18 желтоқсанда сағат 18:30-да ЭКСПО-2017 көрме аумағында Астананың бас шыршасының шамдарын жағу рәсімі өтеді, деп хабарлайды елорда әкімдігінің ресми сайты.

Мерекелік шара танымал әртістердің қатысуымен өтетін концерттік бағдарламаға ұласады. ЭКСПО көрмесінің аумағында кішкентай көрермендердің көңілін аниматорлар мен алып қуыршақтар көтеретін болады.

Ойын-сауық бағдарламасын астаналықтар мен қала қонақтары сағат 18:30-дан бастап тамашалай алады. Шыршаның шамдарын жағу рәсімі сағат 19:00-ге белгіленіп отыр.

Бұдан бөлек, елорда тұрғындары мерекелік от шашудың куәгері бола алады. Бас шыршаның шамдарын жағу арқылы қысқы және отбасылық демалысқа арналған көптеген қызмет көрсететін ойын-сауық түрлерінің бірыңғай интерактивті #AstanaWinterland алаңы іске қосылады.

Астана әкімдігінің ресми сайты 18-23 желтоқсан аралығында қаладағы мәдениет және спорт мекемелерінде өтетін апталық шаралар жоспарын ұсынады.

Тәуелсіздік сарайы

17-31 желтоқсанда сағат 10:00-ден – «Ақанаевтар әулеті» жеке көркем көрмесі

17-31 желтоқсанда сағат 10:00-ден – «Әуедегі қозғалыс» қазіргі заман өнер көрмесі

17-20 желтоқсанда сағат 10:00-ден – №52 орта мектеп ұстазы Ж. Қайраттың «Түс әлемі» жеке көрмесі

17 – 29 желтоқсанда сағат 10:00-ден – Рүстем Беркімбаевтың «Үміт жолы»

жеке көркем суреткөрмесі

17-31 желтоқсанда сағат 10:00-ден – «Еркіндіктің дастаны — Астана» суреткөрмесі

17-31 желтоқсанда сағат 10:00-ден – «Хроники Независимого Казахстана» суреткөрмесі

17-31 желтоқсанда сағат 10:00-ден – «Менің елім – Мәңгілік ел» атты Астана қаласы Суретшілер одағы жастар бірлестігінің көрмесі

Қуыршақтар театры

17, 23 желтоқсанда сағат 12:00-де және 14:00-де – А. Салаева «Жаңа жыл түніндегі Жезтырнақтың әлегі», шырша маңындағы мерекелік ойын және Аяз атадан жаңажылдық ертегі.

«Жастар» сарайы

18 желтоқсанда сағат 9:00-де – «Премия MUZ KZ» көпжанрлы балалар байқауы

22 желтоқсанда сағат 10:00-де,13:00-де және 15:30-да, 23 желтоқсанда сағат 10:00-де, 13:00-де – «Карнавал чудес!» жаңажылдық ертеңгіліктер.

Қалалық алаң, «Хан Шатыр» ОСО аумағы, Ботаникалық бақ

18 желтоқсаннан ақпанға дейін сағат 13:00-20:00 аралығында – «Astana Winter Land» фестивалі аясындағы қысқы шаралар.

«Барыс Арена» КМС

18 желтоқсанда сағат 17:00-де – «Барыс» ХК – «Северсталь» ХК командалар арасындағы 2018-2019 маусымның ҚХЛ чемпионаты

20 желтоқсанда сағат 20:00-де – «Барыс» ХК – «Локомотив» ХК командалар арасындағы 2018-2019 маусымның ҚХЛ чемпионаты.

Қ. Қуанышбаев атындағы Мемлекеттік академиялық қазақ музыкалық драма театры

18-19 желтоқсанда сағат 18:30-да – «Жан» моноспектаклі.

20 желтоқсанда сағат 18:30-да – А. Айдаровтың «Сүрінген сүрбойдақ» комедиясы.

