Пирамида құпиялары

Астананы жағаlike жобасы бүгінгі санын Астана қаласы Әкімдігінің «Бейбітшілік пен Келісім Сарайы» МКҚК ғимаратына арнайды.

Бағдарлама жүргізушісі: Шыңғыс Қожабеков



Бейбітшілік және Келісім Сарайы Қазақстан жеріндегі бірлік пен достастықтың, бейбітшілік пен ынтымақтастықтың белгісі. Елордада Пирамида тәріздес сарайды салу Елбасы Нұрсұлтан Назарбаевтың идеясы. Жоба авторы белгілі ағылшын архитекторы Норман Роберт Фостер.

Елордада Пирамида тәріздес сарай бой көтерсе, әрі онда түрлі ұлт, дін өкілдері бас қосып, барша адамзатты бейбітшілік пен жақсылыққа жетелейтін шешімдер қабылдаса деген идеяны Елбасы Нұрсұлтан Назарбаев 2003 жылы Астана қаласында өткен Әлемдік және дәстүрлі діндер басшыларының І-ші съезінде ұсынған болатын. Мемлекет басшысының идеясы съезге әлемнің түкпір-түкпірінен жиналған түрлі конфессиялардың көшбасшыларының үлкен қолдауын тапты. Әлемнің ең жас елордасы Астана қаласында 2006 жылы қайта қауышқан съезд делегаттары екінші бас қосуын жаңа, бірегей ғимарат – Бейбітшілік және Келісім Сарайында өткізді.

Пирамиданың негізі 62×62м, биіктігі 62 м. Ғимараттың сыртқы беті ішкі бейнені көрсететін әйнек және тас плиталармен қапталған, ал пирамиданың төбесі, яғни күмбезі – елімізде тұратын түрлі ұлт өкілдерін суреттейтін 130 ақ көгершін бейнеленген нағыз өнер туындысы атақты суретші Брайн Кларктың витражымен безендірілген.

Жаңа сарайдың салтанатты ашылу рәсімінде әлемнің классикалық музыкасының жарық жұлдызы Монсеррат Кабалье өнерін паш етті.

Сарай ішінде 1302 орынға арналған Опера залы, Atrium салтанат залы, «Бесік» конференция залы, көрме алаңдары, «Құланшы» галереясы, баспасөз орталығы, Астана қаласының этникалық мәдени орталықтары, Халықаралық мәдениеттер мен діндер орталығы, Түркі әлемінің академиясы орналасқан.

2009 жылдың 13 шілдесінде Астана қаласы әкімдігінің қаулысына сәйкес «Бейбітшілік және келісім сарайы» Мемлекеттік коммуналды қазыналық кәсіпорны құрылды.
Сарай демалыс күндерінсіз жұмыс істейді. Экскурссиялар үш тілде – қазақ, орыс және ағылшын тілдерінде өткізіледі.

Инстаграм өрнектеген Астана

Инстаграм өміріздің бір бөлшегіне айналғалы қашан. Барымызды сонда салуға, естелік ретінде сақтап қоюға тырысамыз. Астана суреттері менің парақшамның ең көп салынатын тақырыбы екен. Осы жылы біраз өзім үшін ерекше суреттер түсірген екенмін.


Кемпірқосақ. Бұл суретті көліктің ішінде түсірген екенмін.


Алтын. Жазда осы көрініс бірнеше рет қайталанды. Өкініштісісол кездері қолымға фотоаппарат болмады. Соткамен түсіруге тура келді.


Бұл Астанадағы мен жақсы көретін ерекше орындардың бірі. Осы жерде бірнеше влог түсіріп үлгерген екенмін.



Ең биік ғимараттар. Осы жылғы өзгерістердің біразы осы ғимараттарға кіргеннен кейін басталыпты. Сосын шығар ыстық сурет :)


Бұлт. Кешкі көрініс.


Бұл жаздағы ерекше орынның бірі осы алаң болды.


Наурыз көже ішіп тұрған әжелер.


Ақшаға суретке түсетін «мыстан»


Осы жылы Астана жүгірушілері мен велошыларына жақсы жағдай жасалды. Соның әсері болса керек, жүгірумен тұрақты айналысатын достарым көбейген екен.


ЭКСПО алаңында өткен 91 тобының концерті басталар жатқан сәт.


Көпір үстіндегі жұмысшы Ақордаға қарап ойланып отырған.

Сол жағалауда төрт автожолда бірбағытты қозғалыс енгізіледі

Астананың сол жағалауында төрт автожолда бірбағытты қозғалыс енгізіледі. Онымен қоса, Кенесары мен Абай көшелеріндегі бірбағытты жолдар ұзартылады, деп хабарлайды ҚазАқпарат Елорда инфо сайтына сілтеме жасап.

«Бекітілген Көлік кешенін дамыту бағдарламасына сәйкес, қоғамдық көлік үшін Bus Lane жолақтарын сыза отырып, қаладағы алты көшеде: Қонаев, Достық, Түркістан, Ақмешіт және Кенесары мен Абай көшелерін ұзарту арқылы бірбағытты қозғалыс енгізіледі», — деді Астана қаласы әкімінің бірінші орынбасары Сергей Хорошун мәслихаттың кезектен тыс отырысында.

Атап өтілгендей, бұл шешім қоғамдық көлік үшін кедергісіз қозғалысты қамтамасыз етеді. Елордадағы қозғалыстың 60-65 пайызы автобустарға тиесілі. Сондай-ақ С. Хорошун бүгінгі күні қалада бір бағытты алты жол барын айтып өтті: Кенесары, Абай, Желтоқсан, Әуезов, Янушкевич және Мәмбетов көшелері. Олардың жалпы ұзақтығы 14,5 шақырым.

Өз кезегінде мәслихат депутаты Мәжит Шайдаров қозғалыстың аталмыш түрін сол жағалауда енгізбес бұрын оң жағалаудағы жағдайды реттеп алу керектігін айтты. Оның сөзінше, бірбағытты Желтоқсан мен Әуезов көшелері тұрақтарға айналып кеткен. Бұл өзге жүргізушілерге кедергі келтіріп қана қоймай, апаттық жағдайлар да тудырады. Әкімнің бірінші орынбасары бұл түйіткіл ақылы тұрақтардың екінші кезеңін іске асырумен ішінара шешілетініне сендірді.

