Жарияланымдар

Жылжиды аққу айдында жылжымайды....

Кезінде «Жылжиды аққу айдында жылжымайды....»деп жырлаған Қорабай Есеновтың қазақ ән өнерінде(үлкен сахналарда) гитарамен ән айтқан алғашқы қазақ екенін біреу білсе біреу білмес. Бұл кісінің әсерімен қолына гитара алып, сахнаға шығып, өнерден өз орнын тапқандар жетерлік. Атап айтсақ, Нұрлан Өнербаев, Ерлан Белғозиевтар, кейінгі буыннан Сейіл Аяғанов деген әнші жақсы көрініп жүр.
Көп қыртқанша, бір тыңдатайын деп мына әндерді жүктеп отырмын. Маған ең соңғы өлеңі көп ұнайды.
Қорабай Есенов-Қоштасу

Қорабай Есенов-Жалғыз аққу
Қорабай Есенов-Жас қалам
Қорабай Есенов-дос туралы
Әрі қарай

Ел көшкенде

«Мама»-"«Тақиялы періште» кинофилімінен. Тәттімбет атындағы Академиялық оркестрінің сүйемелдеуімен Меруеш Башайдың(Бүгін Алматыда Құрманғазы оркестрімен концерті өткелі жатыр) орындауында. Оркестрдің бас дирижері-Ерлан Бақтыгерей.
04 Дорожка 4

«Ел көшкенде»-орындайтын Меруеш Башай.
01 Дорожка 1
Әрі қарай

Аңыз Ару

Назарларыңызға «Аңыз Ару» әнін ұсынамын. Біріншісі «Алматы» тобының (1988ж) әншісі Батыр Шүкеновтың орындауындағы нұсқа.
Almata — Anyiz Aru (1988)
Бұл әнді кейінгі жылдары конкурстарда жас әншілер жиі орындап жүр.
Соның бірі екінші нұсқадағы Ербол Алшынбаев
Erbol Alshyinbaev — Anyiz
Сондай-ақ, Қуаныш Байбеков деген жігітте орындайды екен.Салыстыра отырыңыздар
Kuanyish Baybekov — ANYIZ ARU
Әрі қарай

Сідік пен жұмыртқа немесе жұмыртқа мен сідік

Іш пысқан соң палатадағы үйіліп жатқан газеттерді ақтардым. Қорлау.Зорлау. Етіміз бен бетіміз үйренген тақырыптар. Бір газеттен мынандай қызыққа тап болдым. Қытайдың бір қаласында мектеп жасындағы ұл балалардың сідігіне піскен жұмыртқа өте үлкен сұранысқа ие екен. Газетте көбіне жеті жасқа дейінгі балалардың сідігі пайдаланылады делінген екен. Содан кейін Гугілдетіп тапқаным мынау:Көктем туа Донгьянг қаласының асханаларының көбінде осынау тамаша тамақтың (жергілікті тұрғындардың айтуынша) исі бұрқырайды екен. Жүздеген жылдар бойы қалыптасқан дәстүр бойынша әлі жыныстық қатынасқа түспеген ұл балалардың кіші дәретіне пісірілген жұмыртқалардың емдік қасиеті жоғары-мыс.
Әрі қарай

Ағайын

Шалт басып шатасып, сорлаған соң
Қара түнек басыңа орнаған соң
Қандарыңның бірлігі неге керек
Жандарыңның бірлігі болмаған соң

Ақша тапсам Адамдық арым сатып
Маңдайақы біреудің малын сатып
Жиылар ең бәріңде маңайыма
Бір тамшы бойыңдағы қаның сатып

Бойымызда оянып жалған намыс
Болмашыға бұлданып арланамыз
Қылыш болып шабатын кездер болған
Бықсығанбыз, біріміз жанбағанбыз

Жақын жетер түбіңе талайыңның
Сүрінуін туыстың қалайды кім?!
Ағайынның барлығын көріп келем
Жоқ болғаны жақсы ма ед ағайынның?!
Әрі қарай

Дала.Қала.Мен.

