Жарияланымдар

Жерсілкіністен зардап шеккен Вандағы қырғыз бауырлар көмек күтуде



Түркияның Ван вилайетінде (облыс) қырғыздар тұратынын естіген едім. Бүгін Фейсбукта олар туралы аз болса да ақпарат алдым. Түркияның шығысындағы бұл жерге олар 1980 жылдары Ауғанстан арқылы көшіп келген екен. Бұл аймақтағы қырғыздар курд террористері ПКК-ға да қарсы күреседі екен. Түрік қарулы күштеріне жатпайтын, мұндай тәуелсіз сақшыларды Коруджу (korucu) деп атайды. Қырғыздардан бір адам шейіт болған екен, енді соның өшін аламыз деп отырған көрінеді.

Қырғыздар Ванның Эрджиш ауданындағы Улупамир ауылын мекендейді екен. Жерсілкіністен зардап шегіп отырған ауыл тұрғындары қыстық киім және шатыр жағынан көмек сұрайды. «Ақша керек емес, тек жылы киім мен шатыр болса болғаны, үйге кіре алмай далада түнеудеміз» дейді ауыл әкімі Қасымбек.

Егер мұндай көмек көрсетуге мүмкіндіктеріңіз болса:

Адресі:

Ulupamir Köyü Muhtarlığı
Kasımbek Varol (Köy muhtarı)
Van / TÜRKİYE
тел: +90 432 382 24 28
моб: +90 539 462 54 84
Әрі қарай

Вконтактеден аудио мен видео көшіру



Әлеуметтік желілердің ішіндегі аудио мен видеоға байы — Вконтакте. Осы сайттан қалай түсіріп алу керек деген сұрақ көп адамды мазалайтын шығар. Мен Vksaver программасын қолданамын.

Мына жерден түсіріп аламыз алдымен: audiovkontakte.ru/vksaver/vksaver-install.exe
Әрі қарай

Граунд-хоппинг - саяхаттың бір түрі

Биыл Қарағандыға футболға барғанымда 2 неміс жігітімен таныстық. Өздері келіп танысты. Ертеңіне Астанада кездесетін болып келістік. Граундд-хопперлер екен.



Граунд-хоппер деген кімдер?
Граунд-хоппинг (ground-hopping) — ағылшын тілінен тіке аударғанда «алаңнан алаңға секіру» деген сөз, яғни стадионнан стадионға. Бұл жігіттер әр түрлі елдерге барып, футбол қарайды. Сол елдің фанаттар мәдениетімен танысады және сол елдерді де аралар, тұрмыс-тіршіліктерімен танысады.
Әрі қарай

Нео-мәңгүрттер

Мәңгүрттіктің жаңа түрі. Мәмбет мәңгүрт болуға ұмтылады.



Жұмыспен бір мем.мекемеден бір жігіт хабарласады соңғы кездері. Сөздерінен, стилінен қазақша сөйлейтін, ойлайтын бала екені білініп тұр. Өзіне тапсырылған жұмысты жетік білмейді. Орысша ұзақ, қиын сөздермен сөйлейді. Менің шыдамым жетпей "қазақша айта берші" деп едім. Азғана үнсіздіктен кейін «на казахском плохо разговариваю» дейді. «Орысша да сөйлей алмай тұрсың ғой» десем, «нет, я просто мысли не могу собрать» деп жауап берді.
Әрі қарай