«Астана – адалдық алаңы» жобасының басшысы Жазира Жылқышиева қаладағы тұрмыстық сыбайлас жемқорлықтың деңгейін айтарлықтай төмендетуге ықпал еткен жоба кеңсесінің қолға алған шаралары туралы айтып берді, деп хабарлайды Астана қаласы әкімдігінің ресми сайты.

Жобалық кеңсе енгізген жаңашылдықтардың бірі – Сарыарқа ауданы әкімдігімен бірлесіп, «Open space» технологиясын енгізу арқылы жоба кеңсесі мен азаматтар арасындағы қарым-қатынасты орнату форматын өзгерту. Бұл технология тұрғындардың кабинеттерді араламай-ақ, тез арада сапалы қызмет алуына мүмкіндік береді.

Сонымен қатар, жобалық кеңсе алғашқы медициналы-санитарлық көмек көрсету орталықтарын азаматтар үшін ыңғайлы етуді қамтамасыз ету жұмыстарын жүргізді.

«Жаңғырту жұмыстары барлық бастапқы медициналық-санитарлық көмек көрсету орталықтарында жүргізілді. Жаңғырту қаржы шығыстарын оңтайландыру аясында жүрді. Оның нәтижелері бойынша барлық емханаларында қосалқы қызмет аутсорсингтерге берілді, соның арқасында жылына шамамен 300 млн теңге үнемдеуге мүмкіндік берді», — деді Жазира Жылқышиева.

Үнемделген қаражат есебінен емханаларға сандық ақпараттық дүңгіршектер, халықаралық стандарттарға сәйкес келетін навигация жүйесі, балалар алаңы, бірыңғай брендбук, ресепшндер, суы бар диспенсерлер орнатылып, ең бастысы – ішкі құжаттар мен пациенттердің амбулаторлық карталары цифрландырылды.

Сонымен қатар, Жылқышиеваның айтуынша жобаның қамқорлығымен ведомстволық бағыныстағы мекемелерді оңтайландыру жүргізілді. Мысалы, балалар үйінің әкімшіліктері және № 54 мектеп-лицей шығыстарды оңтайландыру нәтижесінде 150 млн теңгені үнемдеді. Үнемделген қаржы есебінен оқушылар үшін жаңа заманауи кабинеттерді ашуға, мекеме қызметкерлеріне үстеме ақы белгілеуге мүмкіндік берді.

Бастауыш сынып оқушылары ата-аналарының көмегімен құстар мен мысықтар үшін үйшіктер жасады, деп хабарлайды Астана қаласы әкімдігінің ресми сайты.

№79 мектеп-лицейдің «Жақсылық жаса» жобасы осымен үшінші жыл іске асырылып жатыр. Дәстүрлі түрде 1-4 сынып оқушылары жануарлар мен құстар үшін үйшіктер жасайды.

«Қазір балалар 200-ге таяу үйшік жасады. Құстарға арналған үйшіктерді Орталық саябаққа және «Жетісу» саябағына орнатамыз, ал мысықтарға арналған үйшіктерді «Ковчег» мысықтар үйіне орнатамыз. Осы жоба аясында біз қатерлі аурумен күресіп жатқан балаларға көмек көрсетеміз. Балалар олардың тез сауығып кетуін тілеп, оларға өз хаттарын жазады, сыйлықтарын дайындайды», — деді №78 мектеп-лицей директорының бастауыш сынып ісі жөніндегі орынбасары Әйгерім Айғонова.

Жобаның мақсаты – қайырымды, мейірімді, көмекке құштар жандарды тәрбиелеу.

300 мыңнан астам астаналық спортпен тұрақты түрде айналысады, деп хабарлады елорда әкімдігінің ресми сайты.

9 айда астаналық спортшылар 5 027 медаль жеңіп алды. Олардың 738-ін – халықаралық, 2704-ін – республикалық және 1585-ін – қалалық жарыстарда иеленді, деп мәлімдеді қалалық мәдениет және спорт басқармасының баспасөз қызметінде.

Қазіргі таңда 307 841 адам жүйелі түрде дене шынықтырумен, спортпен айналысады. Бұл жалпы халықтың 29% құрайды. 2017 жылы бұл көрсеткіш 288 178 адамды немесе халықтың 28% құрады. Бүгінгі таңда Астанада 719 спорт кешені жұмыс істейді. Олардың 14-і – ірі спорт кешені.