21 желтоқсанда сағат 18:30-да – С. Тұрғынбекұлының «Шәмші» элегиясы

Бейбітшілік және Келісім сарайы

18, 20-23 желтоқсанда сағат 19:00-де – Аңызға айналған француз-канадалық «Notre Dame de Paris» мюзиклі

«ЭКСПО» көрме кешенінің аумағы

18 желтоқсанда сағат 19:00-де – Бас шыршаның шамдарын жағу рәсімі

«Астана» концерт залы

18 желтоқсанда сағат 19:00-де – Астана қаласы Мемлекеттік академиялық филармониясы қазақ оркестрінің, симфониялық оркестрлері және камералық хордың «Тәуелсіздік толғауы – елім менің» концерті.

23 желтоқсанда сағат 17:00-де – Астана қаласы Мемлекеттік академиялық филармониясындағы шығармашылық ұжымдарының қатысуымен «Жаңа жылға жаңа ән» жаңажылдық концерті.

«Қазақстан» ОКЗ

18 желтоқсанда сағат 19:00-де – «Асыл мұра» концерті.

Астаналық цирк

20 желтоқсаннан 7 қаңтарға дейін сағат 16:00-де (сб, жб) – «Бақыт құсы» жаңажылдық цирк бағдарламасы.

Амфитеатр (Есіл өзені жағалауы)

19 желтоқсанда сағат 11:00-де – Аяз ата резиденциясының салтанатты ашылуы.

19-30 желтоқсанда сағат 11:00-ден – Аяз атаның поштасы.

19-30 желтоқсанда сағат 11:00-ден – «Қысқы дала ойындары» сырғанақта шана тебу.

21, 28 желтоқсанда сағат 17:00-ден, 22,23,29,30 желтоқсанда сағат 12:00-ден – «Аяз атаның қонақ бөлмесі» көрмесі

22,23,29,30 желтоқсанда сағат 12:00-де, 14:00-де, 16:00-де – Жаңажылдық шырша айналасында балаларға арналған қысқы ойындар.

«Астана Опера» МОБТ (камералық зал)

19 желтоқсанда сағат 19:00-де – «И в каждой ноте вдохновенье» концерті.

21 желтоқсанда сағат 19:00- де – Дж. Пуччинидің «Турандот» операсы.

22 желтоқсанда сағат 17:00-де – «Музыкальный дивертисмент» концерті

«Astana Ballet» театры

22-23 желтоқсанда сағат 18:00-де – П. Чайковскийдің «Щелкунчик» балеті

«Алау» мұзайдыны сарайы

19-21 желтоқсанда сағат 10:00-де – Конькимен жүгіруден ҚР Кубогы және ҚР Чемпионаты.

Жастар театры

20 – 23 желтоқсанда сағат 10:00-де, 12:00-де, 14:00-де – Г.Х.Андерсеннің «Қар ханшайымы» ертегісі.

Есіл өзені

22 желтоқсанда сағат 11:00-де – «Red Bull Ice Baiga» конькимен жүгіруден бұқаралық шарасы

Астана триатлон саябағы

23 желтоқсанда сағат 8:00-де – «II Astana Winter Marathon» қысқы марафон.

«Nomad City hall» концерт залы

23 желтоқсанда сағат 19:00-де – «Алашұлы» тобының «+35°С» концерті.

Биыл астаналықтар өздерінің бос уақыттарын қаланың кез келген жерінде көңілді өткізе алады, деп хабарлайды елорда әкімдігінің ресми сайты.

Биылғы қыста Астананың әр ауданында сырғанақ алаңдары, шаңғы тебуге арналған жолдар ұйымдастырылып, мұз төбешіктер орнатылды. Қысқы ойын-сауық алаңдарында конькиді, тюбингтерді жалға беру қарастырылған. Барлық алаңдар Astana Winterland жобасы аясында іске қосылған.

Бұл – қала аудандарындағы 12 тақырыптық алаң, 32 мұз айдыны, 36 мұз төбешік, 400-ден аса шара.

