Arular.kz
Рейтингі
+62.91
Тәжірибе
174.29

alashaman

Жарияланымдар

Баян-Өлгейді қолдап жіберейік.

«Керекке» жазба қалдырмағалы да көп болды. Сатыбалды сияқты мен де алыстап кеттім-ау шамасы. Дегенмен, «КерекИнфоның» қыз-жігіттеріне бір өтінішім бар. Мына Моңғолияда қазақтар тұратын аймақ бар. Баян-Өлгей аймағы. Қазақшаласақ Байбесік. Біздегі сияқты моңғолдар да өздерінің үздіктерін анықтап жатқан көрінеді. 2012 жылдың қортындысы бойынша. Мына сайтта сауалнама жүріп жатыр. Қазақтардың аймағы бірінші орында келеді. Атажұрттағы қазақтардың көмегі көп болды мұнда. Дегенмен, «КерекИнфоның» қара ормандай қалың оқырманы да дауыс беріп жіберсе моңғолдар таң қалатын шығар. «Баян-Өлгейдің қазақтары интертентте мықты екен» деп. Сондықтан, қыздар-жігіттер алыстағы ағайынды қолдап жіберейік. Сілтемеде «санал өгөх» деген тұр. «Баян-Өлгий» дегеннің тұсында. Соны бассаңыздар жетеді. Айтпақшы, келе жатқан 2013 жыл құтты болсын достар!

Хе,хе,хе,,, Экс-қарағандылық футболшы Баварияны финалға шығарды

Интернет пен газеттегі ұрлық-қарлықты тыюға мына түрмен шамамыз келмейтін сияқты. Журналистерді кінәлап едік, енді сайттар қосылды. Rafaello-ның «Экс-қарағандылық футболшы Баварияны финалға шығарды» деген әңгімесі бар еді ғой, енді соны Қарағанды қаласының vkaragande.kz сайты тұп-тура көшіріп басыпты. Сенсендер де, сенбесеңде де мына жерде тұр. Your text to link... Тіпті, суреттерін де өздерінікі етіп қойыпты. Мына түрмен Керектегі мақаланы бүкіл газет-журнал көшіріп басатын шығар. «Швайнштайгер- жерлесіміз!» деп. Википедияға бір қарай салу да қиын болып бара жатқан тәрізді. Тек, КерекИнфоның ақпаратына сенетін болған ғой жұрт. КерекИнфо үшін жақсы. Ақорданың өзі ресми жаңалықтарын ұсынып қалуы мүмкін. Бірақ, қазақтар әлемдегі ең мықты спортшының, әртістің, саясаткердің, миллярдердің жерлесіміз деп бөсіп кететін шығармыз мына түрмен. Rafaello мысқылмен жазады, ал өзге жұрт оған...

Біртүрлі кітап

Өткенде Aldeken «Біртүрлі мамандықтар» туралы жазып еді ғой. Менің айтпағым өзге жұртты қайдам, бірақ, қазақты шамдандыратын бір түрлі кітап жөнінде болмақ. Өкініштісі, кітап қазақ тілінде емес. Макс Кучински деген біреудің 1925 жылы шыққан кітабы бар екен. Әлгі бейбақ өткен ғасырдың басында қазақ даласына саяхат жасаған көрінеді. Сол кітапты Дихан Қамзабекұлы немісшеден қазақшаға аударып беруді өтінген еді. Маған емес, мен немісше білмеймін. Үйдегі "қазан-аяқтың шопырына" тапсырды. Немісшесі судай болған соң айтқан өтініші ғой. Қазір кеш болса болды өзге шаруаны жинап қойып әлгі кітапты аударып жатырмыз.Аты: Steppe und Mensch. Kirgisische Reiseeindrücke und Betrachtungen über Leben, Kultur und Krankheit in ihren Zusammenhängen. Шыққан жылы һәм қаласы ретінде мына дерек беріліпті: Leipzig, 1925.

