл бағытта істейтін жұмыс баршылық.

Ораза ұстасақ та ұстамасақ та бұл түнде аз да болса құлшылық еткен дұрыс екен. Қадыр түні намаз оқымасаңдар да діни сауат ашатын кітап, мақалалар оқыңдар. Алла Тағала бәріміздің біліп, білмей істеген күнәларымызды кешірсін.

Бұл түні мына дұғаны оқу керек:

«Алаһуммә иннәкә афуун, түхиббүл афуа, фағфу анни (Алла Тағалам, Сен кешірімдісің, кешіруді жақсы көресің, менің күнәларымды кешіре гөр!)»

Әркімнің отбасын құру тарихы әр түрлі. Біреулер шын мәнінде қыз-жігіт болып қол ұстасып жүріп үйленеді.Енді біреулер «бешірдегі» шалыс қадамдарынан кейін үйленіп жатады. Менің бір танысымның үйлену тарихы қызық. Үйлену болғанда… болашақ(ол кезде оған үйленетінін ол білмеген) жарымен танысуы. Ораза айыныда болған оқиға. Ораза болғанда да нақ Қадыр түні күні. Сыраға тойып алған танысым өзі тектес жолдастарымен аялдамада шемішке шағып отырады. Өз арамызда «Жібек жолы» аталып кеткен бұл аялдамаға келген жігіттің қыз қолтықтамай кеткені кемде-кем.