Қалалық мәдениет және спорт басқармасы және спорттық-бұқаралық шаралар өткізу жөніндегі дирекциясы ұйымдастырған спорттық шараға 200-ден астам адам қатысты. Олардың арасында спортшылар, қаладағы балалар-жасөспірімдер спорт мектебінің тәрбиеленушілері, меморган, күштік құрылымның өкілдері, сондай-ақ шаңғы спортының әуесқойлары да бар.

Күннің аяз екеніне қарамастан трассадағы жарысқа 4-5 жастағы және одан үлкен балалар да келген. Ұйымдастырушылар олар үшін 500 м қашықтықтағы маршрутты қарастырды.

Ал спорт ардагерлеріне 3 км қашықтықтағы маршрут ұсынылды, қалған қатысушыларға ұйымдастырушылар 5 км қашықтықта жүріп өтуді ұсынды.

Ұйымдастырушылар жанкүйерлерді де ұмыт қалдырмады. Олар үшін ыстық тамақ қарастырды, сахнада көңілді музыка ойнап тұрды, ал балалардың көңілін аниматорлар аулады.

«Шара астана тұрғындарының арасында белсенді және саламатты өмір салтын насихаттауға бағытталды. Бізде қыс ұзақ, суық әрі қарлы. Сондықтан біздің табиғаттың климаттық жағдайын ескере отырып, спорттың қысқы түрімен айналысу қажет. Біз осындай шараның түрлерін жиі өткізіп тұрамыз. Барлық жеңімпаздар мен жүлдегерлерге диплом және медаль қарастырылған», — деді спорттық-бұқаралық шараны өткізу жөніндегі дирекцияның жанындағы спорттық-бұқаралық шараларды өткізу жөніндегі бөлімнің басшысы Дәулет Хамзин.

Ең жас қатысушыны Александра Опачанова ертіп келіпті.

«Мен өзім де «Толқын» спорт мектебінде спорттың академиялық ескек есу түрімен айналысамын, халықаралық сыныптың спорт шеберімін. Бүгін біз мектебімізді қолдауға, шаңғымен жарысуға келдік. Біздің дистанциямыз — 5 км. Бүкіл отбасымызбен шаңғыдан жүгіруге қатысамыз, күйеуім, мен және қызым. Ол 4 жаста», — деді сайттың тілшісіне.

«Мен шаңғы спортымен әскерге барғалы әуесқой деңгейінде айналысып келе жатқаныма 10 жыл болды. Шара өте жоғары деңгейде ұйымдастырылған: жарыс басталатын алаңның дайындығы, старттық пакеттердің үлестірілуі. Қазір осындамын және тек осында жаттығамын. Шара Тәуелсіздік күні қарсаңында өтуде. Мен барша қазақстандықтарға зор денсаулық, спортқа деген махаббат тілеймін, спортпен еш кедергісіз айналысса екен деймін. Себебі, спорт адамға күш пен күні бойы сергек жұмыс істеуге серпінді күш беріп, шынықтырады», — деді 12750 әскери бөлімінің атынан жарысқа қатысушы Евгений Ераслов.

Финалда жеңіс үшін Астана мен Көкшетау командалары жарысты, деп хабарлайды астана әкімдігінің ресми сайты.

«Астана» спорт клубында қаладағы құлағы нашар еститін спортшылар арасында футзалдың кубогы бойынша ашық турнирдің баталиясы ойнатылды, деп хабарлайды астана әкімдігінің ресми сайты.

Оған 16 жастан жоғары футболистер қатысты. Үш команданың екеуі астананың атынан шықты, ал команданың атауы «Астана-1» және «Астана-2» болды. Үшінші команда Көкшетаудан келді.
«Құлағы мүкіс еститін спортшылар арасында Астананың футзал бойынша кубогының ашық турнирін жыл сайын Тәуелсіздік күні құрметіне орай өткізіп келеміз. Біздің балалар «Жігер» спорт клубында жаттығады. Кейбірі колледжде оқиды, кейбірі жұмыс істейді», — деді жарыстың төрешісі, ҚР мүгедектік спорты бойынша спорт шебері, «Жігер» спорт клубының жаттықтырушысы Тәжібай Таймамбетов.