Тағы да ұрлық

Осы жолы КЕРЕКтегі материалдардың бірін газеттер емес, сайт ұрлады. Асауботаның «Германиядағы хоккейші қазақ — Данияр Джунусов» деген материалы шығып еді ғой. Естеріңізде ме? 27 ақпан күні шыққан-ды. Сол мақаладағы біраз деректерді «НАМЫС.kz» қайта басыпты. Өткенде "Қазақ спорты" газетінде де жүрген еді. Әрине, қазақтың жақсылығын асыру үшін мұндай тақырыптарды бәріміз жазсақ та артықтық етпес еді. Бірақ, сөйлемдерді сөзбе-сөз көшіріп алғанын көргенде ішің ашиды екен. Мәселен, Асаубота 27 ақпанда Данияр Жүнісов туралы былай жазды: "Қазақ пен хоккей спорты бір бірімен байланыса бермейтін ұғымдар. Хоккей болғанда оның ішінде қақпашылық мүлдем ойға келмейтін нәрсе. Ал, Германияның мықты клубтарының бірі Вольфсбург Гриззли Адамс командасының қақпасын қазақ жігіті Данияр Джунусов қорғайды". Ал, «НАМЫС.kz» тегі жазбаның тақырыбы «Германияның қақпасын күзеткен...

Тәрибенің керемет "үлгісі"

Бұл оқиға Украинаның Симферополь қаласындағы хайуанаттар бағында болыпты. Суреттерді Татьяна Жеребцова түсірген екен. Ғаламторды шарлап кетіпті. Хайуан да болса ана… Баласын «тәрибелеп» алған көрінеді. Мына суретте Аю қонжығына «Балам, көп алыса бермеші, басым ауырып отыр...» деп тұрғандай. Ал, келесіде... Тағы бір сурет Соңғысы Бітті. Мұны қай халықтың бала тәрбиелеу стилі дейміз?

Жай ғана суреттер

Негізі бұл суреттерді тақырып бойынша қоюға болар еді. Мәселен, мына біреуін «жұмыс үстелім» дегендей... Бірақ, комменттің қажеті жоқ сияқты www.haberler.com-нан "ұрланған" суреттер бұлар

Түріктердің қызық бастамасы

Түркияның Карадениз өлкесінде бұрын танымал болған Темел, Дурсун, Идрис, Фадиме деген есімдер қазір азайып кеткен көрінеді. Сондықтан Түркияның Трабзон қаласының әкім-қаралары балаларына осы аттарды қойған жанұяларға арнайы сыйлық бермекші екен. Сыйлық болғанда анау-мынау емес алтын беріледі екен. Трабзонның Арсин ауданының басшысы Ердем Сен бұл есімдердің ұмытыла бастағаны қатты қынжылатындығын айтқан. Өйткені, 2011 жылы бұл өлкеде әлгі есімдер ешкімге қойылмапты. Жалпы, 2001-2007 жылдары Түркияда тек 10 отбасы ғана балаларына Темел деген ат қойыпты. Бұл есім әдетте тек түрік анекдоттарында ғана кездесетін көрінеді. Бірақ, шын мәнінде бұрын Қаратеңіз жағалауын мекен ететін түріктер балаларына бұл есімдерді қойып келсе керек. Ал, қазір бұл есімдер де «Қызыл кітапқа» кіріп кеткен» тәрізді. «Естімеген елде көп» деген соы шығар.

«Fetih 1453» кімде бар?

Түріктер интернетте шуылдап жатыр. «Fetih 1453» фильмі рекордтарды бұзды» деседі. Әлгі Сұлтан Мехмед ІІ-нің, өздері айтатындай Фатих Султан Мехмедтің Ыстамбулды басып алған сәтін түсірген фильм көрінеді. Ресми көрсету басталған алғашқы төрт күнде бұл фильмді 1 млн 400 мың адам қарапты.Тек өткен сенбі-жексенбі күні бұл фильмді Еуропаның өзінде 255 мың кісі тамашалаған екен. Фильмнің 450 дана көшірмесі 850 кинотеатрда өткен бейсенбіден бастап көрсетілуде. Басты рөлдерде Деврим Евин, Ибрахим Челиккол, Дилек Сербест және Реджеп Актуг ойнаған фильм 17 миллион долларға түсіріліпті. Үш жылда түсіріліп біткен фильм түріктер жасаған ең қымбат бюджеті бар өнім екен. Түріктер осы фильмнің сериалдық нұсқасын да жасамақ көрінеді. Ал, мен болсам «осы фильмді кім тауып бере алады?» деп сауын айтып, «бар болса беріңдерші» деп қиылеееп сұрап отырған жайым бар. ПЫ.СЫ: Біз «Көшпенділерді» 35 миллион...

23 ақпан, бұл қандай күн?