«Осы жылы халықаралық деңгейдегі мамандандырылған Паралимпиадалық жаттықтыру орталығы мен «Тарлан» мұз айдыны пайдалануға берілді. Жаттықтыру орталығында голбол, отырып ойнайтын волейбол, арба мен боччада ойналатын теннис залдары, пауэрлифтингке арналған кәсіби зона бар. Күшті қажет ететін жаттығуларға бейімделіп жасалған тренажерлердің ауданы 811 шаршы метрді құрайды. Орталықта таэквондомен айналысуға мүмкіндік беретін 423 шаршы метрді құрайтын алаң бар», — делінген баспасөз қызметінің хабарламасында.

Сондай-ақ, осы жылы Астанада ауладағы ғимарат ішіне 23 спорт алаңы салынды.

Қазіргі таңда қаладағы көмірдің жалпы қоры 11 мың тоннадан асады, деп хабарлайды Астана қаласы әкімдігінің ресми сайты.

Елордаға жеткізілген 900 тонна қатты отынның 555 тоннасы – «Шұбаркөл», 345 тоннасы – «Қаражыра» көмірі.

Отын-энергетикалық кешен және коммуналдық шаруашылық басқармасының мәліметіне қарағанда, 20 желтоқсандағы жағдайға сәйкес көмірдің жалпы қоры 11 069,5 тоннаны құрайды.

Астанадағы көмірдің бағасы төменде көрсетілген:

«Шұбаркөл» тоннасы – 11 400 теңге,

«Қаражыра» тоннасы – 13 200 теңге,

«Майкөбе» тоннасы – 12 500 теңге,

«Богатырь көмір» тоннасы – 9 000 теңге,

«Кузнецкий» тоннасы – 12 250 теңге.

Қазіргі таңда нарықтағы көмірге қатысты жағдай тұрақты.

Бұдан бұрын хабарлағанымыздай, елорданың отын-энергетикалық кешені және коммуналдық шаруашылық басқармасы сатушылармен бағаны көтермеу жөніндегі меморандумға қол қойған болатын.

Астана әкімдігі күн сайын нарықтағы көмірге қатысты жағдайға мониторинг жүргізіп, оны үнемі бақылауында ұстап отыр. «iKomek» қалалық мониторинг және жедел әрекет ету орталығының базасында тұрғындар үшін арнайы жедел желі жұмыс істейді.

Заңгерлер мен психологтар елорда тұрғындарына консультациялық көмек көрсетті, деп хабарлайды Астана әкімдігінің ресми сайты.

Жұма, 21 желтоқсанда ««NEET» жастарды әлеуметтендіру және жұмыспен қамтудың жол картасы» бағдарламасын іске асыру аясында «Астана жастары» ресурстық орталығы Әзірет Сұлтан мешітінде консультациялық кездесу өткізді.

«Аталған шараны өткізудің мақсаты – бүгінгі таңда іске асырылып жатқан мемлекеттік бағдарламалар туралы ақпарат беру, қала тұрғындарының жеке сұрақтары бойынша консультациялық көмек беру», — деді «Астана жастары» ресурстық орталығының директоры Үкібай Нұрпейісов.

Мешітке келушілер қоғамдық денсаулық сақтау басқармасы, «Азаматтарға арналған үкімет» мемкорпорациясы, астаналық жұмыспен қамту орталығы, медиацияны дамыту орталығы және басқа да ұйымдардың өкілдерімен жолығып, өздерін қызықтырған сұрақтар бойынша кеңес алды. Сондай-ақ, консультацияны заңгерлер мен психологтар да жүргізді.

Көп жылдан бері «Астана-Энергия» ЖЭО-1 және ЖЭО-2 жылу және энергетикалық қуатын арттыруға бағытталған жұмыстарды атқаруда, деп хабарлайды Астана қаласы әкімдігінің ресми сайты.

Компанияда белгілі болғандай, ЖЭО-1 қайта құру жобасы шеңберінде су жылытатын қазандарды ст. № 5, 6 және 7 (2014-18) ауыстыру орындалды, № 2, 3 турбоагрегаттар ст. реконструкциялау (2015-17 жылдарға арналған) және ст. № 1 энергетикалық қазандық агрегатының қайта жөндеу жұмысы жүргізілді.

«2019 жылы компания № 2 ст бу өндіретін энергетикалық қазандық агрегаты ұлғайтуын қайта жаңарту және № 4 ст. турбоагрегатты ауыстыру жоспарлауда. ЖЭО-2 кеңейту және жаңғырту аясында № 6,7 қазан агрегаттарын, № 4,5 турбоагрегаттарын, ал № 1-4 ст. су жылытатын қазандарын (2012 жылы) және № 5,6 (2016 жылы) ауыстыру жүргізілді», деп хабарлады «Астана-Энергия» АҚ орынбасары Анатолий Никифоров.

