Өз тәжірибем:
“ Дүкенге бармас бұрын алдын ала не алу керектігін ойлайтының тәрізді, инетке отырмас бұрын да қандай шаруалар атқарғалы отырғаныңды алдын ала белгілеп алған дұрыс. Дүкенге кездейсоқ кіріп, қажетсіз бір зат сатып алғаның тәрізді, инетке де ерігіп келсең шығынға ұшырайсың”.

Мақала сілтемесі: http://urimtal.wordpress.com/2011/02/25/%d0%b8%d0%bd%d1%82%d0%b5%d1%80%d0%bd%d0%b5%d1%82-%d0%bf%d0%b5%d0%bd-%d0%b4%d2%af%d0%ba%d0%b5%d0%bd/

Фотоаппарат – пайдалы, қажет, керек зат.
Таңдаудағы мақсат
Сізге не үшін фотоаппарат қажет? Алдымен осы сұраққа өз-өзімізден жауап тапсақ, фотоаппарат алуда септігін тигізетіні сөзсіз. Фотоаппарат таңдау — фототехниканың қандай мақсатқа жұмсалатынына негізделеді.
90% тіпті одан көп жағдайда фотоаппарат «тұрмыстық» қажеттілікке сатып алынады деп айта аламын. Бұл дегеніміз не? Бұл дегеніміз мұндай аппаратпен әсіресе үйде, жұмыста, болуы мүмкін мейрам мен мерекелік шараларда суретке түсуде қолданылады деген сөз. Мұндайда «қарапайым» фотоаппарат жарай береді. Ал егер әуесқойлық деңгейді қойып, білек сыбанып кірісемін немесе жиі саяхаттайтын болсаңыз сізге күрделірек аппарат қажет болуы әбден мүмкін.
Фотоаппараттарды екіге бөліп қарастырайық: біріншісі – «қарапайым», екіншісі –«үлкен» аппараттар. Кәдуілгі тұрмыстағы фотоаппарат пішіні де, көлемі де шағын болып келеді, ыңғайлы болғанымен, мүмкіндіктері де шектеулі. «Үлкен» аппараттар классикалық компоновкада, өлшемі де үлкен, салмағы да баршылық, соған сәйкес атқаратын функциясы да кең көлемді.