Турнирдің финалында «Астана-1» мен Көкшетау командасы шықты. Бірінші таймда екі жақта тең түсті, сол себепті екінші тайм тартысты өтті. Десе де көкшетаулықтар басым түсіп, табанды күресте олар бәсекелесін басып озды. Есеп 3:2 болып Көкшетаудың пайдасына шешілді. Футзалдан Астананың кубогы облыстың қанжығасына кетті.

Мұнда балалар дзюдо, самбо, қолданбалы өнер және домбырада ойнауды үйренеді, деп хабарлайды астана әкімдігінің ресми сайты.

«Астана жастары» жастар ресурс орталығы Сарыарқа ауданы әкімдігімен бірлесіп И. Құтпанов көшесі, № 5/1 мекенжайда орналасқан үйде «Pro FIT» жаңадан аула клубын ашты. Ашылу салтанаты Қазақстанның Тәуелсіздік күніне орайластырылды.

«Клубта жастардың рухани және физикалық дамуына басымдық беріледі. Біз барлық жағдайды осыған ыңғайластырамыз. Меніңше, өскелең ұрпаққа осы өмірден өз орнын табуға және жаңа биіктерге көтерілуіне көмектесеміз деп ойлаймын», — деді «Pro FIT» аула клубының басшысы Альмира Бурамбаева.
Бүгінде аула клубына 30 бала жазылған.

Клубтың ашылуы балалар мен жасөспірімдердің мекенжайы бойынша бос уақытын тиімді өткізуге бағытталған.

«Pro FIT» клубынан басқа Сарыарқа ауданында 3 аула клубы бар, олардың орналасқан мекенжайлары: Көктал-1 мөлтекауд, Сұлукөл к, 14 үй; Московская көшесі, 18 үй; Көктал-2 мөлтек ауданы, Арқалық к, 18.

1991 жылдың 16 желтоқсаны. Бұл – жер шарында «Қазақстан» атты дербес те тәуелсіз ел пайда болған айрықша күн. Бүгін мемлекетімізде тәуелсіздіктің ақ таңының атқанына 27 жыл толып отыр. Осындай аз уақыттың ішінде Қазақстан Республикасы көптеген жетістіктерге қол жеткізді. Бұл істе тәуелсіздік құрдастарының да қосқан үлесі зор.

Бүгін 27 жастағы азаматтар әр салада тапжылмай еңбек етеді. Сондай жастардың бірі – С. Мәуленов атындағы №37 орта мектептің мұғалімі Бибінұр Апитова. Жас мұғалім Астана қаласы әкімдігі ресми сайтының тілшісіне педагогика саласындағы жаңашылдықтар туралы айтып, қазақстандықтарды Ұлық мерекемен құттықтады.

Құрметті астаналықтар және қала қонақтары!

Сіздерді еліміздің ұлттық мерекесі – Қазақстан Республикасының Тәуелсіздік күнімен шын жүректен құттықтаймын.

Тәуелсіздік жылдарында мемлекетіміз тарихи дамудың жаңа белесіне көтерілді. Қазақстан серпінді дамыған ел ретінде халықаралық қауымдастықтың толыққанды беделді мүшесі болды. Бұл жетістіктерге Қазақстан Республикасының Президенті Нұрсұлтан Әбішұлы Назарбаевтың тікелей басшылығымен, қазақстандықтардың қажырлы күш-жігері және тынымсыз еңбегінің арқасында қол жеткіздік.

Заманауи Қазақстан – біздің ұлы мақтанышымыз, ал, біздің терең тарихымыз – халқымыздың ғасырлар бойғы азаттық пен теңдік үшін күресінің ұлы жылнамасы.