Бұл ретте С.Хорошун 487 тұрағы бар Нұржол бульварын мысалға келтірді. Нұржолдағы ақылы тұрақ көп табыс әкеліп жатқанына да назар аударылды. «Тек осы пилоттық жобадан 2018 жылы 30 млн теңге айыппұл бюджетке түсті. Жыл соңына дейін тағы 4 мың, 2019 жылдың соңына қарай барлығы 10 мың тұрақ орнын іске қосуды жоспарлап отырмыз. Олардың тең жартысы оң жағалауда орналасатын болады», — деді ол.

www.inform.kz/kz/astanada-tagy-tort-avtozhol-birbagytty-bolady_a3400979

Астана - әлем картасында: таңғаларлық 20 дерек

Астана — еліміздің елордасы, саяси орталығы қазір рухани, мәдени, экономикалық діңгегіне де айналып келеді. Әлем картасында ойып тұрып орын алған шаһар Орта Азия, Азия, Еуразия, тіпті дүние жүзіне таңсық фактілерге ие. Ендеше, Астананың 20 әлемдік қырын ашып көрейік.
Блог - MERmukhanov: Астана - әлем картасында: таңғаларлық 20 дерек
Әлемдегі екінші суық астана
Астана Ұлан-Батырдан кейінгі салқын астана болып табылады. Оған ұйытқыған желдің қарқынын қосыңыз. Жалпы, қаладағы температураның ең төменгі көрсеткіші −51,6 °C 1893 жылдың 5 қаңтарында тіркелген.

Блог - MERmukhanov: Астана - әлем картасында: таңғаларлық 20 дерек
Хан шатыр — әлемдегі шатыр тектес ең үлкен ғимарат
Норман Фостердің туындысы Гиннестің рекордтар кітабына енген. Әрине, алып ғимарат Мәскеудегі Патша-қоңырау немесе Патша-зеңбірек секілді «Шатырлардың ішіндегі ханы» деген мағына білдіреді.

Блог - MERmukhanov: Астана - әлем картасында: таңғаларлық 20 дерек
Рекордтық көлемдегі ет асылды
2015 жылы Астанада салмағы 736,5 килограмдық ет тағамы әзірленді. Гиннестің рекордтар кітабына енген бұл ұлттық асқа 800 кг ет, 14 қап пияз, 300 кг қамыр кетті.

Блог - MERmukhanov: Астана - әлем картасында: таңғаларлық 20 дерек
Мұхиттан ең алыс орналасқан океанариум
«Думан» ойын-сауық кешеніндегі океанариумнан ең жақын мұхитқа дейінгі қашықтық 3000 километрді құрайды. Гиннестің рекордтар кітабына енгізілген. 3 миллион л көлем суда 2000 мақұлық тіршілік етеді.

Блог - MERmukhanov: Астана - әлем картасында: таңғаларлық 20 дерек
Пирамидадағы лифтілер қиыс қозғалады
Бейбітшілік және келісім сарайындағы лифтілер қабырғасы сияқты қиыс қозғалады. Тігінен емес, 60 градус диагональ көтерілетін бұл лифтілер Эйфель мұнарасы мен Лас-Вегастағы «Люксор» қонақ үйінің лифтілеріне парапар.


Ұлттық бидің ең ауқымды флешмобы
Қазақстан тәуелсіздігінің 20 жылдығына арнап, 2012 жылдың 16 желтоқсанында жастар флешмобы өтті. Халықаралық және отандық бақылаушыдар ұлттық биді бір уақытта ең көп адам билеген шараға куә болды. Лондондағы штаб-пәтерге берілген өтінім мақұлданып, рекорд тіркелді.


Чемпиондар лигасы тарихындағы ең ұзақ қашықтыққа ұшу
«Астана» ФК УЕФА Чемпиондар лигасы тарихындағы екеуара матч өткізуге кеткен ең ұзақ жол жүрудің бірі бойынша есте қалды. Мысалы, Шотландиялық «Селтикпен» ойын кезінде Глазгоға барып-қайту 10000 км-ді құрады.

Блог - MERmukhanov: Астана - әлем картасында: таңғаларлық 20 дерек
Астана — өз статусын атауымен білдіретін қос қаланың бірі
Елдің тілінен аударғанда «Астана» деген мағына беретін әлемде екі-ақ қала бар. Олар — Оңтүстік Кореяның бас қаласы Сеул («Соуль») және біздің елорда. Кейбір әлемдік астаналар бағдарлы тіркестерге ие, мысалы, Бейжің мен Токио «Солтүстік астана» немесе «Шығыс астана» деген мағына білдіреді.


Орталық Азиядағы қос ірі мешіттің бірі — «Хазірет Сұлтан»
Түркіменстандағы «Түркіменбашы рухы» мешітімен қатар бұл діни орда Орта Азияда теңдессіз болып отыр. Аумағы 11 гектар мешіт 10 мың адамға дейін сыйдыра алады. Сопылықтың басты өкілдерінің бірі Қожа Ахмет Яссауидің құрметіне аталған, ұлттық нақыштағы ғимараттың биіктігі — 51 м, минареті — 77 м.

Блог - MERmukhanov: Астана - әлем картасында: таңғаларлық 20 дерек
Астананың 23 бауырлас қаласы бар
Астана әлемнің 18 елінің 23 қаласымен бауырласы болып келеді. Мысалы, ең алғашқы бауырласқан қаланың бірі Гданьскпен 1996 жылы ресми келісілді. Жалпы, астанамызға Анкара, Стамбул, Ізмір, Мәскеу, Санкт-Петербург, Қазан, Амман, Рига, Ташкент, Гданьск, Варшава, Киев, Сеул, Дубай, Бейжің, Манила, Тбилиси, Бішкек, Ханой, Ницца, Оулу, Белград, Уфа қалалары бауырлас.

Блог - MERmukhanov: Астана - әлем картасында: таңғаларлық 20 дерек
«Астананың құрметті азаматы» атанған 4 ел басшысы бар
Бұл атаққа елбасы Н.Ә.Назарбаевпен бірге Грекия Республикасының экс-президенті Константинос Стефанопулос, Кореяның бұрынғы басшысы Ли Мен Бак және Молдова Республикасының Петру Лучински ие.

Блог - MERmukhanov: Астана - әлем картасында: таңғаларлық 20 дерек
Астана паркіндегі терек ғасырдан ұзақ өсіп тұр
Астанадағы ең кәрі ағаш — 120 жылдық терек. Климаттық ерекшеліктерге сай, ыстық белдеуде көп өспейтін ағаш — азиядағы ең кәрі теректің бірі.

Блог - MERmukhanov: Астана - әлем картасында: таңғаларлық 20 дерек
Бадди аюлары келген 16-ыншы қала
2010 жылы Астанаға әйгілі қонжықтар әкелінді. 2010 жылы «Германия Қазақстанда» бағдарламасы аясында «United Buddy Bears» («Аюлар достастығы» экспозициясы Астанаға қойылды. Әлемнің жұзден астам елдерінің мінез-құлқын сипаттайтын қонжықтар ірі қалаларды әлі де аралап келеді.

Блог - MERmukhanov: Астана - әлем картасында: таңғаларлық 20 дерек
Кәріс аспаздары 157,8-метрлік кимбап роллын дайындады

2011 жылы 160 адам еңбектенген бұл рекорд «Сүйікті қалаға — аспаздар шеберлігі» фестивалі аясында тіркелді. Ескі алаңда қыдырып жүрген барлық қонақ тегін асқа қарық болғаны да рас.

