1-курс. Көктем. Соңғы сынақтар. Тіпті мектеп кезінен «дене шынықтыруға» бармайтынмын. Дұрысы қашып кететінмін. Бірінші курста да мектеп кездегі апайлардың «Ертең университетке түскенде мектептегідей мұғалім сендердің емес, сендер мұғалімнің артынан жүгіресіңдер» деген, мамамның «Оқысаңшы, қаңғи бермей» деген сөздері де бұл әдетімді қойғыза алмады. Спорт — менікі емес-тін. Шын ұнатпайтынмын...

Сонымен, ДШ-дан беретін, тек сыртынан ғана көрген ағайыммен танысып тұрмын. «Неге келмедің?»,-деді. Көзінде, сөзінде "қатал жазалайтын" адамның әрекеті байқалмайды . Бірден түсіндім. Бір сылтауды айтқан сымақ болдым да бірден "іске" көштім. Әдеттегі: «Ағай, енді қалай қыламыз, былай, келісуге болмай ма?»,-деген сөздер кетті. Қателеспеппін. «Жүзі игіден түңілме» дегенді атам қазақ бекер айтпаған ғой . "Үш мың ғой, бауырым..",-деді. Осылай «ағайыма» бірден «бауыр» болып кеттім . Алайда үшмыңдық сома ол кездегі есеп бойынша студенттің қалтасына біршама ауырлық түсіретін… Оның үстіне үш мыңымды беріп қойсам, аузын арандай ашып отырған «түрік тілі» пәнінің мұғаліміне, «информатика» пәнінің апайына, онан да бөлек толып жатқан ағайлар мен апайларға, онан бөлек сессияның біткенін «жууға», онан бөлек жатақхананың түбіне барып үш рет ысқырсаң 7 минутта атып шығатын Айгүл, Әсия, Бағилалар бар толып жатқан… Бұлардың бәріне теңгемді қалай жеткізем?!.. Ақыры не керек, жартысағаттық саудаласудан соң "әке-шешесі ауылда, оқуының ақшасын теміржол вокзалында жүкші болып өзі табатын, артынан ерген 12 аға-қарындастары бар (негізі інім ғана ), жағдайы төмен" студентке 500 теңгеге «жауып» беретін болды .

Бұл менің берген алғашқы парам еді. Ия, бұдан соң да көптеген параалушылық пен параберушіліктер болды. Бірақ, мынау пара беру алғашқы сүйіс секілді есімде мықтап сақталып қалды…
(жалғасы бар)…

Ия ия… қуанып отырмын. Есерсоқ дерсіздер мүмкін. Бірақ шын қуанып отырмын.
Неге??
Осы жаңа ғана, осы қазір мына бір постсымақты көрдім, оқыдым пікірлеріне дейін.

Қазақстандық аудиторияға арналған ақпараттық технологиялар саласын дамытып жүргендерге арналған бұл форумның мақсаты — қазақ тілінде контент жасаушылармен, портал мен сайт иелерінің, жаңа өнімдерді ұсынушылардың өзара тәжірибе алмасып, ортақ жобалардың пайда болуына ықпал ету.
Форум аясында «Ақпараттық қауіпсіздік», «Білім саласындағы интернет», «Бұлтты технологиялар», «Seo жетілдіру», «Ғаламтордағы аудармашы сайттар» сияқты тақырыптар көтеріліп, қазақ тілді интернет пайдаланушыларға арналған жаңа жобалар таныстырылады.

Ассалаумағалейкүм
Қайта-қайта эстафета бастай берді деп сөкпессіздер. Керекке анда-санда бір кіріп жүрген соң, жинап-жинап алып келем
Бұйыртса сүйікті Керегіміздің 6 ақпан күні 10-жылдығы екен. Жабылып қайта ашылғанымен 10 жыл бұрын дәп сол күні ең алғашқы жазба жазылыпты. Осы сынды эстафетаның болғанынан хабардармын. Алайда, жаңадан бастап, арнайы 10-жылдыққа арнағанды жөн көріп отырмын. Эстафетада аты айтып тұрғандай Керектің Сізге, Сіздің керекке бергендеріңіз жайлы болмақ.