Осынау ұлық мерекеде барша астаналықтарға зор денсаулық, бақ-береке, отбасыларыңызға амандық және игі бастамаларыңызға толағай табыстар тілеймін!

Астана қаласының әкімі Бақыт Сұлтанов

Тәуелсіздік мейрамы қарсаңында «Қазақ елі» монументі алаңында мұз айдынының ашылу салтанаты өтті, деп хабарлайды Астана қаласы әкімдігінің ресми сайты.

Оның көлемі 3 600 шаршы метрге тең. Жалпы сыйымдылығы — 1000 адам. Маңында мұз төбешік орнатылған.

«Алғаш рет Тәуелсіздік күні қарсаңында мереке күндері, адамдар келіп, бос уақытын жақсы өткізу үшін – «Қазақ Елі» алаңында мұз айдыны ашылды. Өз конькилерімен келгендер тегін сырғанайды. Егер сізде коньки болмаса сол жерде жалға беру орындарынан алуға болады», — деді «Алматы» ауданы әкімнің орынбасары Тынысбек Арашапов.

Мұз айдын орталығында жаңажылдық шырша орнатылды, ойын-сауық іс-шаралар өткізу үшін сахнасы жабдықталған. Елорда тұрғындары мен қонақтары үшін үлкен жарықдиодты экран қойылған, ол жаңажылдық телехабарларды және Елбасының құттықтауын тікелей эфирде көрсететін болады.

Ыстық тамақ, сырғанауға арналған құралдар беретін орындар ашылған. Алаң аумағы шағын сәулет нысандарымен және жарықилюминді панномен безендірілген. Көліктерге арналған арнайы орын және қауіпсіздік шаралары қарастырылған.

«Бұл алаң күзетілетінін білесіздер. Полиция бекеті бар, олар тәулік бойы тәртіпті қадағалайды. Сонымен қатар, дәріхана, алғашқы медициналық көмек көрсету үшін медициналық қызметкер де болады», — деді Арашапов.

«Мен жақын жерде тұрамын. Салып жатқанда қарап жүрдім. Осындай барлық отбасымызбен демалуға арналған жерлердің көп болғаны жақсы. Әкімдік дұрыс жасады», — деді қала тұрғыны Нариман Қуанышев.

«Қазіргі кезде «Президенттік» саябақта «Хайвилл» ТК жағынан ең биік және ең үлкен мұзды тау ашылды. Оның ұзындығы 160 метрден астам. Оны «Астана көгалдандыру құрылысы» жұмысшылары салған.

Бұл жерде де ыстық тамақ, сырғанаққа арналған құралдарды жалға беретін дүңгіршектер бар. Демалушылар қауіпсіздігі мен тәртібіне қызғылт сары түсті желет киген еріктілер қарап отырады. Аязға қарамастан сырғанақ тебуге келгендер саны өте көп. Экстремалды демалыс түрін жақсы көретіндерге осында қарда жүретін машиналар, солтүстік елігі және пони жегілген шаналар ұйымдастырылған.

«Қазақстан» СК жанынан Ақбұлақ бұлағы жағасында жылдағы дәстүрге сай сырғанақтар орнатылған.

Мұнда да биіктігі 15 метр жаңажылдық шырша орнатылған, конькиді жалға беру пункттері және ыстық тамақ нүктелері ұйымдастырылған. Кіреберісі мен аумағы шағын сәулеттік пішіндермен безендірілді.

Өткен жылдағыдай «Жерұйық» саябағында 5000 шаршы метр мұз айдынын ашу жоспарда тұр. Бұл жерде мұз сырғанағы. Сондай-ақ, ыстық тамақ, конькиді және тюбинг (ватрушка) жалға беру пункттері ұйымдастырылды.

