Жак-Ив Кусто есімі теңіз әлемімен тығыз байланысты. Аквалангтың авторы мұхит әлемін зерттеуде ғылым үшін көптеген еңбектер сіңірді. Оның атын бұл күнде әлем таниды. Талай жаңалықты ашқан ол 1962 жылы адам нанғысыз оқиғаға куә болады. Аден шығанағында жүрген зерттеуші топ Қызыл теңіз бен Үнді мұхитының суы араласпайтынын көріп таң-тамаша қалады. Физика мен химия заңдылығына қарсы шыққан құбылыс Атлант мұхиты мен Қара теңізге жүргізген зерттеуде екі үлкен алып су басейінің бір-біріне араласпай мыңдаған жылдар бойы жатқанын көрсетті. Әлемді таңдандырған бұл жаңалық 14 ғасыр бұрын түскен қасиетті Құран Кәрімде былай баяндалған екен: “Алла тағала екі теңізді ағызды, олар бір-бірімен қабысады, бірақ араларында перде болғандықтан бір бірімен араласпайды”. (“Рахман” сүресі, 19-20-аят).

Ресейлік ғалым Александр Фридман мен Бельгиялық Жорж Леметр XX ғасырдың басында ғаламның тоқтаусыз кеңіп жатқанын теория жүзінде дәлелдеп шықты. Бұл шындық 1929 жылы америкалық ғалым Эдвин Хаббл тарапынан дәлелденді. Ол өзі жасап шығарған алып телескоп арқылы жұлдыздар мен галактикалардың бір-бірінен қашықтап жатқандығына көз жеткізді. Физика заңы бойынша жарықтың шыққан жеріне жақындауы күлгін түспен білдірілсе, алыстаған сайын қызыл түске енеді. Хаббл жұлдыздардың қызыл түске еніп, тек бізден ғана емес, бір-бірінен тоқтаусыз кеңіп жатқанын анықтайды. Бұл осы ғасырдың теңдессіз ғылыми жаңалығы болды. Осы теорияны негізге алған ғалымдар бір-бірінен қашықтаған жұлдыздар уақытты кері айналдырса жақындайтынын, және бір нүктеге жиылатынын дәлелдеп шықты. Бұл теорияны – «Биг Бэнг», яғни «Үлкен Жарылыс» деп атады. Мына әлемнің жоқтан бар болғанын батыс ғалымдары жанталаса жариялап жатты. Ал, 14 ғасыр бұрын түсірілген Құранда «Біз аспанды құдіретімізбен жараттық және күдіксіз Біз оны кеңітеміз»(Зәрият сүресі, 47-аят) деп айтылса, «Әнбия» сүресінің 104-аятында «Ол күні көкті, кітаптың бетін бүктегендей бүктейміз де, әуел бастағыдай қайта жаратамыз. Бұл Бізге бір міндет. Шынында Біз орындаймыз» деп жазылған. Бақара сүресінің 117-аяты «Ол, көктер мен жерді жоқтан бар етуші. Егер бір істің болуын қаласа, сонда тек қана оған «бол» дейді. Ол, бола қалады»

Құранның бұдан өзге талай кереметтері бар. Әзірге мен жаза алғаным осы болды. Негізге Харун Яхьяның «Kuran Mucizeleri» кітабы алынды

Бұл оқиға менің емес, ауылдастарымның басынан өткен. Бір өтірігі жоқ шынайы хикая. Сонымен…

Енді 5 күннен соң әйгілі 11-қыркүйек оқиғасының орын алғанына 10 жыл толады. Аль-Каида ұйымына мүше 19 террорист сол күні АҚШ әуе қызметінің 4 ұшағын басып алады. Оның екеуі әлемдік сауда ғимаратына соқтығысады. Соның нәтижесінде ғимарат түгелдей дерлік құлайды. Ал, өзге бір ұшақ пентагонға құласа, енді бірін жолаушылар террористер қолынан тартып алады. Ол ұшақ Шенксвилл қаласының маңайына құлаған екен. АҚШ үкіметі алдағы уақытта 10 жылдығын атап өту мақсатында террористер іс-әрекеті тағы қайталануы мүмкін екендігін жоққа шығармайды
Террористік акт салдарынан 2977 бейбіт тұрғын қайтыс болады. 24 адам әлі күнге іс-түссіз жоғалғандар сапында.

