Мерейтойлық форумның бірқатар негізгі спикерлерінің есімдері белгілі болды.
2019 жылдың 11-12 қарашасында «Назарбаев Орталығында» аймақтағы геосаясат пен қауіпсіздік мәселелерін талқылауға арналған үлкен алаң «Астана клубының» бесінші жылсайынғы отырысы өтеді. Екікүндік шара аясында дүниежүзіндегі ауқымды құрлықты не күтіп тұр және жаһандық үдерістер қай бағытқа қарай қарқын алуда деген маңызы сауалдар талқыға түседі.
Бесінші отырыстың тақырыбы: «Үлкен Еуразия: жаһандық ынтымақтастықтың жаңа құрылымы жолында».
Клубтың сараптамалық талқылауына АҚШ, Қытай және Ресей арасындағы қырғи-қабақтың ушығуы, сауда протекционизмі мен популистік көңіл-күйдің артуы, сондай-ақ Иран мен Солтүстік Корея төңірегінде жаңа шиеленістердің бой көрсетуі сынды мәселелер арқау болмақ.
Әсіресе, Еуразияда ынтымақтастықтың болашақ құрылымын қалыптастыруға үлкен көңіл бөлініп, жаһандық қауіпсіздіктің сын-тегеуріндеріне қарсы тұру жолдарын іздеу, сондай-ақ ядролық қаруды бақылаусыз тарату мәселелеріне назар аударылады.
Шара аясында Әлемдік экономика және саясат институты Астана клубының қолдауымен жаһанның жетекші сарапшыларының стратегиялық болжамын жинақтаған «Еуразия 2020 үшін 10 басты сын-қатер» рейтингісінің кезекті шығарылымы таныстырылады.
Астана клубының бесінші отырысындағы сессия тақырыптары:
«ӘЛЕМДІК ТӘРТІП(СІЗДІК): БОЛАШАҚ ТАРИХТЫ КІМ ЖАЗАДЫ?» «КӨППОЛЯРЛЫ ЕУРАЗИЯ: ҮЗДІКСІЗ ҚАҚТЫҒЫСТАР КЕҢІСТІГІ?» «САУДА СОҒЫСЫ ЖӘНЕ ПРОТЕКЦИОНИЗМ – ЖАҺАНДЫҚ ЭКОНОМИКАНЫҢ ЖАЙ-КҮЙІ НЕ БОЛМАҚ?» «ДҮНИЕЖҮЗІЛІК ТЕХНОЛОГИЯЛЫҚ ЖАРЫС: ЖАҺАНДЫҚ ҚАҚТЫҒЫСТЫҢ ЖАҢА АЛАҢЫ» «ЯДРОЛЫҚ ҚАРУСЫЗДАНУДЫҢ ЖАҢА ТҰЖЫРЫМДАМАСЫ: НЕ ІСТЕУ КЕРЕК?» «ОРТАЛЫҚ АЗИЯ ЖАҺАНДЫҚ МҮДДЕЛЕР ТОҒЫСЫНДА: ХАРТЛЕНДТІҢ АРТЫҚШЫЛЫҚТАРЫ МЕН КЕМШІЛІКТЕРІ»
Кезекті басқосуға шартараптың 23 мемлекетінен геосаясат, экономика мен халықаралық қатынастар саласының маңдайалды сарапшылары ретінде мойындалған 50-ден астам халықаралық спикерлер қатысады деп күтілуде. Құрметті меймандардың қатарында — 3 бұрынғы мемлекет басшысы, 5 экс-премьер-министр, 10 министр және 1 Нобель сыйлығының лауреаты бар. Форумға қатысатын сарапшылардың географиясы кең. Атап айтсақ, АҚШ, Испания, Италия, Ресей, Жапония, Сербия, Австрия, Норвегия, Қытай, Үндістан, Бельгия, Ауғанстан, Швеция, Португалия, Оңтүстік Корея, Египет, Бангладеш, Словения, Қырғызстан, Иран, Ұлыбритания, Пәкістан елдері бар.
Қазақстанның Тұңғыш Президентінің төрағалығымен өтетін Клубтың пленарлық отырысы – іс-шараның негізгі өзегі «Үлкен Еуразияны құру: серіктестіктің жаңа үлгісі» тақырыбын қаузауға арналады.
Ағымдағы жылғы «Астана клубының» негізгі спикерлерінің құрамы:
Мұхаммед әл-БАРАДЕИ, Нобель сыйлығының лауреаты (2005), МАГАТЭ-нің Бас директоры (2013-2014), Египет Джейкоб ФРЕНКЕЛЬ, JP Morgan Chase International Директорлар кеңесінің төрағасы, 30 (G 30) халықаралық тобының төрағасы, Израиль Ұлттық банкінің төрағасы (1991—2000), АҚШ Жозе Мануэл БАРРОЗУ, Еуропалық Комиссия төрағасы (2004-2014 жж.), Goldman Sachs International атқарушы емес төрағасы, Португалия. Хамид КАРЗАЙ, Ауғанстан президенті (2001-2014), Ауғанстан. Хосе Луис САПАТЕРО, Испания премьер-министрі (2004-2011), Испания Ив ЛЕТЕРМ, Бельгия премьер-министрі (2008, 2009-2011), IDEA халықаралық институтының бас хатшысы, Бельгия. Шаукат АЗИЗ, Пәкістан премьер-министрі (2004-2007), Пәкістан. Данило ТЮРК, Словения президенті (2007-2012), Словения. ЮН Бёнсе, Корея Республикасының Сыртқы істер министрі (2013-2017), Оңтүстік Корея. Франко ФРАТТИНИ, Италияның Сыртқы істер министрі (2002-2004, 2008-2011), Италия. Михаил ФРАДКОВ, Ресей стратегиялық зерттеу институтының директоры, РФ Үкіметінің төрағасы (2004-2007), РФ Сыртқы барлау қызметінің директоры (2007-2016).
Шара ұйымдастырушысы — Қазақстан Республикасы Тұңғыш Президенті — Елбасының Қоры және Әлемдік экономика және саясат институты.
«Астана клубының» миссиясы — Қазақстанның сыртқы саясатының басымдықтары тұрғысынан жаһандық күнтәртібін қалыптастыру үшін Еуразияның жетекші сарапшылары, саяси көшбасшылары мен дипломаттарын бір алаңға біріктіру.
«Астана клубының» жұмысына дәстүр бойынша Қазақстан Республикасының Тұңғыш Президенті — Елбасы Нұрсұлтан Әбішұлы Назарбаев қатысады.
«Астана клубы» отырыстарының бір бөлігі «Chatham house» ережелеріне сәйкес өткізіледі. Бұл талқылаудың жабық сипатта өтуін сақтайды және қазіргі уақыттағы Еуразия мен әлемнің ең өзекті мәселелерінің өткір әрі ашық талқылануына мүмкіндік береді.
Осы жылдар ішінде клуб отырыстарына 40 елден 200-ден астам спикер қатысты.

