Жарияланымдар

Мен оны жақсы көрем

Кейде көңілің қалып, бәріне қолды бір сілтеп, басың ауған жаққа кетіп қалғың келетін сәттер болады. Сондай кезеңдерде (кейде себепті, кейде себепсіз) шынымен басым ауған жаққа кетіп қалатын әдетім бар. Сондай жағдай сегіз ай бұрын болды. Адам көзі көрмеген, аяғы баспаған жерге жете алмайтынымды түсінген мен тым болмағанда ешкімді танымайтын жаққа кеткім келді. Жұмыс үстелінде жұмыс жасап отырған кейіппен отырғанымда хабарлама келді. Ашып қарасам достарымның бірінен «Сен ешкімді танымайтын жақ пен, ешкімді көрмейтін жұмысты қалайтыныңды айтып ең ғой. Астанада таныстарымның таныстары бар, барасың ба?» деген деген хабарлама екен. Ешкімді көрмей істеуге болатын жұмыс та бола ма деген ой мазалаған мен оған «толығырақ...» деп жаздым…

Әрі қарай

Ұнайды / Ұнамайды

Ұнайды: жауынның тырс — тырс еткен дыбысы, күннің күркілі, самал жел, жауын тоқтағаннан кейінгі ерекше тыныштық, алғашқы қар, сәбилердің күлгені, жусан иісі, Ертістің бойында серуендеген,

Әрі қарай

ЖАРЫҚТЫ МОЛЫРАҚ БЕРІҢДЕРШІ!


Неге екенін білмеймін, көз алдыма балалық шағым елестеп отыр. Алаңсыз кезде ештеңені аңдамаймыз, айтылған сөзге мән де бермейміз. Сексеннің сеңгіріне жетіп қалған апам бірде «Менің де уақытым таяды. Мына қар еріп, жерге сіңген уақытта мен де жер қойнауына кіремін» деп күбірлеген еді. Мен ішімнен «бұл не сандырақ?» деп күліп, өз жөніммен кеткенмін. Арада ұзақ уақыт өтпей апамның айтқаны болды…

Бірақ айтпағым бұл емес. Өмірден кететініңді сезу бір басқа, көз жұмар сәтте ауыздан шыққан сөз бір басқа сияқты. Қадыр Мырза Әлидің «Жазмыш» атты кітабында бірқатар ұлы адамдардың көз жұмар алдында айтқан соңғы сөздерін оқыдым. Үзінді келтіре отыра, сіздермен бөліскім келеді:

Әрі қарай

БІР УЫС ТОПЫРАҚҚА АЙНАЛЫП...



Ақылынан адасқан ба демегін,
«Кешір» деген сөзге айналғым келеді.
Жиі – жиі айтылғанда жаралы,
Жанның дағы табылар ед(і) тез емі.

Оңашада көңіліңді тербейтін,
Үніменен жан дүниеңді емдейтін,
Әуен болсам әдемі, арман бар ма,
Жүректерде өмір сүрер, өлмейтін.

Әрі қарай

СҮРІНДІ ДЕП СЫЙПАМАЙДЫ БАСЫҢНАН...

Күрсінбеші…
«Ол қуанып, шаттанып күлсін!» деші.
Өткен күнге өкпе, нала, реніштің,
Жоқ екенін сезініп білсін деші.

Жыламашы…
Тағдырыңды талқылап, сынамашы.
Тар қапаста телмірген жүрек-көзбен,
Үмітіңнің жүзіне бір қарашы…

Әрі қарай

"АСҚАН АҚЫЛДЫ ЕМЕСПІН, ДЕГЕНМЕН..."

«Өмірдің барлық сәтсіздіктерін бақытсыздық» деп қабылдап, өтіп жатқан әр сәттің қадірін білмей, достық деген ұғымның не екенін түсінбей, шынайы махаббаттың бұл жалғанда бар екеніне күмәнмен қарайтын болсаңыз,

Әрі қарай

МҰҚТАЖБЫН...



Алдымда әлі дегенмен,
Асатын талай белестер.
Мазалап мені жүреді,
Жадымда қалған елестер.

Мектепке әкем апарды,
Жетектеп менің қолымнан.
Қайтқанда неге күлімдеп,
Күтпедің, ана, жолымнан?
Әрі қарай

Менің өмірім...



Мен еш нәрсеге таң қалмаймын, себебі өмірімді түске ұқсатамын. Ал түсте нелер болмайды?!.. Кей кездері өмірімде дәл түсімдегідей ғажайып оқиғалар болып тұрады. Сондай ғажайып сәттер… тіпті өзім сенбей қаламын!
Әрі қарай

Сұрақ менен, жауап Сізден

Бұл жазбаны оқып отырған адамға өтінішім бар. Егер қиындық тудырмаса, есіңізде қалып қойған ең ерекше
1.бір кітап
2.бір фильм
3.бір ән
4.бір қала (Қазақстандағы)
5.бір қанатты сөз ЖӘНЕ
6.өз қалауыңыз бойынша бір нәрсе ұсыныңызшы. (Өз қалауым екен деп орынсыз сөз айтуға (жазуға) болмайды. )) Өмірлік тәжірибеңізден бір кеңес немесе басқа да пайдалы іс – әрекет болса нұр үстіне нұр болар еді). Алдын ала рахмет!
Әрі қарай

КЕШІР



Адастым ба, білмеймін, алжастым ба,
Қуанышым мұң болып алмасты ма?
Қонса ұшпас бақыт іздер пенденің,
Өзі мәңгі тұрақтап қалмас мұнда…

Қуанамыз ие болсақ жақсы атқа,
Асығамыз тез жетуге мақсатқа.
Қол жеткеннің бәрін тастап кетеміз,
Ұзақ жылдар сарылумен тоссақ та.

Әрі қарай