Қазақстан футболдан əлем чемпионы!

Блог - Pokemon: Қазақстан футболдан əлем чемпионы!Жеңіс құтты болсын ағайын! Қазақстан футболдан əлем чемпионы атанды. Бұл жолы жеңісті құрамадағы футболшылар емес, елге өз өнерін паш етіп жүрген əртістеріміз əперді.
Жарыс Ресейде ұйымдастырылып, отандастарымыз финалда Ұлыбританияны 2:1 есебімен тізе бүкітірді. Олар өздерін көрсете білді. Əлем чемпиондығына талас оңай нəрсе емес. Сондықтан өнер майталмандарын құрметтеп, оларға қолдау көрсете білейік. Жастарға салауатты өмір салтын насихатауда да бұл жарыстың септігі тиері анық.
Сіздерді жеңістеріңізбен тағы да құттықтаймын! Алдағы уақытта бұдан да жоғары белестерді бағындыра берейік, əртістеріміздің алтын аяқтары талмасын!
Әрі қарай

Астаналық жайдарманшылар өздерінің чемпионын анықтады

Астана қаласында «Жайдарманның» қалалық чемпионатының финалы 20-қараша күні сағат 17:00-де «Жастар» сарайында өтті.

Жыл бойы сайысқа түскен 18 команданың ішінен ақтық сынға дейін жеткен 5 команда өзара чемпиондық атаққа таласып, ойын өте тартысты болды.  Қатысушылар  сәлемдесу, жамбы ату және жұлдыз жайдарманшымен  үй тапсырмасы конкурстары бойынша сайысты. Шын мықты ғана әр конкурста ілгері шығып отырды.

Қатысқан «Корпус», «Энерго», «Тұран жастары», «Сарыарқа ауданының құрамасы» және «Жібек жолы» командалары арасынан үш сайыс қорытындысы бойынша,

Блог - jaidarman: Астаналық жайдарманшылар өздерінің чемпионын анықтады
Сарыарқа ауданының құрамасы

10,2 ұпаймен 3-орынды «Сарыарқа ауданының құрамасы» иеленсе,

Блог - jaidarman: Астаналық жайдарманшылар өздерінің чемпионын анықтады
«Энерго» командасы

10,9 ұпаймен  С.Сейфуллин атындағы Қазақ  агротехникалық университетінің «Энерго» жайдарман тобы вице-чемпион атанды,

Блог - jaidarman: Астаналық жайдарманшылар өздерінің чемпионын анықтады
Тұран жастары

ал ЧЕМПИОН атағын  толық 11 ұпаймен «Тұран жастары» командасы иеленді.

Сонымен  қатар, жылдың үздік ойыншысы болып «Энерго» командасының капитаны Асхат Мухаметқалиев таңдалды. Асхат осымен екінші рет жыл үздігі болып отыр, 2014-жылы да "үздік ойыншы" номинациясын алған еді.

Блог - jaidarman: Астаналық жайдарманшылар өздерінің чемпионын анықтады
Биылғы үздік ойыншы Асхат Мұхаметқалиев және Елжан Халиуллин

Финалдық ойынның қазылары да мықты болды: тележүргізуші, танымал телебағдарламалардың авторы, ардагер жайдарманшы Нұрмахан Мұқанұлы, Жоғары және премьер лига ойындарының тұрақты қазысы, ардагер жайдарманшы Алдан Жылгелді, Астана қаласының Жастар саясаты мәселелері басқармасының бас маманы Ақұлан Тастемір, "Қазақ аруы-2016" байқауының жеңімпазы Альмира Ахатова және Жоғары лига ойындарының чемпионы Әділет Төлеутаев.

Бұл ойындағы ерекше сайыс жұлдыз жайдарманшымен үй тапсырмасы: Сарыарқа ауданының құрамасы және «Тұран жастарымен»  Жоғары лиганың биылғы  финалистері «Байдың балалары» командасының ойыншысы Ұлан Мықтыбек және «Сырдария құрамасының» капитаны Марат Сәрсенбаев өнер көрсетті. Ал,  «Энерго» «Грант» командасының ойыншысы Елжан Халиуллинмен бірге ойнаса, «Корпус» командасы Жоғары лига чемпионы Бекзат Дүйсеновпен көрініс қойды.

Басқа үй тапсырмалардан өзгеше, тапқырлықпен  есте қалғаны — «Жібек жолының» «Элемент» командасының капитаны Эльдар Жұмағалиевпен біріккен үй тапсырмасы.

Блог - jaidarman: Астаналық жайдарманшылар өздерінің чемпионын анықтады
Тұран жастарымен Марат Сәрсенбаев

Соңында алтыншы болып, қонақ команда ретінде Жоғары лиганың биылғы финалисі, былтырғы Премьер лига вице-чемпионы «Байдың балалары» өнер көрсетті.