Мерейтойлық саяси форум бесжылдық жұмысын қорытындылайды
«Астана клубы» халықаралық пікірталас алаңы бесінші басқосуын өткізеді. Әлемнің 50-ге жуық сақа саясаткері мен Еуразияның әйгілі зиялыларын, халықаралық қатынастар саласындағы үздік мамандарды бір жерге тоғыстыратын кезекті кездесу Қазақстанның бас қаласында биыл қарашаның 11-12 аралығында өтеді.
Іс-шараның ұйымдастырушылары Әлемдік экономика және саясат институты мен Қазақстан Республикасы Тұңғыш Президенті — Елбасының Қоры.
Отырыстың күнтәртібіне Үлкен Еуразияның стратегиялық болашағы мен қауіпсіздіктің өзекті мәселелері қойылған. Бесінші сессия барысында клуб қатысушылары Еуразия мемлекеттері мен халықтарының даму жолында туындаған өзекті мәселелерін назарға алып, аймақтық ынтымақтастық үшін жаңа мүмкіндіктерді қарастырады және болашақ жоспарларға қатысты ой алмасады.
Тұжырымдамалық тұрғыда барлық талқылаулар басты мәселеге – Үлкен Еуразияда жаңа ынтымақтастық архитектурасын құруға арналады. Аталмыш тақырыпты таңдауға соңғы 70 жыл бойы халықаралық қатынастарда тұрақтылықты қамтамасыз еткен ғаламдық институттардың күйреуі мен құлдырауының ауқымды процестері себеп болып отыр.
Оның үстіне күйреудің шыңы дәл қазіргі кезеңге тап келуде. Ол ядролық қауіпсіздік саласындағы стратегиялық келісімдердің жойылуы, дүниежүзілік экономикада протекционизмнің үдеуі, сонымен қатар санкция салдарының ушығуы мәселелерінде анық көрініс табуда. Оған қоса, климаттың құбылуы жаңа ғаламдық қауіп-қатерге айналғаны жасырын емес.
Нәтижесінде, біздің дамуымыз қаншалықты тұрақты болатынына қатысты стратегиялық белгісіздік артып келеді. Осы мәселелердің барлығы ашық және шынайы талқылауды қажет етеді.
Әлемдік экономика және саясат институты әзірлеген «2020 жылғы Еуразия үшін ең үлкен 10 қатер» сараптамалық рейтингісінің екінші басылымы қатысушылар мен көпшілік назарына ұсынылады.
Тәуекелдер рейтингісіне арналған былтырғы бірінші басылым үлкен сұранысқа ие болғандықтан, ӘЭСИ клубтың кезекті отырысына жаңа басылымды дайындады. Рейтинг түзу барысында ӘЭСИ мамандары зерттеу жұмыстарына әлемнің үздік 40 сарапшыларын тартты.
Астана клубының қызметіне халықаралық деңгейде қызығушылық тууына, 2015 жылы құрылған қазақстандық пікір-сайыс алаңының қысқа мерзімде қазіргі заманның ең күрделі мәселелері бойынша Еуразияның барлық шешуші күшке ие ұйымдарының көзқарасын бір арнаға тоғыстыра білген нағыз жаһандық алаңға айналуы себеп. Бұл ретте Astana Club Қазақстанның көпвекторлы сыртқы саясатының жарқын көрінісі іспетті.
Ашылғалы бері клуб қызметіне әлемнің 40 елінен 200-ден астам сарапшылар қатысты. Оның ішінде АҚШ, Қытай, Ресей, Германия, Түркия, Ұлыбритания, Франция, Жапония, Оңтүстік Корея және т.б. елдердің өкілдері бар.
«Астана клубының» бесжылдық тарихындағы танымал саясаткерлер мен сарапшылар қатарында Жозе Мануэль Баррозу, Мұхаммед әл-Барадей, Ахмет Дәуітоғлы, Вацлав Клаус, Хамид Карзай, Джордж Фридман, Ян Моррис, Роберт Каплан және басқа да меймандар бар.
«Астана клубының» жылсайынғы отырыстарына Қазақстан Республикасының Тұңғыш Президенті – Елбасы Нұрсұлтан Назарбаев қатысып, келешекке қатысты кемел ойларын ортаға салады.
«Астана клубы» отырыстары аясындағы талқылаулар «үлкен еуразиялық пікірсайысты» қалыптастыру мен ілгерілетуде маңызды алаңға айналғанын атап өткен ләзім. Клубтың әр отырысы жаңа қалыптасып келе жатқан «Үлкен Еуразия» феноменінің осы және өзге де аспектілеріне арналады. Оның құрамына еуразиялық мегақұрлық шеңберіндегі Азия мен Еуропаның барлық мемлекеттері кіреді және олардың саясат, экономика, қауіпсізідк салаларындағы қарым-қатынастары тақырыптарға тұздық болмақ.
«Астана Клубының» 2015 жылы қарашада өткен алғашқы отырысы Еуразияның геоэкономикалық мәселелерін талқылауға арналды. Ал екінші отырыста Еуразия кеңістігіндегі алдағы өзгерістердің мүмкіндіктері мен қауіп-қатерлері сөз болды.
Клубтың 2017 жылғы үшінші отырысы «Үлкен Еуразия — 2027: текетірес немесе серіктестік» тақырыбында өтті. 2018 жылғы төртінші отырыста сарапшылар «Үлкен Еуразияға апарар жол: ортақ болашақты қалай құруға болады?» тақырыбын талқыға алды.
Клубтың мерейтойлық бесінші отырысында «Үлкен Еуразия: жаһандық ынтымақтастықтың жаңа архитектурасы жолында» тақырыбы назарға алынады.
Клубтың сараптамалық талқылауына АҚШ, Қытай және Ресей арасындағы қырғи-қабақтың ушығуы, сауда протекционизмі мен популистік көңіл-күйдің артуы, сондай-ақ әлемнің көптеген ыстық нүктелерінде жаңа шиеленістердің бой көрсетуі мәселелері арқау болмақ.
Бесінші басқосуда Еуразиядағы ынтымақтастықтың болашақ архитектурасын қалыптастыруға, сондай-ақ жаһандық ядролық-зымыран жарысы сынды жаһандық қауіпсіздіктің негізгі сын-қатерлеріне жауап іздеуге ерекше назар аударылады.

