Күз сығалап тереземнен, басқысы келеді еңсені
Күзгі көңіл-күй жайлап та алған кеңсені
Ал, көшеде… адамдар жүр түнерген
Шөгіп кеткендей ғимараттар да еңселі

Нөсерлетпекші, балаққа жағып батпағын
Өткен жаздай, өмір деген де қас-қағым
Үйкесем түсер балақтағы балшықтар
Қайтсем кетер арыма түскен дақтарым?!

Құссыз сұр аспан, қарғалар ғана бұтақта
Жаз болмағандай, сұрғылттық басым бұ жақта
Уа, Жаратқан! Бар әлемнің тірегі!
Мына біздей Пенделеріңді жылатпа!

Тілегімді қабыл ет, намаз оқымаушы едім бірақта…

Биыл астаналық «Керекшілер» жақсы бір үрдісті қалыптастырды. Ол әрине «Домбыра тарту». Бұндай игі шаралар тамырымыздан ажырамауымыздың басты кепілі. Бұның барлығы жасандылықсыз, өз еріктерімен істеп жүрген іс екені белгілі. Ендігі айтарым…
Осындағы дәстүрлі өнерді дәріптеушілерге және халық әндерін нақышына келтіріп орындайтын кез-келген оқырманға құлаққағыс. Қазан айының 17-19 аралығында Қарағанды қаласында Қазақстанның халық артисі Жүсіпбек Елебеков атындағы республикалық конкурс өтеді. Қатысқысы келген жандар маған хабарласуына болады немесе мына мекен-жайға құжаттарын жібере алады.
100009 Қарағанды қаласы, Комиссаров көшесі, 45-ші үй, Қали Байжанов атындағы концерттік бірлестігі.
Телефондары: 41-10-88(қабылдау бөлімі), 42-08-58(Айсұлтан).

Көзімізге ұйқы тығылса да кеше түнде көбіміздің көк жәшікке телміргеніміз анық. Реал Мадрид-Манчестер Сити кездесуінің пайдасын МС-ліктерге алдын ала беріп қойғандар да бар еді. Оған себеп те жоқ емес, Реалдықтар бұған дейінгі кездесулерін жарытпаған еді. Дегенмен, өз алаңдарында өлімтік команданың өзі бір серпіліп қалатыны анық. Ал, Реалды біз өлімтік дей алмаймыз. Ағылшын лигасының чемпиондары Испандықтардың чемпионының шаңын қағып ала алар ма екен?
Сонымен, ойынға тоқталсақ.
Реалдың бас бапкері Жозе алаңға Өзилдің орнына Майкл Эссьенді және Серхионың орнына Варанды шығарыпты. Реалдықтардың аяғына түскен доптың 60-70 пайызы аяғынан өтіп отыратын Месут Өзилсіз ойын қалай болар екен?!
Манситиліктердің құрамын көбіңіз білесіздер, олар да осал емес. Агуера жарақатына байланысты алаңға шыққан жоқ. Дегенмен, әдемі ойын көрсетуге басқа ойыншылардың да қабілеті жетеді.
Бірінші таймда гол болған жоқ. Бірақ, «Роналду өз формасында емес екен» деген жел сөздерді Рәкең ойын басталысымен -ақ жоққа шығарды. Алаңда олай да бұлай да ойқастап бақты. Қақпаға дәл соққыларды да бағыттап жатты. Мұсылман қауымын айт мерекесімен құттықтайтын француз ойыншысы Насри бірінші таймның соңына таман өз орнын коларовқа беруге мәжбүр болды. Жақсы ат аяғынан қалады дегендей, сіңірі сіресіп ойыннан шығып кетті.
Опшым, не қыртып отырмын ойын 3 те 2 есебімен Реалдықтардың пайдасына шешілді. Барлық голдар екінші таймда соғылды.
Голдар: Джеко, 68 (0:1), Марсело, 77 (1:1), Коларов, 86 (1:2), Бензема, 87 (2:2), Роналду, 90 (3:2)

Әкесі бұны емірене иіскеп көрмепті, иіскеген де болар, тек иіскеген кезі бұның есінде жоқ. Қашан көрсең де түнеріп жүргені. Көп сөйлемейді, шешесі әзірлеп берген тамақты ішеді, содан кейін газет-журнал оқыған болады. Көбіне көк «Москвичіне» мініп алып, күнұзаққа жоқ болып кетеді. Әкесінің машинасына мінудің өзі арман. Аңда-саңда ауданға қонаққа я болмаса басқа да бір шаруалармен барған шешесімен ерген кездерде ғана мінеді.
Бекеннің әйтеуір осы машинаға құмартып тұратын әдеті бар. Кейй күндері әкесі тамақ ішіп отырған кездерде есігі жабық машинаны сыртынан сипалап жүргені. Терезесінен үңіліп, ішін қызықтайды. Өзінің әкесінің алдында рөлде отырғанын, ара-тұра әкесіне мақтаныш сезіммен қарап қоятынын ойша ғана елестететін…

"Қырғыздарға қазақтардың атынан алғыс!"-дегім келді де «бүкіл ұлттың атынан алғыс айтатын мен кіммін» деп ойлап осылай жаздым.
Қазақ эстрадасына соны леп әкелгендері үшін айтып жатырмын алғысымды.
"Қызыл өріктің" қырғыздардікі екенін білгенімді былай қойып, Сырым Исабаев деген әншінің орындап жүрген «Алдадың» әні де айыр қалпақты бауырларымыздікі екен.

