Кейбір журналистердің негативті қасиеттері туралы жазып, олардың жүйкелерін жұқартқан шығармын  Ондай журиктермен күресе беру керек.
Кейбір журналистің бойында журналистке тән қасиеттер болмаса да газет-журналдарда істеп, шайлығын тауып жүреді. Олардың сауатсыздығын мақала жаза алмауларынан, сауатты аударма жасай алмаларынан білуге болады. Ал ұры-қарылық қасиеттерін басқа автордың мақаласын заңдарға қайшы әрекеттер арқылы көшіріп, зияткерлік меншікті ұрлауы арқылы көрсетіп қалады. Ең қызығы үшінші қасиет болғалы тұр.

«Ана мен бала» сайтында жарияланған "Итарбаның (ходунок) пайдасы мен зияны" атты мақаланы ұрлап, «Балбөбек-ай» журналында ұрлап басушылар мақаланы аздап өзгертіп, көптеген сөйлемдерін сол қалпында жариялаған. Онысын қойшы… ұрлаған мақалаларының астына қайдан алынғаны белгісіз бір педиатрдың аты-жөнін жазып қойыпты. Сонда оны жазған адам мен оны сайтымызға шығарған біз ақымақ екенбіз, ал дайын мақалаға иелік етіп, өмірде бар-жоғы белгісіз бір адамның атын жазып қойған журналистсымақтар ақылды екен.