Нұр-Сұлтанда қала күніне орай «Астана кубогі» үшін үздік топтар арасында жайдарман сайысы өтті.

Республикалық арнайы жоба Қазақстан Республикасы Ақпарат және қоғамдық даму министрілігінің қолдауымен Азаматтық бастамаларды қолдау орталығы гранты аясында ұйымдастырылды.

Бейбітшілік және келісім сарайында өткен сайысқа барлығы 11 жайдарман тобы қатысты.

Жаңа толқын – Батыс Қазақстан Инновациялық – технологиялық университеті;

Ақпен бірге – Қазақ Ұлттық Университеті;

Дастан – Л.Н. Гумилев атындагы университеті;

«Қоғалыкөл құрамасы» – Қызылорда қаласы;

Евразиат – Л.Н. Гумилев атындағы университеті;

Бүгін.кз – Академик Әбдімұса Қуатбеков атындағы халықтар достық университеті;

ОҚМПУ – Оңтүстік Қазақстан мемлекеттік педагогикалық университеті;

Ару.кз – Арқалық;

Тұран–Астана – Тұран-Астана университеті, Нұр-Сұлтан қаласы;

«Миллион» — «Нұр-Үміт» өнер орталығы Шымкент қаласы.

Осы аталған 11 команданың ішінен әзілдері жоғары бағаланып, бағы жанғандары:

3-орын «ОҚМПУ» 2- «Қызылорда құрамасы» иеленсе, «АСТАНА КУБОГІН» яғни 1- орынды «Миллион» жайдарман тобы еншіледі.
Сонымен қатар, ойын барысында ширек финалдан сүрінген командаларға Жоғары лиганың жартылай финалына жолдама берілді.

Олар: — «Тұран-Астана» — «Қызылорда құрамасы» — «Миллион» жайдарман топтары.

Адам ағзасы 90% судан тұрады, егер ауа ылғалдығы жеткіліксіз деңгейде болса, онда бұл жағдай адам ағзасының шөлдеуіне тікелей байланысты болады. Көбінесе біз оның жағымсыз әсерін тек жекеленген түрінде ғана көреміз, ол көздегі және тамақтағы құрғақтық сезімі, тамақтың ауруы, шашта қайызғақтың пайда болуы және тұрақты түрде терінің құрғауы мен ұсақ жарықшақтардың болуын көрсетеді. Сыртқы әсерлерден басқа ылғалдың жетіспеуі одан да елеулі жағымсыз әсерлерден көрінуі мүмкін: тұрақты шаршау, әлсіздік, ересектердің жұмыс қабілеттілігінің және балалардың үлгерімінің төмендеуі, жиі суық тиіп ауыру, нашар ұйқы, терінің ерте қартаюы, аллергия, жөтел, мұрын қуысының құрғақтығы немесе тұрақты мұрын бітуі, шырышты қабық осындай жағымсыз әсерлер арқылы құрғақтықты жеңуге тырысады.
Біз мұның себепшісі ретінде дәруменсіздікті, экологияны және басқа да факторларды кінәләуға болады, бірақ біз дәрумендер қабылдап, көбірек су ішіп, қымбат кремдер мен сусабындар пайдаланып уақытша әсер алуымызға болады. Мұның себебін анықтап, онымен күресуіміз керек, содан кейін ғана салдарын жоямыз.
Бәрінен де көбірек құрғақ ауаның салдарынан балалар зардап шегеді, әсіресе жаңа туған сәбилер: сәби дүниеге көз ашқан кезіне дейін оны қорғайтын сұйықтықта болды, ал енді нәзік тері мен шырышты қабық агрессивті қоршаған ортаның әсерінен құрғайды, сондықтан ауаның ылғалдылық деңгейі ересектер үшін 40 – 50% болса, ал балалар үшін бұл көрсеткіш 50 – 60% және одан да жоғары болуы тиіс.
Құрғақ ауадан тек қана адамдар мен жануарлар ғана зардап шекпейді, сонымен қатар гүлдер (кактустардан басқа), ағаштан жасалған бұйымдар, бұл әсіресе паркет, жиһаз және музыкалық аспаптардан көрінеді, еден мен жиһаз құрғап, сықырлай бастайды, ал пианино мен гитараның дыбысталуы нашарлайды.

Ауа ылғалдандырғыштардың түрлері
Ауаны сергітетін ылғалмен толтыру үшін – фонтандар орнату, жиірек ылғалды тазалау жүргізіп тұру, гүлдер немесе аквариум қоюға болады, бірақ ең дұрыс шешім ол ауа ылғалдандырғыш алу. Бұл құрал үй-жайдың микроклиматын қысқа мерзімде қолайлы жасауға қабілетті. Жағымды бонусы – шаң ауада ұшпай тезірек еденге қонады, оған бөлмеде тазалық пен балғындықты ұстап тұру үшін кәдімгі кесте бойынша ылғалды тазалау жүргізу жеткілікті болады.
Ауа ылғалдандырғыштардың құрылымы мен функциялары әр түрлі келеді: ең қарапайымдары тек қана ылғалды буландырады, ал неғұрлым күрделі түрлері қосымша ауаны тазартып, көп функциялармен жабдықталуы мүмкін. Іс жүзінде құрал дизайнын кез келген интерьерге таңдауға болады, ол бөлме безендіруінде винтаждан хай-текке дейін назар тартатын жарқын әрі көрікті немесе бейтарап дизайнды құрал таңдау.
Булану технологиясы
Ауа ылғалдандырғыштардың буландырғышының тек қана дизайны арқылы ғана емес, құрылымы бойынша да таңдауға болады.
Ең қарапайым, сенімді және тиімді ауа ылғалдандырғыш – табиғи булануы бар дәстүрлі ауа ылғалдандырғыштары. Шағын желдеткіш корпусына ауа сорып, айналмалы пластиналардың арасынан өткізіп, барабанның төменгі бөлігінде суланады. Ауадағы шаң-тозаң барабан дискілеріне тұнып суда қалады, ал тазартылған және ылғалдандырылған ауа қайтадан бөлмеге жіберіледі.

