БАҚ кз. телефон сатып аларда оның түпнұсқа, я болмаса көшірме екенін қалай анықтауға болатынын жариялаған екен. Авторы Жанақ Бабас. Бірақ, бұл әдісте бір ыңғайсыздық тудыратын жайт бар. Инетке кіріп, арнайы сайт арқылы алғалы тұрған телефоныңыздың IMEI кодын енгізтуіңіз қажет. Ал, ұялы телефон алмақ болып тұрған жеріңізде инетке қосылу мүмкіндігі болмаса ше?
Ендеше, мына сандарды жаттап алыңыз не болмаса қойын дәптеріңізге түртіп қойыңыз.
Дисплейде *#06# теру арқылы имейіңізді шығарып аласыз. Ол 15 саннан тұрады.
Осы 15 санның ішіндегі 7-ші және 8-ші сандар арқылы телефонды шығарушы елді анықтауға болады(қытайлар бұл жағын да «мұз» қып алған шығар ендігі))).
01 немесе 10 және 70 сандары — Финляндия (сапалы тауар)
07 ,08, 78 — Германия
13 — Азербайджан (сапасы төменірек)
03 или 80 -Қытай
30 — Корея
67 — АҚШ
19, 40 — Англия
60 — Сингапур
04 — Венгрия

Түпнұсқаға сілтеме
Сурет

«Жылуынан сұлуын» таңдап, "Қымбатынан арзаны" деп өмір сүріп жүрген көбіміздің басымызда бар тізе қақсау мәселесінің шешімі табылды(СПИД-тің емі табылды дегендей джынды кетті ме?). Негізі, оның шешімі аяқты жылы ұстап жүру, құрғақ аяқ киім кию және жылы киіну екені бесенеден белгілі ғой. Қыртылдатпай іске көшейінші…
Тізеңіз қақсаса…
Үйде жүріп-ақ ем-дом жасай аласыз. Ол үшін сізге шамалы күріш, жылқының майы, мәрлі не болмаса дәке, салапан қалташа және он күн керек. Енді, асықпай тарқата айтайын.
Жылқының майын қайдан аламын? Өтте орынды сұрақ. Басқа малдың етін араластырмай асқан жылқы етінің сорпасының бетіндегі май. Қалқып алыңыз да тәрелкеге, баклажкаға қажетіңізше салып алыңыз.
Енді, дайындалу әдісіне тоқтала кетсем.
Күрішті суға бұқтырасыз(шала пісіресіз).
Содан кейін, ені 6 еліге жуық, ұзындығы тізеңізді 3-4 мәрте орай алатындай етіп даярлап қойған мәрліге 1 уысқа жуық күрішті саласыз. Оның үстіне жылқы майын қосасыз. Киіміңізді, төсегіңізді былғамас үшін сыртынан мұқияттап салапанмен орайсыз. Оның сыртынан мәрлімен және бір рет орап тастаңыз.
Бұл әдісті жатарда қолданған жөн. Таңертең немесе 3-4 сағаттан соң күрішті алып тастауға болады. Ескерту, бұл әдісті он күннен артық қолданбаңыз. Себебі, жылқы майының еріткіштік, жібіткіштік қасиеті бар. Баяғы сынықшылар, қисық біткен сүйекті тегіннен-тегін жылқы майымен жібітіп, қайта орнына келтірмеген болар.

Екі-үш ай сайын қайталауға болады. Көбіне, бірінші он күндіктен соң әсері кәдімгідей байқалады.

Қазақ жазушыларының жазған дүниелері жетерлік. Іліп алары да бар, сүрте саларлары да жетерлік. Мына сауалнамада көрсетілген шығармалардың қайсысын қайталап оқуға қарсы емессіз. Сауалнаманың мақсатын сұраққа қатысты таза 35 пікірден соң жариялаймын. Жылдап күтуге де әзірмін.

