Халайық! Общым, сараптама жүргізуге мәжбүр болдым. Неге дейсіздер ғой? Былай, әлеужелілердегі белсенділіктерге қарап отырсам, көп қазақтар Лондондағы, андағы-мындағы суреттерін, пәленше-түгенше қымбат ресторандағы жеген тағамдарын, әртүрлі гаджеттерін, барған концерттерінен репортаж, т.б. қалтаның қалыңдығын қажет ететін нәрселерін жария қылып жатады. Қанша жерден нормально табыс тауып жүрм деп ойласам да қыдырыс-демалысқа дегенде ақшам жетпей қалып жатады, сонда жұрттың баласының айлық табысы қанша екен шамамен? Сонымен дауыс берейік, менің айлық табысым (шабашкілеріңді де қоса беріңдер)…

temirzholy.kz/ru/ сайтында билет алайын десем яндекс браузер мынадай деп тұр:

шынымен қауіпті ме екен? Бұрын осыдан алатынмын, бирак Мозилла аркылы

…

Керектің тұлғалары жылдық қорытындыларын шығарып жатыр екен, ендеше мен де көштен қалмайын. 2013 маған екі бірдей қуаныш сыйлады, жалпы бұл жылдың менен алғанынан бергені көп болды-ау дейм. Ақпан айында Атырау қаласынан өз жеке пәтеріме қол жеткіздім, керемет болмаса да мен үшін үлкен жетістік. Сосын маусым айында ана атандым. Айды аспанға шығарғандай сезімдемін ))) Сол арқылы анама қуаныш сыйладым. Ах, ия былтырғы ақпанда іске қосқан шағын бизнес жобам жылдан аса жұмыс жасап, аздап та болса өз жемісін бере бастады. Ең бастысы балапанды болғанымды айтсаңдаршы! Жыл ішінде жағымсыз жағдайлар да болды, бірақ оларды жазуды жүн көрмедім. Ұсақ-түйектерді тізбектемейін, ондай-ондайлар әркімнің де өмірінде болар. Баршаңызға да келер жыл оң өзгерістер, сарқылмас ішкі энергия, энтузиазм, ілім-білім мен өмірге деген құштарлық, оптимизм мен махаббат алып келсін деп тілеймін!
Игі тілекпен: Блогшы (блог жазбайтын блогшы)

Ютубта талай керемет таланттар бар ғой. Бірақ мен үшін Макстың жөні бөлек, неге екенін білмеймін мен Максим Чигинцевтің талантына ғашықпын. Оның орындауындағы әрбір әуен нотаға дәл түсіп, адамды еріксіз елітеді. Гитараға аздап әуестігім болғасын ба сағаттар бойы тыңдай беруге жалықпаймын.
Сілтеме: www.youtube.com/watch?v=ljFlfsNcfU0
Сайты: 4igi.ru

«Иногда даже простая ракушка может вдохновить меня на создание новой концепции...» © Белгісіз атақты дизайнер