Блог - jaidarman: Астаналық жайдарманшылар өздерінің чемпионын анықтады
Ойын қонақтары — Байдың балалары

Бір деммен өткен керемет ойыннан кейін финалист жайдарманшылар үшін «afterparty» ұйымдастырылды. Жеңімпаздарға құттықтаулар айтылып, достар арасындағы қалжың-әңгімеге толы шағын әдемі отырыс болды.

Блог - jaidarman: Астаналық жайдарманшылар өздерінің чемпионын анықтады
Дастархан басында финалистер

Финалдық бәсеке желтоқсан айының екінші жартысында «НТК» телеарнасы арқылы қалың көрерменге жол тартпақ.
Әрі қарай

ЛЕСТЕР чемпион!

Сонымен, футболдан Ағылшын чемпионатының аяқталуына сәл-ақ қалды. Нақтырақ айтсақ 2 тур. Ал, Сіздер, қай құраманың чемпион болғанын біЛЕСТЕР)
Блог - ErzhanKhamitov: ЛЕСТЕР чемпион!
2014-2015 кезеңінде 41 ұпаймен 14-ші орынды қанағат тұтқан Лестер келесі жылы яғни, 2015-2016 жылғы кезеңде 1 орын алады деп кім ойлаған?! Ағылшын чемпионатының тарихында Лестер алғаш рет чемпион атанды. Ең қызығы құрама жаттықтырушысы Клаудио Раньери чемпион болғанын ұшақта естіді. Ол өзінің 96 жастағы анасына ұшып бара жатты. Ал, құрама Джейми Вардидің үйінде отырып естіді. Нақтырақ айтсақ тікелей эфирден көрді)
Блог - ErzhanKhamitov: ЛЕСТЕР чемпион!
Лестер құрамасы тіпті, құрама жанкүйерлері кеше түнде Челсидің жанкүйері болды. Себебі, олардың мерзімінен бұрын чемпион болуына септігін тигізген ойын Челси-Тоттенхэм арасында өтті. 9-шы орында тұрған Челси чемпиондықтан үміткер Тоттенхэммен тең ойнады. Осылайша Тоттенхэм ұпай жоғалтып, Лестердің бағы жанды. Былайша айтқанда Челси-Тоттенхэм ойынында Лестер жеңді) Құттықтаймыз! Армандар орындалады деп Лестерге айтуға болатын шығар. Енді, алдымыздағы жылдарда Сассуоло немесе Эйбара чемпион болып қалатын шығар) Бір-екі жылдың көлемінде «Лестердің чемпиондыққа жолы» атты кино көріп қалуымызда ғажап емес)
Әрі қарай

Бұл халықты жеңу мүмкін емес! Гене мен Қанаттың қайсысы "Үздік спортшы" атануға лайықты?

Осы біздің елімізде шенеунік дегеннің бәрі трайболист, барлығы өз туысқанның тарқыш деп жүреді адамдар. Жоқ, тек шенеуніктер емес, анау журналистер де, мына бизнесмендерді де сөйтіп айтады қара халық. Түбінде, өздері ақылды, өздері білімпаз, өздері әділ. Алайда, бұның олай еместігін дәлелдейтін бір айғақты көрсетейін сіздерді. Мүмкін, әрбіріміз ойналанармыз.
Қазақстан ұлттық арнасы «Жыл таңдауы» интернет сауалнама жүргізіп жатыр. Номинацияларының бірі — "Үздік спортшы". Ішінде Елдос Сметов те бар, Бейбіт Ыстыбаев та үміткер, Бауыржан Исламхандай аяқ доп шебері де, Головкин мен Арман Оспан да бар. Алайда, осындай тізімге қарамастан көш басында — Қанат Ислам. Қазіргі таңда кәсіби бокста 20 кездесу өткізіп, оның барлығында жеңіске жеткен азамат. Сөзсіз, үлкен жетістіктерге ұмтылып жатқан спортшы.
Блог - ErnarSeytahmet: Бұл халықты жеңу мүмкін емес!  Гене мен Қанаттың қайсысы Үздік спортшы атануға лайықты?
Спорттың өзге салалардан артықшылығы — жетістіктердің бірден көрінуі. Титудар — сіздің жұмысыңызды бағалайтын бірден-бір критерий. Одан асқан критерий болу мүмкін емес. Халықтың ықыласы мен мақтанышы жағынан алып қарайтын болсақ та Қанат Генадийден (мына жерде Ильядан да) артық емес. Бірақ, Қанатқа берген дауыстардың көп болуы — қазақтардың объективті баға бере алмайтындығының нақты көрсеткіші.
Қысқаша анықтама:
Бокста 4 белбеу бар — Бүкіләлемдік бокс ассоциясы WBA, Бүкіләлемдік бокс кеңесі WBC, Халықаралық бок федерациясы IBF және Бүкіләлемдік бокс организациясы (ұйымы) WBO. Осылардың ҮШЕУІ Геннадийде. Ал Қанатта бірі де жоқ. Бар болғаны Кариб аймағының белбеуі ғана бар. Осыдан, кімнің жетістігі көп екенін көруге болады.
Блог - ErnarSeytahmet: Бұл халықты жеңу мүмкін емес!  Гене мен Қанаттың қайсысы Үздік спортшы атануға лайықты?
Ал енді 2015 жылы спортшылар қандай жетістікке жеткендігіне келсек. Қаржылай жағынан Гена алда әрине: бұл жерде ақылы трансляция мен Айфонның рекламасы да бар, бокстан басқа. Ал Қанат ондай жетістігімен мақтана алмайды. Спортқа бұның үлкен қатысы бар. Себебі, неғұрлым спортшы танымал болса, соғұрлым спонсорлық келісімі де жоғары болады.
Кәсіби спорт жағына келейік: Қанат 2015 жылы 2 кездесу өткізді. Бірі — наурыздағы Орландо Эстрада болса, екіншісі — Джонатон Батистаға қарсы қарашадағы (ұмытпасам) кездесуі. Сөзсіз, екеуінде де жеңіс. Қанат мықты екенін дәлелдеді. Алайда, Головкиннің өткізген жекпе-жек саны да көбірек (3), Головкиннің қарсыластары да, дәлелдеген белбеулері де анағұрлым салмақты. Демек, осы көрсеткіш бойынша да Гена алда тұр.
Жо-жоқ, мына жақта мен Қанатты жаман спортшы деп тұрғаным жоқ, (өйтіп, бұрмалар алатындардың санасына сәуле шашылсын). Айтпағым, Қанат қазақтың толағай сардары, алайда, 2015 жылдың "Үздік спортшысы" номинациясына Генадий Головкин әлдеқайда лайықты.
‪#‎GGG‬ әлдеқайда лайықты, елімізге әкелген атағы жағынан алып қарасақ та. Өзгелердің бәрінен. БІрақ, Қанаттың сауалнама бойынша көш бастап тұрғаны — біздің халықтың объективті жауап бере алмайтындығының дәлелі ретінде бағалап отырмын. Жүйрігіне тиісті бағасын бере алмаған ел ертеңіне дұрыс баға бере алар ма…
Блог - ErnarSeytahmet: Бұл халықты жеңу мүмкін емес!  Гене мен Қанаттың қайсысы Үздік спортшы атануға лайықты?
Әрі қарай