Былтыр 23 ақпанда сол кездегі Мәжіліс депутаты Тәңірберген Бердоңғаров әріптестерін мерекемен құттықтап, оған Бекболат Тілеухан ренжіп, біздер, яғни журналистер біраз «тауар» тауып алып мәз болғанбыз. Биыл әйтеу Мәжілісте ешкім ресми түрде 23 ақпанмен құттықтаған жоқ. Жалпы отырыс кеше өткен. Әрине, кәбинеттерінде бір-бірін құттықтап жатқандар бар шығар. Алайда, ресми түрде ешкім ештеңе деген жоқ. Дегенмен, ғаламторда 23 ақпанды «мереке» деп, бір-бірін құттықтап жатқандар бар. Ал, мен болсам «мереке емес!» деп безеріп отырмын. Сонымен бұл қандай күн? Өз басым 23 ақпанды «2012 жылдың ақпан айының төртінші бейсенбісі» деп қана бағалаймын. "Қазақты қан қақсатқан әскердің құрылған күні қазақ үшін мереке емес!" деп қасарысып отырмын. Келісетіндер мен келіспейтіндер екі жаққа сапқа тұрсын. Фотоны knews.kz сайтынан ұрладым

1300 бөлмесі бар, бірақ дәретханасы жоқ

Рас, айтам. Парижден 20 шақырым жерде орналасқан атақты Версаль сарайының 1300 бөлмесі бар екен. Бірақ, әлгі сарайда дәретхана жоқ көрінеді. Деректерге сүйенсек осындай екен. Әрине, сарайдың ертеректе салынғанын ескерсек дәретханасы болмаса болмаған шығар, бірақ қазір мұндай үлкен ғимаратта дәретхана жоқ дегенге сену қиын. Бәлкім кейін дәретхана жасаған шығар, оны білмейміз.Бұл қызықты дерек болған соң жаздым. Іш пыспасын деп.

Бұл не жәндік?

«Әлемде талай қызық бар» деген В.Мезенцевтің кітабы бар еді ғой, бұл жәндікті одан да кездестірген жоқпын. Білетіндер «дүниеде тіршілік етеді» деседі. Егер осы жәндіктің қазақша атауын тауып беретіндер бар болса «сыйлық» бар.… деееп бөсіп отырсам ә?!

Мультфильм мен шынайы өмір...

Мультфильм әдемі еді… Мынау шынайы.

Өлімге қатысты «есеп-қисап»

Жұрт интернетке қайдағыны жазады. Жақында сондай «қуған» статистиканың біреуін тауып алдым. Өлімге қатысты екен. Әрине, өлім мәселесі денені түршіктіретіні өтірік емес, бірақ деректері «қызықты» көрінді. Енді сол «әңгімені» айта отырсақ. Біреулер адамзат жаратылғаннан бері қанша адам өлгенін де есептеп қойыпты. Әлгі зерттеушілер күні бүгінге дейін шамамен 100 млдр адам өлгенін есептепті. Адам өлген соң 3 күн ішінде біздің асқазанымызда күнделікті асты қортуға жәрдемдесетін түрлі сөлдер адамның өзін құрта бастайды екен. Бұзыла бастаған клеткаларды бактериялар тез арада жеп қоятын көрінеді. Сөйтіп, шіріп кетеді екенбіз. (Өлген соң әрине)

«Анам «жылама» дейтін, біз «йылама» дейтін болдық...»

Өткенде Қытайдан атажұртқа оралған қандасымыз, жазушы Жәди Шәкенұлымен өткен кездесуге қатысқаным бар. Астанадағы Еуразия университетінің кітапханасында өтіп еді. Алқақотан жиналған жұрт біраз әңгіме-дүкен құрғанбыз. Дұрысы, біраз ғалымдар мен

«БАЛАҢЫЗДЫ КЕПІЛГЕ АЛДЫҚ…» немесе телефон террористерінің «ойыны»

Әдетте, телефонмен «бәлен жерде бомба бар, түген жерде жарылғыш бар» деп жұртты әбігерге салып қоятындардың кездесетінін жұрт біледі. Ондайлардың талайы ұсталып та жатыр. Бірақ, соңғы кезде «балаңызды кепілдікке алдық, бәлен доллар талап етеміз» деп отпен ойнайтындар да бой көрсете бастапты. Біздің ұжымдағы екі адамға сондай телефон содырлары қоңырау шалып үлгеріпті.

Авраам Руссоның сыны

Біздің студияға, Астана радиосына ресейлік әнші Авраам Руссо қонақ болды. Сөздің ашығын айтар болсақ, бұл әншіге онша көп қызыға қоймаймын. Тіпті, орыс эстрадасына қызығушылығым жоқ. Бірақ, Руссоның бір пікірі намысқа тиді. Барша, қазақтың намысына тиетін шаруа болды. Өйткені, ол қазақтардың өздерінің ана тілдерін білмейтіндігін сынады. «Позор!» деді.