Сондай-ақ, айналатын пластиналардың орнына, шаң-тозаңды және ауаны ылғалдандыратын суланған сүзгі-губка орнатылған модельдері де бар.
Ал ең көп таралғандары – ультрадыбыстық ауа ылғалдандырғыштары. Су ең жұқа мембранаға түсіп, ультрадыбыстың әсерінен тербелетін суық буға айналады. Оларға тек тазартылған суды құюға ұсынылады, әйтпесе су буымен бірге заттардың үстіне ақ өңез түсетін болады.
Тағы бір кең таралған технология – ол бу ылғалдандырғыштары. Құралдың ішіндегі қыздырғыш элемент суды буға айналдырады. Бу ылғалдандырғыштары мен ультрадыбыстық ылғалдандырғыштар қауіпсіз және ыңғайлы, бірақ ылғалдың көп бөлінуіне себепші болады, сондықтан ауа ылғалдандырғыштарына қоса ылғалдылық деңгейін өлшеу үшін гигрометр алу керек.
Ауа ылғалдандырғышты қалай дұрыс таңдау керек
Әрбір ылғалдандырғыш технология жеткілікті дәрежеде тиімді келеді, оны таңдау тек қана сатып алушыға байланысты. Бірақ бірнеше ерекше тұстарына көңіл бөлу қажет.
1. Ауа ылғалдандырғыштың су резервуары неғұрлым үлкен болса, онда ол соғұрлым ұзағырақ су толтыруды талап етпейді.
2. Егер резервуарды негізінен шешпей толтыратын мүмкіндігі болса, онда ол анағұлым ыңғайлы келеді. Тасымалдау ыңғайлылығы үшін тұтқасы бар модельдерді таңдау қажет.
3. Ауа ылғалдандырғыштың келесідей индикаторлары болуы тиіс: суды толықтыру, тазалау қажеттігі (егер сүзгілер алмалы-салмалы немесе ауыстырылмалы болатын болса).
4. Аударылып кету және су болмаған кездегі қауіпті жағдайлардан сақтайтын автоматты өшіру.
5. Түнгі немесе тынық режімдері көмескі жарықтандыруды өшіреді, шу деңгейін азайтады — ауа ылғалдандырғыш тіпті ең сергек ұйқыны бұзбайды.
Қосымша функциялары пайдалы, әрі қолайлы келеді.
1. Білте шам функциясын орындай алатын әдемі жарықтандыру.
2. Стильді дизайн кез келген бөлме интерьеріне сәйкес келеді, балаларға арналған модельдері бүлдіршіндерді қуантатын ойыншықтар түрінде жиі орындалады.
3. Кірістірілген дисплей баптау параметрлерін көрсетеді: жұмыс режімін, уақытты, кейде ауаның бөлмедегі жай-күйін көрсетеді, ылғалдылықты өлшейтін құралы – гигрометрмен де жабдықталуы мүмкін.
4. Таймер құралды белгіленген уақытта, ұйқыдан оянған кезде, үйге немесе кеңсеге келген кезде үй-жайда қолайлы жағдай жасау үшін қосады.
5. Ауаны хош иістендіру демалуға және көңіл күйді көтеруге көмектеседі.
6. Ауаны иондандыру ауаны теріс зарядты бөлшектермен толтырып, жағымсыз иістерді және статикалық электр зарядты жояды.
Ауа ылғалдандырғышты бірінші рет қосқан кезде немесе ұзақ үзілістен кейін пайдалана бастағанда, оның бөлмедегі ылғалдылығы өте баяу артатын болады, себебі су бөлшектері айналадағы жиһазға, еденге, қоршаған заттарға сіңіріп алады, тек содан соң ауа ылғалға толатын болады.
Су мен ауа – Жер бетіндегі барлық тірі организмдердің маңызды элементтерінің бірі. Біз тек жанама түрде ғана ауаға әсер ете аламыз, ол біз көп уақыт өткізетін үй мен кеңседе қолайлы және денсаулыққа жайлы жағдай жасауға мүмкіндік туғызу біздің қолымызда.

Тіпті, әуежай немесе темір жол станциялары жоқ астана да бар екен.

Дүниежүзінде Сіздің де, біздің де білмейтініміз жетерлік. Соның арасында өз ерекшелігімен назар аудартатын астаналар да бар. Сол себепті, Сіздерге әлемдегі ерекше астаналар туралы қызықты деректер ұсынамыз.

1. Үндістанның ауысып тұратын астаналары Үндістанның Джамму және Кашмир деп аталатын біріккен штаттарының екі маусымдық орталықтары бар. Джамму штатындағы Джамму қаласы қазаннан наурызға дейінгі «қысқы орталық» болса, Кашмирдегі Сриганар қаласы наурыздан қазан айына дейінгі «жазғы орталық» болып есептеледі. Себебі, Джамму қаласында қыста, Сриганар қаласында жазда ауа райы қолайлы болады.

2. Танзания – екі астанасы бар ел Ал Танзания мемлекетінің екі астанасы бар. Тарихи астанасы Дар-эс-Салам мемлекеттің әкімшілік орталығы болса, Додома заңды астанасы болып есептеледі.

3. Лихтенштейн астанасы – станциясы жоқ қала Лихтенштейн астанасы Вадуцта әуежай немесе темір жол станциялары жоқ.

4. Мексика астанасы – шаңды қала Мехико – Мексиканың астанасы және ең үлкен қаласы. Федералды округте 20 миллион, ал Мексиканың өзінде – 8,9 миллион адам өмір сүреді. Бұл қалаға келгенде абай болу керек. Бұрын Мексиканың ауасы лас болғаны соншалықты, жыл бойы қаланың төбесі шаңнан көрінбейтін. Бүгінде биліктегілер бұл мәселені шешуге тырысып жатыр және ауа бірте-бірте тазару үстінде. Бұдан басқа, Мексикада шаңды дауылдар мен жер сілкінісі жиі болады. Бірақ, жер сілкінісі жиі болғанымен тым күшті болмайды.

5. Чехия астанасы – ескі сәулетті қала Чехия астанасы Прага – ғажайып пен жайлылықты қалап жүргендерге арналған жұмақ іспеттес қала. Себебі, Прага ескі көшелер мен көз тоймайтын көптеген көрікті жерлерімен кез-келген адамды баурап алады. Прага «ескі, жайлы қала» ретінде қыдырып келген туристердің есінде мәңгі қалатын жер десек те болады. Праганың ескі тарихи жерлерінің көркін ешқандай заманауи құрылғылар да өзгерте алмайды. Мұнда қаланың қажетті көрінісін сақтау үшін жерсеріктік антенна мен пластикалық терезелер орнатуға да тыйым салынған. Дегенмен, бұл Прагадан тек ескі кірпіш үйлер мен көшелерді ғана көруге болады дегенді білдірмейді. Ескі көрінісін сақтап қалған қалада көптеген заманауи ғимараттар да баршылық. Мысалы, танымал би үйі дәл осы Прагада орналасқан. Ал тағы біраз серуендесеңіз көптеген фабрикаларды, тіпті Эйфель мұнарасын да көре аласыз!