Бақ шапқан сәт

Doing a Bradbury. Тек қана Австралияға тән осындай тұрақты сөз тіркесі бар. Мағынасы «еш күш салмай табысқа жету» дегенді білдіреді. Тіркестің пайда болуына спорт тарихындағы аса бір таңғажайып оқиға себеп болды.
Блог - Marco: Бақ шапқан сәт
Әрі қарай

Испания футболының 2013 жылғы басты оқиғалары

Ordnung

Блог - Bek-enu: Испания футболының 2013 жылғы басты оқиғалары
2012/2013 жылғы маусымда «Барса» мен «Реал» УЕФА Чемпиондар лигасының финалына дейін жетті. Қай жылы болмасын, осы турнирдің басты фавориттері саналатын қос командадан кез-келген жанкүйер жоғары орын күтетіні анық.Егер екеуі де финалға шыққанда, «Эль Классиконың» куәсі болатын едік. Бірақ, жанкүйер тілегі орындалмады. Испанияның қос мықтысын германиялық «Боруссия» мен «Бавария» жартылай финалдан қайтарды.
Жартылай финалда Левандовски «Реал» қақпасына покер орындаған тарихтағы алғашқы ойыншы атанды. Ал «Бавария» каталондық клубты 7:0 есебімен тас-талқан етіп ұтты.

«Сосьедадтың» жұлдызы жаңған маусым

Блог - Bek-enu: Испания футболының 2013 жылғы басты оқиғалары

«Басктер» өздерінің керемет маусымдарын өткізді. Араға 10 жыл салып, қайтадан Чемпиондар лигасына жолдама алды. Филипп Монтанье аз уақыттың ішінде тамаша команда жасақтап үлгерді. Испания біріншілігінің алғашқы үш жүлдесі «Барса», «Реал», «Атлетикоға» бұйырған соң, Чемпиондар лигасына жолдама беретін төртінші орынның тағдыры тек соңғы турда анықталды. «Сосьедад» пен таласқа түскен «Валенсия» сырт алаңда «Севильяға» ұтылды.Өз кезегінде Монтанье шәкірттері «Депортивоны» жеңіп, төртінші орынға иелік етті. Сәтті маусымнан кейін бас бапкер Испанияны Францияға ауыстырды. Оның орнына испаниялық Ягоба Аррасате келді.
Аррасате жаттықтыруымен команда Чемпиондар лигасының плей-офф кезеңінде «Лионды» жарысты шығарды. Бірақ, топтық кезең олар үшін сәтті болған жоқ. МЮ, «Шахтер», «Байер» командаларымен бір топқа түскен «Реал Сосьедад» бар жоғы бір ұпаймен топтық кезеңді соңғы орынмен аяқтады.
Касильястың жарақаты