Сіздерге мынабір терме-толғауларды ұсынғым келіп отыр.
Ауылды сағынғанда, жиі тыңдайтын толғауым.
008 Barip Kait Balam Aylga — Tyngishbai Zhamankylov

Және «Ақыл-нақыл»
019 Akil Nakil — A.Abdyaliev

Бұл жайлы қыста жазбақшы болғанмын,өз-өзінен ұмытылып кетіпті. Бүгін есіме қайдан сап ете қалғанын. Соншалықты керемет ештеңе де емес, бірақ жаза салайын.
Билер, шешендер жайлы кітаптардан Төле бидің(шатаспасам)мына бір билігі жайлы сіздерде оқыған шығарсыздар.
Бидің алдына бір балаға таласқан екі әйел шешім сұрап келеді.Екеуі де «бала менікі» деп бет бақтырмайды.Біреуі «бұл баланы мен тудым, бесіктегі жатқан шағында ұрлап кеткен еді. Бұны, пәлен (жауырын, жамбас, обшым пәлен деп алдым) жеріндегі алақандай қалынан таныдым» десе, екіншісі "Ұрлаған түгім жоқ, 9 ай көтеріп тапқан ұлым" десе керек.
Сонда Төле би қолына қылыш алып «Бұл баланы екеуіңе қақ бөліп берейін»деп, баланы қақ бөлмекші болады.Баланы 9 ай көтердім деген әйел бұл әрекетке міз бақпастан қарап тұрса, "ұрлаттып алдым" деген әйел«Ойбай-ай, қайда жүрсе де аман жүрсін.Шаппаңыз» деп жер тізерлеп отыра кетеді.Сөйтім би баланы өзінің заңды шешесіне қайтарып береді. Осыны алғаш оқығанымда (6-7 класс оқитын кезім)«Ата-бабамыздың асқан білімділігін-ай, шешімін таппастай мәселенің түйінін тамаша шеше білген екен» деп ойлағанмын.
Енді қыстағы оқиғаға келсек.Ерігіп отырып ағылшындар түсірген (шатаспасам) «Камелот» сериалын тамашалаған едім. Сол кинода да дәл осындай даумен келген екі адамға, осы іспеттес сынақ беріледі.Шешімді айтатын Утердің қызы Моргана.
Бұл билікті Төле би ешкімнен ұрламаған болар, бірақ та басқаларда ақымақ емес екен ғой.

Бұл жазба қиын да бақытсыз не болмаса бақытты да тәтті өмір кешіп жатқан сәбилер жайлы емес. Кешелі бері «Еларнадан» беріле бастаған «Сәби жүрек» сериалы жайлы жеке пікірім. «Фильмнің режиссері кім, сценаристі кім?» (айтпақшы, композиторы Қуат Шілдебаев) деген сұрақтарға бұл жазбадан жауап таба алмайсыз. Бірақ, фильмнің бастауы сонау тоқсаныншы жылдардағы тоқырау кезеңдеріндегі балалар үйіндегі оқиғадан бастау алатыны жайлы мағлұмат бере аламын.
Опшым, барлық қазақ киносының басты мәселелері бұл телехикаяны да айналып өтпеген, айналып өткеніңіз не жер бауырлап жатып алған. Ол, дыбыстардың және дауыстардың жасандылығы.Әуелі орысша түсіріліп, үстінен кейін қазақша жаза салғанға ұқсайды.

Ақбота Керімбекованың орындауында баяғыда тамаша бір ән болушы еді.Көше әні болуы керек шамасы. "Қызыл гүлім-ай, қызықтырдың-ай" деген жолдары бар. Соның өзгертілген түрін құлағым шалып қалған.Әлгі әнде "Қызыл гүлмін-ай, қызықтырдым-ай, аппақ гүлмін-ай, ардақтымын-ай" деп айтылады.
Жас әншілердің бірі бұрмалап айтып жүрген болар деп қатты да мән бермеген едім. Сөйтсем, осылай орындап жүрген Ақботаның өзі екен. Сіздер не дейсіздер?

Суретке сілтеме

Шіліңгір шілденің шыжыған күнінің аяғын ала бере, екеуі ауыл шетіндегі өзеннің жағасына келіп отырды. Дәлірегін айтқанда шашын бір жақ иығынан алдына асыра салған Маржан отыр да, Ерлан екі қолын желкесіне қойып шалқасынан жатыр. Екеуі де биыл мектеп бітіріп, қалаған оқуларына түсті. Бұларды қинап тұрған бір ғана жайт екеуінің екі қалаға оқуға түсулері ғана. Қыздың арқа тұсынан көз салып отырған жігіт, оның самал желмен жай ғана желбіреген шашының исін жұтып-жұтып алғысы келгендей кеудесін кере демалды. Қыздың ақ көйлегінің астынан төстартқышы анық көрініп тұр. Бұл екеуі төстеріне төстерін тигізіп билегендері болмаса, бірер мәрте сүйіскендері болмаса, көп қыдырмаған да еді.
-Маржан, енді екеуміз екі қалада оқимыз. Демалыс кезінде ауылда кездесіп отырамыз десек те, екеуміздің арамыздағы сезімнің өршу-өршімеуі белгісіз. Сенің ана жақта біреуді ұнатып қалуың, менің де басқа қызға сезімім оянуы мүмкін. Сен қалай ойлайсың?
-Ерла(қыз оны неге екенін кім білсін, бірінші рет осылай атады), бір-бірін күту деген жетпісінші-сексенінші жылғы кітаптардың кейіпкерлерінде ғана бар болар бұл өмірде. Ештеңеге кепілдік бере алмаймыз.
Жігіт басын көтеріп, жайғаса отырып, қызды қапсыра құшақтады.
-Олай болса маған төсіңді көрсетші…