Ол маған сенбеді, мен де оны сендіргім келмеді…

— Біз ертең жүретін болдық.
— Қой, мені бала көресің бе…

Бір қарағанда қарапайым есеп бірақ оңай шатастырады екен, сіздерге де көрсетейін кім шеше алар екен;

Аяқ киім сатушы дүкен иесі аяқты 2000 теңгеден оптом алып, дүкенінде 3000 нан сатады, бір аларман келіп бір аяқ алады да 5000 теңгеліктен бір қағаз береді, майда болмағандықтан дүкен иесі көршісіне апарып әлгі 5000 теңгелікті 1000 теңгелік 5 қағазға айырбастап келеді де, алушыға 2000 теңге асқан ақшасын беріп жібереді, алушы аяқты алып кетіп қалған соң, көршісі келіп 5000 теңгеліктің жалған екендігін айтады, дүкен иесі амалсыз 5000 теңгені түгелдей қайтарып береді.
Ал енді сұрақ; дүкен иесі жалпы жиыны неше теңге зиян тартты?

"Қазақстан ұстаздарының әлеуметтік порталы" деп аталатын бұл жоба, Қазақстанның білім беру кеңістігіндегі, оның ішінде ғаламтор әлеміндегі бостықты толтыруды көздейді, өздеріңіз білетіндей Қазақ тілді ғаламтор әлемінде білім саласына қатысты сайттар көбейіп келеді, сол сайттардың ішінен ешқайсысына ұқсамайтын өзіндік ұстаным қалыптастырып, өзіндік функцияларымен ерекшеленетін портал құру біздің көздеген мақсатымыз болды, осы барыста көп іздендік, басқа сайттарды зерттедік, сараптама жасадық, немен ерекшеленеміз деп ойландық, бұдан бұрын сайт құруда жиналған тәжірибемізден қортындылар шығардық, көпшілік әріптестеріміздің (ұстаздардың) ІТ технология жағынан әлі де ең бастапқы деңгейде тұрғандығын назарға алдық, ең бастысы сапалы да қолжетімді ортақ білім қорын құруды мұрат еттік. Осы қорытындыларды сарптай келе сайттың функционалдық мүмкіндіктерін ұстаздарға барынша бейімдеуге тырыстық, ал патша көңілді ағайын сайттың бета нұсқасына бағаларыңызды беріп, сын көздеріңізбен қарап жіберсеңіздер, сурет жағынан біраз кемшіліктері бар, суретті барынша сапалы көрсету үшін жұмыс істеп жатырмыз, аударманың сайт бетіндегі лекцикалық сәйкестігін қадағалап, байқалған қателіктерді дұрыстап жатырмыз, неде болса Қазнетке жаңа сайт қосылды.

Қызметші:
Бүгін сізден сұранайын деп едім…
Қожайын:
— мм сұранамын де.
Қызметші:
— Йә тек бір күнге…
Қожайын:
-Сен тағы меннен не сұрайсың, бір жылда 365 күн, 52 апта бар, әр аптаның 2 күні демалыс, барлығы 104 күн, жұмыс күні 261 күн.
Қызметші:
— Йә әрине…
Қожайын:
— Сіз әр күні 16 сағат жұмыста болмайсыз, бұл 174 күнге тең болады, шегерсек 87 күн ғана қалады дұрыс па?
Қызметші:
— Йә дұрыс.
Қожайын:
— Сіз әр күні кем дегенде 30 минут уақытыңызды интернетке шығып босқа өткізесіз, бұл жылына 23 күніңізді босқа өткізгенмен барабар, 64 жұмыс күні ғана қалды.
Қызметші:
— Йә солай сияқты…
Қожайын:
— Әр күні түскі тамақ ішуге 1 сағат уақытыңызды жұмсайсыз, бұл жылына 46 күн жұмыс істемейсіз дегенді білдіреді, демек 18 күн қалды солай ма?
Қызметші:
— Йә
Қожайын:
— Сіз әр жылы ауру себебінен 2 күн демалып келесіз, демек 16 күн қалды.
Қызметші:
— ....
Қожайын:
— Әр жылы мерекелерге байланысты 5 күн демалыс беріледі, 11 күн ғана қалды, енді бұған жылда берілетін 10 күндік еңбек демалысыңызды қосыңыз, сонда 1 күн ғана жұмысқа келесіз, ал сіз сол бір күнді меннен сұранайын деп тұрсыз ба?

