Білмеймін кішкентай кезден бастап француз тілін үйренуге деген үлкен қызығушылығым болатын. Кейін ол басылып қалған. Енді міне қолға алдым. Алматының келіп болмай қойған көктемі әсер еткен болар:-)
Француз тілі — француздардың, Бельгия, Швейцария, Канададағы француз тілді халықтың тілі. Француз тілін Африка, Кариб бассейні (Гаити және т.б.), Француздық Гвинея қолданады, кейбіреулерінде тіпті ресми тіл есебінде жүреді.
Латын тілі ішінен шығып, басқа роман тілдерінен қарағанда анағұрлым дамып кетті. Жазу тілі латын алфавиті негізінде.
Әрине соңғы жылдары оның қолданылу аясы тарыла түсуде.
Дегенмен де БҰҰ-ның негізгі 6 ресми және жұмыс тілі ішіне енеді. Француз тілінде өз ойын айта алатындай дәрежедегі халық 270 миллион шамасында деген деректер бар.
Мені ең таңғалдырғаны француз орфографиясы. Мұнда «мылқау», яғни оқылмайтын әріптер өте көп. Олардың не қажеті бар деп басында бас қатырушы едім. Сөйтсем, бұл ескі ортағасырлық француз тілінен қалып қойған дағдылар екен. Соңғы ғасырларда көп дыбыстар дыбысталуын жойған, кейбіреулері біріге отырып дыбыстық өзгеріске ұшыраған екен. Бірақ жазу тілі өзгермеген. Міне қандай консерватизм!!! Алда талай қызықтарға тап болатын болармын. Кездесіп жатсам, сіздерге хабарын берермін!
Bonne chance! Сәттілік!