А. Никифировтың айтуынша, 2019 жылы № 6 турбоагрегатты және № 8 ст қазандық агрегатын орнату жоспарланып отыр.

Оның айтуынша, Астананың энерго кешенінің жаңғырту бойынша іс-шаралар жыл сайын жүреді. ЖЭО 2 ішіндегі бас корпус алаңында С-1 және С-2- жылу құбырларын қайта құру және ішінара ауыстыру жұмыстары жүргізілуде.

Мынадай жұмыстар атқарылды: КВ-ТК-128-150 ст.№№4÷7су жылытатын қазандар қайта құру, ЖЭО-1 үшін табиғи газ және көмір/мазут бірлескен жағу ішкі станция, жайластыру ПТВМ-100 ст.№№8÷10 (мазут) және энергетикалық қазандықтар Е-65-39КТ ст.№№1÷3; «2-ЖЭО-ның 1 кезеңін автоматты жүйесін кешенді жаңғырту» жобасын аяқтау; 2-ЖЭО техникалық сумен жабдықтау жүйесінің жаңғырту (циркуляциялық жүйе) және басқалар бар.

Ауа райының күрт сууына байланысты Астана қаласының ТЖД қауіпсіздік ережелерін еске салды, деп хабарлайды елорда әкімдігінің ресми сайты.

Елордалық құтқарушылар қалалықтарды қауіпсіздік ережелерін сақтауға шақырып, қатты аяз кезінде үсік шалудан қорғану үшін қандай әрекеттер жасау керектігін айтты.

«Дауылдың ескерту туралы хабарламаны алғаннан кейін, өз туыстарыңыз бен көршілеріңізге ескертіңіз. Қатты аяз кезінде сыртқа, әсіресе жеке автокөлігіңізбен қала сыртына шықпауға тырысыңыз.

Аяз кезінде бас киімсіз, қолғапсыз шықпаңыз. Бетіңіз бен иегіңізді шарфпен қымтап жауып алыңыз. Суық желді ауа райында көшеге шығар алдында денеңіздің ашық жерлеріне арнайы крем жағыңыз.

Аяз кезінде металлдан жасалған әшекей бұйымдарын (сырға, сақина және т.б). тақпаңыз. Металдан жасалған бұйымдар аяз кезінде қатты суып, дене терісіне жабысып ауыртуы мүмкін»,- делінген хабарламада.

Төтенше жағдайға орын алса, құтқарушылар 112 нөміріне қоңырау шалуға кеңес береді.

«Егер сіздің көлігіңіз елді мекеннен алыс немесе сізге таныс емес орында бұзылып қалса, көліктен шықпай, телефон арқылы көмекке шақырыңыз немесе басқа көліктің өтуін тосыңыз.

Қатты желде жасырынатын жерді іздеңіз, желдің әсерінен үсік шалу мүмкін.

Төтенше жағдай туындаса, «112» нөміріне қоңырау шалыңыз», — делінген хабарламада.

Еске салайық, «Қазгидрометтің» болжауынша, 21 және 22 желтоқсанда елордада түнде ауа температурасы -32 градусқа дейін төмендейді.

Қазіргі уақытта тұрақтандыру қорында шамамен 1,3 мың тонна өнім бар, деп хабарлайды елорда әкімдігінің ресми сайты.

Мемлекет басшысының Өңіраралық кооперацияны дамыту жөніндегі тапсырмасын орындау аясында Павлодар облысының өндірушілері 2 мың тонна көкөніс өнімдерін жеткізеді.

Өткен аптада елордаға ауыл шаруашылық өнімдері бар алғашқы керуені жөнелтілген болатын. Елордаға келісі 55 теңгеден сатылатын сәбіз бен келісі 60 теңгеден сатылатын картоптың 40 тоннасы жеткізілді.
Қазіргі уақытта өнімдер екі бөлшек сауда орындарында – «Шапағат» және «Үлкен Шанхай» базарларында сатылады.

«Сауда орындары тегін ұсынылады. Қала нарығын толық қамту үшін бұл мәселені базарлар және дүкендер желілерімен қарастырамыз. Жаңа жыл алдындағы бағаны реттеу үшін қияр мен қызанақтар коммуналдық базарда сатылады. Қияр мен қызанақты «Шапағат» базарынан 10% үстемемен сатып алуға болады», – делінген хабарламада.

Қазіргі уақытта тұрақтандыру қорында шамамен 1300 тонна өнім бар.

Комиссия картоптың бөлшек бағасын келісіне 60 теңге және сәбіздің келісін 55 теңгеге бекітті.