Сағынғанмен даланы алабөтен
Мен үшін болып кеткен қала мекен
Өткен жолы түсімде күрең мініп
Күн батысты бетке алып барады екем…

Бөктердегі су ішпей бұлақтардан
Телміремін кранға жылап қалған
Кейде өзімді қозыдай сезінемін
Енесінен адасып жырақ қалған

Қабылдамай қаланы түсінігім
Мен даланың адами пішінімін
Қан-жынымен қалаға тастап кеткен
Мен даланың жасанды түсігімін.

Сынаңдар, ұрсыңдар, ұрыңдар." Қалада не істеп жүрсің, кет ауылға" десеңдер жауабым міне
«Күн көру керек». Артыңдағы бауырларыңды ойлайсың дегендей…
Әрі қарай

Сенің атың-Ерлік!

Ауруханада түрлі адамдар жатады. Сәйкесінше түрлі оқиғалардың басты кейіпкерлері сенің айналаңда деп біле беруіңе болады. Палатадағы Ерлік атты жігіттің оқиғасы тіпті күлкілі.
Үйінен келген азын аулақ ақшаның бір бөлігін қалтасына салып ап(5000 теңге) базардан анау мынауын алмақ болады. Шамамен мың теңгедейін ғана жұмсап үлгерген жігітті біреу иығынан тартып тоқтатыпты. артына қараса бір сыған қатын" Сенің атың Ерлік. Сен КарГудың 3-ші курсында оқисың" депті. «Сені не күтіп тұрғанын айтайын шамалы тиын бер»деген қатынға кейіпкеріміз мың теңгесін беріпті." Сен келесі жылы оқуды жасыға бітіресің, жақсы жұмысқа тұрасың үш жыл ішінде облыс деңгейіндегі басшылықтардың біріне барасың" деп зуылдатып бара жатыр дейді тағы мың теңгесін алып алған сыған қатын. Обшым, екі мың теңгеге өзінің жарқын болашағын біліп алған Ерлік екі езуі екі құлағында, базарға не үшін келгенін ұмытып, автобусқа отырып алып үйіне тартады. «Бұл қатын менің Ерлік екенімді, 3-ші курс студенті екенімді қайдан біліп қойды» деп ойланып келе жатқан Ерекеңнің көзі кеудесіндегі бейджигіне түсіп кетті…
Әрі қарай

Қай кинодан?

Мына үзінділер қай кинодан екенін тауып көрсек. Көпшілік көрді-ау деген кинолардан салған болдым өзімше.
Екі кинодан екі-екі суреттен қойдым. Екі фильмді де жазбай тапқан адам сыйлыққа ие болады. Яғни, әр тапқан киносы үшін100 бірлікке ие болады. Ол үшін киноның атын, басты кейіпкерлердің атын, қиын болмаса режиссерін қосса да болады.Кейінгісі шарт емес әрине. Сонымен, жеңімпаз өзінің жеңгеніне толық көзі жеткен кезде далаға шығып, жақын жердегі төлемдерді қабылдау орнына барып, өзіне әр дәл тапқан киносы үшін жүз бірліктен салуына құқылы.
Әрі қарай

Қой ұрлау

Түк шығатын жерімізге түк, жүн шығатын жерге жүн шыға берген жасымызда бір құрдасыммен көрші ауылдағы бір қызға бардық.Түнгі 12 ден асқан шақ шамамен. Байқастап терезесінен сығаласақ інісі екеуі кино көріп отырған сыңайлы. Содан, терезесіне тас лақтырсақ сындырып алармыз деген оймен қой қораларының (аран) бұрышынан құмалақтар теріп отырғанбыз. Дәл төбемізден біреу" әй, не істеп отырсыңдар?" деп ақырды.Қарасақ қыздың әкесі,қолтығында қатыны. Неайтарымызды білмей қалдық.«Кешіріңіз» дедікте зытып бердік. Ертесіне ауылдың бәрі біздің қой ұрлау үстінде ұсталғанымызды жыр етіп жүрді.
Қыздан сұрасақ әке-шешесі қонақтан кешігіп келген екен.
Әрі қарай