Бұрынғы Елбасымыз Н.Ә.Назарбаев атамыз айтқандай, Қазакстандағы жоғары оқу орындарының ішінде, кемінде бір оқу орнын әлемдік деңгейге шығару, сол кездегі және де қазіргі таңдағы мақсатымыз. Біз осы мақсатқа жету барысындамыз, себебі 2017 жылы британдық QS агенттігінің нұсқасы бойынша екі отандық жоғары оқу орны топ-400 ең табысты университеттер қатарына енді.
Биылғы 2019 жылы Қазақстан бойынша көпбейінді жоғары оқу орындары қатарында үздік болып, бірінші орында тұрған — Әл-Фараби атындағы қазақ ұлттық университеті. 1934 жылы негізін қалаған. 40 000 студенті білім алуда. Алматы қаласында орналасқан. Көпбейінді ҚазҰУ оқу әдістемесіне бакалавриат, магистратура және докторантура кіреді. 180-нен астам мамандар түрін оқытады.
Қазіргі таңда ҚазҰУ да 5 институт, 7 ғылыми зерттеу институты, колледж, 1 ғылыми-технологиялық парк, 16 факультет, 30 әлеуметтік-гуманитарлық бағыттағы ғылыми орталық, Ғылыми инфрақұрылымда 11 орталық, 7 департамент жұмыс істеуде. Мамандырылған диссертациялық кеңес, докторлық диссертацияны қорғаудан 67 мамандық, осы бойынша университетте 20 мың студент, магистрлар және докторлар білім алуда.
QS World University Rankings қорытынды зерттеу рейтингісі бойынша ҚазҰУ 2019 оқу жылында әлемнің 1000 үздік университеттерінің арасынан 220-сыншы орын алды. QS University Rankings рейтингісі бойынша Еуропа және Орталық Азияның дамып келе жатқан елдерінің арасында 300-діктің ішінде 19-ыншы орын алды. Екі рейтинг бойынша да ҚазҰУ Қазақстанның жоғары оқу орындарының ішінде ең жоғары деңгейге.

Мен кейде былай армандайтынмын: мысалы, мен бір танымал әнші болып кеттім. Эллиот Смит сияқты. Сосын теледидарда не оқисыз деп тележүргізуші сұрап қалғанда, керекинфоны айтам да, бүкіл Қазақстан керекинфоны оқып бастайды. Сөйтіп елдің көзі ашылады, адамдар рухани дамиды, Сатыбалдыны бәрі білетін болады деп.

Керекинфо керемет жер. Сағындыртып барып оқып тұрам. Қызығушылықпен кезінде өзім де жазып көрдім аз-мұз нәрселерді.

Ескі жазбаларымды оқып отырып бүгін, осыдан 3-4 жыл бұрынғы өзімді көріп, езуіме күлкі, жүрегіме мұң орнады. Кей ойларым менің қазір өзгерген. Жазбаларға қарасаң, әлі бала болғанымды көремін.

Музыка өнердің шыңы екенін түсіндім, бұрын музыкаға бей-жай едім. Көп нәрсеге бақылаушы бола бастадым. Латын әліпбиі сынды хабарларға тіпті минут арнағым да келмейді, оқымаймын. Түсінікті онсыз да болашағымыз. Артымнан ерген іні-сіңлілеріме елден кетуді ұсынатын болдым. Өзімнің де сол ойдың мазалай беретіндігі қынжылтады. Бұрын жай ой еді 2 жыл бұрын, қазір нақты қадамдар жасап жатырмын сол бағытқа қарай.

Философия көмектеседі жалпы өмірді қабылдауға. Камю айтпақшы өмірде тек бір сұрақ бар. Сол сұрақ ғой діңкені құртатыны.

Уақыт өтіп жатыр. Қазір 26-дамын. Көзді ашып-жұмғанша 40, сосын 50 болады. Сосын ше? Қалай сонда? Эй, мен түсінбей қалдым! отырып аламын кей кезде. Фу, ештеңе емес екен го өмір деген. Бар, сосын жоқ. Бітті.

Не айтайын, барлықтарыңызға денсаулық пен жақсы өмір тілеймін. Керекифнолықтарды рухани достарым деп санаймын жүрегімде.

Сурет vokrug.tv сайтынан алынды.

Әдетте қазақтың қоғамын жамандаушылар көп кездеседі. Қазақтың барын көрсеткіштігі, мақтаншақтығы жиі тілге тиек болып жатады. Алайда біздің қоғамда кең таралған, орысша айтқанда понт және көре алмаушылықтың себебі неде? Осы тақырып жайында менің видео-пікірімді көре отырып мүмкін жаңа ой ести аласыз. Келіспесеңіз өз ойыңызды қалдырыңыз, жаңа пікір оқуға әрқашан ризамын.

Менің «ауруларымның» біріне қатысты тамаша материалға кез болдым. Шахматқа қызығушылар үшін Рэнди Олсон ғажайып видео ұсынады. Бұл роликте ол соңғы 200 жылдағы топ-шахматшылардың шамалас күшін үш түрлі метрикада айшықтайды. Оның себебі, рейтингілік жүйелер тек сол заманға тән болатын. Сонымен, Петровтан Карлсенге дейін
— EDO рейтинг (1809-1920)
— CMR перфоманс рейтингі (1910-2005)
— ФИДЕ-нің ресми ELO-рейтингі (2000-2016) арқылы жасалған графика!

Cуретте — ArtNow-ға тиесілі Валерий Ярославцевтің «Шахматшылар» картинасы.

