Роза Рымбаева, Нұрлан Абдуллин, Әли Оқапов және ақтаулық рэп-орындаушы Үлкен Жайынның (Big Som) бірлескен «Беш» жұмысы тыңдармандар арасында үлкен резонанс туғызды. Осы уақытқа дейін бұл ән айналасында біраз пікірлер де айтылған болатын. Дегенмен, менің постым бұл жұмыстың ұлттық құндылықтарға деген сәйкестігі жөнінде емес, жұмыстың сапалық деңгейі туралы болмақ.

Бірден айта кетейін, «Беш» әнін тыңдар алдында, ютубта Стиви Уандердің өлеңдерін тыңдап отырған едім. Сондықтан болар, клипті көру барысында көңіл-күй «тамсану» режимінен «есеңгіреу» режиміне ауысты. Басқаша айтқанда,
моншадан шыға берісте, абайсызда сүрініп, балшыққа құлап қалған сияқты болдым.



Бір қуаныш, бір қайғы
Дегенмен, «Беш»-тен Нұрлан Абдуллиннің әлі тірі екенін біліп, қуанып та қалдым.

Ән туралы
«Беш» әні Тимати мен L’One-ның «GQ» өлеңіне пародия екені бүгінде бәріне белгілі. Мүмкін сондықтан болар өлең сөздері де, клиптегі негізгі кадрлар да ресейлік нұсқамен салыстырғанда үлкен өзгеріске ұшырамаған. Айтпақшы, пародия жасау авторы алматылық шоумен Александр Шумский екен.

Бұл ретте ең басты сұрақ «Мұндай жұмысты не үшін шығарды?» (орысша айтқанда «нафига»). Мүмкін бұл жобаға қатысушылар қазақтардың сүйікті тағамы туралы ән халық арасында «бригол болады» деген интуициялық сезімге негізделген болар. Шынымен, соңғы уақытта көптеген әншілер арасында ұлттық темаға жүгіну кең таралған құбылыс. Бірақ, бұл жолғы спекуляция сәтсіздікке ұшырады. Мұның себептері көп-ақ. Ең бастысы, тыңдармандардың "әзілді" түсінбеуі десек болады.

Айта кететін жайт, пародия болғандықтан, «Беш» әнін еріксіз түрде ресейлік нұсқамен салыстыра бастайсың. Осылайша, қайырмадағы Роза Рымбаеваның дауысы — өте сәтсіз таңдау екенін айтуға болады. Рымбаева «партиясын» ресейлік прототипте жас әнші орындайды (Надежда Бабкина емес).
Клиптің видеосы мен аудиосы сәйкес келмейтіндігін еске салып қажеті жоқ шығар.

Би туралы
Клиптегі ең қызықты сәттер Рымбаеваның хаотикалық конвульсияларымен, яғни биімен байланысты. Роза Қуанышқызының керемет «па»-лары 2:36 минуттан басталады. Негізі біздің эстрадада жақсы билейтін адамдар өте аз. Бүгінгі күнге дейін маған белгілі тек Досымжан Таңатаровтың би мектебі: орныңда тұрып алып, билеген кейіп таныту және кез-келген әнге келетін "әмбебап" қимылдар жасау. Сондықтан, бұл таң қаларлық жайт емес.

Ал, Оқапов мырза өз кезегінде тәуір билейтіндігін көрсетті. Тіпті, өлең сөздерінде Әли Оқапов пен Майкл Джексон арасында жасырын параллельдер жүргізіледі. Бірақ, Майкл Джексон — ең алдымен керемет вокалист, дарынды композитор және өте еңбекқор афроамерикандық екенін ұмытпау керек. Кейін ғана барып ол талантты биші. Осы себепті мұндай теңеулер орынсыз.

жалғасы бар

Сәлем! Назарларыңызға ағылшын әншісі Джо Кокердың орындауындағы әйгілі «My Father's Son» әнін ұсынамын. No Ordinary World альбомы, 1999 жыл.