Блог - Bek-enu: Испания футболының 2013 жылғы басты оқиғалары

Жыл басында мадридтік «Реал» Испания кубогының ширек финалында «Валенсия» клубымен жолықты. Примераның бас жүлдесінен үміт үзген соң, Жозе Моуринью Чемпиондар лигасы мен осы ел кубогынан дәмелі болатын. «Сантьяго Бернабеудегі» кездесуде Криштиану бастаған футболшылар аса қиындықсыз жеңіске жетті. Ал қарымта ойын мадридтік команданың символы Икер Касильяс үшін аса қиын күннің бір болды. Капитан қақпашы осы кездесудің 14-минутында алған жарақатынан наурыздың соңында бірақ жазылып шықты.
Икер қатардан шығып қалған соң, оның орнына сенімді қақпашы қажет болды. Қосалқы құрамдағы Адан мен Хесус аңыз капитанның орнын басуға сай емес еді. Екі күннен кейін Жозе бапкер «Севильяның» қақпашысы Диего Лопесті шақырды. Лопес командаға келе сала, өзінің №1 қақпашы болуға дайын екенін көрсетті. Сенімді ойынымен бапкер сенімінен шықты. Касильяс жарақатынан жазылып шыққан соң, негізгі құрамға оралады деп ойлаған едік. Бірақ, олай болмай шықты. Жозе бапкер Лопеске сенімді артуды әрқарай жалғастыра берді. Капитан қосалқы құрамда қалды. Маусым аяқталған соң, Жозе кетіп, оның орнына Карло Анчелотти келді. Италияндық бапкерде Касильясқа емес, Лопеске сенім артты. Қазіргі кезде Икер Чемпиондар лигасы, Испания кубогында ғана команданың қақпасын күзетеді. Ал Диего Лопес чемпионаттағы ойындарда алғашқы минуттан алаңға шығады.

17 жылғы үзілістен соң...

Блог - Bek-enu: Испания футболының 2013 жылғы басты оқиғалары

Соңғы жылдары Испаниядағы жүлденің барлығы тек екі командаға бұйырып жүргені баршаға аян. Қос мықтыға айтарлықтай қарсылық көрсетіп, Испания кубогын жеңіп алған «Атлетико» командасы болды. Диего Симоненің шәкірттері финалда басқа-басқа емес, өздерінің мәңгілік қарсыластары «Реалды» 2:1 есебімен ұтты.
2013 жылдың 17 мамырында араға 17 жыл салып, мәртебелі кубокқа қол жеткізді. Финалда мергендігімен көзге түскен Диего Коста мен Миранда болды. Осылайша 2012/13 жылғы маусымда «Реал» ең соңғы жүлдесінен де айырылды.

Бразилиядағы жеңіліс

Блог - Bek-enu: Испания футболының 2013 жылғы басты оқиғалары

«Қызыл фурия» соңғы әлем чемпионаты Еуропа бірінішілігінен соң, Конфедерация кубогының басты жүлдесінен де үміткер еді. Финалға сүрінбей жеткен Дель Боске шәкірттері ақтық сында алаң иелерімен кездесті. Осы екі құраманың ойынын жанкүйерлер көптен күтіп жүр еді. Соңғы жылдары сүрінбей жүрген Испания мен туғандарынан доппен бірге өсетін Бразилия аяқдопшылары арасындағы ойын кімді болсын бей-жай қалдырмайтыны анық. Әйткенмен финал біз күткендей болмады. Пиреней түбегінің футболшылары финалда Латын Америкасының құрамасына еш қарсылық таңыта алмады. Неймар бастаған жігіттер 3:0 есбемін тас-талқан етіп ұтты.

Жыл трансфері

Блог - Bek-enu: Испания футболының 2013 жылғы басты оқиғалары

Жыл трансфері сөзсіз Гарет Бэйл. Уэльс құрамасының футболшысын «Реал» 100 миллион еуроға «Тоттенхэмнан» сатып алды. Бұл футбол әлеміндегі ең қымбат трансфер болды. Осыған дейін ең қымбат трансфер Криштиану Роналдудың бағасы 94 миллион еуро бағаланған еді.
Жалпы осы маусымда Флорентино Перес футболшыларды сатып алуда аса белсенділік таңытты. Бэйлден бөлек, Иско (30 миллион еуро ), Ильярраменди (40 миллион еуро) секілді футболшылар карольдік клубтың қатарын толықтырды.

