Чемпиондар Лигасы 1/8 финалының алғашқы ойындары бүгін жалғасады. Хабар мен Қазақстан каналдары тікелей көрсетеді.

23.02.2011 01:45 Лион — Реал Мадрид ХАБАР
23.02.2011 01:45 ФК Копенгаген — Челси ҚАЗАҚСТАН
24.02.2011 01:45 Марсель — Манчестер Юн ХАБАР
24.02.2011 01:45 Интер М — Бавария ҚАЗАҚСТАН

Бүгін ең қызық ойын лион мен Реалдың ойыны. Өткен жылы Лион өткен болатын, биыл Реал реванш алуға тырысады. Келесі жұптың фавориті Челси болып көрінгенімен, олар биыл ойындарымен мәз қылып жүрген жоқ. Копенгаген өз алаңында жақсы ойнайтын команда, бүгін Челсиді ұтса таң қалмау керек.

Ертеңгі ең қызық ойын Интер мен Баварияның ойыны. Бұл жолы Баварияның жолы болады деп ойлаймын. Ал Манчестер Марсельді қиналмай өтуі керек.

Фото: AFP/Lluis Gene

Кешегі ойындар өте қызық өтті. Арсеналдың 1-ші таймдағы ойынына, Барселонаның бірнеше гол мүмкіндігіне қарап, ірі есеппен жеңеді деп болжап отырғанмын. 2-ші таймда мүлдем басқа Барселона көрдік, Арсенал 0-1 ұтылып жатып, жоғалтатын ештеңесі болмағасын басты шабуылға. Ойынға кейіннен қосылған Аршавин 5 минут ішінде алғашқы голдың шабуылын бастады, артынан өзі де гол соғып, нәтижені белгіледі.

Ал Римде Донецкінің Шахтеры тур мәселесін 1-ші таймда-ақ шешіп тастады деуге болады. Ойын қортындысы 3-2, украиналықтардың пайдасында. Реванш матчында 2 голмен жеңіліп қалмаса болды енді.

Чемпиондар Лигасы 1/8 финалының алғашқы ойындары кеше түнде болды. Милан өз алаңында Тоттенхэмнен 0-1 жеңілді, ал Валенсия Шалькемен 1-1 тең түсті.

Милан — Тоттенхэм

Сонымен көптен күткен футбол мейрамы да жетті бізге. Бүгін 1/8 финал ойындарының алғашқылары басталады. Бүгін 2 ойын, ертең 2 ойын. Қалған 4 ойын келесі аптада. Яғни бұрынғыдай 2 апта күтпейміз, әр апта ЧЛ ойындары болатын болады.

16.02.2011 01:45 Милан — Тоттенхэм ҚАЗАҚСТАН
16.02.2011 01:45 Валенсия — Шальке-04 ХАБАР
17.02.2011 01:45 Арсенал Л — Барселона ҚАЗАҚСТАН
17.02.2011 01:45 Рома — Шахтер Дн ХАБАР