Klout әлеуметтік желілердегі бір адам, мекеме немесе брендтің қаншалықты танымал, кімдерге қандай сөздермен ықпал ете алатынын анықтайтын бір сайт. Klout алғашқыда twitter-дің қосымшасы болып шықты. Твиттердегі оқырман саны, оқырмандардың сіздің жазғандарыңызды бөлісуі және сізбен пікір таластыруына байланысты әрбір қолданушыға «klout ұпайы» беріледі.

Klout-тың аты шыға бастаған сайын ұпай есептеуде пайдаланылатын әлеуметтік желілердің де саны артты. Facebook, Youtube, Tumblr, Blogger, Linkedin, Foursquare секілді әлеуметтік желілердегі танымалдығыңыз да клоут ұпайыңызға әсер етеді.

«Klout» ұпайы деген не?

«Klout ұпайы» есептегенде 1 ең нашар, 100 ең жақсы ұпай. Klout негізі тек қана ұпайдан тұрмайды, кімдерге қандай сөздермен әсер ететініңіз, кімдерден әсер алғаныңыз, қандай сөздермен қай тақырыптарда ықпалды екеніңізді анықтайды.

«Klout» не іске жарайды?

Клоутта тек қана ұпайыңызды қарап шықсаңыз ештемеге де жарамайды. Сізбен әлеуметтік желілерде байланыста көбірек болған адамдарды және аккаунттарды анықтап, олармен байланыс құру үшін сізге бағыт-бағдар беретін сайт ретінде де қарасаңыз болады.

Бұдан бөлек бәсекелес адам немесе фирмалардың клоут ұпайларына қарап әлеуметтік желілердегі өзіңіздің табысыңызды олармен салыстыруға арналған пайдалы қызмет. Былайша айтқанда клоут келді де бәрін орнына қойып тастады.

Яғни SMM-шілердің жұмысын, бәсекелеспен салыстыру үшін жақсы сайт. Жарнама берушілер де әлеуметтік желілерде өте ықпалды адамдарға жарнама берсе болады. Яғни сіз ол кісіге жарнама берсеңіз оның ықпалдылығын пайдаланып 10 мыңдаған немесе одан да көп кісілік аудиторияға өз өніміңізді жарнамалай аласыз!

«Klout» қалай пайдаланылады?

Klout сайтына қалай тіркеледі? Ол туралы алдында пост жазғанмын. Соны қарап шықсаңыз болады. Клоут туралы 10 сұрақ постын қарап шықсаңыз да болады.

«Klout» ұпайын арттыру үшін не істеуге болады?

Клоут «twitter» үшін жасалған қосымша болғандықтан алдымен осы әлеуметтік желі үшін айтайық. Қазақстанда твиттер көп қолданылмағаны үшін бұл бөлімге онша көп тоқтамаймыз. Твиттерде ұпайыңызды арттыратын нәрсе — сізді белгілеу яғни mention. Клоут ұпайы жоғары адамдар твит жазғанда сізді белгілесе ұпайыңыз арта түседі. Яғни твиттерде адамдардың сізді белгілегеніне қарайды.

Ал фейсбукқа келетін болсақ достар саны, посттарыңызға жазылған пікірлер және лайктар клоут ұпайыңызды арттыруға көмектеседі. Өзімнен бір мысал келтіретін болсақ өткенде фейсбукқа «Сәттілік тілеңдер, ағайын» деп сурет салдым. Сол кезде 240-қа жуық лайк, 50-ге жуық адам пікір жазды. Сол кезде клоуттың Қазақстандағы тізімінде 24-інші орыннан 15-інші орынға бір-ақ секірдім. Яғни клоут ұпайын көтеру үшін фейсбукта лайк пен пікір жинайтын пост жазу керек! Бұл жақсы мысал болмады айтқым келгені фейсбукта қоғамдық пікір туғыза алатын адамдардың клоут ұпайы жоғары болады, яғни жазғандарыңызды жұрттар қызу талқылайтын болғаны жақсы!



Ал инстаграмда бөліскен суреттеріңіз, суретке жазылған пікірлер мен лайктар ұпайыңызға әсер етеді. Бұл жерде ең маңыздысы суретке жазылған пікірлер. Өздеріңізде білетіндей инстаграмда суретке лайк басып өтіп кету оңай, ал пікір жазуға тұратын сурет салу ол біраз қабілет қажет етеді.

Youtube үшін тоқталсақ сіздің каналдағы оқырман саны мен айлық көрсетілім санына қарайды.

Google+ үшін айтатын болсақ жазбаларыңызға жазылған пікірлер, бұл жазбаларды бөлісуші саны және алған +1-леріңіз сіздің клоут ұпайыңызды көбейтеді.

LinkedIn желісінде сізге жазылған ұсыныс хаттарының саны және ұзындығы.

Foursquare болса мекен туралы жазған пікіріңіз, ұсынысыңыз клоут ұпайына қатты әсер етеді. Достар саныңыз және check-in клоут ұпайыңызға әсер етсе де алғашқы екеуі секілді қатты әсер етпейді.

Клоут туралы әлі де жазамын! Клоутты күндерде жолыққанша!

Фейсбукқа klout туралы әр жазғанымда постта сегіз адам, жекеде сексен сегіз адам осы туралы сұрайды. Тақырыпты жәй ғана осылай қоя салдым, ал мен бұл жазбамда klout-қа қалай тіркелу керектігін көрсетемін.

Рейтингте тезірек көріну үшін твиттер аккаунт өте маңызды! Сол үшін алдымен браузерден twitter.com ашамыз!



Егер твиттерде логиныңыз болса жоғарыдан логин және құпиясөзіңізді теріп кіресіз. Егер логиныңыз болмаса жаңадан тіркелуіңіз керек.

Шыңғысхан бауырымыздың твиттерде аккаунты жоқ екен. Осы жігітті тіркеп тастайық онда твиттерге.