Испания жастары Еуропа чемпионы

Блог - Bek-enu: Испания футболының 2013 жылғы басты оқиғалары

Испанияның кез-келген жастағы құрамасы әрбір турнирдің басты фавориті саналады. Өтіп бара жатқан 2013 жылы Испанияның U-21 жасқа дейінгі құрамасы Еуропа чемпионы атанды. Осылайша Испания жастары құрлықта төртінші және қатарынан екінші рет бас жүлдеге қол жеткізіп отыр.
Чемпионат барысында Де Хеа, Монтойя, Бартра, Ильярраменди, И. Мартинес, Коке, Тьяго, Иско, Тельо, Мората, А. Морено өз шеберліктерін паш етті.
Әрі қарай

ЧЕМПИОНДАР ЛИГАСЫ. 1/8. БАРСА VS МАНСИТИ

Футбол десе, қатынын төркініне жіберетін жанкүйерлер, атша шауып жүрмісіңдер?! Қалай, мониторға сәл еңкейіп, сол қолмен жақтарыңды таянып, ыңғайланып отырсыңдар ма? «Кім не жазды екен, ә?» миықтарыңнан мырсылдап. Футбол үшін көп сөздің қажеті жоқ, көпәріп деп ешкім оқымайды. Барынша қысқа етіп жазайын. Біршама уақыттан бері ештеңе жазбай кеттім. Жалпы, Керекинфоның «белсендісі» емеспін ғой. Менің Барсаға көкбауыр тұсымның бұратындығы жасырын емес-ті. Чемпиондар Лигасының 1/8 финалында Мансити футбол командасымен ойнайды. Жеребе осылай түсті. Бұл команданы зерттеуге тырысып көрдім. Мықты тұсы, әлсіз тұсы қайсы. Сұрақтарыма жауап іздедім. Біраздан бері Манситидің ойындарын әр жерін көріп жүргенмін, былай жақсы команда. Топтық кезеңде Мюнхен-Аренада Байернді ұтты. Кеше Мансити-Ливерпуль ойынын төреші «ойын басталды-ойын аяқталды» деген белгіні білдіретін ысқырық шалған кездерінен, яғни, басынан аяғына дейін көрдім. Команданы бір ойынына қарап, «пәлен екен, түген екен» деген таяз ойлылық пен футболдық мағынада дүмшелік болар. Манситидің бюджеті қомақты, футболшылары шебер. Бапкері — Пеллегрини деген азамат. Бұл азамат Испания футболымен етене таныс, талай жыл Ла Лиганың бірнеше командасында бапкер болған. Барсаны жақсы біледі. Командалары Каталония шеберлерімен сан мәрте кездескен. Манситидің ең мықты тұсы — қос қапталдағы жартылай қорғаушылар мен шабуылшылар. Испания футболымен таныс — испан Силва (Бұрынғы командасы «Валенсия»), Навас (Бұрынғы командасы «Севилла» — испан акцентімен), Негредо (бұл да «Севилладан»), ЯЯ («Барселона») және Серхио Агуэро. Коларов, Джеко, Фернандинио, Насри Футбол, тек қана футбол!: ЧЕМПИОНДАР ЛИГАСЫ. 1/8. БАРСА VS МАНСИТИсекілді футболшылар бар. Мықты әрі әлсіз тұсы — орталық қорғаушылар: Компани мен Лескотт. Қарсылас команданың шабуылшыларынан әр ойында кемі екі-үш рет «көз жазып» қалатын әдеттері бар. Қателіксіз адам болмайды. Есесіне, осы қорғаушылар қарсылас команданың айып алаңындағы стандарттар кезінде басып-жаншып, баспен гол соғып кетуге қауқарлы. «Зік» еткізеді, болды, доп қақпада! Барсаның шағын денелі шабуылшылары осы екі азаматты әбден терлететін түрі бар. Қақпашы Хартты Барса сынап көреді. Көбіне, қақпашылар жайлы көп айтылмайды. Ойын барысына қарай, дәлірек айтсақ, бабы мен бағына қарай жұмыс істейді. Ал, көрер қызық көбейсін! Әдемі футбол көру бұйырсын!
Әрі қарай

Мен көрген Словения

Сәлем, алдағы мен туралы жазылған постта мынадай сұрақ болған еді:
– Спортпен айналысып жүріп жастық шақтың қызықтарынан құр қаламын деп ойламайсың ба?
– Керісінше, жастық шақ қызықтарын толықтырады. Оқушылар жазғы демалысқа шыққанда ата-аналары ауылға жібереді ғой, ал біз болсақ еліміздің ең тамаша, табиғаты әдемі жерлерге барып жаттығамыз. Ол жақта 24 сағат бойы жаттығу жасамаймыз, көптеген қызықты іс-шаралар ұйымдастырып өткіземіз. Балалық шағым өте қызықты өтті және жастық шағым да гандболдың арқасында қызыққа толы. Туризмге, саяхат жасауға қызығамын, ал гандболдың арқасында бір талай шетелдерін араладым.