Ары дөңбекшіп, бері дөңбекшіп ұйықтай алмадым. Есіме 8-сыныптағы билолгия кітабының 89-беті түсіп кетті. (Ол үшін емес ұқтай алмағаным). Біз «Атамұра» баспасымен оқыдық қой. Кейінгісі «мектеп» болуы керек. Кімнің есінде екен осы бет, қай тәуелсіздік құрдасы осы бетті оқыды? Біздің мұғалім бұл тақырыпты тастап кеткен болатын.
@VKM, @blacbeard, @ushkin, @AKA, @Erkekyz, @Esmeralda, @estetika91, @tvoya_A, @Rozatai, @Kuralai, @serjan қайсыларыңның естеріңде?

Соңғы кездері мен өзі дін туралы көп жазып кеттім бе өзі қалай? Бұл жолы да дін туралы бірер сөз айтсам ешкім қарсы бола қоймас деп ойлаймын. Өздеріңіз білетіндей «хабар» арнасы көрсеткен «Ақиқат» фильмі біраз жерде талқыға салынды. Әркім өз ойын білдіріп жатыр. Тіпті елдің бетке ұстар зиялылары елбасыға ашық хат та жіберіп үлгерді. Соңында қол қойған кісілерге бір уақ назар аударып көрелікші.

Дін туралы БАҚ өкілдерінің бүгінгі жазғандары тым біражақты пікір деп айтуға болады. Себебі қай газетті, журналды, қай арнаны ашып қарасаң да ислам діні жамағаттарын жамандаған мақала мен түсірілімге куә боласың. Бірақ, сол жамағаттардың елімізге тигізген аз да болса пайдасына көз жұма қарағанымыз әділдік пе? Түріктердің жақсы бір мақала бар. «Жақсылар жақсылықты, жамандар тек жамандықты көреді» дейді түбі бір халық. Біз де жақсылар қатарынан табылуға тырысып көрелік.

Бүгін түске таман Шоқан Уәлиханов атындағы кітапханаға бардым. Негізі бұл реалда бітірдім дейтін іс емес, ылғи барып жүрген жер ғой. Сонымен… Мәдениет туралы кітаптар қарап отырғанмын. Бір кезде өткенде экономика туралы аударма жасағанда терминдердің қазақша баламасын таппағаным есіме түсті. Орнын толтыру үшін экономика негіздері, микроэкономика, макроэкономика, менеджмент кітаптарының қазақша нұсқасын оқуға кірістім. Оқып отырып мынандай ой ойладым. Не менің таным-түсінігім өте төмен, не кітаптар ауыр тілмен жазылған. Алдымда жатқан кітаптардың көптігіне қарап мен алғашқы нұсқа дұрыс деп ойладым. Тек маған түсінікті болған М.Тілеужанованың «макроэкономикасы» болды. Қалғандары экономика тарихы мен терминдерге тола екен. Жазған адамға елдің түсінгені маңызды болмаса керек.

Жағдайы жоқ отбасының кіші қызы бір күні алақанын жайып «Аллаһым, келесі аптада теледидар алуымызға жәрдем ете көр» — деп дұға етеді. оны көрген көрші үйдің кенже қызы індемей шығып кетеді. Келесі аптада жаңағы отбасы теледидар ала алмайды. Сол кезде көрші үйдің қызы келіп бағанағы қызды мазақтапты.
— Сен Аллаһтан тілеп жатыр едің, тіпті ол сендердің тілектеріңді орындамақ түгілі жауап та берген жоқ қой.
— Жоқ, жауап берді маған.
— Қалай?
— «Жоқ» деп жауап берді, — дейді қыз.

Жындар туралы көп естіп, көп оқып жүрміз. Расында жындар бар дейді. Оған дәлелге «Зәриәт» сүресінің 56-аятын келтіреді: «Мен жындар мен адамдарды өзіме құлшылық қылуы үшін жараттым». Алдында мен домовой туралы пост жазып едім. Оған сенгендер бар, сенбегендер бар. Мен жаңа ютубтан мына видеоны көріп отыр едім. Тура орта жеріне келгенде, анау жігіт дүкенде тұрғанда зат құлайтын жеріне келгенде стөлдің үстінде тұрған зат құлап кеткені. Жарық сөніп тұрған. Автоматты түрде қосуға тура келді.