Блог - MERmukhanov: Астана - әлем картасында: таңғаларлық 20 дерек
Әлемдегі ең ұзын әкімшілік ғимараттың бірі орналасқан
Әрине, бұл — министрліктер үйі. Оның ұзындығы 1,5 км-ді құрайды.

Блог - MERmukhanov: Астана - әлем картасында: таңғаларлық 20 дерек
«Астана Опера» — Орталық Азияның ең үлкен театры
Театрдың бас залы 1250 орынға арналған. Акустикасын келтіруге Еуропаның маңдайалды мамандары қатысты.

Блог - MERmukhanov: Астана - әлем картасында: таңғаларлық 20 дерек
Көлемі өзгеретін ғимарат
Тағы да пирамида. Бейбітшілік және келсім сарайының ені ауа температурасының өзгерісіне байланысты өзгеріп отырады. Қаланың шүғыл континенттік климатына сай, архитектор Фостер ғимарат діңгегін сырғанайтын тірекке орналастырған, сондықтан болат қаңқасы қозғалмалы: қыста қысылып, жазда кеңейеді. Айырмашылық 6 см-ге дейін болуы мүмкін.

Блог - MERmukhanov: Астана - әлем картасында: таңғаларлық 20 дерек
111-метрлік мемлекеттік ту көтерілген
Алғаш рет ту 2012 жылы Мемлекеттік рәміздер күні көтерілді. Жалауының ауданы 450 кшаршы метрді құрайды. Қаланың көп жерінен оңай көруге болады.


Әлемдегі ең үлкен сфералық ғимарат
«ЭКСПО-2017» көрмесінің сәулеттік символы саналған ғимарат – «Нұр Әлем» павильоны. Бұл ғимараттың диаметрі 80 метр, биіктігі 100 метр, ал жалпы ауданы 22000 шаршы метр. Көрем кезінде еліміздің тарихы, мәдениеті, көрікті жерлері, соңғы жетістіктерімен таныстырған бұл айрықша нысан энергия түрлерін паш еткен ғылыми нүктеге де айналды. «Нұр Әлемді» салуға 13 000 тонна металл пайдаланылды, ал шардың беті 2 800 шыны панельмен қапталған.
Жалпы, EXPO-2017 көрмесі өткен 3 айда әлемнің 178 елінен 4 млн адам келіп қатысты. Барлық павильондардфы қарап шығу үшін 96 сағат керек еді.


Блог - MERmukhanov: Астана - әлем картасында: таңғаларлық 20 дерек
5 жылда — 30 үздік қалаға
2003 жылы, яғни елорда болғаннан 5 жыл кейін астанамыз Moody’s Investors Service әлемдік рейтингілік агенттіктің нұсқасы бойынша, дүние жүзінің ең үздік 30 қаласының қатарына енді.
Әлемге таңсық боларлық біз жинаған 20 факті осы. Бұл да елорданың ерекше 20 қыры. Ал сен астанамыз туралы қандай ерекше, көпшілікке беймәлім дерек білесің, оқырман?

Мамыражай шаһардың 20 фотоқыры: әуесқой фотографтың көзімен

Астана — бейбітшілік пен тыныштықтың қаласы десе, әркім әртүрлі қабылдайды. Әртүрлі елестетеді. Әртүрлі сезінеді.
Біреуге бұл 100-ден аса ұлт пен ұлыстың мерекелі думаны.
Біреуге теңдессіз Бейбітшілік пен келісім сарайына жиналған әлемдік және дәстүрлі дін өкілдерінің бас қосуы.
Біреуге Астананың әлем қалаларымен, өзінің 10-дан астам бауырлас қаласымен қарым-қатынасы.
Енді бәзбіреу EXPO болсын, Азиада болсын, ірі шараларды өткізіп, дүние жүзінің көп жұртының елорда қырларына куә болғаны дер. Басқаға алуан театр мен Cirque du Soleil, Бадди аюлары мен Наполеон көрмесінің келуі болар. Мұның бәрі — әлемге жолданған рухани хат. Мұның бәрі — тәуелсіздіктің төлдері. Мұның бәрі...

Мұның бәрі — бейбіт замандағы мамыражай өмірдің жемісі. Мен үшін, және менің әуесқой фотосуретші құрбым Дария Жақыпова үшін бейбітшілік пен келісім дегеніміз — жай ғана қала өмірі. Адамдар және қарбалас. Заманауи құралдың айнасына бедерленіп түскен мимырт және мамыражай кадрлар. Құрбымның айрықша фототоптамасымен бөлісуді жөн деп таптым.


Ана мен бала


Ашық аспан, ару қыз


Демалысың белсенді, түсірме еш еңсеңді


Қалалық пейзаж


Кешқұрым


Күн батыстан батқанда


Қарапайым урбанистика


Сезімі шоқ қала

Бейбіт күнің мәңгі болсын, Елордам!


Астана және адреналин

Астана ауа-райы да, адамдары да суық, жұмыс пен үйдің арасындағы жалықтыратын, қажытатын қала дегенді құлағым жиі шалады. Бір қарағанда солай да сияқты. Кеңсеге лайық киінген, қабағы қату, түрі сұсты адамдар жұмысқа асығып кетіп бара жатады, асығып қайтып келе жатады. Бірақ жұмысбасты қаланың да қыдыратын кезі, көңіл көтерін сәті, қызық іздеп, қорқыныш құшағына сүңгитін мезеттері көп.

Адам адам болып жаратылғандықтан да өзіне өзі бір челлендждер ойлап тауып, оны еңсергеннен рахат тауып өмір сүрмей ме?! Әрине актив демалысты жұмсақ диван немесе салқын сыраға өлсе де айырбастағысы келмейтіндер де мыңдап табылады. Бірақ бұл пост ондайларға арналмаған. Бұл пост — адреналиннің порциясы болмаса, бесінші нүктесі тыныш таппайтын, жүрегі соқпай, миы істемей қалатын энерджайзерлерге арналған.

Астана әлем картасында құр әдемі қала ғана емес, тұрғындары әрі білімді, әрі мәдениетті, ештеңеден қорықпайтын, бар нәрсеге ашық шаһар ретінде белгілі болғанын қалар едім. Шүкір, елордамыз жылдан жылға оған да жақындап келе жатқан сияқты. Әрісі қаланың әлеуметтік-экономикалық даму динамикасын былай қойғанда адреналин іздеген адамдарды қанағаттандыратын қызықтарымен де мойындалаған озық шаһарларды өкшелеп келеміз.

Сонымен адреналиннің кезекті порциясы керек болғанда қайда барған жөн. Астанадан алысқа кетпейтін бес түрлі вариантты қарастырып көрейік.