Солардың бірін назарларыңызға ұсынамын, алғашқы постым болғандықтан қатты сөкпеулеріңізді сұраймын))
Әрі қарай

Г.Головкиннің қанды моншасы немесе алпауыт жұдырықтары

Алдымен Геннадий Головкиннің бокстағы қысқа тарихы, атап айтқанда өмірбаяны жайлы баяндағым келіп тұр.
1982 жылы, еліміздің көмірлі, кеңді астанасы – Қарағанды қаласында дүниеге келген. Жалпы бұл қаланың бокс мектебі сонау советттер кезеңінен бастап, мықты болып саналады. Елімізге талай мықты боксшыларды тәрбиелеп, қазақ батырларын әлемге паш етті. Соның бірі – Геннадий Головкин.
2003 жыл Әлем Чемпионы, 2004 жылғы Олимпиаданың күміс жүлдегері, Қазақстанның еңбек сіңірген бокс шебері, 7-дүркін ел Чемпионы. Сонымен қатар, өзге де халықаралық сайыстардың жеңімпазы мен чемпионы. Атап айтқанда, жастар арасындағы 2000 жылы Әлем Чемпионы, Қ.Р-ғы алғашқы І Спартакиаданың чемпионы, 2001 жылы мұңайлы мемлекеттер арасындағы Әлем Кубогының иегері, ІІІ Шығыс-Азиялық ойындардың чемпионы. Сонымен қатар, тізімдеп жетістіктерін жаза берсем, өте көп. Бұл менің ойымша ең негізгілері деп санаймын. 2006 жылдан бастап кәсіпқой боксқа өтеді.
Әрі қарай

Чемпион болар күн қашан?

Сен салмадың мен салдым,
Қайырлы болсын сіздерге,
Бізден бұл қалған теңбіл доп.
-Уэйн Марк Руни

  Қазтуғанша жырласақ: "Қайран да Қазақ футболы, Чемпион болар күн қайда?". Бүгінде 90-минут «синдромынан» кейін ұлт футболы жайлы әңгіме айтудан қалдық. Әлем чемпионатына қатысу бейне бір оқырманына жетпеген, жазылып бітпеген «поэма немесе эпопэя» секілді. Кейде кездейсоқ бір ой келеді. Алтыдағы баласынан алпыстағы шалына дейін ала доппен ауырған Еуропаға қосылмай-ақ, Азияда алшаңдай басып жүре бермедік пе деген.Қаржысын қайда жұмсарын білмеген атымтайлар ай қарап жүрген шақта, теңгеден теперіш көрген "Қайсарлықтар" ел премьер лигасына қатыса алмай отыр. Отандық аяқдоптың деңгейі қашан көтеріледі? Айтпақшы, биыл қуанышы мен жубанышы егіз қазақ футболына 100 жыл толды. 1913 жылы жас Мұхтар Әуезов құрамында болған алғашқы футбол командасының атауы «Ярыш» деп аталған-ды. Міне ұлы Мұхаң ойнаған қазақ футболы тұп-тура бір ғасырды артқа тастапты. Біз ғасырлар тоғысында неден ұттық, неден ұтылдық?
Ғасырдан да ұзақ 90 минут...
Әрі қарай

Біздің чемпиондарға мың тағзым!

Чемпиондар
Ия, Лондон Олимпиадасының чемпиондарына бас имейтін қазақ жоқ шығар. Не деген бақыт Құдай-ау! Құдайға мың шүкір, осындай жарқын жетістіктерге куә қылған біздерді. Бұл күнге жеткен де бер, жетпеген де бар білеміз. Кім қуанбай жатыр, кім мақтанбай, кім мадақтамай жатыр біздің Олимпиада қаһармандарын?! Құдіреті биік көк байрағым көкке көтерілгенде, айбыны асқақ Әнұраным шырқалғанда жүрегім жарылуға шақ қалып, көздің жасы мөлт-мөлт етіп тоқтаусыз ағады. Бақытымызды тасытты ғой, тасытты жұдырықтай жүректері елім деп соққан Зулфия мен Майя қыз, Светлана мен Ольгалар һәм Илья мен Александрдай ағамыз. Олар нағыз қаһармандар. Ел тарихында алтын әріппен аты қалатын құрметтілер!
Ел намысы үшін жан алысып, жан беріскен текетіресте қалай өнер көрсеткенін таңдай қағып тамашаладық. Салмағын екінің бірі еңсере алмайтын зілтемірді бойынан асырып, қалт етпей биік ұстағанда талай рекордтарды жаңартып, қуанышымызды еселей түскен қыздарымыз бен Екі Дүркін Олимпиада чемпионы атанған Ильямызды қалай мақтасақ та, қандай құрмет көрсетсек те жарасады. Талай биікті бағындырып, Олимпиада алтынымен спорттағы мансабына нүкте қойған Винокуров пен Ольга апасының жетістігін 12 жылдан кейін қайталаған Ольга Рыпаковалар абыройымызды тасытқан абзал азаматтар. Біз мақтанамыз осылайша, олар қалай елді сүйсе, біз оларды миллион есе құрметтейміз. Олар біздің патриот тұлғаларымыз. Ильяның отансүйгіштігіне тәнтімін. Былтыр ғана ел Тәуелсіздігінің 20 жылдығына тамаша тарту жасағанын білесіздер. Сондағы киімі 20 жылдыққа арналған болатын, ал күні кеше жарысқа шыққанда, ел байрағының үлгісін үстіне қондырыпты. Одан сайын тартымды көрінді дүркін-дүркін чемпион атанғанда. Көңілімізден кетер емес, шат-шадыман күйге бөлегені спортшыларымыздың. Ұйқыдан қалдық, «алтын», «алтын» деп ұрандап. Ал, кешелі бері «Илья батыр елге келеді, күтіп алайық жиналып!» деп твиттерлік ағайынның алақайлап жатқанын көріп, әттең Алматыға жол тартсам ғой деп армандаймын. Тарихи сәтті көргім келеді көзбен, сезінгім келеді алып чемпионның елге келгендегі сезімін. Бірақ жаңалықтан, интернет порталдардан қалт жібермей көру бақытын ғана қанағат етемін.
Құрметті алматылықтар, құрметті достар, ел еркесін күтіп алу рәсімінен қалмауға тырысыңыздар. Чемпиондардың әр қазақтан құрмет көргені артық етпейді. Ал, біз ауылдағы ағайын оларға рух сыйлауға алаңға шығып, қолдау көрсететін боламыз.
Ел еркелері елге аман-есен оралсын деп Алладан ақ жол тіледік!
Чемпиондардың жеңісі басқа спортшыларымызға жұғысты болғай! Алтын көбейсін!
Әрі қарай