Сондай-ақ, қант тұрақтандыру қорының бағасы төмендейді, көтерме сауда бағасы — 215 тг/кг, бөлшек сауда — 230 тг/кг.

Акция өскелең ұрпақтың арасында қазақ халқының тарихы мен мәдениетін танымал етуге бағытталды, деп хабарлайды елорда әкімдігінің ресми сайты.

«Кино – Ұлы Дала мұрасы» жобасы аясында 22 қарашадан бастап Астананың барлық кинотеатрында 5-11 сынып оқушылары үшін қазақ халқының үздік дәстүрлері мен маңызды оқиғаларды аша түсетін отандық фильмдер «Жаужүрек мың бала», «Алмас қылыш», «Анаға апарар жол», «Жерұйық», "Құнанбай", «Так сложились звезды» және басқа да кинокартиналарды тегін көрсету ұйымдастырылды»,- делінген қалалық қоғамдық даму істері басқармасының хабарламасында.

Кинокөрсетілім жобасының бірінші кезеңінде елорданың 40 мектебінің 5-11 сыныптарында оқитын 2374 оқушысы тарихи туындыларды тамашалады.

«Жастарға көрсетілген барлық фильмдер – тарихи картиналар. Мемлекет басшысы өзінің «Ұлы даланың жеті қыры» атты мақаласында ұлт тарихын зерттеудің маңыздылығын атап өткен болатын. Ол өзінің тарихын мақтаныш ету және патриотизмді сіңіруді мектеп кезінен бастау керектігін айтып кетті. Біздің ойымызша, оқушылар отандық кинематограф арқылы біздің ғасырлар бойы қалыптасқан қазақ халқының барлық құндылықтарын тереңінен сезіне алады. Өсіп келе жатқан ұрпақ үшін кино – тарихи құндылықтарды ілгерілетудің ең үздік арнасы. Кинодағы жарқын бейнелер ғылыми жұмыстардағы құжаттық портреттерге қарағанда маңызды роль ойнайды. Фильм арқылы балалар тарихтың айшықты тұстарына назар аударып, Отанға деген нағыз махаббатты түсінеді, өзінің жақындарын, достарын қолдап, құрметтейтін болады», — деді Астана қаласы қоғамдық даму істері басқармасының басшысы Данияр Есин.

Кинофильмдер «Керуен», «Сарыарқа», «Азия Парк» және «Арсенал» ОСО-ларындағы кинотеатрларда көрсетілді.

«Кино – Ұлы Дала мұрасы» жобасының аясы 2019 жылы кеңейе түспек.

Бүгін Астанада Денис Тен қоры қамқоршылық кеңестің мүшелері ұйымның 2019 жылға арналған жоспарларымен бөлісіп, оның қызметінің алғашқы қорытындылары туралы айтып берді, деп хабарлайды елорда әкімдігінің ресми сайты.

Спортшының анасы, Қор директоры Оксана Тен, Денистің жан жақты тұлға болғанын, шығармашылық бағыттағы көптеген қызметпен шұғылданғанын айтты. Оның айтуынша, мәнерлеп сырғанау академиясын ашу Денис Теннің басты арманы болған.

«Біз концепт құрдық. Бәрін Татьяна Тарасовамен талқыладық. Бұл жоғары дайындықты қажет ететін ұзақ мерзімді жоба. Біз оны Мәдениет және спорт министрлігімен, Мәнерлеп сырғанау федерациясы және ұлттық олимпиада комитетімен бірлесіп жүзеге асырмақпыз. Алматы әкімі бізге «Халық Аренаны» бөліп берді. Қазір мұз айдынын пайдалану кестесін әзірлеу үстіндеміз. Қанша дегенмен идея бар, оны іске асыратын әлеуетіміз де жеткілікті», — деді Қордың қамқоршылық кеңесінің мүшесі Сергей Кан.

Оксана Тен осы жылы Қордың Алматы мен Астанада бірнеше фотокөрме өткізгенін айта кетті. Алматыда Денистің құрметіне арналған ескерткіш тақтасы ашылды, оны Татьяна Тарасова ашқан болатын. Сонымен қатар, Алексей Ягудин мен Елена Радионованың қатысуымен бірнеше шеберлік сабағы өткізілді.

Еске сала кетейік, Сочиде өткен Олимпиаданың қола жүлдегері, фигурист Денис Тен 2018 жылдың 19 шілдесінде Алматыда автотонаушының қолынан қаза тапқан болатын. Оның өлімінен кейін анасы ұлының көзі тірі кезінде ойға алған жобаларын жүзеге асыру үшін Қор ашты.