Аты-жөніңізді, почтаңызды және құпиясөзді жазып «Sign up for twitter» деп басып тіркелеміз.



Ашылған парақшада «Sign up» дегенді басасыз.



Телефон номеріңізді тіркегеніңіз дұрыс немесе «Skip» деп аттап кетіңіз



Енді өзімізге твиттерде бір никнейм (псевдоним) таңдаймыз. Жұрт қызығатын немесе іздегенде оңай бір ат таңдағаныңыз дұрыс. Сосын, мүмкіндік болса бүкіл әлеуметтік желілерде бір псевдониммен жүрген дұрыс. Біз Шыңғысқа timuch1na деген атты таңдап «next» пернесіне бастық. Осылайша Шыңғысты алдымен твиттерге тіркедік.

Енді klout.com сайтын ашамыз.



Сайт ашылған соң твиттер арқылы кіреміз.



Klout бізден «Твиттер аккаунтыңызды пайдаланайық па?» деп рұқсат сұрайды. Әрине, «sign in» деп рұқсат береміз.



Бірнеше секундқа осындай ескерту шығады. Бірнеше секундтан кейін мынандай парақша ашылады.



Бос орындарға керекті мағлұматтарды жазған соң «continue» деп жалғастырамыз.



Твиттермен тіркелгеніміз үшін klout бірден 10 ұпай берді. Сосын осы парақшада «Get Started» басып бастаймыз. Біз әзірге klout-қа твиттермен ғана тіркелдік. Қазір басқа әлеуметтік желілердегі аккаунттарымызды да тіркеп тастаймыз.



Мына парақшада қызығатын салаларымызды белгілеуге болады бірақ біз жоғарыдағы x белгісіне басып өтіп кетейік.



Klout-тың басқы бетіне де келіп қалдық. Төмендегі баптаулар (settings) бөліміне кіреміз.



Бос жерлерді толтырамыз да баптауларды сақтаймыз (Save Changes) да сөйтіп баптаулардағы желілер (networks) бөліміне кіреміз.



Өздеріңіз де көріп тұрғандай әзірге тек қана твиттер тұр. Қазір осы бетте бүкіл әлеуметтік желілердегі аккаунттарды біртіндеп тіркейміз. Алдымен фейсбукті тіркейік. Facebook жазуының жанындағы «Connect» пернесіне басайық. Браузерімізде фейсбук ашық тұрғаны үшін бізде мынандай болып ашылды.



«Ок» дейміз де жалғастырамыз.Тағы бір терезе ашылады. Ол терезе фейсбукты қай тілде пайдаланатыңызға байланысты.



"Қазір емес" дейміз де жалғастырамыз.



Бұл жерде Х-қа басып өтіп кетеміз.



Өздеріңіз де көріп тұрғандай твиттер мен фейсбукты тіркеп тастадық. Төмендегі «View additional networks» дегенге басып клоуттағы қалған әлеуметтік желілерді де көре аламыз және қайсыларында аккаунттарыңыз болса соларды тіркейміз.



Шыңғысхан жас бала болғаны және әдемі бала болғаны үшін оның инстаграмда аккаунты бар екен. Инстаграмның жанындағы «Connect» пернесіне басамыз. Келесі парақша ашылады.



Инстаграм логин және құпиясөзімізді кірген соң «Войти» дейміз. Бұл жерде сіздің инстаграмды қай тілде пайдаланатыныңызға байланысты. Бұл жерде де мағлұматтарыңызды пайдалану үшін клоут рұқсат сұрайды.



Бұл жерде «Authorize» пернесіне басамыз.



Ашылған парақша немесе терезеде тағы да Х-ке жүгінеміз.

Шыңғысханның ютуб каналы да бар екен. Youtube-нің жанындағы «Connect» пернеге басамыз да ютубты да тіркеп тастайық.



Шыңғысхан бауырмыз ютубқа gmail.com адресімен тіркелген екен. Браузерімізде gmail.com ашық болғаны үшін мынандай парақша ашылды. «Разрешить» дейміз.



Тағы да Х пернесіне басып өтіп кетеміз. Енді Google+ тіркейміз. Ол дегеніміз де gmail.com почтамызды тіркеу деген сөз.



Тағы да «Разрешить» деп өтеміз.



Тағы да Х пернесіне басып өтіп кетеміз.

Әзірге бес әлеуметтік желідегі аккаунтымызды тіркедік. Осылайша клоутқа да тіркелдік.

Енді қазақ интернетіндегі орнымызды қалай анықтаймыз?!

Браузерден kaznet.me сайтына кіреміз. Оң жақ жоғарыдағы «Участвовать» деген жерге кіреміз.



Өз қаламызды таңдап «Войти через твиттер» дейміз.



Әдеттегідей рұқсат сұрайды және біз «sing in» арқылы рұқсат береміз.



Мынандай бір ескерту шығады. Яғни 10 минут ішінде тізімде пайда боласыз. Жоғарыдағы «Рейтинг» дегенге басып өзіміздің тізімде пайда болып болмағанымызды тексеруге болады.



Жоғарыдағы бос орынға твиттер аккаунтыңызды жазып «Искать» деп іздейміз. Шыңғысхан твиттер арқылы тіркелгені үшін ол тізімде бірден пайда болды.



Өздеріңіз де көріп тұрғандай Шыңғысхан Әбдіразақ 3460 орыннан кіріп келді. Қорықпай тұра тұрыңыз, бұл басы ғана өйткені клоут сіздің әлеуметтік желілердегі белсенділігіңізді есептеу үшін 48-72 сағатты қажет етеді.

Жарайды, мен сонда да «Klout бізге не береді?» сұрағына 1-2 сөйлеммен жауап беруге тырысайын.

