dark_nazgul -дің жазбаларын түгел оқып шықтым. Саны аз, бірақ оқырманы көп жазбалар. Маған ұнағандары мына посттар болды.

• Цитата
• Неге қарап отырғанды ұнатасыздар?
• Еркектер қандай әйелдерді ұнатады?
• Ғажайып
• -лық, -лік, -дық, -дік, -тық, -тік
• Әйелдерге кеңес
• Қымыз ішпейтін қазақтар («жақсы» мақалаға қарымта)
• Баланың бірінші «темір тұлпары»
• Қыздарды биге шақырыңдар, жігіттер!
• Бар байлығы әлемнің...

Осы сәтті пайдалана отырып, сүйікті Назгүлді туған күнімен құттықтаймын!

Аса мейірімді және қызуқанды dark_nazgul -дің атымен атаймын бұл тағамды!



«Ас Кок» байқауында сөзсіз үштікке кіретін бұл тағам бір көргеннен ақ тіл үйіртіп тұр емес пе? Қалай жасалатынын түсіндіре кетейін.

КерекИнфоның жаңа форматының ашылғанына 1 жыл толады 1 айдан кейін. Осы ай ішінде КерекИнфоның белсенді мүшелерімен жақын таныс болу мақсатында жаңа эстафета бастап отырмын. Қолданушы туралы қысқаша ақпараттан кейін стандарт сұрақтарымды қоямын. Сосын басқа қолданушылар өз сұрақтарын қоюларына болады. Сонымен алғашқы қонағымыз dark_nazgul

Қожабекова Назгүл. 1982, Алматы қаласында туған. ҚазҰУ филология факультетінің магистратурасын тәмамдаған. Қазір «Интерньюс Қазақстанда» штаттан тыс редактор болып істейді.

— КерекИнфоға қалай келдің?
— Керекинфо туралы наурыз айында, Блогқұрылтай қарсаңында білдім. Сол кезде құрылтай барысында сюжеттер сериясын әзірлеуге дайындалып, материал жинап жүргенде тіркелдім. Бастапқы кезде көп кірмейтін едім, жазба мүлде жазбайтынмын. Қазір жиі кіремін. Біраздан бері жаза бастадым. Бірақ, өзіме жеке блог ашуды қажет деп санамаймын. Жазбаларымды Керекинфода және «Матрицаның» сайтындағы блогта жариялап жүрмін.