Темекі түтінінен буалдыр тартып, әбден ысталып қалған Хэтроу қаласының бір белгісіздеу келген шағын кафесінде саясат, Қызықстан мемлекетінің тағдыры мен болашағы және Қызықстанды басқарып отырған Елкәлласы деген атаққа ие еркектің ұстанып отырған бағыты мен бағдарының дұрыс-бұрыстығы жөнінде кесек-кесек ойлар айтылып, түйдек-түйдек дәлелдер келтіріліп жатқан шағы еді. Шаштараздың берекетін алып, басын олай –бұлай қисайтып қиылғанымен онысы былай халыққа көп байқала бермейтин прическасы бар төрт бас, сегіз қол және қызара жанған төрт шылым шоғы олай бұлай қозғалып, күңгірт кафенің ішіне жан бітіріп тұрғандай. Шылым шоқтарының траекториясына қарап жігіттердің әжептәуір қызып қалғаны байқалады. Бірақ осында әп-әсем отырыстың аяқ астынан кинодағыдай шытырман оқиғаға айналып кетерін кім білген…
Төрттік отырған столдың жанында аяқ астынан бір бейтаныс жігіт пайда болды да әй-шай жоқ бос тұрған орындаққа жайғасты. Төрт бас жаймендеп бейтаныс жанға сосын бір біріне бұрылды, әрқайсысының жүзінде «сен танитын ба едің» деген сұрақ жазылып тұрды.
-Танымайсыңдар нақ, хуйнақ болып келдім араларыңа – деді бейтаныс жігіт. Қараңғы болғандықтан бет-жүзі дұрыс көрінбеді, бірақ сақал-мұрты өсіңкіреп кеткені байқалып тұрды.
Төрттіктің арасындағы Нұрлан өзін әжептәуір көзі ашық көкірегі ояу азамат ретінде санайтын, қоғам проблемаларына құлақ тігіп, өзі сынды замандастары ойларына түскендерін жазып қоятын Терекинфо сияқты сайттарды тіміскілеп жүретін жігіт еді. Бейтаныстың сөзін естігенде осындай сөздерді бір жерден естіген сияқты әсерде қалды. Бірақ көп оқыған жан ғой, «кезекті дежа-вю болар» деп шешті ішінен. Қалған үшеу бөтен адамды аса жақтырмаса да қонақжайлық танытуға мәжбүр болды. «Кел-кел бырат отыр, танысып қояйық» деп қолын ұсынған Талғатқа (өзара Тәлян) бейтаныс жан бақырайып бір қарады да атын айтпастан қолын ұстата салды. Қасына жетіп келген даяшыға «Екі Хербес!» деп тапсырыс жасады. Түк түсінбей қалған даяшыға «екі Дербес» деп түсіндірді Нұрлан, неге екені белгісіз бір ішкі түйсігі осы бейтаныс жанды баяғыдан танитындай сөздерін түсіне бастады. Даяшы екі бөтелке сыра мен кружаны әкеліп столға тоқ еткізіп қойып жөнеле бергені сол еді, «Хуйып бермейсің бе не нақ?» деп бақ етті бейтаныс. Хэтроу қаласының осы кафесінде сервис және клиенттің көңілін табу деген ұғым мүлде жоқ болатын, кәдуілгі Техастағы салундардай дөрекі-жабайылау дәстүр қалыптасқан еді.Соны білмейтініне қарап қонақ Алмұртты немесе Басқала қаласынан келіп отыр-ау деп жорамал жасады жергілікті жігіттер. Бірақ Хэтроу тұрғындары соған қарамастан ерекше қонақжайлылығымен ерекшеленетін, сондықтан қонақтын сырасын қасында отырған Жасик құйып берді.
-Өлуін өліп болып жерлене алмау деген сұмдық екен әнасс, осындай сұмдықты Шива Шива болғалы да көрмеген шығар, енді жүріс мынау – деп бейтаныс жанның мұрнының астынан міңгірлеп бастаған сөзінің аяғы музыка мен у –шудан естілмей қалды. Сыраны сылқытып іше бастады.
-Шегіп алған – деп сыбыр етті Тәлян Жасикке.
-Отвечаю, с приветом — деді Жасик.
-Зомби сияқты ма бірдеңе – деп күңк етті компьютер ойындарын көп ойнайтын айтишник Ержан.
-Тастарыңды қатырмаңдар шешесс, туғалы бері шегіп келе жатырм, жынды болсам бүкіл Д.мемлекеті ғылым академиясының академигі қылып сайламас еді рухани тірі кезімде, оның бәрі сендер үшін хертегі… – деген бейтаныстың көтеріңкі дауыспен басталған сөзі тағы да міңгірге ұласып кетті.
Нұрлан тап осы кезде кинодағыдай жайды бастан кешірді: көз алдынан Терекинфодағы жазбалар шұбалып өте бастады.
Өз-өзіне келгенде өзінің «Рухани қайтыс болдым. Тәнімді кездестіргендерден оны күштеп көмуді сұраймын» деп шіркеудегі әулие әкейдей бірқалыпты-қатты дауыспен айтып отырғанын аңғарды.
-Танып қойдың ғо нақ, тасың жасайды екен әнасс, ия өлдім ал, енді Шива нәсіп еткен жолмен шала-шарпы өртеніп ағып кетейін десем мына құрыған Қызықстандарыңда Ганг өзені де ақпайды екен – сыра әсер етті ме, рухани қайтыс болған тән қорс-қорс етіп жылай бастады. –Тірісінде бас түйістіріп шай іше алмаған Раджамен өлгенімде бір өзенде қалқып жүруді де жазбады ғой бұл піьяншік құдай…
-Ганг болмағанмен Қайық өзені бар бізде, жыл сайын ондаған адамдар кетіп өліп жатыр, шүкір, ешкім қайтып келген жоқ – деп шамданып қалды Жасик.
-Онда көмейік әнасс, оның не айқайы бар – деп бастама көтерді Тәлян. Сыраның буымен балқып отырған саналарында қысқа ғұмырда жақсылық жасап тұру керектігі жөнінде ой жылт еткен болуы керек, бәрі Тәлянды бірауыздан қолдады.
-Күрек жоқ қой – деді Ержан. –Далада уже қыс, жер қатып қалған болар еще.
-Біздің үйден аламыз как раз төрт күрек бар – деді Жасик.
-Жерлеп болғасын моламның төрт құлағының бір жағына алтыбұрышты жұлдыз, бір жағына крест, бір жағына ай мен жұлдыз енді бір жағына алты қолы мен екі бұтағы бар Құдай мүсінін қойыңдар — деп өсиет жасады Тән.
Жер бетінің барлық дінін бір бойына сидырған Тән рухани тірі кезінде қандай жан болды екен деп тамсанып қалды жігіттер.
Сәлден соң қаздай тізілген бес сұлба қараң-құраң етіп тұманға сіңіп бара жатты…