Клоут Қазақстанға енді келіп жатыр. Жарнама берушілер сіздің клоуттағы ұпайыңызға қарап жарнама беруі мүмкін немесе кафе-ресторандар сізге жеңілдік беруі мүмкін. Мысалға сіз Көксарай мейрамханасынан check-in жасасаңыз сіздің оқырмандарыңызға ол кішігірім жарнама ;)

Клоут туралы кейінірек тағы да толығырақ жазармын, бұл постымда қалай тіркелу керектігі туралы ғана жаздым. Соңына дейін шыдағандарыңыз үшін рахмет! Клоутты күндерде жолыққанша!

1. Klout деген не?
Klout — 2008 жылы Сан Францискода құрылған әлеуметтік сараптама жасайтын компания. Әлеуметтік желі қолданушыларының белсенділік және ықпалдылық дәрежесін 1-100 арасындағы балл бойынша өлшейді. Жүйеге тіркелген қолданушы өзінің қаншалықты ықпалды екенін біле алады.

2. Klout-қа қалай тіркеледі?
klout.com сайтында қолданушы Twitter, Facebook аккаунты арқылы немесе жәй ғана email арқылы тіркеле алады. Бірақ, тәжірибеміз бойынша ұсынарымыз: Twitter арқылы тіркелу жеңілірек. Егер басқаша тіркеліп, кейін Twitter аккаунтыңызды қосқыңыз келсе мәселе туындауы мүмкін.

3. Кімдер тіркеле алады?
Жеке қолданушылардан бөлек компания, мекеме, ұйым немесе кез келген парақша тіркеле алады. Жүйеге Facebook парақшасын және өзге әлеуметтік желілердегі аккаунттарын қоса аласыз.

4. Ұпайлар қалай есептеледі?
Жүйеге тіркелгеннен кейін Facebook, Foursquare, Google+, Instagram, LinkedIn, Twitter, YouTube, Wikipedia аккаунттарын және парақшаларын қоса аласыз. Сондай-ақ Bing іздеу жүйесінде сіздің атыңыз жиі индекстелетін болса, ол да ұпай әкеледі. Тіркелгеннен кейін 72 сағат ішінде нақты ұпайыңыз шығады. Жүйе сіздің посттарыңызға деген басқалардың реакциясын есептейді. Яғни, посттарға лайк саны, бөлісім саны, пікір саны, оқырмандарыңыздың саны.

5. Неше күндік белсенділік есепке алынады?
Klout желідегі соңғы 90 күніңіздегі бөлісімдер бойынша мәлімет жинайды. Осы кезеңдегі ең төменгі және жоғары ұпайыңызды берілген график бойынша бақылап отыра аласыз.

6. Оларға бұдан не пайда?
Klout түрлі компаниялармен келісіп, өзінің қолданушыларына жеңілдіктер ұсынады. Қолданушылар ұпай сандары бойынша жаңа өнімдер, акцияларға қатысып, арзан бағамен сатып ала алады. Klout бұл компаниялардан комиссия алады.

7. Klout-тан маған не пайда?
Жоғарыда айтылған жеңілдіктерден пайдалана аласыз. Өзіңіздің желідегі перформансыңызды бағалай аласыз. Жұртқа сізден шығатын қандай контенттің қызығырақ екенін бағамдайсыз. Еліміздегі түрлі блогтур, акция, іс-шараларға шақыру аласыз.

8. Klout рейтингі не үшін керек?
Рейтинг көп жағдайда PR компанияларға, желідегі белсенділерді, блогерлерді қажетсінетін іс-шара ұйымдастырушылар үшін пайдалы. Өздеріне қажетті алаңдарда белсенділерді рейтинг арқылы қарап отырып, шақыра алады. Әр қолданушының Klout парақшасына кіріп, оның соңғы танымал бөлісімдерін қарауға болады. Осылайша кімнің қай желіде белсендірек екенін байқауға болады. Мысалы: бір жаңалықты тарату үшін Facebook белсенділері қажет болса, бір өнім немесе афиша тарату үшін Instagram белсенділері қажет. Ал, біреулер видеосын Youtube арқылы жарнамалатқысы келсе осы рейтингтен қажет адамдарын таба алады. Қазақстандық қолданушылар рейтингін kaznet.me/rating/personal сілтемесінен қарауға болады. Бұл жерде жеке қолданушылардан бөлек Компаниялар, БАҚ, Үкімет санаттары бойынша да рейтинг жасақталған. Ал, егер тек қазақша жазатын қолданушылар рейтингі керек болса: jas.kz/klout

9. SMM тұрғысынан қалай бағалауға болады?
SMM тұрғысынан өте пайдалы қызмет. Мықты SMM-ші рейтингтегі ұпайымен жұмыс берушісінің алдында мақтана алады, портфолиосына сенімді түрде қоса алады. Ал, жұмыс беруші жұмыстың қалай жүріп жатқанын қадағалай алады.

10. Ең үлкен ұпай кімдерде?
Барак Обаманың ұпайы 99. Нью-Йорк Таймс газетінікі де 99. Ал, Қазақстанда жоғары ұпайға Мұхамеджан Тазабек (77) пен Есен Елеукен (77) ие.



Klout ұпайын көтеру бойынша кеңестер:
— өзіңіз жиі қолданатын барлық әлеуметтік желі аккаунттарыңызды қосыңыз;
— рейтинг басындағылармен, яғни күштілермен байланыста болыңыз. олардың репосттары, лайктары, коменттері маңызды;
— сапалы контент жасаңыз. пост санын көбейту нәтиже әкелмейді, сапалы контент ұпай көтереді;
— пікірталас құруға тырысыңыз. комент саны көбейген сайын ұпайыңыз да көбеймек.

