Ақзере қарындасым жазып үлгеріпті. Мен де сүйінші сұрағым келеді. Видеосын түсіріп едім елұран орындалған кезде. Тағы бір мәрте бірге тебіреніп көрейік:

Жеті жасынан бастап суда жүзуді үйрене бастаған АҚШ атлеті Майкл Фелпс үш жылдың ішінде-ақ өз қатарластарының арасындағы әлем рекордын жаңартқанда, АҚШ бапкерлерінің көзіне бірден ілігеді. Кейін 15 жастағы Майкл Сидней (2000 жылы) олимпиадасына қатысады да, онда ол баттерфляй әдісі бойынша 5-орынға қол жеткізіп, өзіне үлкен тәжірибе жинақтады.

Осы сәттен бастап Майкл тек АҚШ жұртын емес, күллі әлемді таңғалдыра бастайды. Ол 2004 жылы өткен Афины олимпиадасында 6 алтын, 2 қола медальді қанжығасына байласа, Бейжің (2008 жылы) додасында жүзуден мүмкін болған 8 алтынның барлығын қоржынына салды. Сонымен, оның қоржынында, қазіргі таңда, олимпиаданың 14 алтыны мен 2 қола медалі бар. Бұл жетістікке Әлем чемпионатының 26 алтыны мен 6 күміс, 1 қола медалін қосыңыз.