Естеріңізге сала кетейік, барлық алаңдар AstanaWinterland жобасы шеңберінде ашылуда, жоба аясында 12 тақырыптық алаң, 32 мұз айдыны және 36 мұз төбешік қаланың түрлі аудандарында бой көтеріп, іске қосылды. Жалпы алғанда барлық ойын-сауық орындарында 4 мыңнан астам іс-шаралар өткізу жоспарланған.

Жақында Қазақстан Республикасы Қоғамдық даму министрлігінің қолдауымен «Азаматтық бастамаларды қолдау орталығы» КЕАҚ-ның мемлекеттік гранты аясында Қарағанды, Орал және Талдықорған қалаларында «Парасат» кеңес беру-әдістемелік орталығы» мекемесінің ұйымдастыруымен Дін мәселелері жөніндегі ақпараттық-түсіндіру тобы (АТТ) мүшелерін даярлау және қайта даярлау республикалық оқыту курсының өткендігінен БАҚ арқылы көпшілік хабардар.

Бүгінгі қоғам үшін АТТ мүшелерін қайта даярлау уақыттың талабы. Себебі бүгінде ақпарат кеңістігінде түрлі материалдардың жариялануы, оның ақ-қарасын ажырату үшін кез-келген азаматтың, әсіресе дін мәселесіне қатысты сауаттылықтың болуы маңызды. Осы ретте ел тұрғындарымен етене жұмыс жасап жатқан АТТ мүшелерінің бірінші кезекте біліктіліктерін жетілдіру өзекті. «Азаматтық бастамаларды қолдау орталығы» КЕАҚ-ның мемлекеттік гранты аясында ұйымдастырылған семинар курсына қатысуға, мәселен үстіміздегі жылдың қазан айының 22-26 күндері Орал қаласында өткен курсқа Маңғыстау, Ақтөбе, Атырау, Батыс Қазақстан облыстарынан 120 АТТ мүшесі, ал қараша айының 5-9 күндері Талдықорған қаласында өткен курсқа Қызылорда, Түркістан, Жамбыл, Талдықорған облыстарынан және Шымкент, Алматы қалаларынан 130 АТТ мүшесі өтініш білдірген. Бес күндік, яғни 40 сағаттық академиалық курс барысында бүгінгі қоғамдағы ең өзекті деген мәселелер көтеріліп, жан-жақты пікір алмасулар болды.

Бір ғана зайырлы қоғамдағы діннің рөлі, исламның құндылықтары, зайырылық мәселелері тақырыбында дәрістер қатысушыларға тың ақпарат берумен қатар, оларға үлкен серпін берді.

Тәжірбиелі маман Индира Беркімбаева басқаратын «Парасат» кеңес беру-әдістемелік орталығы» мекемесінің ұйымдастыруымен өткен курс жұмысы жоғары деңгейде өткізілді. Білікті ғалыммен қатар сала мамандары және Қоғамдық даму министрлігінің Қоғамдық келісім комитетіне қарасты мекеме қызметкерлері дәріс жүргізіп, өз тәжірбиелерімен бөлісті.

Жалпы дін мәселелері жөніндегі ақпараттық-түсіндіру жұмысы – мемлекеттің дін саласындағы саясатының түрлі аспектілері бойынша қоғамдық пікір қалыптастыру мақсатында билік органдарының халықпен жұмыс жүргізу формасының бірі. Сондай-ақ қоғамдағы зайырлылық сана-сезімін нығайту, азаматтар мен қоғамды сыртқы әртүрлі жалған ақпараттан қорғауды қамтамасыз ету және халық санасында еліміздің болашағын зайырлылық қағидаларына негіздеу қажеттілігі.