P.S. Klout рейтингі үшін желідегі өміріңізді өзгертуге тырыспаңыз. Виртуал өмірдің мәні бұл ғана емес. Шынайы болуға тырысыңыз, сапалы контент жасаңыз. Рейтингі өздігінен келеді. Сәттілік!

Қазақстандық ауыр атлеттер спорттан уақытша шеттетілуі мүмкін. Оларға Хьюстонда өткен әлем чемпионатында допинг қолданды деген айып тағылды. Ресми мәліметтерге сүйенер болсақ, әлемдік додада күміс және қол медальді иеленген Жасұлан Қыдырбаев пен

Елдерге блогиада азық болып, пост қаптапты ғой. Мен де бірінші постымды жазып көріп отырмын. Пост болғанда сауалнама. Бірінші турдың қорытындысы бойынша ең үздік жазба қайсы? Дауыс беріңіз.

Бүгінде еліміздегі жоғары оқу орындары 200-ден астам мамандық бойынша оқытады. Алайда, жоғары оқу орнын бітірген түлектердің 74 % меңгерген мамандығымен жұмыс істемейді екен. Сонда қалған 26 % ғана диплом бойынша қызмет атқарады. Бұл дегеніміз түлектеріміздің әу бастан-ақ мамандықты дұрыс таңдамауының кесірі.«Адам екі түрлі жағдайда қателеспеу керек: бірі — жар таңдағанда, екіншісі — мамандық таңдағанда» деп ата-бабамыз бекер айтпаса керек. Өз жаныңызға жақын мамандықты іздеп табу- күрделі әрі жауапты жұмыс.
Бастысы:" Маған немен айналысқан ұнайды? Болашақта өзімді кім етіп елестетемін? Осы мамандықты оқу арқылы қоғамға қандай үлесімді қоса аламын? Бұл салада жетістікке жете аламын ба, жұлдызым жоғарыдан көрінеді ме?"- деген сынды сұрақтарға жауап табу. Оқуға түсуді емес, бастысы кім болғыңыз келетінін ойланғаныңыз жөн! Себебі мамандық таңдау — ол өмірлік таңдау.
Қабілетіңізге, қызығушылығыңызға байланысты белгілі бір мамандық түрін таңдағаннан соң 4-5 жыл бойы білім алатын оқу ордасын байыппен таңдаған дұрыс. Бұл мәселені шешуге, төмендегі 2013-2014 жылғы оқу орындарының рейтингі көмектеседі деген ойдамын.

Әлемнің үздік оқу орындары:
1.California Institute of Technology(United States)–94.9%
2.Harvard University(United States)–93.9%
3.University of Oxford(United Kingdom)–93.9%
4.Stanford University(United States)–93.8%
5.Massachusetts Institute of Technology(United States)–93.0%
6.Princeton University(United States)–92.7%
7.University of Cambridge(United Kingdom)–92.3%
8.University of California, Berkeley(United States)–89.8%
9.University of Chicago(United States)–87.8%
10.Imperial College London(United Kingdom)–87.5%

Ұлттық рейтинг-2013 ж. Үздік ЖОО тізімі:
1. Л. Гумилев атындағы Еуразия Ұлттық университеті
2. Әл-Фараби атындағы Қазақ ұлттық университеті
3. М.Әуезов атындағы ОҚМУ
4. Қ. Сәтбаев атындағы ҚазҰТУ
5. Қарағанды мемлекеттік техникалық университеті
6. Абай атындағы Қазақ ұлттық педагогикалық университет
7. Е. Бөкетов атындағы Қарағанды мемлекеттік университеті
8. Қазақ ұлттық аграрлық университет
9. Д.Серікбаев атындағы Шығыс Қазақстан мемлекеттік техникалық университеті
10. Қ.А.Йассауи атындағы Халықаралық қазақ-түрік университеті

2013 жылдың үздік техникалық жоғары оқу орындарының бестігі мыналар:
1. Қазақстан-Британ техникалық университеті — 91,19%;
2. Қаныш Сәтбаев атындағы Қазақ ұлттық техникалық университеті — 72,08%;
3. Қарағанды мемлекеттік техникалық университеті — 67,23 %;
4. Алматы технологиялық университеті — 53,68%;
5. Сәкен Сейфуллин атындағы Қазақ агротехникалық университеті — 52,77%.

Гуманитарлық-экономикалық жоғары оқу орындары арасында үздік болып төмендегі университеттер анықталды:
1. ҚМЭБИ (КИМЭП) университеті — 96,30%;
2. Қазтұтыну одағының Қарағанды экономикалық университеті — 59,02%;
3. Тұрар Рысқұлов атындағы Қазақ экономикалық университеті — 58,33%;
4. Қазақ гуманитарлық-заң университеті — 56,06 %;
5. Абылай хан атындағы Халықаралық қатынастар және әлем тілдері университеті — 56,03 %.