5. Марафон, дуатлон, триатлон
Байқасаңыз соңғы жылдары Астанада жүгірушілер, жүзушілер және велошабандоздар саны күрт артты. Мақтанып қояйын — біреуі мен. Әдепкіде екі шақырымнан кейін өкпесі қысылып, бүйірі шаншып, тізесі қақырап қалатын Маралбек қазір біреулерді вокзалға апарып салып, тура он шақырым жердегі үйіне 50 минутта қиналмай жүгіріп келе алады. Енді адреналин қайда дейсіз ғой. Адреналин жарыста. Әрине, ресми жарыста жүлдеге іліну мүмкін емес, бірақ әр жаңасы сайын, тіпті әр жаттығу сайын бұрынғы жетістігіңді жақсарта түсу адреналинді де, эндорфинді де көбейтеді. Қысқасы, кемі бір ай тұрақты жүгіріп көрмейінше түсінбейтін де шығарсыз. Ал бір бастасаңыз тоқтай қоюыңыз екіталай.

Блог - Marco: Астана және адреналин

Астана марафоны, Ironman секілді жарыстар қатыссаңыз орасан адреналинге көміп тастайтыны хақ. Мен де әлі қатысып көргем жоқ. Бірақ жоспарда бар.



4. Картинг
Келісем, жүгіру біреуге ит әуре болып көрінуі де мүмкін. Адреналин деп жүріп, сағаттап жүгірудің не қажеті бар дерсіз. Жақсы. Онда картингке бара қойыңыз. Отырып алып, кайф алатын тамаша вариант.

Блог - Marco: Астана және адреналин

Астанада мен білетін екі карт трек бар. Мұндағы машиналардың жылдамдығы сағатына алпыс шақырымға дейін жетеді. Бұрылыстарда 45 шақырым. Машина айдайтын болсаңыз, жылдамдықты шамамен түсініп отырған шығарсыз. Оның үстіне бұл жерде де сіз біреумен жарыса аласыз. Ал кез келген жарыс, әсіресе жеңіс адреналинді еселей түседі. Ал бағасы 1500-5000 теңге арасы.



3. Авто/мото спорт
Картинг баланың ойыншығы деп ойласаңыз, әлдеқайда салмақты сынға қалай қарайсыз? Мотоцикл немесе автомобиль айдау былай да оңай емес, ал мотокросс немесе дрифтке қатысатын болсаңыз ұмытылмас әсерге тойып алатыныңыз сөзсіз.

Блог - Marco: Астана және адреналин

Астана көшелерінде жүйткіп жүрген автомобильдерден tri-mira.kz деген лейблдарды көрдіңіз бе? Осы фирма қалада мото және автоәуесқойлардың (профилердің де) жарыстарын өткізіп тұрады. Ралли, драг-рейсиң, дрифт, джимхана… жарнасын төле де таңдағаныңа қатыс. Бірақ көлік өзіңнен. Бұл жағы аздап қиындық тудырады. Сылтау іздегендер «Машинаны қайдан алам»,- деп жатқан диванында әрі аунап түскен шығар. Құрығанда видеосын қарап көр.



2. Роуп Джампиң
Бұл жерде машинаның керегі жоқ. Батылдық болса жеткілікті (ауылда "*өтің тұрса" дер еді).

Блог - Marco: Астана және адреналин

Роуп Джампиң деген арқанға оранып алып, биіктіктен секіру. Астанада 45 метрден төмен құлдилайтын мүмкіндік бар. Аса биік емес. Бірақ жүрегің аузыңа тығылатындай қобалжуды сезінетініңізге кепілдік менен. Осыны жазып отырып-ақ, табаным мен алақанымның ылғалданып бара жатқанын сезіп отырмын. Есіңізде болсын, бұл қауіпті іс, сондықтан сыраны да, басқа алкогольді де қоя тұруға тура келеді. Кеше ішсең де, бүгін секіртпей қоюы мүмкін.



1. Парашют
45 метр дегеніміз 15 қабатты үй. Ондай биік сияқты емес пе? Онда 800 метрге қалай қарайсыз?

Блог - Marco: Астана және адреналин

Астананың іргесінде Северный деген аэродром бар. Ал онда Астана парашют спорты федерациясының базасы бар. Салмағы 45 пен 90 келінің арасындағы жасы 18-ден асқан кез келген адам сол жерге барып, парашютпен секіре алады. Алдымен екі сағат дайындықтан өтесіз. Қалай секіру керек, негізгі парашют ашылмай қалса не істеу қажет, қалай қонған жөн, парашют сүйреп кетсе не істейсіз… шындығында бұл жерде сұрақ та, күдік те, қорқыныш та көп. Инструкторлар осының бәрін түсіндіреді, арнайы платформадан секіртеді. Содан кейін ұшаққа отырғызады да, 800 метрге жеткен соң шығуды бұйырады. Білесіз бе, әуеге ұшақпен көтеріліп, өз аяғыңмен қонғанның әсері бөлек екен. Бәріңізге бір рет көруге кеңес берем.


Астананың өзі секілді Астанадағы эктрим спорт түрлері де даму үстінде. Бірақ бізде бір үлкен артықшылық бар. Ол баға. Қай қайсысының да құны салыстырмалы түрде шетелдегілерден әлдеқайда арзан. Бұл біріншіден өзімізге, екіншіден Астанаға келген шетелдіктерге жақсы мүмкіндік. Біз де, олар да жаңа тәжірибе, жаңа эмоция жинай аламыз. Ол өз кезегінде Астананың адамзат санасындағы, әлем картасындағы орнын бекіте түседі.

Астана – Елбасының тарихи қолтаңбасы

20 жылдың ішінде Астана әлем елдерін өзіне қаратқан ең жас, бұтағы бәйтеректей жайылып ең жылдам өскен, ең тез дамыған, ең әдемі астаналардың біріне айналды.
Блог - rakisheva: Астана – Елбасының тарихи қолтаңбасы

«Бәйтерек» монументі. Елбасы Н.Ә.Назарбаевтың сызбасы.

БҮГІНГІ АСТАНА -

Астана – бұл Елбасының тарихи қолтаңбасы!
Астана — бұл мемлекеттік қуаттың сәулеттік көрінісі!
Астана — бұл қазақтың мерейі, мәртебесі!

Блог - rakisheva: Астана – Елбасының тарихи қолтаңбасы
Бір кезде сары дала болып жатқан Сарыарқаның кең даласында бұл күні миллион адам тұрады, ал 20 жылда дала көздің жауын алар жауһауларға толды. Бүгінгі постымда 20 жасқа толып жатқан Астананың келбетін көрсеткім келеді.

Айта кетерлігі, бұл посттағы 100 пайыз сурет анимацияланған. Сондықтан, тінтуіріңізді оңға-солға, жоғары-төмен айналдырып қараңыздар :)
cdn.knightlab.com/libs/juxtapose/latest/embed/index.html?uid=c8678e84-5a38-11e7-b2ae-0edaf8f81e27
Ендеше кеттік! Қарайық! Тамсанайық! Пікірімізбен бөлісе отырайық!
Блог - rakisheva: Астана – Елбасының тарихи қолтаңбасы

cdn.knightlab.com/libs/juxtapose/latest/embed/index.html?uid=d323606e-5a29-11e7-b2ae-0edaf8f81e27
Жалпы аумағы 722 шаршы шақырымнан астам жерді алып жатқан Астанада еліміздегі ынтымағы жарасқан түрлі ұлт пен ұлыс өкілдері, барша обыстардан қоңыс аударған қазақстандықтар және қызмет бабымен шетелден келген азаматтар тату-тәтті, береке мен бірлікте өмір сүріп жатыр.