Тіркелгеніме 1-жылға жуықтапты. 16 қаңтар күні тіркеліппін. Содан бері 50-ге жуық пост,3 000-ға жуық (Мейіржан ушівөл) пікірлер жазып тастаппын . Тіркелген күннен бастап керек менің өмірім болды десем шындыққа жанасатын секілді. Жұмыста, үйде ашқаным керек. Тіпті алдыңғы бір постта айтқанымдай, үш қабатты ғимаратта (жұмыс орным) мен үшін системщиктер Керекті жауып тастады . Көшеде керектіктер жолығатыным. Әлеуметтік желілерде керектіктер. Барлық жерде…
Жаңа таныстар, жаңа достар таптым, тамаша адамдармен араласып тұрамын. Домбыра-пати, Құрылтай тағы да басқа қаптаған игі шараларға қатысуға мүмкіндік алдым. Өмірге басқа көзқараспен қарайтын болдым. Өзгерді кәдімгідей. Бұлардың бәрі Керектің маған бергені.

Ал, менің… Қарап отырсам, қатырып тірлік тындырмаппын. Алайда, бәрі алда. Жиырма жылдықта осы іспетті постты толықтырып жазармын, менің бергенім туралы ақпарат керектің бергенінен көп болады деп ойлаймын.

Келе жатқан мейрамдарыңмен. Жо жоо Жаңа жыл емес, тіпті Тәуелсіздік күні де емес… КЕРЕКТІҢ 10-ЖЫЛДЫҒЫМЕН!!!
Эстафетаны ақсақалдардан бастасам ба деген ойдамын. Бұтақ — Нұркісі ,Nurgisa быратта.

Дәл қазір «сыйлықтар сезоны» болғандықтан, актуалдылығы бар тақырып деген ойдамын. Бұл эстафетада қабылданған/қабылданбаған, бірақ кейіннен өзіңнің күлкіңді келтіретін, мүмкін болса өз қолыңмен жасалған сыйлықтарыңыз һақында қалам тербесеңіздер деген өтінішім бар. Мүмкін жаңа жылға бір жақын адамына ерекше сый дайындағысы келіп жүрген біреу-міреу осы жерден идея тауып қалар…
Сонымен… ал кеттік..

Сүгірет

6-сынып болуы керек. 8-наурыз. Ол кезде мамамнан басқа әйел затын мойындамайтын кезім. Сыйлық жасағым келді. Жасымнан ақша жинай алмаймын. Сондықтан да қалтам бос. Қолдан сыйлық жасамасам…
Қолда бар заттардан тек қалам мен ақ қағаз ғана бар. Өлең шығарам деп біраз әурелендім. Алайда, тіпті 6-сынып оқушысының өзі ырза болмайтын өлең-сымақ шадыр-шұтпақ шықты. Қоя салдым сол жерден. Сәл ойланып, мамамның студент кезде түскен әдемі бір суретін алып, соны сала бастадым. Ұқсамады. Сосын, мына ойына келгенін істей салатын (көбіне кейіннен опық жейтін) басқа бір ой сап ете қалды ғой… Суреттің астына қағазды қойып суреттің бетіне қаламмен сызып шықтым. Із қалдыру үшін. Із түскеніне түсті ау… Бірақ… Мына бас суреттің құртылуын ойламапты.
Кешке мама келгенде бердім енді суретін. Әрине қуанды. Анау сурет қоқыс жәшігіне кетті амалсыз

Кактус

2 курс. Тағы сол 8-наурыз. Бұл жолы қызыма сыйлық жасау керек болды. Оған көөп ойланып жүріп не сыйлады деп ойлайсыздар?!.. Дұрыс! Кактус. Кактус болғанда да жәй кактус емес, ақ кактус, бетінде қызыл гүлдері бар. Ал, 2003-жылдары ондай кактусты Шымкентте табу қиын болатын.
Алды. Рахметін айтты. Бірақ кейіін, 2-3 айдан кейін айтады: — Ана құрбымның жігіті алтын жүзік сыйлады, ана құрбымның жігіті телефон сыйлады… Ал менің жігітім… Кактус…
Айттым енді… былай… типі өлмейтін гүл, өлмейтін махаббат деп келтіріп ))))))

Қобдиша

2007-08 жылдар ау деймін… Тағы сол 8-наурыз. Әлі студентпін. Сырттай оқимын. Жұмыс істеймін. Ақша бар енді… Бірақ өз қолыммен бірнәрсе жасағым келді. Жұмысым жарнама агенттігінде тұғын. Құрал сайманның, қажетті материалдың бәрі бар. ПВХ-дан қосылған екі жүрек формасындағы қобдиша істеп, қызылмен боядым. Жүрегім жүрек емес, жел шығаратын жерге ұқсап кетті енді былай )) Бірақ, түсінеді деп ойладым.
Кешке алып барып бердім. Ол рахметін айтты. Со «күчтііі» деген сөздер. Бірақ…
Құрбысымен жақсы араласатынмын. Сол абайсызда айтып қалды, қобдишам қоқыс жәшігіне тоғытылыпты ))
Ол қыз да алдыңғы посттағы қыздың кебін киді амал жоқ. Тойыс, ляхтырылды… Менім қобдишам секілді ))
Содан бері өз қолыммен сыйлық жасамаймын, және сыйлықты көбінесе қаржылай ғана беремін. Тіпті гүл де сыйламаймын ешкімге. Уоотт…

Эстафета басталды Ханымдар мен оның жанында жататындар! Бұтақ omarbirat -та!