Heart over mind
Жүрек ақылдан күштірек
Yes I'm my father's son,
Иә, мен әкемнің ұлымын,
I live my life just like
Мен өз өмірімді
My father's done
Әкем сияқты сүремін

If he'd told me one day
Егер ол маған «Бір күні
That somebody’s have my heart in chains,
әлдекім сенің жүрегіңді жаулап алады» деген болса,
Would I believe it, no way,
Мен оған сенер ме едім? Ешқашан
Made up my mind I'd never fall that way
Мен ешқашан олай жығылмаймын деп шештім

But tell me why
Бірақ маған айтшы, неліктен
Every time I try to tell you it's goodbye,
Сенімен қоштасқым келген сәттерде
I can't seem to let go,
Мен сені жібере алмаймын
In my heart I know I want to stay
Жүрегімнің түбінде мен сенімен қалуды қалайтынымды білемін
What I'm trying to say
Және мен осыны айтуға тырысудамын

Heart over mind
Жүрек ақылдан күштірек
Yes I'm my father's son,
Иә, мен әкемнің ұлымын,
Yes I'm inclined to do
Иә, мен әкем сияқты
As my father’s done
әрекет етуге ынталымын

Here I am with you
Мен осы жерде сенімен біргемін
And I know that it's true,
Және мен мұның шындық екенін білемін
Despite all the feelings
You’re putting me through,
Маған сездіретін барлық сезімдерге қарамастан
I try to walk away,
Мен кетіп қалуға тырысамын
Something makes me stay
Бірақ бір нәрсе мені қалуға мәжбүрлейді

Heart over mind, yes I'm
Жүрек ақылдан күштірек. Иә,
My father's son,
мен әкемнің ұлымын,
I live my life just like
Мен өз өмірімді
My father's done
Әкем сияқты сүремін

But tell me why
Бірақ сен маған айтшы, неліктен
Every time I try to tell you it's goodbye
Сенімен қоштасқым келген сәттерде
I can't seem to let go,
Мен сені жібере алмаймын
In my heart I know I want to stay,
Жүрегімнің түбінде мен сенімен қалуды қалайтынымды білемін
Never run away
Және ешқайда кеткім келмейді

Heart over mind, yes I'm
Жүрек ақылдан күштірек. Иә,
My father's son,
мен әкемнің ұлымын,
I live my life just like
Мен өз өмірімді
My father's done
Әкем сияқты сүремін

If he'd told me one day
Егер ол маған «Бір күні
That somebody’s have my heart in chains,
әлдекім сенің жүрегіңді жаулап алады» деген болса,
Would I believe it, no way,
Мен оған сенер ме едім? Ешқашан
Made up my mind I'd never fall that way
Мен ешқашан олай жығылмаймын деп шештім

Heart over mind
Жүрек ақылдан күштірек
Yes I'm my father's son,
Иә, мен әкемнің ұлымын,
Yes I'm inclined to do
Мен әкем сияқты
As my father’s done
Әрекет етуге ынталымын

Heart over mind, yes I'm
Жүрек ақылдан күштірек. Иә,
My father's son,
мен әкемнің ұлымын

Если у человека есть «зачем» жить, он может выдержать любое «как»
Ницше

Сәлем! Назарларыңызға Hoobastank американдық рок-группасының 2003 жылы жарық көргенThe Reason әнін ұсынамын. Аталмыш туынды музыкалық топ тарихындағы ең танымал жұмыс. Әнге түсірілген бейнебаян сюжеті де жымитады.

Мәңгілік қозғалтқыш қағидатына негізделе отырып, келесі жобаны бастағым келіп отыр. Track of the day — күделікті негізде толықтырылып отыратын үздік әндер топтамасы. Күн сайын үздік деп танылған кемінде бір ән назарларыңызға ұсынылады. Соңғы сөйлемде ырықсыз етіс қолданылғанымен, әндер тізімі менің талғамыма сай және менімен жасалатындығын айта кеткен жөн  

Өзіңізге белгілі, жақсы ән табу шын мәнінде үлкен проблема. Меніңше, жақсы ән дегеніміз кемінде бір-екі күн үзбей тындалатын туынды. Сондықтан, басты мақсат — сапалы музыкалық туындылармен бөлісу. Оған қоса жақсы әндердің тірілей орындалған нұсқаларымен бөліскім келеді. Оған қоса, кей әндерге жасалған кавер версиялар да бар қоржынымда. Жол-жөнекей отандық және шетелдік әртістер мен музыкалық топтардың шығармашылығын талқылайтын боламыз. Әрине, әрбір адамда музыка тыңдауға деген сұраныс деңгейі әртүрлі және ең бастысы — музыкалық талғамдар айрықшаланады. Сондықтан, ұсынылатын әндер ұнамауы да ғажап емес.

Қаласаңыз американдық Rolling Stone журналының "тарихтағы 500 ұлы ән" жинағын қарап шықсаңыздар да болады. Жеке басым, фонотекамдағы көптеген әндермен осы тізім арқылы таныстым. Дегенмен, бұл тізім тек ағылшын тіліндегі әндерден құралған және 21 ғасырда жазылған үш-ақ әнді қамтиды. Өз кезегінде, менің блогымда мұндай шектеулер жоқ.