АҚОРДА
cdn.knightlab.com/libs/juxtapose/latest/embed/index.html?uid=9373a18a-5a39-11e7-b2ae-0edaf8f81e27
Осыдан 17 жыл бұрын, яғни 2000 жылы қала құрылысы ансамблінің композициялық және мазмұндық орталығы болып Елбасының резиденциясы «Ақорда» бой көтерді.Еуропа мен Қазақстанның белгілі сәулетшілері «Ақорданың» жобасын жасау барысында даму үстіндегі елдің қуаты мен қарқынын білдіретін қайталанбас бірегей кешен құруды өздеріне міндетке алды.Олардың қатарында еуропалық әйгілі дизайнерлер М.Гуалаци мен А.Мольтени болса, ішкі көріністі ұлттық мәнерде орындау академик Қ.Монтақаевтың кеңесімен жүргізілді. Аса маңызды мемлекеттік нысанды салу үшін 26 ұлт өкілдері және әлемнің ондаған елінің мамандары мен жұмысшылары еңбек етті.
Қазақстан Республикасы Президентінің жаңа резиденциясының ресми тұсаукесері 2004 жылғы 24 желтоқсанда өтті. Ғимараттың жалпы ауданы – 36 720 шаршы метр. Ғимарат құрылыстағы ең соңғы заманауи әдістер мен озық инженерлік құрылғыларды қолдану арқылы монолиттік бетоннан тұрғызылған. Үшкір төбесімен қоса алғандағы ғимарат биіктігі – 86 метр.

БӘЙТЕРЕК
cdn.knightlab.com/libs/juxtapose/latest/embed/index.html?uid=5a228060-5a3c-11e7-b2ae-0edaf8f81e27
2002 жылы Астананың төрінде «Бәйтерек» монументі бой көтерді. Бұл монумент қазақ елі тамырын жеті қабат жер астында жатқан мәуелі бәйтеректей тарихы тереңде жатқан ел екенінің дәлелі іспеттес етіп салынған. Тамырым менің тереңде, жапырағым биікте, әлі де өсеміз, өркендейміз деген ұғымды береді. Биіктігі 97 метр. Бұл ХХ ғасырда дәл осы жылы қазақтың елордасы Ақмоладан шаңырақ көтергендігін сипаттайды.

АСТАНА ЗАҢҒАРЫ
cdn.knightlab.com/libs/juxtapose/latest/embed/index.html?uid=b2b6898a-5a3f-11e7-b2ae-0edaf8f81e27
«Астана заңғарының» сыртқы бейнесі Мәскеуде 50-ші жылдары салынған зәулімдерге ұқсауы бекер емес. Себебі бұл нысан екі ел арасындағы мәңгілік достық пен ынтымақты бейнелейді.Заңғар 39 қабаттан тұрады, оның 36 қабаты тұрғын үй. 12 орам бар, жетеуі мекенжай болса, қалғандары тұрғындарға қызмет көрсететін арнаулы орындар: жоғары талғаммен салынған түрік, фин, орыс моншасы, мұз айдыны мен бассейн, сауда орталығы, дәрігерлік пункт, жер асты көлік тұрақтары мен қоймалар.

«ДУМАН» ОЙЫН-САУЫҚ КЕШЕНІ
cdn.knightlab.com/libs/juxtapose/latest/embed/index.html?uid=d91463fa-5a57-11e7-b2ae-0edaf8f81e27
Астана елордалар ауысуының батыл қадамы ғана емес, тың сәулетшілік идеялар мен нақты шаралардың қаласы. Шаһар бүгінде небір өткір ойлар мен таңқаларлық нәтижелерің шаһарына айналған. Мұның жарқын дәлелдерінің бірі ретінде «Думан» ойын-сауық кешенін айтуға болады.Ол шын мәнінде Ұлы Даладағы мұхит тамшысы, жаһандық айдынның Астанаға жеткен толқыны.Кешеннің басты мақтанышы – тропикалық бақтары бар Мұхитарал. Ондағы аквариумның жалпы аумағы – 13 252 шаршы метр. Нысан ТМД көлемінде ең бірінші болып ашылған. Мұнда Оңтүстік Америка және оңтүстік-шығыс Азиядағы тұщы сулардың, жағалау маңдарының тұңғиықтар мен маржан рифтердің жәндіктері тіршілік етуде.Мұхитарал түбі жылжымалы жолмен және қалыңдығы жеті сантиметрлік акрил шынысынан жасаған 70 метрлік дәлізбен жабдықталған. Көлемі үлкен екі көрме залына аумағы көлемі әртүрлі 11 аквариум қойылған. Осы су асты әлемінде 100 түрлі 2500-дей балық бар. Олар – акулалар мен теңіз алабұғалары, үлкен патша балықтары, жарқанатбалықтар, үйірімен жүретін балықтар, теңіз жұлдызшалары, шаяндар.Теңіз мекендеушілері 3 миллион литр суда тіршілік етеді. Ашылған жылдары Мұхитаралдағы осыншама су қорын теңіз суының құрамына жеткізу үшін 120 тонна теңіз тұзы қолданылған. Аквариум-океанариумның күнделікті тіршілігін арнайы қондырғылар реттеп отырады.Мұхитаралды аралау шектелмеген, сондықтан қонақтардың блықтар мекендйтін Аквариумдағы мекендеушілердің күнделікті тіршілігін ұзақ уақыт тамашалауға мүмкіндігі мол. «Думан» ойын-сауық орталығы ғимаратында орналасқан 3D кинотеатр, дәмханалар тізбегі мен сауда залдары, «Джунгли» аниматроникстер театры Астананың тағы бір ғажайып мақтанышына айналып үлгерді.

"ҚАЗМЕДИА" ОРТАЛЫҒЫ
cdn.knightlab.com/libs/juxtapose/latest/embed/index.html?uid=d0bb32c6-5a41-11e7-b2ae-0edaf8f81e27
"Қазмедиа" орталығы телерадиоарналардың ақпараттық кеңістікте сапалы және бәсекеге қабілетті өндірісінде ағымдағы және келешектегі барлық талаптарын қанағаттандыруға мүмкіндік туғызатын, мемлекеттік хабарлар тарататын басты технологиялық алаң. Медиа орталықта бүкіл қаладағы кварталдарды, көшелер мен үйлерді телевизиялық декорация жасауға, телевизиялық бағдарламалар мен жаңалықтарды түсіру үшін студияны құрастыруға мүмкіндік беретін телевизиялық сериалдар өндірісі үшін аппараттық-студия орнатылған. Кешенде симфониялық оркестрде орындалатын шығармаларды жазып алуға арналған, киноконцерт кешенімен, халықаралық деңгейдегі іс-шараларды өткізу үшін синхронды аударма жүйесімен жабдықталған үлкен концерт залы орналасқан. Ал 22-қабатында қаланың панорамалық көрінісін пайдалана отырып, тікелей эфир жүргізетін және бағдарламалар жазуды ұйымдастыруға қолайлы екі панорамалық студия (SkyStudio) тәулік бойы радиохабарларын тарату және аудиоконтент кешені, спутниктік телепром орналасқан. «Қазмедиа орталығының» барлық технологиялық алаңы әлемдік жетекші өндірушілердің жаңа өнімдерімен жабдықталған. Кешеннің өндірістік базасын бірыңғай заманауи технологияға және айқындығы жоғары форматқа сай келтірілген.