Көліктің рулін ұстағаныма жылдан асты. Менің машина алғаным да қызық болды, аяқ астынан асығып үсігіп бір аптаның ішінде алып тындым, онда да бір әйелдің мініп жүрген машинасын тартып алғандай қып сатып алдық. Себебі машина таңдап берген танысым осыны алсаң өкінбейсің деген еді. Сонымен, машинамды ГАИ дың қасында, ақшасы төленіп, құжаттарды толтырып болғасын бір-ақ көрдім. Қызыл түсті 95 жылғы Гольф-3. Механика, көлемі 1.8, қосымшадан аэрбагы мен кондиционері бар. Машина бір көргеннен ұнады, Германияда әйел адам жүргізген, Қазақстанда да солай, ешбір қиналмаған, салоны тап-таза, жүргенде ешбір сықыр естілмейтін машина екен. Тағы бір ұнаған жері электропакет емес, сондықтан терезесі ашылып-жабылмай қалады, т.б. деп қорықпайтын болдым. Қарапайым, түсінікті, ықшам, жылдам және тіл алғыш машина. (Оның бәрін қазір түсіндім ғой, басында ештеңе түсінбейтінмін). Хош, сонымен машина алынды, жайлап жүре бастадым. Осы бір жыл ішінде байғұсқа иттің тынымдай тыным болған жоқ. Мен вахтада жүрген кезде інім, вахтадан келгенде өзім әйтеуір бір күн тыным көрген емес. Қай жері бұзылды деген сұраққа келсек – ең ірі көлемдегі жөндеуім бензонасосын ауыстырғаным. Қытайдыкін салдым, 5500, жұмысымен 7000 ға шықты. Майдың датчигін, бензиннің фильтрін ауыстырдым, комплект свечи ауыстырдым. Сосын әрине май ауыстыру, фильтрін ауыстыру, ауа фильтрі, қыстық-жаздық жаңа дөңгелектерін есептемегенде. Олар кез-келген машинада жасалынуы керек, су жаңа болмаса әрине. Болды. Сонымен жылдын 4 мезгілінде тыным таппайды, ішіне құрылыс жүрген кезде ағаш, цемент, кірпіш, тұрба т.б.материалдар салынып тасылды, қысқасын айтқанда бір Газельдің қызметін атқарды десе де болады. Трассада 120-130 ды қиналмай ұстайды, одан артыққа көтермеймін, жол жаман. Қыста аккумуляторы күшті болса бір салғаннан оталады (тьфу-тьфу).Ішқұрылысы қарапайым, кез-келген ТЖО да қарай береді, бөлшектері арзан. Жеңіл-желпі балшықтардан шебер айдасаң өтіп кетеді. Тек клиренсімен балшық сүзіп, радиаторды бітеп алмау үшін ондайдан қашамын. Жалпы машинамды өте жақсы көрем және әзірге ауыстыра қояр ойым жоқ. Берер бағам – немістердің шығарған ең қарапайым және сапалы көліктерінің бірі. Соңғы шыққан Гольф -4, 5 модельдер ұнамайды. Несімен? Бірінші бұрынғы сапалы металл мен салонның сапалы пластигі жоқ. Мысалға көлемі 1.6 Гольф -4 оған қоса кондері бар, бізді ыстықта және біздің жолдарда өте тиімді машина емес, өз денесін өзі тарта алмайды деді бір танысым. Сатайын деп жүр. Сондай ақ мысалға Хюндай Аксенттер сырты әдемі болғанмен ішіне отырсаң картон қағаздан жасалғандай әсер береді.

Пы.Сы.
Халық арасында Гольф-3 қыздардың машинасы, жеңіл деген ұғым қалыптасқан. Келіспеймін, себебі фольксваген гольф -3 ауыр машина. Әсіресе механика болса. Машинаны сезіне білу керек. Салыстырсам, інімнің Тойота Авенсисіне отырғанда гольфке қарағанда өте жеңіл, лыпылдаған машина екенін айқын сезінем. Приора да сондай, мысалға Тойота Прадо да. Әрине өзім руліне отырған машиналарды салыстырып отырмын, әйтпегенде олардың мүлде басқа кластағы машиналар екені айтпаса да түсінікті.