Жарияланымдар

Таңғы симбиоз



Таңғы сағат төрттің кезі. Тыныштық.
Шылым. Ноут. Үстел жапқан кітаптар…
Салғыластық дау тудырып, кофе іштік.
Бірақ, бізде симбиоздық сипат бар.

Маған қиын ұғу сендік пайымды.
Сендік ойды, сендік ниет, сезімді.
Түсіне алмаймын торығып жазған жайыңды!
О, Құдайым, қайдан саған кез қылды?!
Әрі қарай

Мультимедиалық интернет-журналистика курсы


Назар аударыңыз!
MediaNet халықаралық журналистика орталығы онлайн-медиа журналисті болғысы келетін жастарға арналған қазақ және орыс тілдеріндегі мультимедиалық интернет-журналистика курсына қабылдау кезеңін ашық деп жариялайды. 
Әрі қарай

Ликвидатор. Есейген “Рэкетир “



Қанды кек дегеніміз қанға малшынған әділдік.

Бауыржан Тойшыбеков

“Я прочитал сценарий “Ликвидатора”, он мне понравился,

посмотрел фильм “Рекетир” и считаю,

что режиссер (Ахан Сатаев) снимает в стиле Гая Ричи”.

Винни Джонс


Фильмді түсірген: Ш. Айманов атындағы «Қазақфильм» киностудиясы мен «Сатайфильм» кинокомпаниясы
Сценарий авторы: Тимур Жақсылықов
Қоюшы режиссер: Ақан Сатаев
Қоюшы оператор: Хасан Қыдырәлиев
Қоюшы суретші: Дастан Жанғарашев
Композитор: Ренат Гайсин
Рөлдерде: Берік Айтжанов, Қарлығаш Мұхамеджанова, Әзиз Бейшеналиев, Ментай Өтепбергенов, Виктор Ашанин, Михаил Токарев, Төлеубек Оралбай, Анатолий Креженчуков, Винни Джонс (Ұлыбритания). /Ақпарат “Қазақфильмның” сайтынан алынды/

Фильм сайты: liquidator.kz

7 сәуір. Ақан Сатаевтың “Ликвидаторының” премьерасы болатын күн. Жарым түндегі сеанс. Жарты сағат ерте келдік. Орын қалмапты десе де болады. Өйтіп-бүйтіп екі билет алдық. Отырдық. Басталды.

Трейлерін көріп, аннотациясын оқып, фильмды тамашалап отырып түсінгеніміз мынау болды.
Әрі қарай

Эстафета. Сникерстен ала отырыңыздар

Женщины едят за разговорами, мужчины разговаривают за едой.
Малькольм де Шазаль

Негізі мен осы жерде отырған бір топ еркекті сотқа бере аламын. Моральдық шығынымды өтеп беріңдер деп. Күні бойы қанды іштіңдер тамақтың неше түрін көрсетіп. Ернұрдың сірнесін көргенде есім кәдімгідей ауып қалды.
Жарайды, бұл кедір-бұдыр лид болсын.
Патик кезек сенікі дегенде, басыма небір ойлар келді. Небір болғанда, не ғой, естігеннен-ақ аузыңның суы құритын алуан-алуан рецептер емес, алдарыңа не тартамын деген жымысқы ой.
Содан не керек, аласұрып жүріп асхананы жарып жібере жаздадым. Абырой болғанда, есіме алдында әйелім екеуміз жасаған бір конфеттің рецепті түсті. Басында жаңғақ аршып, кәмпиттің құрамдас бөліктерін араластырып (қазір түсінесіздер) жүр едім, соңғы рет тұтастай өзім жасадым. Төрт жыл жатақханада тұрып, тамақ істеуді үйрене алмай кеткен мен үшін бұл жетістік (күлмеңдершиш, е).
Әрі қарай

Айқас. Екінші бөлім: Сиқыршы



Жалғасы. Басы мұнда.