«МӘҢГІЛІК ЕЛ» САЛТАНАТ ҚАҚПАСЫ
cdn.knightlab.com/libs/juxtapose/latest/embed/index.html?uid=04916b28-5a43-11e7-b2ae-0edaf8f81e27

Салтанат қақпасының биіктігі – 20 метр. Бұл- Қазақстан тәуелсіздігінің 20 жылдығының айғағы. Арканың ішкі тұсында өрілген баспалдақпен Шолу алаңына шығуға болады. Арканың өң бойы қаақтың ою-өрнегімен бедерленген. Төрт босағасына төрт мүсін орналастырылған. Олардың барлығы Қазақ елінің сан ғасырлық тарихында өлшеусіз үлес қосып, ерен еңбек сіңірген адамдардың жинақталған сипаты. Бірі – даналық пен парасатталық нышаны – ақ сақалды ата болса, екіншісі – мейірімділік пен бауырмалдықтың белгісі – ақ жауалықты ана бейнесінде. Үшінші және төртінші мүсіндер ұлан-ғайыр жерімізді атажауаларымыздан ақ білектің күшімен, ақ найзаның ұшымен қорғап қалған айбынды батырымызды дәріптейді. Қақпаның маңдайшасына Қазақстан Республикасының Мемлекеттік Елтаңбасы орнатылған. Ал бір бүйіріне бедерленетін тайқазан егемен еліміздің ешқашан сарқылмас ырысын бейнелейді. Тайқазанның үстіне ілінген қалқан – қарсы келгенді қасқайып қарсы алатын қаһармандықтың белгісі. Ішкі қабырғасындағы ойықта әр дәуірдегі қазақ елінің даму белестері бедерленіп жазылған. Тәуелсіздіктің заңдылық тұғыры –Қазақстан Республикасының Тәуелсіздік Декларациясы, Ақорда мен Бәйтеректің бейнелері басылған.

«ИСЛАМ МӘДЕНИ ОРТАЛЫҒЫ»
cdn.knightlab.com/libs/juxtapose/latest/embed/index.html?uid=ca7ee68a-5a43-11e7-b2ae-0edaf8f81e27
1999 жылдың сәуір айында Тәуелсіз мемлекетімізге тұңғыш рет ресми сапармен Катар мемлекетінің Әміршісі Хамада Бин Халифа келген болатын. Қазақстан Республикасының Президенті Нұрсұлтан Назарбаевпен жоғары деңгейде өткен кездесу барысында Астанада Ислам мәдени орталығын салу жөнінде келісім жасалды. Катар мемлекетінің басшысы Бас мешіттің құрылысы үшін Қазақстанға қайтарымсыз 6840000 АҚШ доллары көлемінде қаржы бөлуге уәде берді. Астана қаласының әкімдігі Есілдің сол жақ жағалауынан мешіт құрылысына 6,225 га жер бөлді. 2002 жылдың тамыз айында бас мердігер – «Пансинер Эндустрель Тэсислер Санаий ВеТиджарет АШ» түрік компаниясының қазақстандағы филиалы мешіт құрылысын бастады. «Астана – жаңа қала» еркін экономикалық аймағында инвесторлар мен құрылысшылардың қарқынды жұмыстарының нәтижесінде 2 жыл 7 ай мерзім ішінде Бас қаланың Бас мешіті пайдалануға берілді.2005 жылғы наурыз мерекесі күні ғимаратты Қазақстан Республикасының Президенті Нұрсұлтан Назарбаев ашты. Қазақстан мұсылмандар діни басқармасының шешімімен ғибадатханаға «Нұр-Астана орталық мешіті» деген ат берілді. «Нұр-Астана» мешітінің жобасын ливандық сәулетші Чарльз Хазива жасады. Мұнда бір мезгілде 5000 адам намазға тұра алады. Алып ғибадатхананың архитектуралық ерекшеліктері лен мақтаныш сезімін тударады. Бас күмбезінің биіктігі – 43 метр, аспанға тік шаншылған төрт мұнарасының әрқайсысының биіктігі – 63 метр. Бұдан басқа 25 кіші күмбездері және бар. Ал мешіттің орналасқан жер көлемі 6,3 гектарды құрайды. Ғибадатханың жалпы алаңы 3930 шаршы метр. Бөлек жабдықталған ерлер мен әйелдердің намаз оқитын залдарынның аумағы 2 мың шаршы метрдей.

«БЕЙБІТШІЛІК ЖӘНЕ КЕЛІСІМ САРАЙЫ»
cdn.knightlab.com/libs/juxtapose/latest/embed/index.html?uid=600d3160-5a45-11e7-b2ae-0edaf8f81e27
2003 жылы Елбасы Астана қаласына Әлемдік және дәстүрлі діндер көшбасшыларының Бірінші съезінде көтерген бастамасының жарқын көрінісі ретінде Бейбітшілік пен келісім сарайы салынды.Сыртқы пішініне қарап жергілікті халық «Пирамида» деп атап кеткен Бейбітшілік пен келісім сарайы – ұлтаралық және конфессияаралық тұрақтылықтың, халықтар достығының өзіндік нышаны тәрізді. 2006 жылы қыркүйек айында шаңырақ көтерген бұл сарай шындығында да Египеттің даңқты пирамидаларына ұқсайды.Сарайдың сәулет жобасына халықаралық байқау жарияланды. Байқауға мейлінше қатаң талап қойылды, соған сәйкес ұсынылған жобалардың талайы талғамнан шықпай қалды. Төрт турдан соң ғана жеңімпаз анықталды. Есімдері әлемге танылған көптеген сәулет шеберлерінің арасынан ағылшын Норман Фостер үздік шықты.Британия сәулетшісі ұсынған идея әрі тосын, әрі таныс еді, ол пирамида үлгісін таңдаған. Бұл идеяны қостағандар «мәңгілік» ұғымына мән берді. Египет пирамидаларының мәңгілік нышанына айналғанын әлем мойындайды. Ендеше осы құдіретті тоғыстыру ұтқырлық та, көрегендік те.Фрстердің пирамидасы осындай терең астарлы бола отырып, қазіргі заманғы кескін табуға тиісті. Сәулетші мұны жете ескерген.Пирамиданың керегесі берік, салмақ түскенде майыспайтын, жуан металл трубаларынан керілген. Олар биіктей келе тот баспайтын бұрандалармен бекітілген де, алдын ала ойластырылған жоба бойынша кескінді өрнектер құраған.Зәулімнің ұшар шыңы шынымен көпкерілген, сол жерден төгілетін күн сәулесі пирамиданың барлық кеңістігін нұрландырады. Жарық төменгі техникалық қабатқа да түседі.Сарайдың ішкі жоспарлау мәнері де өзгеше. Ғимарат төменнен жоғарыға қарай бес қабатқа бөлінген. Бірінші қабатқа көп қырлы, 1500 орынды зал орныққан. Мұнда алуан түрлі басқосулар: халықаралық деңгейдегі съездер мен конференциялар шақыруға, ойын-сауық, сахналық думандар, опера-балет қойылымдарын ұйымдастыруға болады. Залдың акустикасы айрықша, осында отырып көне грек амфитеатрларында тұрғандай сезінесің.Бесінші қабатта, пирамиданың биігінде әлемнің төрт құбыласын білдіретін төрт көтерген ақшаңқан дөңгелек күмбезшенің астында 200 орынды көркем зал көз тартады. Әлемдік және дәстүрлі діндер жетекшілерінің кейінгі форумдары осы жерде Республика Президентінің қатысуымен өтеді.