Қызметші:
— Кешірерсіз мен қателесіппін…

Кең байтақ Қазақ елінің бір бұрышындағы, кілең қазақтар тұратын бір ауылда бір кісі өмір сүріпті, өзі сол ауылдың полиция бөлімшесінің бастығы (бұдан былай сақшы бастығы) екен, өзі сондай қатал, өңі де сұсты адам екен, қолына түскен қылмыскерлерді қатал тергейтіні соншалық, ол кісіден тергеліп шыққан қылмыскер екінші қайталай қылмыс жасамайтын болған мыс, жалпы сол ауылға беделді құрметті азамат екен.

Күндердің күнінде сол ауылдағы бір жігіт аяқ астынан байып шыға келіпті, зәулім үй салдырып, астына қымбат джип мініп дегендей, ауылды ойқастап жүреді екен, мұны көріп ауылдастары таң қалысады екен, «Осы қайдан ақша тауып жүр ей» десетін көрінеді, сонымен не керек Қазақ тыныш жата ма, ауылдастары әлгі сақшы бастығына шығыпты: "Өзіңіз осы жігітті шақырып тергемесеңіз болатын емес, бұл жігіттің бір шикілігі бар, ақшаны арам жолмен тауып жүр" депті. Сақшы бастығы мырза сәл ойланғаннан кейін жарайды деп келісіпті.

Сонымен не керек Сақшы бастығы әлгі жігітті алдына шақырып:
-Е батырым осы сен не істеп жүрсің? -депті төтесінен.
-Ештеңе басеке?-деп отыра беріпті жігітіміз саспастан.
-Онда соншама ақшаны қайдан тауып жүрсің?-дейді иегін қақшаң еткізіп. сәл ойланған жігітіміз:
— Мен кез келген адаммен, кез келген нәрсеге ақшаға бәс тігемін, әрі барлығында мен ұтамын, ұтылған кезім болған емес.
Таңданып қалған сақшы бастығы:
-Мүмкін емес қалай барлығында сен ұтпақсың, осы сөзіңді дәлелде сосын сенде шаруам жоқ-деп қысқа қайырыпты сабазың.
-Келістік басеке, онда мынаған бәс тігейік, бір аптадан кейін сізге құйрық өсіп шығады, егер өсіп шықпаса мен сізге мың доллар беремін, өсіп шықса сіз маған мың доллар бересіз-депті, мырс еткен сақшы бастығы:
-Айтады екенсің сенде, адамға қалай құйрық өсіп шщықсын, жеңілдім дей бер, бір аптадан кейін жолығамыз боссың-депті…

Сақшы бастығы күнде таңертең арт жағын сипап көріп қойып жүріпті, құйрық шықпапты, бір апта да өтеді, мың доллар ұттым деп қуана басып әлгі жігіттің үйіне барыпты,
-Жігітім ұтылғаныңды мойындай бер, маған құйрық өсіп шықпады.
-Жарайды аға, бірақ мен сізге құйрық шықпағанына көз жеткізуім керек, ол үшін шалбарыңызбен іш киіміңізді шешіңіз мен көрейін- Сақшы бастығы шалбарын, іш киімін шешіпті. Жігіт:
-Сәл еңкейіңізші көре алмай жатырмын- басекең еңкейіпті.
-Тағы да кішкене, көре алмай тұрмын, шынымен де құйрық өспегеніне көз жеткізуім керек, егер шықпаса мың доллар сіздікі- мұны естіген сақшы бастығы тоңқайыпты. осы кезде жігіт екінші этажға қарап айқайлапты:
-Мың доллардан дайындай беріңдер, айттым ғой сақшыц бастығын шалбарын шешкізіп тоңқайтам деп.
Сақшы бастығы мырза асығыс шалбарын киіп ала қойыпты.
-Шындығында мен сізге мың доллар ұтылғаныммен, ана тұрған бесеуінен 5 мың доллар ұттым — деген екен.

Қытай торынан Қазақстанға бейімдеп аударған пақырларыңыз.

Аса құрметті Қазнет қолданушылары Қазақстандағы ең алғашқы ұстаздарға арналған әлеуметтік желі өздеріңізге жол тартты. Бұл сайтты жасаушы қарапайым мектеп мұғалімі, сайт жасауды арнайы оқыған жоқпын, өздігімнен үйрендім, сондықтан кейбір кемшіліктерді байқап жатсаңыз, баршаға жар салмай ақ жеке өзіме хат жіберуіңізді (segizseri@mail.ru) өтінемін.
Интернет кеңістігіне қарап отырсақ, ұстаздардың басын біріктіретін сайт басқа шетелдерде бар екен, олар жұмысын әлдеқашан бастаған әрі өз тиімділігін көрсетіп үлгеріпті, бұл туралы өздеріңіз ізденіп қарасаңыздар да болады. Қазір көпшілігіміз ресей елінің иелігіндегі mail.ru сайтына тіркеліп өз аккауынтымызды ашқанымыз жасырын емес, сол арқылы агентке шығамыз, бір-бірімізбен қарым-қатынасқа түсеміз, бірақ ол өте ауқымы кең орасан үлкен портал болғандықтан ол жерде ұстаздың мүүддесі көзделмеген, жалпыға арналған сайт болып табылады, ал бұл сайтта сол мой мирдің көптеген мүмкіндіктері қарастырылуы мен қатар басқада мұғалімдерге қажет функциялар қолданылды:

1. өз жеке профиліңіз болады, суреттеріңізді, видеоларыңызды қоса аласыз, профиліңіде обложкыңыз болады.

2. Күнделік — күнделік ретінде пайдалана аласыз, оған кез келген тақырыпта жаза аласыз, тіпті күнделікті өтілген сабағыңызды да жариялап тұрсаңыз нұр үстіне нұр болмақ, оған басқалар өз пікірін қалдырады, демек пікір алмасу үшін тамаша алаң болмақ.

3. Файлдар — бұл жерге өзіңіздің файлдарыңызды жүктеп қоя аласыз, мысалы күнтізбелік жоспар, сабақ жоспарлары, ашық сабақтың үлгілері.

4. Сілтемелер — бұл бөлімге күнделікті интернетті ақтару барысында өзіңізге ұнаған сайтты, мұғалімдерге қажет деген ресурстарға сілтеме жасап қоюыңызға болады.

5. Форум — бұл бөлімге өзіңізді толғандырған бір тақырып жазып талқылауға ұсына аласыз.

6. Чат — бұл бөлімде агенттегі сияқты, сайтта отырған қолданушымен жылдам хабар алмаса аласыз.

7. Ойындар — бұл бөлімде бірнеше түрлі ойындар қойылған, зеріккенде ойын ойнап көңіліңізді көтере аласыз.

8. Менің музыкаларым — бұл бөлімге өзіңізге ұнайтын музыканы жүктеп қоя аласыз және онлайн тыңдай аласыз.

Сонымен қатар ұстаз бұл сайттың қолданушысы бола отырып, басқалардың жазбасына пікір қалдыра алады, басқалар жүктеген файлдарды түсіріп ала алады, жаңа адамдармен танысып әріптестік қатынас орната алады.

Сайттың дамып үлкен порталға айналуы немесе құрып жоғалуы алдағы уақыттың еншісінде, ең бастысы осындай сайт болуы керек деп шештік те жұмысты бастап кеттік.

www.pedsovet.kz

Әрине отырып алып сынаудан оңай нәрсе жоқ, мұндай үлкен жиынды ұйымдастыру оңай шаруа емес, әсіресе қолында қаржысы жоқ жастар үшін тіптен қиын, ол жағынан ұйымдастырған жігіттерге әрине құрметпен қараймын.

1. Мақсат қандай?

Ең алғашқы блогкамп өткен кезде мақсат айқын болып еді, блоггерлер бас қосып тәжірибе алмасу, бір-бірімен танысу, қазақ тіліндегі жаңа жобалардың дүниеге келуіне жол ашу, сол арқылы қазақша контенттің дамуына сеп болу болатын. Басты мақсат әрине блогтың не екенін жалпақ жұртқа түсіндіру, блогшылардың сапасын арттыру болса керек, бұл құрылтайда осы мақсаттар 50 пайызға орындалды дегенге сене алмадым.

2.Кімге не үшін керек?

Бас қосып көңіл көтеруге таптырмас орын негізінде, олда керек, оған еш қарсылығымыз жоқ егер жоғарыдағы мақсаттар есте болса, «Шіркін, келесі блогқұрылтай қашан болар екен» деп тамсанатындар үшін несімен қызық болдлы екен, әрине достарымен кездесу көңіл көтеріп қалу. Қазақ ғаламторы қазақша сапалы контентпен толыға түсуіне, осы блогқұрылтайдың бір себі болса екен деп жүрген көшбасшылар әрине болды.

3. Марапаттау

Егер мүмкіндік болса, жылдың ең үздік блогы, ең үздік тақырыптық блог (егер ол бар болса) жаңа есім, деген номинациялар бойынша елге үлгі болатындай блогтарды насихаттап, жаңа өсіп келе жатқан блогшыларға көрсетілсе құба құп болар еді.