6. Италия астанасы – «қаланың ішіндегі қала» Рим өте танымал әрі басқа қалалардан айтарлықтай ерекшеленеді. Себебі онда көптеген тарихи көне ескерткіштер мен шіркеулер сақталған. Мұнда тіпті, «қаланың ішіндегі қала» Ватикан яғни, тағы бір астана – католик шіркеуі бар. Сондай-ақ, Римнің тек төрттен бір бөлігінде ғана тұрғын үй кешендері тұрғызылған, есесіне қалада серуендейтін жерлер көп. Бірақ бір барғаннан барлық көрікті орындарды тамашалап үлгеру мүмкін емес. Сондықтан, сізге осы әдемі астанада ұзақтау қыдырған дұрыс.

7. Таиландтың 21 сөзден тұратын астанасы Бұл қаланың атауы әлемдегі ең ұзын атау ретінде Гиннестің рекордтар кітабына енген. Бангкоктың ресми атауы тай тілінде: «Крун Тхеп Маханакхон Амон Раттанакосин Махинтараюттхая Махадилок Пхоп Ноппарат Ратчатани Буриром Удомратчанивет Махасатан Амон Пиман Аватан Сатит Саккатхаттийя Витсанукам Прасит» екен. Оны қысқартып «періштелер қаласы» деп атайды. Бірақ, қазір 21 сөздің кейбіреуі қолданылмаса да, Бангкоктың толық атауы балаларға мектепте міндетті түрде жаттатқызылады.

8. Израиль және Палестина мемлекеті – екі елге бір астана Иерусалим бірден екі мемлекеттің, яғни Израиль және Палестина мемлекетінің астанасы.

9. Испания астанасы – Мадрид Мадрид Испанияның дәл орталығында орналасқан. Ал қаланың орталығындағы Puerta del Sol алаңында нөл шақырымдық белгісі орнатылған. Одан барлық негізгі магистральдардағы жолдың қашықтығы есепке алынады.

10. Словакия астанасы – Братислава Әлем бойынша тек Братислава қаласы ғана екі мемлекеттің шекарасына жақын орналасқан астана.

11. Швейцария Швейцарияның ресми астанасы жоқ. Берн – тек федералды маңызы бар қала. Сондай-ақ, Науру штатының да жағдайы осындай. Жер көлемі 21 шаршы шақырымдай болатын Науруда астана салатын жер жоқ.

12. АҚШ астанасы – ел аумағына кірмейтін қала АҚШ-тың астанасы Вашингтон екендігін бәрі білгенімен, қаланың ресми түрде «Колумбия округі» деп аталатынын көбі біле бермейді. Бұл АҚШ-тың аумағына тәуелсіз аймақ. Сондықтан, қала халқының 15% -ның ана тілі ағылшын тілінен басқа тілдер. Вашингтон тұрғындарының саны 600 мыңнан асады, ал аптаның жұмыс күндерінде бұл сан 400 мың адамға көбейеді. Себебі, жұмысшылардың жартысына жуығы қала маңындағы елді мекендерде тұрады.

13. Бразилияның Рио-де-Жанейро қаласы Рио-де-Жанейро Еуропаның шекарасынан тыс еуропалық мемлекеттің астанасы болған тарихтағы жалғыз қала. Себебі 1815 жылдан 1822 жылға дейін Рио-де-Жанейро Португалия, Бразилия және Алгарвенің, яғни еуропалық мемлекеттің астанасы болған. Қазір, бұл қала Рио-де-Жанейро штатының астанасы болып тұр.

14. Фиджи астанасы – жағажайы жоқ мұхиттағы қала Фиджи — мұхиттағы шағын арал. Ал, Сува оның кішкентай астанасы. Бұл қаланың ауданы небәрі 2 мың шаршы шақырымды ғана құрайды. Таңғаларлығы, мұнда бірде-бір жағажай жоқ. Себебі, Сува – портты қала, мұнда тек кеме тоқтайтын жерлер ғана бар. Бірақ бұл Сувада айналысатын ештеңе жоқ дегенді білдірмейді. Сувада көптеген саябақтар мен дүкендер, сауда орталықтары, мұражайлар мен кітапханалар бар. Сонымен қатар, Фиджидің ресми тілі ағылшын тілі болғандықтан, мұнда келу үшін қандай да бір арнайы тілдерді үйренудің қажеті жоқ.

15. Палау астанасы Нерульмуд Нерульмуд деп аталатын Палау елінің астанасы орманның ортасында орналасқан және бірнеше үкіметтік ғимараттар ғана бар. Қала туристерді осы ерекшелігімен қызықтырады. Басында айтқанымыздай, осындай да қызықты дүниелер бар екен.

Дайындаған: Б.Ерман, ERNUR.KZ

Тағы оқыңыз: Әлемнің ең суық елдерінде болғыңыз келе ме?

Әлем халқын өзіне шақырған орындар

Астана әкімдігінің ресми сайты 18-23 желтоқсан аралығында қаладағы мәдениет және спорт мекемелерінде өтетін апталық шаралар жоспарын ұсынады.

Тәуелсіздік сарайы

17-31 желтоқсанда сағат 10:00-ден – «Ақанаевтар әулеті» жеке көркем көрмесі

17-31 желтоқсанда сағат 10:00-ден – «Әуедегі қозғалыс» қазіргі заман өнер көрмесі

17-20 желтоқсанда сағат 10:00-ден – №52 орта мектеп ұстазы Ж. Қайраттың «Түс әлемі» жеке көрмесі

17 – 29 желтоқсанда сағат 10:00-ден – Рүстем Беркімбаевтың «Үміт жолы»

жеке көркем суреткөрмесі

17-31 желтоқсанда сағат 10:00-ден – «Еркіндіктің дастаны — Астана» суреткөрмесі

17-31 желтоқсанда сағат 10:00-ден – «Хроники Независимого Казахстана» суреткөрмесі

17-31 желтоқсанда сағат 10:00-ден – «Менің елім – Мәңгілік ел» атты Астана қаласы Суретшілер одағы жастар бірлестігінің көрмесі

Қуыршақтар театры

17, 23 желтоқсанда сағат 12:00-де және 14:00-де – А. Салаева «Жаңа жыл түніндегі Жезтырнақтың әлегі», шырша маңындағы мерекелік ойын және Аяз атадан жаңажылдық ертегі.