"ӘЗІРЕТ СҰЛТАН" МЕШІТІ
cdn.knightlab.com/libs/juxtapose/latest/embed/index.html?uid=f0bc2c02-5a45-11e7-b2ae-0edaf8f81e27
"Әзірет Сұлтан" мешіті Қазақ ұлттық университеті, Бейбітшілік пен келісім сарайы, Тәуелсіздік сарайы, «Қазақ елі» монументі орнатылған елорданың солтүстік-шығыс бөлігіне орналасқан.Мешіт жобасы қазақтың дәстүрлі ою-өрнектері мен сәндік элементтері қолданыла отырып, классикалық исламдық стильде орындалған. Ғимараттың жалпы аумағы – 17,7 мың шаршы метр. Мешітте ғибадатхана залдары, дәрет алуға және неке қиюға арналған бөлмелер, Құран оқуға және оқу-ағартушылық топтың сабақ оқуына арналған залдар бар. «Әзірет Сұлтан» мешітінің үлкен залына бес мың адамға дейін адам еркін сияды. Бас күмбезінің биіктігі – 51 м., диаметрі – 28,1 м., мешіттің төрт мұнарасының биіктігі – 77 м. Жаңа мешіт заманауи әлемдік архитектуралық тәжірибенің барлық талаптарына жауап береді.

ҚАЗАҚСТАН ОРТАЛЫҚ КОНЦЕРТ ЗАЛЫ
cdn.knightlab.com/libs/juxtapose/latest/embed/index.html?uid=c44f6290-5a47-11e7-b2ae-0edaf8f81e27
«Қазақстан» орталық концерт залы – заманауи технологияларға негізделген және түрлі көлемдегі іс-шараларды: мерекелік және ресми жиналыстар, отандық және шетелдік жұлдыздардың концерттері, конференциялар, тұсаукесерлер, жиналыстар мен көрмелерді өткізуге лайық қаламыздың Бас кешені. Астананың әкімшілік орталығында орналасқан ғимаратқа бірегей архитектуралық құрылысы жағынан да, көлемі жағынан да тең келетін нысанқаламызда, жалпы елімізде кемде-кем. «Қазақстан» орталық концерт залы – астаналықтар мен қала қонақтарына мәдени жағынан баюы мен бос уақытын тиімді өткізуіне сеп болатын демалу орны.

«ТӘУЕЛСІЗДІК» САРАЙЫ
cdn.knightlab.com/libs/juxtapose/latest/embed/index.html?uid=52ec28f8-5a48-11e7-b2ae-0edaf8f81e27
Қазақстан Республикасының тұңғыш Президенті Нұрсұлтан Назарбаев ресми түрде тұсауын кесіп, есігін ашқан «Тәуелсіздік сарайы» еліміздің Тәуелсіздігі мерекесінің 17 жылдығы қарсаңында шаңырақ көтерді. Он жылды ойқастай өтіп, әлемге атын әйгілеп үлгерген жас астананың төрінде ТМД елдерінде салына қоймаған сәулетті Сарай тұрғызу, оны тәу етер жалғыз киеміз – Тәуелсіздікке арнау – Елбасының идеясы. Енді, міне, сол ой-арман ақиқатқа айналып, «Қазақ елі» монументінің заңды жалғасы ретінде қазақтың керегесімен қоршалған алып Сарай да шаңырағын тіктеп үлгерді.Мұнда бір мезетте 4 мыңға жуық адам сыйып кететін жиналыс залы бар. Бұл залдың тағы бір таңқаларлығы – керек кезінде бір тетікті басу арқылы жылжымалы қабырғалар шығарып, төртке бөліп тастауға болады. Сөйтіп, алып бөлмесіз, шағын-шағын төрт залға айналдады. Акустикасы да заманауи технологиямен жабдықталып, соңғы ғылыми жетістіктермен жарақтанған Үлкен зал кез келген халықаралық дәрежедегі басқосулар мен конференцияларды ұялмай ұйымдастыруға таптырмас орын.Екінші қабатқа өнер мұражайы орналасқан. Сонымен қатар, тәуелсіз Қазақстанның тарихына жасалған шағын дерекнамадан да көптеген мағұлымат алып, көкірек көзіңіз ашыла түседі.Осыдан кейін үшінші қабатқа көтерілсеңіз, «Астана: кеше, бүгін, ертең...» атты тағы да бір кереметке тап боласыз. Мұнда Елорданың есте жоқ ескі замандардан бастап, бүгінге дейінгі тарихын, қалаберді, келешегі туралы да көп мағұлымат аласыз. Көрмені көзайым қыла жүріп, тағы бір ғажайып жобаны көзіңіз шалады. Ай санап емес, күн санап жетілген Астанамыз алақанға салып қойғандай көз алдыңызға жайылады. Оңтүстік Кореяның «Model Park» деп аталатын компаниясының 600 есе кішірейтіп жасаған Астана макеті Елордамыздың қаншалықты әсем де көркем, сымбатты да сұлу екенін паш ететіндей. Макетке қарап тұрып, сүйікті қалаңды құшағыңа басқын келеді.Макеттен өтіп, алға қарай оза түссеңіз, 4D кинотетры есігін айқара ашады. Мұнда техниканың соңғы үлгісімен жабдықталған 45 орынжы зал орналасқан.