4. Шеберлік кластар

Мұны жұртты жалықтырып алмайтындай ұйымдастыру керек, барлық қатысушыларға арнап бір ғана шеберлік клас өткізілуі керек, ол бір ғана слайдтың төңірегінде өрбісе жеткілікті, алдымен бір тех маман шығып блог ашудың техникалық жағын түсіндірсе, келесі біреуі шығып тақырыпқа сай безендірілуін айтсын, келесі адам қандай тақырыптар қазақша блогсферада ақсап тұр, сол жағын түсіндірсін яғыни контент жағын, осылай 15 минутта бітіруге болады.

5. жаңа жобалар

Өте керек, бірақ іріктеу жағы атүстілеу ме қалай? қысқа уақыттың ішінде қандай жобаның болашағы зор екендігін анықтауда қиын, атам қазақ «Сайт ашу оңай, сайт болу қиын» деген екен, сол сияқты сайт ашқанның бәрі жоба емес, ол үшін алдын-ала жіберілу керек, жобаның бағыт-бағдары, болашақтағы жоспары анық жазылып көпшілікке ұсынылып онлайн дауысқа салыну керек, сосын қорытындысы құрылтайда жарияланса болды.

Қорытынды

Бұл сынау емес тек іліп алар бірдеңе болса ескерілер дедім, жалпы құрылтай керек, жылдан жылға сапалы, берері мол бола түссе, блогтардың сапасы артып тақырытық блогтар көбейсе екен, қазақша контенттің ақсап жатқан тұстарын дөп басса екен деген ой ғой біздікі.

егер видео көрінбесе мына жерден көрші өкінбейсің.

Ербол Жеңісбекұлы 1990 жылы ҚХР ШҰАР Күнес ауданында туылған, қазір бейжиңдегі Орталық ұлттар университеті музыка факультетінің студенті, төмендегі видеода оның осы фестивальде салған әндері мен қытай журналистеріне берген сұхбатын көре аласыздар, фестивал қазылары Ерболға сен осы жарыстың сөзсіз ханзадасысың деді.

Қысқасы жұмыстан шықтым, осы екінші тоқсаннан бастап жұмыс істемейтін болып шештім.

Басты себеп жалақы мәселесі, былтырғы оқу жылында сағатым аз болғандықтан, педагог ұйымдастырушы деген лауазымсымақты қоса атқардым, негізінде біздің мектеп орталау мектеп (тоғыз жылдық) бала саны да аз болғандықтан педагог ұйымдастырушы лауазымына штат ашуға заң жүзінде болмайтын еді, бірақ директорымыз өзіме көмекші болсын деген оймен, жұмысшының жарты жүктеме айлығын маған жазып пед-ұйымдастырушы деген қалпақты кигізе салған еді.

Сонымен не керек бір жыл бойы мектептің қағаз жұмыстарының көп бөлігі менің мойныма түсті, сабақ өтілмей қалатын кездер көбейді, директор таңдауның маған түсуі компьютерден аздап хабарымның болғандығында еді. Биылға оқу маусымында мен бұл жұмыстан бас тарттым, тыныш сабағымды өтіп жүрейін дедім, бірақ ойымдағыдай болмады, маған тиесілі 5 сағатқа директордың әйелі иелік етіпті, ол кісі анау-мынау емес ЖенПИ-дің сырттай бөлімінде 1-курс оқып жатыр екен, қош дедік, сонымен менің еншіме 8 ақ сағат бұйырыпты, айлығым 23000 теңге екен. Мұғалім үшін қыркүйек айында сағат алу өте маңызды, сағатыңа қарай жалақың да болады. Күзде сағат алу үшін өзге жыныстылармен жаға жыртысуға тура келетін кездерде болады, бірақ ондайға бармадым.

Екінші себеп ол жер менің ортам емес еді, мысалы мен мұғалімдерге арнап веб сайттар ашумен айналысатынмын, әрі веб бағдарламауға аздап әуесқойлығым бар екенін осындағылар білетін шығар, бірақ біздің ұжымнан ондаймен айналысатынымды ешкім білмейтін, білгісі де келмейтін немесе түсінбейтін еді, есесіне сайтқа байланысты әртүрлі қолдау қолпаштаулар мен сын-ескертпелерді басқа мектептің, басқа ауданның, басқа облыстың мұғалімдерінен еститінмін.

Үшінші себеп өзімді басқа саладан сынап көру көптен ойымда жүретін тек жақындарымның көңілдерін қимай мектепте істей бердім, жоғарыдағы себептер жақсы сылтау болды бір жағынан, енді біраз уақыт басымды тауға да тасқа да ұрып көрмекпін.

Бұл сіздерге мұң шағу емес тек ой бөлісу, сыбайласып қамқорлық жасаймын дегендерге алғыстан басқа айтарым жоқ, негізі жұмыстан шығу аса қорқынышты нәрсе емес екен.