Еуро-2012 ойындарының чемпионы кім болады?

"Кім чемпион?" дегенге "аз-маз ақша тастап қойсам" деген едім? Басым қатып отыр, доп домалақ дейін десем, сол допты домалататын адам ғой. Немістер чемпион болады деп ойлаймын, бірақ француздардың жеңімпаз болғанын қалаймын.
Әрі қарай

Чемпион әнші

18-ші наурыздан бастап «Хабар» арнасынан эстрада әншілері, актерлер өзара жұдырықтасатын (бокстасатын) «Чемпион» бағдарламасы көрсетіле бастады(халық таниды-ау дегендер, танымайтындар да бар).Әрине, блогқұрылтайда шапқылап жүрген Сіздерден «бұны көрдіңіздер ме, тамашаладыңыздар ма?» деп сұрауымның өзі ерсі. Блогқұрылтайға бара алмай қалған менің өзім көрмедім бұл жобаны.Тек «Ютуб» арқылы бір-екі кездесуді тамашалағанымды мойындаймын.
Ресейлік жұлдыздар жұдырықтасқан «Король ринга» бағдарламасының біздік нұсқасы.Шоудың басы-қасында жүрген өзіміздің Владимир Рерих жездеміз.Дегенмен, кім чемпион атанып, жол талғамайтын көліктің иесі атанар екен? Жұлдыздар арасында бокспен тұрақты түрде айналысамын деп сұхбат беріп жүретін жігіттер де бар бұл сайыста. Еркін Мәулен бір сұхбатында«Студент кезімде бұзық болдым, күнде қызыл қанның ортасында жүрдім, кісі өлтірмесекте өлімші қылып сабаған кездер болды» деген сынды сұхбат беріп еді бір бағдарламада. Мынау қазір жыртатын шығар деп отыр ем,өзі жыртылып қалды. Кімнен екенін ұмытып қалдым.
Алдағы уақытта осы шоуды тамашалай қалсаңыздар осы жерде талқылай отырсақ деген ой ғой менікі.
Кейін жүргізушілер жеңімпаз әншіні сахнаға «Сахнада өздеріңіздің сүйікті әнші, сазгер, бокстан чемпион ұлдарыңыз Пәленшеев Түгенше» деп шақыратын шығар.

Жездейдің суреті алынған жер.
Әрі қарай

Спорттық ғұмырын адам ғұмырына айырбастаған адам. Ол кім???

Баяғыда осыдан отыз бес жыл бұрын, Кеңестік бір мықты спортшы, спорттан қоштасады. Қарасаңыз жайғана оқиға, кім кетпей жатыр дейсің осы спорттан… Бірақ бұл оқиға өзгеше болды. Себебі, (санай отырыңыз..) әңгіме әлемнің 11 дүркін рекордсмені, 17 дүркін әлем чемпионы, 13 рет Европаны бағындырған, 7 мәрте КСРО ның чемпиноны болған тұлға жайлы болмақ. Спорт әлемінде осындай тұлғалар саусақпен санарлық. Дәл осылай атақты спортшы, өзінің бабының келіскен, шарықтау шыңында спорттан қош айтысады. Мәскеуден жеке аяқ киім тігу шеберханасын ашу оның арманы болатын. Иа солай, ол өз талантын Ераван көлінің кірге толы мұз қатқан тұңғйық тереңіне батырды. Ал ол үшін ешкім, ешқашан оны кіналай алмасы қақ.