Ресми бөлім аяқталды осымен  Әрине, менің бойымдағы басты қозғалтқыш күш — өзімнің музыкалық талғамым жоғары деген сенімділік. Және сіздермен үздік әндермен бөліскім келеді деп жазған кезімде, Құдайлардан от ұрлап кетіп, адамдарға табыстаған Прометей мысалы есіме түсіп кете береді.

Ендеше кеттік. Сонымен, track of the day — Coldplay тобының Yellow әні.
Тәбеттеріңіз ашылсын!



Бір қызығы, бұл әннің орыс тіліндегі нұсқасы да бар. Небо деп аталатын каверді талантты алқаш Григорий Лепс орындайды.



Өз кезегімде, Yellow әнінің қазақша нұсқасын ұсынамын. Ах да, Лепстің нұсқасына салып айту керек.

Қалдырдың сен жалғыз
1) Жарық жұлдыз, ерекше нұрланған
Қымбатты ең маған,
Қалдырдың сен жалғыз.
Ең сұлу қыз мен үшін әлемде
Бол мендiк десем де,
Қалдырдың сен жалғыз.
Таусылды төзiм, қинаған бiр өзің,
Қураған гүл сезiм,
Қалдырдың сен жалғыз.

Қайырмасы:
Қайдасың сен, қайда жүрсің?
Сағындырған есімде есімің
Ұмыттың ба әлде менi сен
Сәулем сенi сүйгем

2) Ұмытылар мұңға толы сәттер,
Уақыт зырлап өтер,
Қалдырдың сен жалғыз.
Жеңілдім бе, жеңдім бе белгiсiз,
Жүректі тек үнсiз,
Қалдырдың сен жалғыз.

Күндер өтер, келер қайта көктем
Бәрiбiр мен күтем…

Жақсы жігіттер туралы рефлексия
Төмендегі жазбада жақсы.кз порталында жарияланған Философия бізге керек пе мақаласы қарастырылады.

Негізі жақсы жігіттердің зияткерлік қызметтерін құрметтеймін. Және жазбамда айтылатын ойлар авторлардың жеке басына қатысты емес, бірақ жазбаларын оқығанда олар өздері туралы қалыптастыратын образдар туралы.

Кеше түстен кейін өздеріңізге белгілі фэйсбук қысқа уақытқа қызмет көрсетуін тоқтатқан болатын. Бұл ретте жақсы порталда әлеуметтік желі туралы жарияланған мақала да есіме түсіп кетті. Бұл туралы сәл кейінірек, ал қазір философия тақырыбына жазылған мақаланы сараптасақ.

Автордың философияны жазғыруының басты себебі оны түсінбейтіндігімен байланысты сияқты. Ең кемінде, мәтіннен осындай қорытынды жасауға болады.

Физика мен философияның не қатысы бар делінген. Тағы да айту керек философия заңдары адам қызметнің барлық саласында қолданылады. Диалектиканың үш заңын алып қарасақ та. Сандық өзгерістер сапалық өзгерістерге әкеледі деген ең қарапайым постулатты мысалға келтіруге болады.

Адам баласы өзі түсінбейтін нәрсені сынайтыны, тіпті үрейленетіні де түсінікті. Ең қызығы, кезінде Кеңес үкіметінде елуінші жылдары генетика ғылымын буржуазиялық ілім деп таныған болатын. Нәтижесінде, генетика саласы бойынша Батыстан біршама артта қалушылық әлі күнге дейін байқалуда.

Бұл әлем біздің санамыздан тыс өмір сүреді. Философияға деген мұқтаждық осыдан туындайды.

Мақал мәтелдер философиялық танымның (тіпті ол қандай да бір қатаң философиялық концепция түрінде реттелмеген болса да) бөлігі ретінде қарастыруға болады Және ұл бір-біріне қарсы қоюды талап етпейтін ұғымдар.
Көшпенділерің философиясы болмады деп айтуға болмайды.

Гегельдің Рух феноменологиясы еңбегін Сіз оқыдыңыз ба? Бірақ ең бастысы түсіндіңіз бе?
Канттың еңбегін Сіз оқыған жоқсыз. Сондықтан ол еңбектердің ғылыми құндылығы туралы қандай да бір ұйғарым жасау қателік. Қажет болса Кантты түпнұсқада оқу керек және бұл бірнеше жылды талап етеді.

Ал оны түсінбегендіктен ол жерде өмірлік ақыл, ғұмырлық кеңестер жоқ деу әділетсіз.