Кто ищет зла, к тому оно и приходит.
Притчи Соломоновы (Прит., 11, 27)

— Тоқтат!

Екі орынтағы екі алып кесірткенің бейнесінде жасалған тақты ауыр денесімен боздатып барып Әмірші орнынан көтерілді.

Қыста суық, жазда ыстық өткізбейтін жорық шатырының іші толы адам. Бас қолбасшы мен оның артында тұрған отыз орынбасары бір тізерлей кеткен күйінде тына қалған. Сықырлатып қару асынған әскери кеңесшілер, үлде мен бүлдеге оранған төрелер үнсіз, иектерін көтеріп, алдарына тік қарауға батылдары жетер емес. Күтушілер мен Әміршнің жеке күзеті де қандарын іштерін тартып сұп-сұр болып алған.
Әрі қарай

Айқас. Бірінші бөлім: барлаушы



Шум оружия заглушает голос законов.
Мишель де Монтень

"Қайран, Дәруішөлген… Қайран, ел… Тоз-тозыңның шыққанын көремін деп екі дүниеде ойладым ба!?". Жаудың бағытын барлауға шыққан Мастұр батыр талай рет қалқан мен қылыштың жүзін көріп мұқалған сүңгісін толғап-толғап жіберді де, екінші қолына ауыстырды. Күн қағып, тотыққан жүзі әлдебір ауыр ойдың астында қалғандай — тым қайғылы, тым салмақты. Шалқар даланың шебер желі батырдың жүзіне әдейілеп оюлап әжім салғандай. Айбары мен адалдығы қатар көрінер қысық көздер ерекше күштің иесінікі екенін дәлелдеп тұр.
Әрі қарай

Мен ұсынатын 3 кітап

Әр кітаптың өз тағдыры бар.
Мавр Теренциан

Германия-Қазақстан ойынын көріп, жүйкем жүн болып отыр еді, блогшылар (ілмектерді қараңыз) бір бастама көтеріпті. Алғашқы болып жазба жазу құрметі маған бұйырғасын, ережесін бір жолмен түсіндіре кетейін.

Тақырыпқа қарап, тақырыптың не жайлы тақырып болатынын түсінген шығарсыздар. Менің үш кітап ұсынған постымнан кейін, мен кезек берген блогшы өзінің үш кітабын «рекомендейді». Сосын кезегін келесі адамға бағыттайды. Сөйтіп, осындай аса күрделі және қиын процесс арқылы эстафета жүргізіледі.
Әрі қарай

Төрт шумақ өлең


Тағы да түн…
Қара түнді ұнатамын, ұғамын…
Мылқау түннен жауап таппай мазамды алған сұрағым
Темекінің түтініне еріп, мені тастап барады…
Ал сен болсаң… ал сен болсаң… телефоннан жыладың.
Әрі қарай

Бізден бір қалған Блогкемп…



Бірнеше ай болды Блогкемптың логотипі секілді қызылды-жасылды өмір сүргенімізге. Екі күндік шара ептеп түсімізге кіріп, есімізден енді айырып бара жатыр еді, Құдай оңдап өтіп тынды. Еңбегіміз ел қатарлы сіңе қоймаса да, ертеңді-кеш тілеуін тілеп, тақымымызды қысып жүрген соң, құрылтайдың қисаймай, аман-есен өтуін шын көңілден тіледік. Тілегіміз орындалған секілді. Әйтеуір, мен сөйлескен жұрт ырза.

Әрі қарай

Блогкемптың суреттері

Қорытынды жазба жазсам ба деп отырып едім. Бірақ, әлдененің (әлде әлдекімнің) әсерімен бүкіл жинақтаған ойымның бышыты шықты. Сондықтан Сіздерге әзірге фоторепортаж бере отырайын.

ҚР Парламенті Мәжілісінің депутаты Мұрат Әбенов тіркелуде, ал Монғолиядан келген Өмірбек кезекте тұр.
Әрі қарай