«Жастар» сарайы

18 желтоқсанда сағат 9:00-де – «Премия MUZ KZ» көпжанрлы балалар байқауы

22 желтоқсанда сағат 10:00-де,13:00-де және 15:30-да, 23 желтоқсанда сағат 10:00-де, 13:00-де – «Карнавал чудес!» жаңажылдық ертеңгіліктер.

Қалалық алаң, «Хан Шатыр» ОСО аумағы, Ботаникалық бақ

18 желтоқсаннан ақпанға дейін сағат 13:00-20:00 аралығында – «Astana Winter Land» фестивалі аясындағы қысқы шаралар.

«Барыс Арена» КМС

18 желтоқсанда сағат 17:00-де – «Барыс» ХК – «Северсталь» ХК командалар арасындағы 2018-2019 маусымның ҚХЛ чемпионаты

20 желтоқсанда сағат 20:00-де – «Барыс» ХК – «Локомотив» ХК командалар арасындағы 2018-2019 маусымның ҚХЛ чемпионаты.

Қ. Қуанышбаев атындағы Мемлекеттік академиялық қазақ музыкалық драма театры

18-19 желтоқсанда сағат 18:30-да – «Жан» моноспектаклі.

20 желтоқсанда сағат 18:30-да – А. Айдаровтың «Сүрінген сүрбойдақ» комедиясы.

21 желтоқсанда сағат 18:30-да – С. Тұрғынбекұлының «Шәмші» элегиясы

Бейбітшілік және Келісім сарайы

18, 20-23 желтоқсанда сағат 19:00-де – Аңызға айналған француз-канадалық «Notre Dame de Paris» мюзиклі

«ЭКСПО» көрме кешенінің аумағы

18 желтоқсанда сағат 19:00-де – Бас шыршаның шамдарын жағу рәсімі

«Астана» концерт залы

18 желтоқсанда сағат 19:00-де – Астана қаласы Мемлекеттік академиялық филармониясы қазақ оркестрінің, симфониялық оркестрлері және камералық хордың «Тәуелсіздік толғауы – елім менің» концерті.

23 желтоқсанда сағат 17:00-де – Астана қаласы Мемлекеттік академиялық филармониясындағы шығармашылық ұжымдарының қатысуымен «Жаңа жылға жаңа ән» жаңажылдық концерті.

«Қазақстан» ОКЗ

18 желтоқсанда сағат 19:00-де – «Асыл мұра» концерті.

Астаналық цирк

20 желтоқсаннан 7 қаңтарға дейін сағат 16:00-де (сб, жб) – «Бақыт құсы» жаңажылдық цирк бағдарламасы.

Амфитеатр (Есіл өзені жағалауы)

19 желтоқсанда сағат 11:00-де – Аяз ата резиденциясының салтанатты ашылуы.

19-30 желтоқсанда сағат 11:00-ден – Аяз атаның поштасы.

19-30 желтоқсанда сағат 11:00-ден – «Қысқы дала ойындары» сырғанақта шана тебу.

21, 28 желтоқсанда сағат 17:00-ден, 22,23,29,30 желтоқсанда сағат 12:00-ден – «Аяз атаның қонақ бөлмесі» көрмесі

22,23,29,30 желтоқсанда сағат 12:00-де, 14:00-де, 16:00-де – Жаңажылдық шырша айналасында балаларға арналған қысқы ойындар.

«Астана Опера» МОБТ (камералық зал)

19 желтоқсанда сағат 19:00-де – «И в каждой ноте вдохновенье» концерті.

21 желтоқсанда сағат 19:00- де – Дж. Пуччинидің «Турандот» операсы.

22 желтоқсанда сағат 17:00-де – «Музыкальный дивертисмент» концерті

«Astana Ballet» театры

22-23 желтоқсанда сағат 18:00-де – П. Чайковскийдің «Щелкунчик» балеті

«Алау» мұзайдыны сарайы

19-21 желтоқсанда сағат 10:00-де – Конькимен жүгіруден ҚР Кубогы және ҚР Чемпионаты.

Жастар театры

20 – 23 желтоқсанда сағат 10:00-де, 12:00-де, 14:00-де – Г.Х.Андерсеннің «Қар ханшайымы» ертегісі.

Есіл өзені

22 желтоқсанда сағат 11:00-де – «Red Bull Ice Baiga» конькимен жүгіруден бұқаралық шарасы

Астана триатлон саябағы

23 желтоқсанда сағат 8:00-де – «II Astana Winter Marathon» қысқы марафон.

«Nomad City hall» концерт залы

23 желтоқсанда сағат 19:00-де – «Алашұлы» тобының «+35°С» концерті.

Жастардың жұлдызын жағатын байқау

Астанада тұңғыш рет «Жаңа белес» байқауы өтті. Өнерлілер додасына бас қаланың 35 арнайы орта білім беретін оқу орындарының студенттері қатысты. Жалынды жастар тыңғылықты дайындалып, үздік танылуға ынтықты. Шеберліктерін шыңдап, жанкүйерлердің ықыласына бөленді.

Жеңіске жетіп, талантын танытуға мыңнан астам студент ниет білдірген. Олар ән, би, мәнерлеп оқу, сиқыр, кім ақылды аталымдары бойынша бақ сынауда. Үміткерлер сапында ауқымды байқау жеңімпаздары мен сахнаға алғаш рет шығатындары да бар.

Үміткерлердің шабытын шалқытуға жанкүйерлер ерекше ынтызарлық танытты. Жасампаздыққа ұмтылып, арнайы киім киіп, ұрандарын айтып, ерекшеленуге тырысты. Өйткені, байқау аясында үздік жанкүйерлер де анықталады.

Жастарға қолдау көрсетуге эстрада жұлдыздары келіп, әннен әуелетті. Айта кетейік, жарыс 6 күнге созылады. Жүзден жүйрік шыққандарға қаржылай сый табысталады.

Астанада «Шабыт» шығармашыл жастар фестивалі басталды. Осымен 21-ші рет өткізілген байқауға 16 мен 35 жас аралығындағы 600-ден астам үміткер қатысты. Олар, 5 күн бойы сынға түсіп, жүзден жүйрікті анықтайды. Мәселен, алғашында мыс үрмелі аспаптар аталымына 18 адам қатысса, 2-ші кезеңге оның тек 9-ы жолдама алды.

