Миллиардтар жылы
2011 жылдың бірінші жартысын да артқа тастадық. Алты айды қорытындылайтын уақыт келген де секілді. Ең алдымен, «Темір адамның» авторы Джон Фавроның өткен жылдың соңында айтқан сөзін келтірген дұрыс болар. Премьералары жаз айларына түскен блокбастерлер тартысы жөнінде ол «қанды шайқас» болады деп болашақты дәл болжаған-ды. Алайда, Джонның өзі де көрермен үшін күрестің миллиардерлер арасында болатынын білмеген шығар, сірә.