Жарияланымдар

14 ақпан: Сөз айту және Наққа кету алғашқы көрсеткіштері

14 ақпан күні түнгі сағат 00.00-ден бастап еліміздің барлық аймақтарында Сөз айту және Наққа кету басталып кетті.



Дәл қазіргі көрсеткіш бойынша 14 ақпан күні барлығы 160,5 мың адам қатысқан, наққа жіберілгендер саны 44,9 мыңды құраған.

Бақылаушылар жалпы сөз айту барысына оң бағасын беріп жатыр. Бірақ кейбір аймақтарда тәртіп бұзу фактілері де тіркелуде.

Нақты нәтижелер бірер күнен кейін немесе етеккір циклінің бұзылу уақыттарынан кейін хабарланатын болады.
Әрі қарай

Тағы бір Астана жаңалықтары

Тұтынушы кейпінде жезөкшелер және жеңгетайларын ұстауға кеткен тағы бір полиция қызметкері нәпсісіне жеңіліп қайтты.

***

Тағы бір қырсық көшеге гамажсыз шықты. Шыдауда.
Әрі қарай

Атеист имам Серік Эдуардұлы: "Жұмысымнан кетпеймін!"

Өткен жұма құтпасында өзінің атеист екенін айтқан Жангелді мешітінің имамы Серік Эдуардұлы облыстағы жаңа дін жанжалының басталуына негіз болған еді. Өз бетімен жұмыстан кетпей отырған имам кеше баспасөз мәслихатын өткізіп, мәселенің мән-жайын түсіндірді.

Серік Эдуардұлы:
— Мен профессионал адаммын. Өз жұмысымды адал атқарудамын. Мен атеистпін бе, емеспін бе ешкімнің басы ауырмауы керек. Бұл да мемлекеттік қызметтің бірі. Мен бірнеше жыл бұл істің білімін алған адаммын. Шетелден білім алып келдім, түрлі курстардан өттім. Бұл мешітке сайланар алдында да сынақтардан өттім. Менің жеке өміріме және көзқарастарыма ешкімнің шаруасы болмау керек деген пікірдемін. Кітаптарда қалай жазылса мен дәл солай жамағатқа намаздарын оқытып келемін, уағыздарым да тек рұқсат етілген әдебиеттерден алынған. Мұны бір жұмыс ретінде қабылдаймын, жұмысымды да профессионалша істеп келемін.
Әрі қарай

Астананың ең экстремал кафелері



Кейде адамның делебесі (мүмкін адреналин сөзінің қазақшасы осы сөз болар?) қозып, басына және тасына оқиға іздейтін кездері болады. Астана тәртіпті қала, ұрынатын адам табу оңай емес. Дегенмен астаналық гастарбайтерге өз Отанын сағындыртпайтындай жерлер де жоқ емес әрине. Іздегеніңіз төбелес пе, шатақ па, дау-дамай ма? Арнайы сіздер үшін Елорданың ең экстрим мекендерін іздестірдік.

Ақжайық кафесі.
Вокзал маңындағы осы бір кафе сізге Астана атмосферасына бірден еніп кетуіңізге рұқсат бермейді. Әлі вокзал-пойыз ауасымен демала тұрып, осы кафеге кіріп, өзіңізді әлі өз қалаңыздай сезінесіз. Жылы арақ, тұрып қалған сыра, резіңке шашлық және арзан бағалар сізге бірден қымбат Астана аурасына кіруіңізге рұқсат бермейді. Жиналған контингент те сіз сияқты түрлі жерден келгендер болғандықтан бір-біріңізге жаман көзбен қарауыңыздың өзі конфликттің сәлден кейін басталатынын білдіріп тұрады. Кетерде есік алдында темекі тартып тұрған жігіттерден де несібеңізді ала кетіңіз.
Әрі қарай

Вау! Казнекс Инвест!



Kaznex Invest — Әлемдік нарыққа көпір жарнамасы.

Бұл жарнама емес, бұл кино! Кинодағыдай оқиға орны мен уақыты беріледі. Шетелдіктер «Made in Kazakhstan» жазуы бар қазақстандық өнімге «Вау!» деп, қуаныштан жасыра алмайды.

Неткен режиссерлік шешім?! Неткен актерлар?! Неткен сценарий?! Вау-вау-вау!
Әрі қарай

Жаңа жылды даттау дәстүрі

«Ата салтың – халықтық қалпың» дегендей, өз жұртының қадір – қасиетінен мәлімет беретін ғұрып қасиетпен, оған мейлінше құрметпен қарау – ұлтымызға, елдігімізге сын.

Қазақ халқында тым ертеден келе жатқан және кейіннен шыққан көптеген әдет – ғұрыптар бар. Солардың бірі «Жаңа жылды даттау» дәстүріне жеке тоқтала кетсек.