Әр үміткерге артылған жүк ауыр. Олар елінің намысын қорғап қана қоймай, өнер айдынында өрістерін кеңейтеді. Қатысушылардың бұл жылғы мүмкіндігін
Ресей, Украина, Қырғызстан, Австрия, Германия, Грузия, Македония, Израильден келген көрнекті мәдениет қайраткерлері бағалайды.

Үміткерлер 5 аталым бойынша сынға түсуде. Талантын танытқысы келгендер, тыңғылықты дайындалып, бар өнерлерін паш етті. Қатысушылар, Шабыт фестивалінің деңгейі қашан да асқақ дейді.

Астананың 20 жылдығына орай ұйымдастырылған байқау елімізбен қатар Ресей, Украина, Грузия, Израиль, Қырғызстан, Әзербайжан, Өзбекстанның таланттарын тоғыстырды. Фестивальдің биылғы ерекшелігі, 6 жыл бұрын бағдарламадан шыққан журналистика аталымы қайта енгізілді. Айта кетейік, байқауға 21 жыл ішінде 10 мыңнан астам үміткер қатысып, жұлдызын жаққан.

обоист Ислам Әлиев «Шабыт» фестивалінің жеңімпазы атанды

ХХІ «Шабыт» халықаралық шығармашыл жастар фестивалінде Президент кубогы гобоишы Ислам Әлиевке бұйырды. Биылғы фестивальдің жеңімпазы «Классикалық музыка: ағаш үрмелі аспаптар» номинациясында да Гран-при алды.
Бүгін Астанада өткен байқаудың жеңімпаздары мен жүлдегерлерінің есімдері жария етілді.
«Классикалық музыка» номинациясында қатысушылар 4 секцияда шеберлік байқасты: ағаш және мыс үрмелі аспаптар, соқпалы аспаптар және камералық ансамбльдер.
Мейіржан Кеңесбаев, Айя Ғаббасова, Леонид Мысовский, Бағжан Есіркеп енген квартет үздік камералық ансамбль (Гран-при) деп танылды. Бұл ішкі номинацияда SARDOR ішекті аспаптар квартеті бірінші орын алды.
«Классикалық музыка: мыс үрмелі аспаптар» секциясында Азат Әбілқасымов топ жарды. Ағаш аспаптарда ойнауда Тілек Дәуітқан мен Владимир Ардашев көш бастады. «Соқпалы аспапта» Арыстан Әбілдин Гран-при иеленсе, бірінші орында – Худойберган Бахромов.
Үстіміздегі жылы «Халық музыкасы» номинациясы үш секциядан құралды: «қобыз», «прима-қобыз», «домра-прима, шертер, бас-шертер».
Байқау қрытындысы бойынша Шолпан Шарапатова үздік қобызшы атанып, гран-при алды, ал Мәдина Тілеубаева бірінші орында.
«Домра-прима, шертер, бас-шертер» категориясында Гран-при Әділхан Годжанов гран-при иеленді, Баян Мұрзабекова (шертер) және Қазаннан келген қатысушы Вера Ледянина (домра-прима) бірінші орынды бөлісті.
«Прима-қобыз» номинациясында қазылар алқасы Айым Мейірханованың өнеріне жоғары бағасын берді, ал бірінші орын Аида Әбдуғалиге бұйырды.
Фестивальдің үздік вокалисті – астаналық Ахмет Сұлтан болса, «эастрадалық вокал» номинациясында түркістандық Ерік Төленов алтын алды.
«Хореография» номинациясыгда Гран-при қазылар алқасының бірауыздан қабылдаған шешімімен елордалық «Наз» би театрына берілді. Бірінші орынды петропавлдық «Мәңгілік» ансамблі және жергілікті «Шалқыма» би ансамблінің артисі Айсұлу Мұратқалиева бөлісті.
Фесивальде көптен бері болмаған «Журналистика» номинациясында гран-при «Қазақстан» телеарнасының журналисті Нартай Сәрсенғалиевке бұйырды. Бірінші орын алған үздік телевизиялық сюжеттің авторы Лаура Байбатчановой (Хабар). «Программалық сюжеттер және деректі фильмдер» ішкі номинациясында Лимара Удасова алтын алды. Egemen.kz тілшісі Назерке Жұмабайдың еңбегі «интернет ресурстар» секциясында топ жарды. Шерхан Мұртаза атындағы арнайы сыйлықты қазылар алқасы Aikyn.kz.қызметкері Динара Тілеубекке табыстау туралы бірауыздан шешім қабылдады.

Демалыс пен серуенді сүйетін жандарға, Астанамыздың осы жерлерін жақсырақ танып алу керек!)
Қалалық арбат, жағалау мен орталық саябақ, осының барлығын «Астананы ЖағаLike» жобасының осы бөлімінен тамашалаңыздар

Астанада дзюдодан Қазақстан чемпионаты басталды. Қарашаның 13 мен 16 аралағанда өтіп жатқан жарыста 14 облыс пен үш мегаполистің спортшылары бақ сынауда. Олардың сапында халықаралық аренада ел абыройын асқақтатып жүрген дзюдошылар да бар. Әр бірі жеңіске жетуге ынтығып, үздік нәтиже көрсетуде.

Ел біріншілігіне 500-ге тарта спортшы қатысуда. Олар 14 салмақ дәрежесі бойынша кіл мықтының ішінен ең үздігін анықтайды. Әр облыстың баптаған тұлпарлары дара танылып, татамиде мүмкіндігін байқауда. 3 күндік қорытынды бойынша медальдар санымен Маңғыстау облысы көш басында. Қоржында 3 алтын 2 күміс 1 қола

Ел біріншілігінде жеңіске жеткендер ұлттық құраманың сапына еніп, халықаралық жарыстарға жолдама алады.

Айта кетейік, қазіргі таңда Астанада 100-ден астам дзюдо секциясы жұмыс істейді. Қатары 2019 жылы 85 секциямен толығады

«Жаңа дәуір — жарқын болашақ» атты концерт өтеді. Ал, елорданы ауыстыру құрметіне орай, «Астана арманы» концерті халыққа көтеріңкі көңіл күй сыйламақ.

Астанада биіктігі 16 метрді құрайтын сырғанақ ашылады. Тәуелсіздік күніне орай ел игілігіне берілетін аумақ, президент саябағында орналасады. Мұнан өзге коньки мен шана тебуді ұнататындар үшін тағы 11 сырғанақ жасалады. Биыл, мұз қалашықтар Хан шатыр, қалалық алаң, Ботаникалық бақта орналасады.