Кейін дін исламға философияның қажеті жоқ деген батыл мәлімдемеңіз мүлде қисынға келмейді. Кез келген дін ең алдымен философиялық концепция ретінде. Тіпті ислам діні де.

Сізбен бір нәрседе келісуге болады. Дүние қиын, әрі түсініксіз. Өйткені біз өмірді түсіну үшін әлемді объектілер мен субъектілерге бөлеміз. Логикалық дәлелдерді талап етеміз. Жалпы, бұл әлемді танудағы біздің талпынысымыз бен әлемнің шын мәнінде қалай өмір сүретіні арасында үлкен алшақтық бар. Камюдің абсурдизм идеясы.

Философия діннің кемшіл тұстарын жасырушы, керек болса, ақылға томпақ тұстарын керемет етіп көрсетер қуатқа ие. Меніңше, керісінше философия діннің кемшіл тұстарын көрсетуші, сол арқылы логикалық қайшылықтарды айқындаушы бірден бір құрал.

Үндінің діні. Қандай дін туралы айтып отырсыз? Үнді діні деген ұғым жоқ. Индуизм немесе буддизм бәлкім. Маймылдың да құдай екендігін атап өткеніңіз, сірә буддизмді меңзегеніңіз болар. Буддизмде авраамдық діндермен салыстырғанда Құдай табиғаты өзгеше. Гаутама Будда ол адам.

Кейін христиандық бойынша айтқан уәжіңіз христиан ілімінің сіздің ақылыңызға сыймайтындығымен байланысты екендігін өзіңіз де атап өттіңіз.
Исламға келсек. Жеке менде сұрақтар көп. Мысалы, қадар ұғымы, яғни жазмыш немесе пешене туралы. Егер Құдай еркі абсолютті түрде таралған болса, егер адамның әрбір қылығы Құдай еркімен анықталса, онда күнә туралы айту қаншалықты орынды? Және бұл ең қарапайым сұрақ.

Дінге сүйене отырып, қандай да болсын өзге ақыл ой қызметін жоққа шығару Талибан қозғалысының қағидаттарына ұқсайды.

Жалпы, философия қажет пе деген сұрақ риторикалық сұрақ деп қабылдаған жөн.

Енді әлеуметтік желілер туралы.
Ең алдымен, әлеуметтік желіден бас тарту туралы үндеуді әлеуметтік желі арқылы тарату өте қызық құбылыс.

Әлеуметтік желілердің деструктивті әсері туралы айтқанда, әдетте Араб көктемі мысал ретінде кеңінен қолданылады. Біріншіден, себеп пен салдарды анықтап алайық. Толқуларға әлеуметтік желілер себеп емес. Фэйсбук құрал ретінде пайдаланылды. Орта ғасырлардағы революцияларда парақшалар мен памфлеттер таратылса, араб көктемі барысында мұндай қызметті әлеуметтік желілер атқарды. Фэйсбук адамдар арасындағы үнемі жасалатын байланыс, пікірлестік идеясының материалдық формасы деп қарастыруды ұсынамын.

Және Қиыр Шығыс бойынша мамандар араб көктемінің басты себептері демографиялық факторлармен байланысты екендігін атайды, яғни жоғары білімге ие, бірақ жұмыспен қамтылмаған жастардың үлесі өте жоғары болуымен. Көктем келген елдердегі ауыр әлеуметтік экономикалық жағдай туралы айтып қажеті жоқ шығар. Ливияны қоспағанда. Оған қоса, саяси элита арасында қақтығыстар орын алды. Мысалы, Египетте Мубарак билікті өз ұлына мұрагерлікке қалдырғысы келгендіктен, әскерилердің қолдауынан айрылып қалды.
Бұл ретте тек ішкісаяси факторлармен қоса, аймақтағы геосаяси теке тіресті атап өтуге болады. Мұсылман бауырлар шын мәнінде Катар мемлекетінің прожектісі екендігін, аймақтағы Түркияның неоосманизм саясаты, Сауд Арабиясының саяси мүдделері және т.б.

Мұның бәрі не үшін айтылып отыр? Араб көктемі мен әлеуметтік желілер арасында тікелей байланыс жоқ. Сондықтан фэйсбукты әлеуметтік тұрақсыздықтың басты себебі ретінде мысалға келтіру әділетсіз. Биліктегілердің саяси сәтсіздіктеріне деген наразылықты әлеуметтік желілерді жабу арқылы шешу мүмкін емес. Сонымен бірге, желілер арқылы таратылатын дезинформация мен арандатушылықпен күресті қолдаймын.

жалғасы бар