…1976 жылыдың 16 қыркүйегінде Ереван қаласында дамба үстінен жүріп бара жатқан тралейбус суға құлады.Тоқсан екі жолаушы он метрлік тереңдікке тірідей батты. Маңдайға жазылған өлімнен құтылу мүмкін болмады, тек мына жағдай болмаса: дәл сол кезде суға жүзуден әлемнің бірнеше чемпионы Шаварш Карапетян кезекті жатығуын өзен жанында өткізіп жатқан еді. Опат нәтижесін шығарған эксперт мамандар: ешікм ешқашан өмірде осындайіс әрекетті ітсей алмас еді, тіпті физикалық тұрғыдан алсаңыз да, -деген. Лай, кір өзенге кірпік қақпастан секіріп түсіп, тралейбустың артқы терезесін аяғымен сындырып, естен таңған жолаушыларды құтара бастаған. Жиырма минуттай мұзды суда тұру бұл ерлік еді. Жиырма адамды ажал ауызынан құтқарды.Негізінде тралейбустан жиырмадан көп адамды қсыртқа алып шығады, бірақ біразы мерт болды. Шаварш кезекті рет суға секіргенін және үсті басының сынған терезе сынықтарының жабысып қансырағанын дамба маңына жиналғандар көрген болатын.

Кейінріек, — Сол кезде ең қорқыныштысы не болды? — деген сұраққа Шаварш Карапетян: «Мен қанша мықты дайындықта болсам да, су астында көп тұра алмайтынымды білдім және көп адамды құтқара алмайтынымды түсіндім. Су астында түк көрінбеді, мен тек сезіп ұстап көру арқылы ғана адамдарды құтқардым. Бірде мен өз қолымда былғары орындық алғанымды көрдім Соны көрдімде менің қателігм, адам өмірімен пара пар екенін түсіндім, ал сол орындық менің түсіме мың рет кірген шығар. — дейді спортшы».

Спортшы осы оқиғандан кейін ауыр пневмониялық ауруға шалдығып, оның қанында кір судан жуқпалы ауру жұққаны анықталады. Ал көлгеге өз кезегінде қалалық қоқыс сулар құйылған екен, сіра содан да болар… Дәрігерлер әреңдеп жүріп Шавраштың өмірін құтқарады, бірақ спортпен мәңгіге қош айтысады. Ал атақты спортшы, әлем чемпионы — Шаварш Карапетян мүгедек болып қалды..

Өз өміріне, спорттық ғұмырына балта шапқан Шаварш Карапетян, адамдарға деген махаббатын ұмытқан емес. Адам өмірі үшін спорттық ғұмыры сол Ереван көлінінің тұңғиығына кетті. Жаратқан иемиіз оның осы ерлігі үшін, қорқынышқа толы жиырма минутын мыңдап еселеген болар…

Менің ойымша: дәл осында адамдардан бүгінгі жастар үлгі аласа деймін. Баларалды осылай тәрбиелесе ғой шіркін… Мектепте осында ерліктерді үлгі қылып айтса ғой… Дәл осы оқиғадан тура 11 жыл өткеннен соң мен дүниеге келдім… Бірақ осы адам туралы, осы қайғылы оқиға туралы бүгін білдім!!! Тек 36 жыл өткеннен соң.!!!

P.S. Шаварш Карапетян бүгінде Мәскеуде тұрады. Құдай қалап, Мәскеуге барып жатсам, осы ҰЛЫ АДАМДЫ іздеп тауып қолын қысар едім…
Әрі қарай

Әлем чемпионымен футбол ойнадық....

Your text to link... сурет осы жерден алынды.

Кім білген, аа??? Осылай болатынын.
Біз әріптестерімізбен аптасын екі рет кешке футбол ойнаймыз… Бастығы бар, қосшысы бар әйтеу бәрі, бір отбасының мүшесіндей тату тәтті доп тебеміз. Тартысқа толы ойындар, кей-кейде сөзге таласта болып жатады, не керек футболда болатын жағдайдың бәрі болады. Ал ойынннан соң ойынды талқылап қалай ойнағанымыз бен қарсылас топты жеңгенімізді талқылап әңгіме дүкен құрамыз…
Ал кешегі ойында атақты балуан әлем чемпионы, азия чемпионатына 4 рет қатысқан, Жазғы Азия ойындарының чемпионы, Әлем Кубогының қоласын алған азаматпен доп ойнау бір ғанибет екен. Тепкен доптары зіл батпан… Дәл Роберто Карлос сияқты тебеді....Қарапайым салмақты келеген жігіт, өзінің атағымен мақтанбай, жай қатардағы адамдар сияқты жүргені мені таң қалдырды…
Бүгін ғаламтордан Бақтияр туралы ақпарат іздесем көп емес екен. Тіпті суреттеріде жоқтың қасы… Ал жыл сайын жасөспірімдер арасынан өткізілетін Бақтияр Байсейтов турнірі ғана болмаса, балуан ағамыз жайлы ақпараттар бірең сараң… Таңым бар…
Әрі қарай