Бұл күнде аңқау адамның ауызын ұрып кететін түрлі желілік-қаржылық топтар бар. Пирамида, киіз үй дейсің бе түрлі атаумен атауға болады. Олар көбіне бір орында ұзақ отыруды жөн санамайтындар қатарынан. Бұларға кезінде адамдар топ-тобымен барып алданған. Табанақы, маңдай терімен тапқанын салып жіберетін жандар арамызда әлі де бар. Әңгіме олар жайлы емес.
Әңгіме, түрлі косметикалық өнімдер арқылы табыс табуды көздейтін желілік маркетинг турасында. Бұлардың жоғарыдағылардан айырмашылығы ешқайда қашып кетпейді. Тауарларын айналдырып отыра береді. Amway, Mary Kay, Oriflame, Асыл Арман деп кете береді. Бизнестің бұл түрімен жетістікке жетіп алғандар да бар. «Басында бастағандар жеткен шығар. Қазір бұл „не реально“ дейтіндер де табылады.
Ал, енді осы „керекшілер“ арасында желілік маркетингпен ақша тауып жүрген жандар бар ма? 5-10 мың теңге көлемінде емес. Айына 100 мыңнан жоғары кіріс кіргізетіндер. Тауар түрінде өзіңді алдап жүрген ауадағы ақша емес. Кәдімгі, шытырлаған, таза ақша.
Менің өзім де бизнестің бұл түріне басында кіргендер табысқа кенеліп алғандар, қалғандары елес қуып жүргендер дейтіндер қатарынанмын. Бірақ, Балқаштағы апам (әпкем) 2013-ші жылдың ақпан айында Орифлейм дейтін біреуіне кірген екен. Қандай жанкештілікпен еңбектенгенін мен білмеймін. Дегенмен, ана жолы қаламызға сапарлатып келгенде тура осы желілік маркетинг арқылы қанша табыс тауып отырғанына көзім жетті. Айына мың доллардан артық табыс кіргіземін дейді. Әскердегі шендер секілді бұл кісілерде де өзіндік дәрежелер бар еен. Апам-директормын дейді.
Ал, енді жетістікке жетуін еңбектенуінен және адамдарға бұл бизнестің көзін дұрыс түсіндіре алуынан іздеуіміз керек екен. Оның айтуынша керексіз косметикалық тауарларды тапсыра берудің қажеті жоқ. Күнделікті өмірде қолданылатын тіс пастасы, тіс шөткесі, сабын, иіс су, сусабындарды тапсырыспен алып отырсаң ғана жеткілікті. Әрине, тек өзіңе қажетті бұл заттарды ай сайын алып отырсаң жоғары жетістікке жетпейсің. Көрші-қолаңды да жаңағы әдіске үйретесің.
ал, енді бұлардың пирамидалық топтарға ұқсайтын жерлері артынан адам тарту. Яғни, өз астына адам жинау. Артыңнан 5-6 адам жақсы жұмыс істеп тұрса тегін ақша есеп шотыңа құйыла береді дейді. Айтуға оңай… Бейсен Құрамбек не дейді екен?
Сілтеме, ойлап тұрғандарыңыздай суретке

Пай, пай «Шахтер»
«Ұшасың-ау» бір күні
Тыясың- ау қуанышты, күлкіні
Футбол деген бір жарқ еткен найзағай
Футбол деген жанкүйердің жүрегінің дүрсілі
Пай, пай «Шахтер»
Кетесің-ау бір күні!
Болмағандай, жүрмегендей чемпиондық лигада
Футбол қарап, жатып алып диванда
Басқаларға береміз де кезекті
Біз кетеміз,
Келер жолы жеңу үшін кетеміз
Футбол деген- соткаң емес қолдағы
Футбол деген-жанкүйерлер қолдауы
Қаның кеуіп қаталаған кездерде
Голдар салып тұрсаңдар тек болғаны
Мына стадион, мына көгал, табло анау
Бәрі бізден, бәрі бізден қалады-ау!
Футбол деген-тағатсыз бір қозғалыс
Футбол деген-жеңілем деп қарамау

Суретке сілтеме

Чемпиондар лигасының іріктеу кезеңдері де басталып кетті. Бұл іріктеу кезеңі еліміздің осы додаға түскен футбол клубтарына әзірге сәттілік әкелуде. «Астана» ФК санамағанда әрине. Футболшыларымыздан тек жеңіліс күтіп үйреніп қалған біздер бұнда батпан құйрықты күтпеген едік. "Өтсе «Ақтөбе ғана өтер», «Шапса біразға дейін солар ғана шабар» деген самарқауық та болды. «Ертіс» командасынан «Левскийге» екі гол соғатын ерлікті ешкім күтпеді мысалы.

Бұл құбылысты той-томалақтарда, әлдебір отырыстарда өздеріңіздің де байқауларыңыз мүмкін. Әдетте, асабалар бірінші және екінші столдың соңында үлкендерден бата сұрайды. Сондай кезде алпыстың бел ортасындағы, жетпісті жүгендеп алған шалдар бата бере алмай сасып жатады. Бір-біріне сілтеп,«анау бере салсынға» басады. Кейбір ықтиятты шалсымақтар қалтасынан 4 бүктелген А4 форматындағы қағазды алып шығып, дайындап әкелген батасын оқып береді. Жаңа ғана арақ ішіп отырған шалдардың да Алланы ауызына алып бата беретін кездері жиі болады. Жасына сақалы сай, сақалына мақалы сай шалдардың бата беруі сиреп кетті.
Менің бала кезімде мынандай бір оқиға болған еді. Ол кезде үлкендер жағының қолына су құю деген дәстүр бар еді. Орнынан тұра алмай үйелеп жатқан шал-кемпірлер болмаса да қолыңа жез шылапшын мен әлумин шәугім алып, иығыңа орамалды іле салып, үлкендердің қолына су құйғанның өзі бір ғанибет еді. Су құйған сайын әлгілер саған алғысын жаудырып, батасын беретін. Айтпақшы, әлгі оқиғаға қайта келсек…
Ет желініп, бата сұралды. Сонда төрдегі домалақ үстелде отырған екі шал батаға таласып қалды. Қызба мінезді біреуі алдындағы тәрелкеде тұрған қойдың мүжілген бас сүйегін екіншісіне қарай жібергені есімде бар. Қайсысының бата бергені есімде жоқ шынымды айтсам. Бұл кісілер атақ-дәрежесі, жолы жағынан қатар жүретін кісілер болса керекті. Көбіне біреуі болмаған жағдайда екіншісі бата беріп жүрсетін болыпты деседі. Екеуі бір қонақта кездесіп қалса осылай шатақ шығарып қоятын да әдеттері бар екен. Қайран қазағымның қара қайыстай сол шалдары қайда еен?!
Ал, сіз бата бере білесіз бе?