«Жаңа жылды даттау» дәстүрі — желтоқсан айының орта шамасында республиканың барлық аймағында басталатын сарабдал салттарымыздың бірі. Әлеуметтік желілерде «Мен Жаңа жылды тойламаймын» деп жазылатын статустар кейін газет және сайт беттерінде мақала ретінде жайылады. Мақала жазу мүмкіндігі жоқ адамдар 7 сайтқа 7 пікір жазады. Әдетте өзін сыйлайтын әр сайт және газет желтоқсан айының ортасынан аяғына дейін осы дәстүрді берік ұстанып, Жаңа жылды Иса пайғамбар және Рождествомен тығыз байланыстыра отырып, көлемді мақала қылып ұсынады. Фантазия және мүмкіндігі шектеулілер өткен жылғы шығарғандарын қайтадан да шығара алады. Мереке желтоқсан айының аяғында айлықпен бірге берілетін Жаңа жыл сыйақысымен жалғасып, 31 желтоқсан күні ағайын-тума, достарды Жаңа жылмен құттықтап, отбасы мүшелерімен бірге теледидардан концерт көрумен аяқталады.
Әрі қарай

20 жылда тек 73 адам жинай алған жамағат таратылды

«Серікқалишылар» деген атпен белгілі діни жамағат өздерінің бұдан кейін ешқандай діни және саяси оқиғаларға араласпайтындарын айтып, бүгін жамағат үйінде өткізген баспасөз мәслихатында жамағаттың таратылғандығын мәлімдеді. Жамағат басшысы Қали Қожаның (Серікқали Ермекбайұлы) берген мәліметі бойынша бұл жамағат 20 жыл ішінде тек 73 мүше ғана жинаған.

Әрі қарай

Ұлттық Құрамаға Ресей және Беларусьтан 300 футболшы ұсынылды



Футболдан Ұлттық Құрамамыздың сәтсіз ойындарынан кейін бүгін таңертең ҚФЖБ (Қазақстан Футбол Жанашырлары Бірлігі) мүшелері шұғыл түрде жиналып, Футбол Федерациясына ұсыныс тастады. Ұсыныста 2013 жылдың 22 наурызында өз алаңымызда ойналатын Германия матчына дейінгі жүзеге асырылуы қажет іс-шаралар тізімі берілді. Солардың ішіндегі ең маңыздысы — шет елден жаңа футболшылар әкелу.
Әрі қарай

Гомосексуализмнің алғы шарттарының бірі - өз тілін білмеу

Жақында Голландияның танымал білім журналы «Ветеншап ен Ондервийсте» Роттердам Университетінің профессоры Франк Ван дер Йонгпен гомосексуализм және оның себеп-салдарлары туралы сұхбат жарияланды. Біз бұл сұхбатты қысқаша жариялауды жөн көрдік. Профессордың айтуы бойынша қазіргі жастар арасында гомосексуализмнің жайылуының басты себептерінің бірі — өз тілдерін білмеулері.

— Франк аға, гомосексуализмнің елімізде және жалпы Еуропада үлкен індетке айналып бара жатқаны рас. Сіз «мұның бірден бір себебі — жастардың өз тілінде сөйлемеулерінде» дедіңіз жақында тіл жанашырларының Маастрихт қаласында өткен кезекті отырысында. Мұндай тұжырымға қалай келдіңіз?
— Мәселенің түп төркініне үңілетін болсақ бұл дерттің тек қазіргі қоғамда емес, атам заманғы Нидерланд Королі Вильгелм І-дің кезінен бастау алғанын көреміз. Сол кезден бастап біздің халқымыз өз тілін, дәстүрін, тарихын ұмыта бастады. Мен мұндай тұжырымға әлбетте бірнеше жылдық еңбегімнің арқасында келіп отырмын. Социолог, гейолог, тарихшы, лингвист әріптестерімнің де еңбектері бар әрине. Зерттеуіміз бойынша адам өз тілін ұмытқан сайын гомосексуализмге бейімделе бастайды екен.
Әрі қарай

Пирсинг мәселесіне 3К шешімі ұсынылды


Пирсинг мәселесі соңғы 3 жылда қоғам қайраткерлері және саясаткерлер арасында жиі-жиі пікірталастар туғызуда. Пирсинг мәселесі туралы халықаралық конференциялар ұйымдастырылды. Пирсинг мәселесін саяси нысанаға айналдырмай, қоғамдық-тұрмыстық тұрғыдан қарауға мемлекеттің ерік-жігері жете ме?

Қуантай Бақтыбайидов (қоғам қайраткері)

– Қандай іс болса да, астарында саясат жатады ғой. Дегенмен шын ықылас болса, ерік-жігері жетеді. Дамыған елдерде пирсинг мәселесі өте маңызды тақырып болып табылады. Ал Қазақстан — пирсинг жағынан, әлемдегі ең ауыр жағдайда тұрған аймақ.
Әрі қарай