О ғалай?
Керекке кіре алмай жүрмін. Жұмыста «частопосещаемый» сайттарға кіре алмайтындай «жағдай» жасайды ИТшініктер. 3-қабатты ғимаратта «Керекке» кіретін мен ғана  Керекті өшіріп тастапты. Мен үшін. Көп кіріп кеткем ау. Сағынып қаппын. Пост салмағалы да біраз болды...

Логотип дегеніміздің не екенін түсіндірусіз барлығыңыз жақсы білесіздер. Ол — компанияның, өндірушінің т.б. беті, жүзі, айнасы. Бүгін осындай әлемге танымал компаниялардың логотиптары жайлы сөз қозғаймыз.

Сырға немесе пирсинг

Бұл бәленің тарихы тым тереңде екен. Осыдан 7 000 жыл бұрын Азияда арнайы ерлер үшін сырға жасайтын ұсталар болған көрінеді. Ал ежелгі Египеттіктер мен Ассириялықтарда бұл әлеуметтік жағдайдың жоғарылығын білдіретін белгі болыпты. Римдіктерде құлдарға тағатын болса, гректерде жезөкшелікпен айналысатын ерлер тағып жүрген көрінеді.

Еңселі елім деп келіп, қазағының күйін көргенде көңілі құлазыған дарынды боксшы, Бейжің олимпиадасының қола жүлдегері Қанат Ісләмнің жүрекжарды пікірі.

сілтеме

«Олардың көңілдерінде мүміндерге бергендерінде кірбің болмайды. Сондай-ақ, өздері таршылық пен мұқтаждықта бола тұра, оларды өздерінен артық көреді» Хадистен



Бахамен барлығыңыз сыртынан таныссыздар деген ойдамын.
Ең алғаш Астанадағы блогшылар құрылтайында Дінмұхамед Зияддин (qisyq ) таныстырды.
Онан соң осы жұмыс нәтежиесін комикс-жинақ болып шыққанын rakisheva хабарлады.

Мына бастағалы отырған шарамыз мына жерден басталып, осы жерден Zhanylai һәм Қырмызының Баханың туған күні 23-ші қарашада болатынын айтуымен басталды…
Біразыңыз одан хабардарсыздар да
Асығыстығыма басып сол кезде ерте хабарландырып қойыппын. Бірақ, дәл қазір сәті келген секілді.

ҰСЫНЫС

Баханың туған күніне блогшылардың атынан сыйлық дайындайық. Тек біз ғана емес, еліміздегі барлық блогшылар қатысады деген ой бар.
Ұсыныс айтқан адамдарым қызу қолдап жатыр.
Айтаберліктерді құлақтандырып һәм ұйымдастырып отыруға Қырмызы, Массагет және Казжур-ға хабарлауға Aizhantabyn келісіп отыр.
Ұйымдастыру жұмыстарына estetika91 , Rozatai (әзірге айтып үлгергендерім) және Алматылық блогшылар көмектеседі деген ойдамын.

Баха футболға қызығады. Кумирі — Месси. Сыйлықты осыған байланысты, яғни футболға қатыстырып алсақ па деген ой бар.

Алайда, сыйлыққа әрине қаржы қажет. Көп түкірсе — көл дейді. Қайырымдылық болған соң, белгіленген баға, тариф жоқ. Әркім мүмкіншілігіне байланысты сала берсін.

Реквизиттер:
Жанылай Базарбаева
РНН: 581221288748
БИН: 4667 2061 0230 0588
Банк: Centercredit
Байланыс: +7 707 681 14 73 (хабарласудан бұрын смс жазыңыздар)

Жаңылайға хабарласып, тіркелуді, егер мүмкін болып жатса, квитанцияңызды сканерлеп жіберуді ұмытпаңыз.

футбол қарамаймыз поқу футболға, елімізді қолдаймыз тек © asaubota

Кеше Қазақстан-Аустрия арасында ойын болып өтті.
Қазаққа жанкүйер болудан керекшілер де қалыс қалған жоқ.

Алғашқы баннер: «ФУТБОЛ БОЛАДЫ ДЕГЕН СОҢ КЕЛДІК!».