Бүгінде еліміздің барлық өңірлерінде дін мәселелері жөніндегі ақпараттық-түсіндіру топтары қарқынды жұмыс жасап келеді. Олардың жұмыстары туралы күн сайын әлеуметтік желілер арқылы билік пен бұқара халық хабардар. Дін мәселелері бойынша елімізде 1 республикалық және 250 өңірлік ақпараттық-түсіндіру топтары жұмыс жасайды. Оған шамамын 3,5 мың адам мүше екен. АТТ құрамында дін саласындағы кәсіби мамандар, дінтанушылар, теологтар, дәстүрлі дін өкілдерінен бөлек, жастар ұйымдарының, этно-мәдени бірлестіктердің өкілдері, мәдениет және спорт саласының майталмандары, сондай-ақ халық қалаулылары мен Қазақстан халқы Ассамблеясының мүшелері бар. АТТ жұмысы бір бағытта ғана емес жан-жақты жұмыс жасауға дағдыланған. Дін мәселелері жөніндегі АТТ қызметі конфессияаралық келісімді қамтамасыз етуге, тұрғындардың, соның ішінде жастардың назарын дін саласындағы өзекті мәселелерге аударуға, мемлекеттік-конфессиялық қатынас саласында орын алып отырған мәселелерді шешуге жұмылдыруға, экстремизм мен терроризмнің алдын алуға үлкен септігін тигізіп келеді.

Осы ретте бұрыңғы Дін істері және азаматтық қоғам министрлігі 2017 жылғы ресми мәліметіне сүйенсек қоғамда мемлекеттің дін саласындағы саясатын халықтың 87 пайызы қолдайды деген ақпарат берген болатын. Өткен 2017 жылы қабылданған Дін саласындағы мемлекеттік саясатының 2017-2020 жылдарға арналған тұжырымдамасында Қоғамдық даму министрлігі 2018 жылы халықтың 89 пайызы, ал 2020 жылы халықтың 91 пайызы мемлекеттің дін саласындағы саясатын қолдайды деген межелі көрсеткішке жетуді мақсат қойып отыр.

Республика бойынша әртүрлі форматта ұйымдастырылған іс-шараларда тұрғындардың діни-құқықтық сауаттылық деңгейін арттыру, еліміздің зайырлылығы және құқықтық сипаты туралы, дін саласындағы мемлекеттің саясаты, мемлекеттің дін саласындағы ұстанымдарын, деструктивтік сипаттағы діни ағымдар туралы, олардың қоғамға төндіретін қатері жөнінде жан-жақты ақпарат беріп келеді. Мәселен бір ғана 2017 жылы 23 мыңға жуық іс-шара өткізіліп, олар 2 миллионға жуық адамды қамтыған делінген Қоғамдық даму министрлігінің (бұрыңғы ДІАҚМ) ресми ақпараттарында. Әрине мыңдаған іс-шараларда осы ақпараттық-түсіндіру топ мүшелерінің еңбектері ерекше.
Семинарға мемлекеттік құрылымдардың қызметкерлері, дәстүрлі діндердің өкілдері, дінтанушылар мен теологтар, мектептің «Зайырылық және дінтану негіздері» пәнінің мұғалімдері қатысты.
Семинар барысында конфессияаралық мәселелер, мемлекеттің зайырлылық ұстанымдары, толеранттылық пен азаматтық бірегейлікті қалыптастыру, еліміздегі діни бірлестіктер мен діни теріс ағымдардың қызметтері туралы, діни экстремизм мен терроризмді насихаттайтын идеологиялардың таралуын ауыздықтау, радикалдық діни идеологияны жақтаушылардың, оның ішінде қылмыстық-түзету мекемелерінде жазасын өтеушілердің арасында түсіндіру жұмыстарын жүргізу, оларды қоғамдық орта мен дәстүрлі діннің құндылықтарына қайтару және оңалту, сонымен қатар дәстүрлі діндердің қызметінің мән-мағынасы кеңінен сөз болды.

Ұйымдастырылған семинар жұмысы өңірлік АТТ мүшелеріне үлкен теориялық және тәжірибелік білімін одан әрі жетілдіруге үлкен мүмкіндік болды.

Т.Әбуов,
РАТТ мүшесі, дінтану магистрі