Аудандар мереке аясында білім ордаларында хоккей кордтарын ашып, қысқы спорт түрлерінен жарыстар өткізеді. Алтын, күміс алқа иелерін марапаттап, қайырымдылық шараларын ұйымдастырмақ.

2019 — Жастар жылы деп белгіленуіне орай, Астанада дарын мемлекеттік жастар сыйлығының иегері Серік Ибрагимовтың ән кеші 25-ші қараша күні өтеді.

Тұңғыш президент күні қандай іс-шаралар болады?

Израильдің танымал неонатологы Мики Осовский Астанада шеберлік сабағын өткізді. Ол перинатарлық орталық базасында 4 күн бойы елордалық 30 неонатологты оқытты. Тақырып- өте аз салмақта туылған нәрестелерге күтім жасаудың тиімді технологиясы. Шеберлік сабағы жетекші израильдік клиникалармен орнатылған стратегиялық ынтымақтастық негізінде өткізілді.
Михаэль Осовский Израильден бөлек Таяу Шығыстағы ең ауыр және аз салмақты сәбилердің жағдайын тұрақтандырумен айналысады. Ол қызмет ететін «Шнайдер» клиникасы шет елдерге 4-ші деңгейдегі көмек көрсететін жалғыз балалар орталығы ретінде тәжірибесі мол. Бұл білім қорымен бөлісуге асық ақ халаттының Қазақстанда өткізген 2-ші шеберлік сабағы.
Михаэль Осовский – «Шнайдер» медициналық орталығының бөлім меңгерушісі / Израиль
Мен 6 жыл бұрын Өскеменде шеберлік сабағын өткіздім. Нәтиже көңіл қуантты. Израильге де қазақстандық көптеген неонатологтар келіп, білімін шыңдап, тәжірибесін арттырады. Менің мақсатым, дүниеге келген әр нәрестенің дұрыс қалыптасуына көмектесу.
«Шнайдер» клиникасында 24/365 тәртібінде шала туылған нәрестелерге кардиохириургиялық, нейрохирургиялық, онкологиялқ ота жасалады. Нәтижесінде, сәбилердің ретинопатия, ауыр инфекция, патологиялық аурулардан толық емдейді.
Наталья Мелех – «MVI» медициналық орталығының бас директоры / Израиль Біз үшін баланың туылуы ғана емес, өмірге дені сау болып келуі маңызды. 23 аптаға таяған нәрестенің 99 пайызын аман сақтап қаламыз. Тәжірибемізде, дене салмағы 425 грамды құрайтын сәбидің туылуы кездесті. Бәрі сәтті өтті. Ал, 700-800 грам балаларға кадиохирургиялық отаны ойланбастан жасаймыз. Үйренгілеріңіз келсе, Израильге келіңіздер.

Астанада соңғы 9 ай ішінде ай күніне жетпей 259 босану саны тіркелген. Ақ халаттылар әр нәрестенің өмірін сақтап, қалыптасуы үшін бар жігерін жұмсайды. Мәселен, 500 грамм дене салмағымен туылған, ас қорыту ағзасы жетілмеген сәбилерге керекті қоректі тамыр арқылы береді. Нәрестелердің толыққанды тыныс алуы үшін, дәрігерлер Израильдік әріптестерінің тәжірибесіне сүйене отырып, құрылғыларға тапсырыс берді.

Республикалық «Жас ақын» байқауының жеңімпазы анықталды. Үздік танылу үшін еліміздің әр облысынан 18 бен 29 жас аралығындағы 400- ге жуық ақын ынтықты. Ақтық сынға оның 10- ы жолдама алды. Үміткерлер 3 кезеңнен сүрінбей өтті. Яғни, олар «Астана жастар жүрегінде», «Астана- жиырмадағы жас қала», «Еркін тақырыпта» қалам тербеп, жыр шумақтарын арнады.

Жеңіске баршасының бар таласы. Әр бірі елордаға арнаған өлеңін иірімді ұйқаспен әрлеп, мазмұнды сөзбен көркемдеді. Абайдың ізін жалғағандар, «ат тұяғын тай басарын» жадында сақтады. Оларға шабыт сыйлауға зиялы қауым өкілдері келіп еңселерін тіктей түсті.

Байқау нәтижесі бойынша 1-ші орын Дания Сәтбекқызына бұйырды. Шығыс Қазақстан облысынан келген ақын шабыт атты тұлпарын тақымдап, сүбелі сөз, отты өлеңімен тәнті етті.

Үздіктер сапына енгендерге қаржылай сыйлық табысталды. Ақындар мүшәйрасы концеттік бағдарламамен жалғасты.

Биыл, «Сақшы» құқықтық тәртіпті сақтау студенттік жасағының құрылғанына 5 жыл. Осы уақыттан бері 1500-ге жуық жас темірдей тәртіпке бағынып, құқық бұзушылықпен күресіп келеді. Олардың бірі Қуаныш Төкен. Басқару колледжінің 3-ші курс студенті, тәртіп сақшыларымен рейдтік шараларға шығып, әкімшілік хаттама толтырып, қаланың қауіпсіздігін сақтауға үлесін қосуда.
Астана қаласы бойынша жас сақшылардың қатысуымен 1 жылда 50 құқықбұзушылық әшкереленді.Іс сотта қаралып, әкімшілік айыппұл салынды. Тәртіп сақшылары, ізбасарларының еңбекқорлығы мен отансүйгіштігіне сүйсіне қарап, жоғары бағасын берді.
Бұл жылы студенттер жасағының құрамы 200 жаспен толықты. Бүгін, белсенділігімен көзге түсіп, міндетін жақсы атқарғандар марапатталды. Бұл олардың шабытын шалқытып, жұмысын одан әрі нәтижелі орындауға серпін бермек. Жастар, ұлағатты ісімен елге үлгі болған аға буынның алғысын алды.
Жастардың патриоттық сезімдерін еселеуге эстрада жұлдыздары жалынды әндерін орындады. Тыңдармандардың рухын асқақтатып, жандарын жадырата түсті.

«Астананы жағаlike» — қала тұрғындары мен қонақтарын тәнті еткен сәулет өнерінің туындылары, қызықты демалыс орындары жайында әңгімелейтін танымдық жоба. Жеңіл әзілдер, сапалы бейне көрініс оның басты ерекшелігі болмақ. Бағдарламаның жүргізушісі талантты жайдарманшы Шыңғыс Қожабеков.

Жобаның алғашқы саны Астанадағы жаңа, ерекше нысанның бірі «Атырау көпіріне» арналады.