Ағайын! Бугін Алматыда Қазақстан интернет ассосациясы Қазақ тілді интернетті дамыту туралы дөңгелек үстел ұйымдастырды. Соған қатысып шығып, түйгеніміз интернет саласында жүрген қазақ тілділер бас қосып, ортақ ұйым құру қажеттігі туындапты. Сондықтан блогшылар, интернетте жүрген журналистер, ІТ мамандары бас қосып қазақ тілді қауымның құқығын қорғайтын, сөзін сөйлейтін, дамытуға атсалысатын ұйым құрсақ деген шешімге келдік. Өйткені біз қимылдамаған соң орыс тілді қауым қолға алып жатыр. Олардың қандай деңгейде дамытары белгілі. Осыны жеделдетіп қолға алу қажет. Алматылықтар, бүгін осы мәселе бойынша кешке кездесіп, ақылдаспақпыз. Ой қосам деген ағайын болса, келулеріңізді сұраймыз.
Адрес: Алматы қаласы, Сатпаев Байзақов көшелерінің қиылысы! Байзақовтан төмен! Уақыты 8:00 Сабах кафесі
Бүгінгі кейбір нәрселерді қоспағанда көңіл-күй орнында! Көптен бері уайымдап жүрген адамдарымның бағы жанып, өмірдің жаңа парағын ашқалы жатыр! Іні-қарындастарым айлар бойы уайымдап таусылған, ЖОО-ның қабылдау рәсімдемелері аяқталып, біреудің бағы жанғаны, біреудің уақытша ғана жолы болмағаны бүгін анықталды. Нәтижелерді аса бір толқумен қолға алдым. Excel файлдан жақындарымның аттарын іздей бастадым! Аллаға шүкір, үшеуі де қалаған орындарына грантқа түсіпті. 4 сағаттық негатив 4 минутта жоғалып кете барды.