Назгүл Қожабекова
Көзің қайда, көшеден мені іздеген,
Сөзің қайда, жанымыз егіз деген?
Терезеңнің алдына келіп тұрмын,
Көгершіндей қысты күн жем іздеген…

Айсұлтан Жақыпов
Өткенді ешкімнен де жасырмаймын
Мен саған ендігәрі бас ұрмаймын
Көгершін болсаң қайтейін жем іздеген
Аквариумде балық қазір асыраймын

Назгүл Қожабекова
Өткенді жасырсаң да, елесі бар,
Бәрібір өшпек емес ол ойыңнан.
Ақ қанат көгершінді менсінбесең,
Сұп-суық балық салып жат қойныңа.

Айсұлтан Жақыпов
Елесті өшіретін амал бар ма?
Сурет боп тізбектелер жанарларда
Мен көргенде көк қанат көгершін ең
Қанатың қарттық келіп ағарған ба?

Назгүл Қожабекова
Көк аспанда шарлаған талмай ұшып,
Қанаттың ағарғаны ағат емес.
Қойныңызға балық сап жылынсаңыз,
Сізге де жастық шағың болған елес…

Айсұлтан Жақыпов
Жігіт ем талай топта «атойлаған»
Бірде дұрыс бір жерде қате ойлаған
Көгершінім, бір сұрақ қояйыншы
Қойныма не салғаным на қой саған?

Биылғы қыс жаныма мұң сыйлаған
Мен енді терең деммен күрсіне алам
Әжем кетті Фәниден Бақи жаққа
Кеудеме шуақ құйып, нұр сыйлаған

Көктемде қуантпады жылдағыдай
Айымның сол жағымнан туғаныма-ай
Мамыражай мамырда атам кетті
Болар деп кім ойлаған тура былай?!

Демеймін әлі шикі бозөкпемін
Келмейді бірақ жылап безектегім
Жаныма бір жылылық сыйлаңдаршы
Жаз бен күз күтіп тұрған кезектерін

Бала кезіңіз ауылда өтсе божая каропканы( қызғылт, сарғылт, ақшыл түсті (басқа да түстері болады екен, мен осыларды ғана көрдім) арқасында теңбілдері бар қанатты қоңыз) (божья коровка) білмеуіңіз мүмкін емес. Кей жақтарда «Хан қызы» деп айтып жатады.Әйтеуір ұстап алып «Ханның үйіне бар, ханның үйіне бар» деп айқайлап ұшырып жіберетінбіз. Мұрынымызда ақ боз ат пен көк боз ат қатар шауып жүрген кездері бұл жәндік жайлы «неге божая каропка, каропкаға ұқсайтын жері жоқ қой» деп ойлайтынбыз. Сөйтсек бұл божья коровка екен ғой.«Божьясының» себебі, бұл қоңызды ешкімге зияны жоқ, қорғансыз, өз-өзімен тіршілік етушілер қатарынан екендігінен және көрген адамның есінде қалатындай кейіпінің барлығынан болса керек. Әйтеуір, бұл жәндікті білетін елдердің көбінде атауын құдайға немесе әулие-әнбиелерге бағыттап қойған екен. «Коровкасының» сыры бұл қоңыз өзінің жауларынан сақтану мақсатында аяқт буындары арасынан сүт түстес сұйықтық бөледі екен. Кезінде адамдар сол сұйықтықпты ауырған тістеріне жаққан да екен. Әсері жайлы мәліметтер жоқ секілді. Осы тектес шыбын-шіркей, ұсақ жәндіктермен қоректенетін құстар үшін Хан қызының сұйықтығы өзінің жеуге жарамсыз екенін білдіретін белгі болса керекті. Арақты ішуге болмайтынын білсе де ішетін адамдардың барлығы секілді оны жеуге болмайтыны білсе де жеп қоятын құстардың да табылуы заңдылық. Бірақ, ол байғұстардың өңеші (тамағы" күйіп қалады екен.
Әлемде 5000 нан астам Хан қызының түрлері бар екен.