Биылғы жылы елімізде ЖОО-да оқу ақысы тағы да көтеріліп отыр. Қ.Р. Статистика жөніндегі агенттігінің баспасөз қызметінің ақпараты бойынша, Қазақстанда барлығы 148 ЖОО бар. Олардың 53-і мемлекеттік саналып, онда 310092 студент немесе жалпы санының 49,9%-ы білім алуда. Қазақстандағы студенттердің 77,3%-ы ақылы негізде оқиды. Оқу ақысының көтерілуі жоғары білімге сай келе ме?

Алматы қаласындағы әл-Фараби атындағы Қазақ Ұлттық университетін (ҚазҰУ), Каспий унисерситетін, Т.Рысқұлов атындағы Қазақ Экономикалық университетін (ҚазЭУ), Қ.И.Сәтбаев атындағы Қазақ Ұлттық Техникалық университетін (ҚазҰТУ) және Қазақ Бас Сәулет-Құрылыс Академиясындағы (ҚазБСҚА) оқу ақысын салыстыра келе бір мамандықтың әр оқу орындарында әр түрлі екендігіне көз жеткіздік. Мәселен, ҚазЭУ-де бакалавр деңгейінде бір жылға қаржы мамандығына оқу ақысы – 450 мың теңге, экономика – 360 мың тг, кеден ісі – 280 мың тг, ал ҚазҰУ-де сәйкесінше қаржы және кеден ісі – 635,8 мың тг, экономика – 560 мың тг. Ал Каспий университетінде экономика мамандығына оқу ақысы – 180 мың тг екен. Сондай-ақ құрылыс факультетіне ҚазБСҚА-да 350 мың тг болса, ҚазҰТУ-да 320 мың тг екен. Байқағанымыздай, бір мамандықтың оқу құнында едәуір айырмашылық көрінеді.

2011 жылдың 4-шілде күні Ұлттық баспасөз клубында Алматы-Тамшы-Алматы бағыты бойынша алғашқы тұрақты әуерейсі іске қосылғаны жөнінде пресс-конференция өткізілді.

Аталған жобаға USAID-тың жергілікті даму бағдарламасы Қырғызстандағы «Муза» мен Қазақстандағы «Компас» туроператоры әріптестік шеңберінде қолдау көрсеткен.
Конференцияға «Компас» туристік агенттігінің атқарушы директоры Инна Дорош, Қырғызстандағы «Туризм және саяхат» туристік агентігінің директоры Мирали Мухамедзиев және «Бәйтерек» туристік агентігінің өкілі Раушан Сартаева қатысты.
Инна Дорош: әуерейстер аптасына екі рет, яғни дүйсенбі және бейсенбі күндеріне белгіленген. Алғашқы рейс 2011 жылдың 30-маусым күніне жоспарланды. Ұшу уақыты бар болғаны 15 минут. Бұл әуерейс көріп тұрғандарыңыздай туристерге өте тиімді жағын көрсетеді. Билеттің құны барып-қайту 33 000 теңге болса, ал бір жақты рейс 12 000 теңгеге шағылатынын атап өтті.
Сондай-ақ, Раушан Сартаева: студенттерге жеңілдіктер қарастырылмаған. Алайда, жасөспірімдерді назардан тыс қалдырмадық: әрбір жолаушы 2 жасқа дейінгі баласын өзімен бірге тегін алып жүруге құқылы, ал 12 жасқа дейінгі балалар 25% жеңілдікке ие. Бағдарлама Ыстықкөл облысына туристердің барынша көп санын тарта отырып, жалпы аймақтағы экономиканың даму деңгейін көздейді, — деп мәлімдеді.
USAID-тың бұл бағдарламасы үш жылға есептелген және Қырғызстанның 64 муниципалитетінде жергілікті дамуға қолдау көрсету арқылы жедел, көпсалалы және тұрақты жағдай жасайды. Аталған жоба Америка халқы АҚШ-тың Халықаралық даму жөніндегі агенттігі арқылы қаржыландырып отырған көптеген жобалардың бірі болып табылады.
Балнұр Қалабаева, Меруерт Китманова

Бүгін түскі уақыт шамасында Алматыда нөсерлеп бұршақ аралас жаңбыр жауып, дауыл тұрды. Нәтижесінде ағаштар құлап, бірнеше үйлердің терезесі сынды. Жаңбырдың нөсерлегені соншалық көп қабатты үйлердің подъездерінің ішін су алып кетті.

«2011 жылдың желтоқсанында Википедиа интернет-энциклопедиасында қазақша мақалалар саны 200 мыңға жету керек» деп мәлімдеді «Wikibilim» қорының құрылтайшысы Кенжеханұлы Рауан «Википедиа» энциклопедиясының қазақша бөлімін дамытуға арналған бүгінгі пресс-конференцияда.

«Бұл жобаның мақсаты – демеушілердің, әріптестердің көмегіне жүгіне отырып, қазақша мақалалар санын биылғы жылдың аяғына қарай 200 мыңға дейін жеткізу. Өкінішке орай, осы энциклопедиядағы қазақ тілді мақалалар саны кенже қалуда. Мәселен, 281 тілде жазылған мақалалардың жалпы саны 18 миллионнан асып отыр. Соның ішінде 3,5 миллионы ағылшын тілінде жазылса, 700 мыңнан астам мақала орыс тілінде берілген. Сол себепті осы жобаны қолға алуды жөн көрдік» дейді «Wikibilim» қорының құрылтайшысы.

Бұл конференцияға Қ.Р. Парламенті Мәжілісінің депутаты Мұрат Әбенов, «Wikimedia Foundation inc» қорының қамқорлық кеңесінің құрылтайшысы Тинг Чен, «Қазақ энциклопедиясы» редакциясының басшысы Жақып Бауыржан және «Wikibilim» қорының құрылтайшысы Кенжеханұлы Рауан қатысты.