Еліміздің үздік медициналық жоғары оқу орындарының бестігі:
1.Астана медициналық университеті (Қазақ мемлекеттік медициналық академиясы) — 86,41 %
2. Қарағанды мемлекеттік медицина университеті – 74,21%
3. С.Д. Асфендияров атындағы Қазақ ұлттық медицина университеті – 68,34%
4. Семей мемлекеттік медицина университеті – 45,01%
5. Оңтүстік Қазақстан мемлекеттік фармацевтика академиясы – 40,98%

Қазақстандағы педагогикалық ЖОО-ның бестігі:
1. Абай атындағы Қазақ ұлттық педагогикалық университеті – 94,80%
2. Қазақ мемлекеттік қыздар педагогикалық университеті – 73,92%
3. Павлодар мемлекеттік педагогикалық институты – 67,01%
4. Ақтөбе мемлекеттік педогогикалық институты – 51,43%
5. Тараз мемлекеттік педагогика институты – 51,17%

Еліміздегі үздік өнер оқу орындары:
1. Қазақ ұлттық өнер университеті (Қазақ ұлттық музыка академиясы)–91,28 %
2. Т.К. Жүргенов атындағы Қазақ ұлттық өнер академиясы –74,08%
3. Құрманғазы атындағы Қазақ ұлттық консерваториясы –39,22%

Мамандықты таңдай отырып, тағдырыңызды таңдайтыныңызды ешқашан естен шығармаңыз.Конфуций: «Жаның қалайтын істі тап, сол кезде ешқашан жұмыс істемейтін боласыз», — деген. Ең бастысы, сізге не қажет екенін білу. Жүрек үнін тыңдасаңыз ешқашан қателеспейтініңізге кепілдік беремін. Ендеше, іске сәт!

Көне қарлұқтардың аңызы бойынша, көбелектердің уақыт санауымен бағзы заманда, мыңдаған ұрпақ келіп-кеткен өте-өте ерте заманаларда бір Әкімші болыпты. Ол бір ақылды, бірақ жауыз, рухани қаніпезер екен. Өзі сол кезеңде тілі мәйекті, ойы дәйекті қауымды жинап, жаылнама жаздырып, әр азынадан кейін жазмыштың жазғыштарының жіктеу тізімін жасап жүреді екен. Тізімнен тізімге, саннан санға, сөйтіп бір күні ол тілдері текті, саусақтары ептілерге өздерің жасаңдар осындай тізім деп серкені ортаға тастай салыпты. Өздері тізім ішіндегілерге солай айту дегеніңіз енді… Бұдан асқан аморальдылық (бөлшектемей оқыңдар бұл сөзді!) болар ма?
«Неге бұл жолы осылай жасадыңыз? дегендерге», ол: «Бықақ, бықақ» деп қарқылд… Ә, жоқ, бұл жерде ол бұлай қақалып қалыпты. Содан кейін ғана «Ахаха, ахаха» деп күле беріпті.
Ұзын қоңырқай қызғылт шымылдық.
Бұл аңызды есіме алмас па едім, егер де түнімен қуып ішіп, аузыма саусағыма келгенді шатып отырмағанымда… :) Хыхы.
Қазақ деген қызық халықтың алғашқы блогиадасының ақтық кезеңінің 6-туры «Рейтинг» деген тақырыпта қазір жойылып бара жатқан қыздардың бұрымындай өрілгенін өздерің де білетін шығарсыңдар.
Алты алаш үшін алтыншы турға алты ауызым.

Әйгерім Кеулімжай суреттерін тамаша орналастырып, "Кофеханалар шеруі" атты қызықты пост жазып шығыпты

Тілге кофехана деген сөз еніп кетті ме не, мен басқа тірліктермен жүргенде? Пысық, пысық…
Тек екінші кофехананы сипатталғанда ұққанымыз — рейтинг бойынша төмендей түседі бұл тізімде. Бұл априори соңғы кофеханалардың минусы көптеу болуы тиіс екендігін меңзейді. Алайда, бжик! Соңғылары, мысалы, Рафе — онли пазитиф. Жүйе, ханым, жүйе.
«Бағалары шамалас орындар дизайны мен қызметіне байланысты приоритетке ие болды.» — басымдық деген, әрине, көп мағыналы, сонда да қолдануға болады. Ол ренжімейді.
Артықшылық па, кемшілік пе, өздеріңіз саралаңыздар – мәзірде спирттік ішімдік мүлде жоқ. — Әлбетте, кемшілік! :)
"… алдын-ала брон жасамай жай соғып тамақтанып кете салам деу – далбаса болып қалады." — брон жасау, қықы.
«Бірақ мына бір есіктен өтсеңіз КFC-ге топ ете қаласыз, ал онда әлгі тауықтар бар, хехе.» — "Әлгі тауықтар!". Гениалды тіркес. Несі дейсіңдер ме? Білмеймін, бірақ қолданатын боламын.
«Кофе – тек қана сылтау» демекші, әрине біз кофеханаға тек кофе үшін бармаймыз. Тыныш та жайлы кофехана — құрбылармен сырласуға немесе махаббатыңмен кездесуге таптырмайтын жер. — «Жәлеп – тек қана сылтау» демекші, әрине біз кофеханаға тек кофе үшін бармаймыз. Тыныш та жайлы жәлепхана — құрбылармен сырласуға немесе махаббатыңмен кездесуге таптырмайтын жер. Уахахаха!
Тақырып таңдалуы — нормада. Жақсы, тірі пост.

Маралбек Сағынғанов осы блогиаданың үздік ондығы жайлы толғанады

Менің ойыма да келген тақырып. Қызық екен.
Соңында „Айтпақшыдан“ кейін „Иә, айтпақшы“ деп тавтолог болғаны болмаса, Маралбекктің идеясы қызық. Қысқа қылып жазуды дәрімен ішіп тастай алмайсың. Флакондап па, лакондап па тастаған екен, әйтеуір. Сонда да әй, тәуір.
Қарапайым формула, жеке өзіме идея қызық болды. Бірақ қандай стиль — сондай шолу.

Асқар Базарбай, "Туыстығы адам сенгісіз 10 хайуан".

Енді шіли адам сенгісіз деп, әсірелемесең де болады ғой. „Нәрмәлні“ айтсаң, сенеміз ғой. :)
Тақырып таңдалуы ұнаған жоқ. Жануарларды жек көргенім емес, олар дәмді. Әлеуметтік маңыздылығы жөнінде өзгелерден қалыс қалды. Құрма ли, олар танымдық дүние жазса, осыны айтпас едім. Бірақ…
»Демек, Мараға қояннан бұрын өз «әулеттен» шыққан кәдімгі теңіз шошқасы әлдеқайда жақын екен." —
«Ну, енД… «мәңгі» дегенде арқам қозып кетсе керек, 10-15 жылдай дейікші». — Арқаң болса, болар.
«Ал жайраны қазақтар «тағылан» және „үлкен кірпі“ деп атағаны жөнінде деректер бар». — пайдалы-ақ ақпарат.
Тала тағысы — дала дағысы. :) Ақиқат орта жағында шығар.
Мыналар ше, ехидна мен үйректұмсық — ой, бұлардың туыстығы жайлы үнемі біліп жүретінбіз ғой. Егіз ұғымдар. Аудиалды. «Балалар, үйректұмсық пен ехидна — туыстар» деген үйрек тұмсықты апайымның аузынан «ехидно» шыққан фраза әлі есімде.
Ех, жалған дүниедегі сорлы мақұлық — үйректұмсық секілді көрініп кетті өзіме. Бірақ, біз білмейтін тылсым сырлар көп қой…
Жалпы, тақырыпты өз кәйпіңізге таңдасаңыз да, рейтинг қызықты. Негізгі себебі — …

Эльвира Ерғалина той-бизнестегі әншілер райдері жайлы жазады

Мхм, қызық тақырып. Ақшасы барлар үшін.
Жазба жаныңызға жақын, жұлдыз құрбым. «Менің жазбагерлігім аса кең ауқымды, алуан бағытты: Мен кейде Х жайлы жазам, кейде Х жайлы жазбаймын!» депті баяғыда біреу. :)
«Мұны той-бизнестегі тәжірбиесіздігі дегеннен гөрі, тым қарапайымдылығы деген дұрысырақ болар.» — «Тәжірибе» сөзінің орфографиясы мен орфоэпиясы әртүрлі. Дей тұрғанмен… Назгүл әпкеңнің құрметіне зарлатпай-ақ жазайық жөнін.
Әрине, алты жұлдызды қонақ үйлер пайда болса, бірден соны таңдар еді. — ??? Өзім екіжұлдыздыдан асқанына жатып көрмесем де, бар екенін естігенмін. Ә, Қазақстанда ма? Жәрәйд.
Әрине, өзге жұлдыздар мен жұлдызсымақтардың бәрін сұрап, зерттеп шығу мүмкін емес. Кейбіреулері — жұлдыз емес, бірақ жарқырауы Поляр жұлдызындай. Ал ол уақытша. кейбіреулері болидтер, кейбіреулері астероид. Энергияңды сорып алатын атаңа нәле қара құрдымдар да бар! Ой, қысқасы, айтайын дегенім, осы табылған\таңдалған жұлдыздармен рейтингтің өзі де еңбек, жарайсыз!
«Ақпарат әншілердің өзінен, продюсерінен және администраторынан алынды.» — Өртец екенсіз!
Журналистік жазбаға айналмас үшін жеке блогерлік қорытынды жетпей тұр. Жалпы, сапалы жазба.
Қысқаша осылай деп түйейін.
Бірақ, жалпы, мына жазғанның бәрін оқымай-ақ қойсаңдар да болар еді. Хә, енді оқып қойғасын, не пайда? Оқымасаң да мейлі дейтін себебім — алда менің де жеке рейтингім бар. :)
Сонымен, бұл турдағы ең үздік, ең қызық, ең тартымды дүниелер. Бұл менің бар болғаны өзімнің жеке об субъективті ойым екенін естеріңе кейін де салам. Ал рейтинг 11 сатыдан тұрады. Мен өз ондығымды жазам, сондықтан 11 сатыдан тұрады. Осындай математика!
11. Осы турдың тақырыбы біздің қит еткен хит еткен парадымызды ашады. Қызық тақырып! Жалпы, түснесіздер ме, бұл тақырып болмаса, бұл рейтинг те болмас еді!
10. "Әлгі тауықтар" деген тіркес! Маған мейлі, солай шештім. Мұны тек тауықтарға ғана қолданады десеңдер, қателесесіңдер!
9. Блогерлер еңбекқорлығын қоямын. Әсіресе, аяқпен барып, көруге не телефонмен хабарласып, сөйлесуге мәжбүр болған қыздардың еңбекқорлығы. Адам еңбегімен һәм моргта ғана танылады. Еңбектенейік.
8. «Осы күнге дейін қазыларlfy ең жоғары балл алған 33 жазбаның жиырма бесі финалистерді екен (менікі үшеу-ақ).» дейді Маралбек. — Қолдың қалт еткен қателігі тамаша өң беріп тұр. Тура бір фавориттердің аутсайдері "Қазылар, фу!" деп жазып қойғандай. Қалжың, әрине. Жюриге барахол… брр, базар жоқ. Сонда да бұл тіркес рейтингте орын алады. Түзетпеңіз!
7. Бұл орынға Әйгерім кеулімжайдың мына бір инста-скрині орналасады. Өзгелері де қызық, бірақ осы орысбайлығы мен миррор-селфиі рейтингіме енді. Әлде енД. :)
6. Дельфиндер мен сусиырлардың арасында қыз алысуға болмайтындығы. Кімде бірінші орында, кімде бесінші орында.
5. Қоюлап көрсетілген ерекше райдерлер. Джиптері ақ, аз адамға биіктен тойхана жалдап қойған әулетке алғашқы бестіктен тек Қайрат Нұртасты ғана шақырады ма сонда? «Орамал тон болмайды, жол болады» деген дана халқым, әсіресе таза орамал болса. :)
4. Түсіндірме қажет емес шығар. 3. Асхат Тарғынның бірінші орыны. Оу, неткен райдер! Неткен кербездік… Сіз де қыңыр екенсіз, Эльвира. Бірінші орынға қойып. Тек айта барыңызшы: кіндікке сақина салған қыздың кіндігі бір күні сауысқанның ұясында жатады, Асеке… Мария Магдалена, өзің сақтай гөр!
2. Асқар Базарбайдың жеткізу, жазу стилі. Осы жазбасында да айрықша көрініпті. Бағанағы жерде «Негізгі себебі — ...» дегенімді енді айтып отырмын. Айуан тақырыбы демекші, «Акела мүлт кетті! Акела мүлт кетті!» деп айқайлайтын шибөрілер (ортақ түбір менің онымен туыстығымызды білдірмейді) пайда болмасын деп тіледік. Ол үшін соңғы қос турда да «коала» болмаңыз, «мангуст» болыңыз!
1.…
Бұл тармақты мен әр көзі қарақты және құрметті оқырманның өзіне қалдырдым. Жарайды, кімді алдайын, көзі әншейін фотодәнекерлік функцияны атқаратын, жай ғана оқырманның өзіне қалдырдым дегім келген. Саяси корректілік. Қысқасы, өз үздік дүниеңізді өзіңіз қойып алыңыз!
Естеріңе салам дедім, саламын: Шын мәнінде, бұл рейтинг те субъективті дүние. Сондықтан, іс жүзінде бәріне бридж, ой… покер болуы тиіс! :)
Ал блогерлерге рақмет!
Өзі жоқтың сөзі жоқ, жюри пікірі жайлы бүгін ештеңе айтылмайды. Оқырмандар пікірі менің қарауыма импотент, ой, тұрмайды. Сондықтан, бастығы келгенде порносайттарының сілтеме іздері компьютерінде қалып қойған офис қызметкері секілді жағдайға қалмас үшін, мен кетейін. Прораб келгенде, қазақша сайтта тым ақылды сөздер жазып отырған сылақшыны көрсе, түсінбей қалып жүрер.
Қош, ағайын! Егер менің жазғандарым миларыңа сыймайтын болса, целлофан пакет алып отырып оқыңдар!