Жобаның дамуына байланысты елімізде көптеген шаралар атқарылып келеді. «Осы шаралардың нәтижелі болып, мақсатқа жету үшін бірінші кезекте бізге инвестиция емес, технология емес, ең алдымен білімді, білікті ақпаратқа қол жететін азаматтар керек, ақпараттық қоғам керек. Ал оны құру үшін міндетті түрде біз технологиялар арқылы әр түрлі білімге қолжетімділік жасау керек. Орыс тілімен салыстырғанда қазақ тіліндегі ақпарат саны 100 есе кем. Жоғарғы оқу орындарының студенттерінің қорғаған дипломдарын, ғылыми жұмыстарын салып, жұмыс жүргізу керек » дейді Қ.Р. Мәжіліс депутаты. Айта өту керек, «Қазақ энциклопедиясы» редакциясы басшысы Жақып Бауыржанның айтуынша, аталмыш редакция Қазақстан Ұлттық энциклопедиясының 10 томдығының электрондық нұсқасын беріп, оны Википедия энциклопедиясына салуға келісіп отыр.
Сондай-ақ конференцияда дүниежүзі бойынша кіріп қарайтын адамдар санына байланысты 4-ші веб-ресурс болып есептелетін бұл жобаның қаржы мәселесі де сөз болды. Төраға Тинг Ченнің айтуынша, бұл коммерциялық емес және жарнамадан ада жоба болғандықтан, қажетті қаражаттың барлығы пайдаланушылардың жарнасынан келіп жиналады. Бұлардың басым бөлігі 5 долларға дейінгі кіші жарналар.

«Википедиа өз деңгейінде қызмет атқару үшін Заңға біршама өзгерістер енгізу қажет,- дейді Мұрат Әбенов- «Wikipedia» «Сreative Commons» жобасымен жұмыс жасайды. Ол міндетті түрде авторлық құқықтарды қалай сақтау керек және ашық, тегін және тегін емес пайдаланатын түрлерін де қарастырады. Қазіргі таңда Парламентте авторлық құқық туралы заң қарастырылып жатыр».

Бұл авторлық құқық туралы мәселе пайдаланушылардың Википедиаға мақала енгізудегі қосымша фото-сурет материалдарын қолдануына да қатысты. «Егер суретті өзіңіз түсірсеңіз, оны енгізуге құқылысыз. Ал өзге желілерден көшіріп алсаңыз, ол суретті енгізуге құқығыңыз болу керек» дейді Тинг Чен мырза.

Естеріңізге сала кетейін, Жобаның бас демеушісі «Самұрық-Қазына» Ұлттық әл-ауқат қоры. Сондай-ақ пайдаланушылар арасында өтетін байқауға «Nokia» компаниясы демеушілік жасауға келісті.

Википедия – негізі 2001 жылы қаланған көптілді еркін және тегін көпсалалы интернет-энциклопедия. Википедия интернет-энциклопедиясының басты ерекшелігі – энциклопедияға мақала жазудың жеңілдігі. Яғни энциклопедия сайтында тіркелген немесе тіркелмеген кез келген интернет пайдаланушы жаңа мақала бастай алады немесе бұрын жазылған мақаланы өңдей алады. Википедиа әлемнің барлық түкпірінен ақпарат қосуға ниеттенген ерікті жандардың көмегімен 281 тілде жазылуда. Қазір энциклопедияда барлық тілдегі мақалалар саны 18 миллионнан асты. Википедиа – сайтқа кіретін адамдар саны жағынан әлемнің алғашқы бестігінде – оған ай сайын 400 миллион адам кіріп оқиды. 2011 жылдың қаңтар айында Джимми Уэйлс пен Ларри Сэнгер бастаған Векипидиа бүгінгі күні интернеттегі ең танымал және ең ірі анықтамалық ресурс болып саналады.

Алматыда тарихы ғасырға жуық бір орын бар. Ол – М.Мақатаев және Д.Қонаев атындағы көшелердің қиылысында, нақтылай айтсақ, Мақатаев атындағы көше бойында, жаяу жүргіншілер өтетін жерде орналасқан. Халық арасында бұл жер «Жетім бұрыш» деп аталып кеткен. Міне, біз сенбі күні «Жетім бұрышқа» келдік. Жаңбыр жауып, күн бұлттанып, қараңғыланғанына қарамастан қыбырлаған тіршілік уақыт өткен сайын қыза түсуде. Сағат күндізгі 15:30 -16:30 аралығындағы бір сағаттың ішінде мұндағы халықтың сұранысын, жанарындағы қалауын, үйді жалға берушілердің ниетін аңғарып қалғандаймыз.

Бүгін қазақ эстрада жұлдызы Досымжан Таңатаров Қызылорда қаласында Н.Бекежанов атындағы драма театрында жеке концертін өткізді.

“Қызылорда-мен үшін ерекше, мен үшін биік. Репертуарымда қызылордалық сазгерлердің бес әні бар, бұл- менің Қызылордаға

Бүгін Орталық Азия қорының мультимедиялық журналистика курсы жобасының менеджері Назгүл Ақсариева осы курста білім алушы студенттермен кездесіп, өз жобасын кеңінен таныстырды.

Естеріңізге сала кетейік, бұл ақысыз курс интернет журналистикасы жайлы

Бүгін қазақтың белгілі жазушысы, Невада-Семей атомдық станциясын жабуға ат салысқан Олжас Сүлейменов 75 жасқа толды.Бұл мерекеге орай Семейде Олжас есімді азаматтар бас қосып, аспанға шар ұшырды.Солардың арасында Жазушымен аттас Олжас Сүлейменов