Былай ғо, сұрыптау мен сұрыпталу деген түсінік әуелден бар, және болғаны, бола бергені дұрыс.
Сонымен, осы керекте 08 маусым 2013, 22:11-де тіркеліп, бүгінге дейін 8 тақырып пен 0 пікір жазған 77777_000_abk атты қолданушының жазбаларын зынданға, өзін банға жібереміз бе? Ақыры, жазбаларына пікір жазуға рұқсат бермейд, өзі де пікір қалдырып, ой бөліспейд екен, не дейсіз, оуу халайық, ішіп кетеміз бе, Жаңа жазбалар дегенге адамға ұқсап кіремін, ол жерде 77777_000_abk дегеннің төрт пресс-релиз жазбасы тұрады.
Админ, «Ауу» деп жіберсе…

Автомобиль – сән емес, көлік қана. Енді, былай, тұжырым жалпы дұрыс қой. Бірақ, астындағы көлігінің жұтынып тұрғанына ешкім қарсы болмас. Кариншуранс деген америкалық сайт ұсықынсыз автомобильдердің тізімін жасапты. Әдістемесіне тоқталып, көпәріп жазуға тәбет тартпай тұр. Сондықтан, бірден рейтингті қабыл алыңыз.

00:13. Түңгі сағат. Түңгі Алматының аспанында жұлдыз
болсайшы. Көк түтін ғана. Сұрланып тұр. Қою қара түнді
сағындым.

00:45. Түннің тыныштығына рахаттана алмай ұйықтап
жатқандарға Жаным ашиды.

01:26. Қалғып кеттім бе? Жоқ. Менің ойым екен қалғып
жүрген …қалқып жүрген

02:11. Жүрегім жұлынып қалардай соғып кетті. Артық
жүрегім жоқ. Ол өзі біреу.

02:36. Жете алмай келемін. Бірақ қайда? Кімге?

03:10.Тағы да түн. Мына таңның ататын түрі жоқ қой. Сенсіз
қанша таң атты?

04:24.Сен келме. Мен күтемін… Ұйқым

КерекИнфода бүгінге дейін 9000-ға жуық пост жарияланыпты. Оның барлығы жақсы баға алды, пікір жазылды дей алмаймыз. Сайт ішінде қолданушы рейтингі де бар. Көбінесе сол рейтингі жоғары блогшылардың жазбалары оқылады, көп пікір жазылады. Бүгінгі жазбам КерекИнфода беделді блогшы, рейтингі жоғары қолданушы болу туралы болмақ.

Сонымен жазған постыңыз жақсы бағалануы үшін не істеу керек?

1. Дұрыс уақыт
КерекИнфода уақыт маңызды факторлардың бірі. Байқасаңыз бұл жер жұмыс күндері қатты қызады. Жұмыстан қолы босағанның бәрі осында келеді. Демалыс күндері белсенділік төмендеу. Сондықтан мақаланы адам көп кіретін кезде жазған дұрыс. Жұма күні жұмыстан кейін немесе сенбі күні жарияласаң оқылу шансы аз болады. Одан кейін жазылғандардың артына түсіп, көпшілікке көрінбей де қалады. Ең идеал уақыт сейсенбі күні таңертең шығару немесе жұмыстан босай бастаған жұма күнгі таңертең. Дүйсенбі күні жұмыс аптасының басы болғандықтан онша байқалмай қалуы мүмкін. Егер тақырыбың актуальды болмаса ыңғайлы уақытты күт.