"ҚАЗАҚ ЕЛІ" МОНУМЕНТІ
cdn.knightlab.com/libs/juxtapose/latest/embed/index.html?uid=96dd65fe-5a48-11e7-b2ae-0edaf8f81e27
Еліміз еңсесін тіктеп, егемендік алғалы бері тәуелсіздікке тәбәрік етер мұндай монументтер саусақпен санарлық қана. Бірақ, дәл осындай күрделі композициялық мәнге ие сәулетті-мүсін кешені бұрын-соңды тұрғызылған емес. Жылпы аумағы 5,2 гектар жерді алып жатқан бұл ескерткіштің ел тарихынан алар орны ерекше. «Қазақ елі» — халқымыздың көне тарихы, мәдениеті мен жетістіктерін әспеттейтін ауқымды кешен. Монументтің ұзындығы 91 метр. Бұл елеміздің тәуелсіздік алған жылын білдіреді.Оның ұшар басына Самұрық құсы қонып тұр. Бұл тәуелсіз Қазақстанның дамуға, гүлденуге ұмтылған ынта-жігерін бейнелейді.Сондықтан алып сәулетті-мүсін кешенінің «Қазақ Елі» атануы да тегін емес. Бұл – тәуелсіздік символы. Бойына қазақ елінің өткені мен бүгінін топтастыруға тырысқан композициялық мазмұны мол кешен әйгілі ақ мәрмәрдан қаланған. Монумент Тәуелсіздік монументі ғана емес, халықтың рухының, халықтың мәңгілігінің, мемлекеттік тұтастығын, іргесінің беріктігін аңғартатын белгі.

«ХАНШАТЫР» ОЙЫН-САУЫҚ САУДА КЕШЕНІ
cdn.knightlab.com/libs/juxtapose/latest/embed/index.html?uid=d5551fde-5a48-11e7-b2ae-0edaf8f81e27
«Хан шатыр» орталығының 127 мың шаршы метр аумақты құрайтын жабық алаңы алты қабаттан тұрады. Құрылыс нысаны бүкіл әлемнің қызығушылығын өзіне аударды. Себебі, шатырды салу барасында көптеген технологиялар мен материалдар әлемдік тәжірибеде тұңғыш рет пайдаланылған.Нысан құрылысын ағылшындық «Foster & Parther» фирмасы жобаласа, негізгі құрылыс жұмыстарын жүргізген түріктің «Sembol Insaat» құрылыс компаниясы.Хан шатыр қала ішіндегі қала іспетті. Мұндағы климат та өзгеше, температура ішкі автоматика арқылы реттеледі. Арнаулы жапқыштар мен желдеткіш қондырғылар Сарыарқаның құбылмалы ауа-райында кешен температурасын бірқалыпты ұстап тұруға мүмкіндік береді.Монако, Гонконго, Париж, Берлин, Жапонияның Сигай қалаларында кездесетін жасанды жағажай «Хан шатырдың» жоғарғы қабатында орналасқан. Мұнда түрлі климаттық белдеулерде өсетін жасыл желектің түр-түрін кездестіресіз. Шатыр күн сәулесін өзіне барынша сіңіретін қасиетке ие. Ғимарат ішіндегі тал-теректер сол сәуле арқылы жайқала өсіп тұр. Мұндағы пальмалар мен бұрын-соңды біз көрмеген ағаш түрлерін Испания, Италия, елдерінен әкелген. Жасанды жағажайда суға түсетін үш бассейн бар. Толқынды бассейнге түскен жан кәдімгі теңіз толқынында жүріп жүргендей әсер алады. Ал, балалар бассейніне су сырғанақтары орнатылған. Су жылы, аса терең де емес, бір жарым метрдей. Бұл бассейнге ьүгінгі күні 100-ге жуық адам келеді. Суға түсуден бөлек, жағажай құмында футбол, волейбол ойнауға болады. Ол үшін арнайы алаң қарастырылған. Тамақтану орындары, киіну бөлмесі бар. Теңіз суына түсіп, құмына қыздырынып жатуды армандап жүрген жандар үшін бұл ара таптырмайтын демалыс орны.Бұдан бөлек мөлдір шатыр күмбезі астында гольф ойнауға арналған алаңқай, шағын көлшік, тропикалық және ботаникалық бақтар, бүркенішті жағажай, концерт залдары, түнгі клуб, кинотеарлар, сауда орталығымен қоса 5 жұлдызды қонақ үй жайғасқан. Бұларға 700 орында ішкі автотұрақты қосыңыз. Сонымен қатар бұл жерде бір мезгілде 10 мыңнан астам адам бола алатындығын айта кету жөн. Кешен бүгінгі күні әлемдегі аса ірі сауда орталықтарының бірі аталып отыр.

"ҚАЗАҚ ҰЛТТЫҚ ӨНЕР УНИВЕРСИТЕТІ
cdn.knightlab.com/libs/juxtapose/latest/embed/index.html?uid=1216f780-5a49-11e7-b2ae-0edaf8f81e27
Қазақ Ұлттық өнер университеті 1998 жылы 31 наурызда ҚР Үкіметінің қаулысымен Астана Қазақ ұлттық музыка академиясының негізінде құрылды.Республикамыздың солтүстік аймағында жоғары музыкалық оқу орнын ашу идеясын Президент Нұрсұлтан Әбішұлы Назарбаев ұсынған болатын. Өнер саласындағы жаңа жоғары оқу орнының алдына маңызды міндеттер қойылды, ол – Астана қаласы мен солтүстік аймақтардың музыкалық инфрақұрылымын жоғары кәсіби мамандармен қамтамасыз ету. Жас Астана қалыптасқалы оның мәдени өмірін қамтамасыз ететін, болашақта оның рухани негізін құрайтын әртістер мен музыка мамандары, орындаушы ұжымдардың қажеттілігі арта түсті. Музыка академиясының ашылуы осы мәселелерді шешудің бірден-бір жолы болды.Қазақ ұлттық музыка академиясы ҚР халық әртісі, профессор Айман Қожабекқызы Мұсақожаева басқарды. Айман Қожабекқызы – әлемдік музыка кеңістігінде танымал қазақстандық скрипкашы. Ректордың табысты жұмыстарының арқасында 2009 жылы 12 қазанда ҚР Үкіметінің қаулысымен «Қазақ ұлттық муызка академиясы» жаңа мәртебеге ие болып, «Қазақ ұлттық өнер университеті» атауын иеленді. Енді университет дамудың жаңа сатысына шықты.

ЦИРК
cdn.knightlab.com/libs/timeline3/latest/embed/index.html?source=1kI-EL9jg_YY6Gh41_LVS8QkXgSyuooDmb0kGevLxbqk&font=Default&lang=ru&initial_zoom=2&width=725&height=700
Астанадағы ерекше нысанның бірі бейнебір ұшатын тәрелкеге ұқсайтын астаналық циркғимараты. Цирк ашылысымен 2000 орындық жаңа ғимараттың ұжымы елордалықтарды тамаша өнерімен баурап алды. Цирк өнерін тамашалаған кішілер де, үлкендер де мәз-майрам. Африкалық жолбарыстар, ойнақшыған понилер, күлкі тудырар маймылдар мен сүйсінтер күшіктер өнері де балақайларды шаттандырып, езу жиғызбайды.Цирк барлық заманауи талапқа сай келеді. Арена диаметрі 13 метр, ал манеж алаңы керек кезінде мұз айдынына айналып шыға келеді.
Блог - rakisheva: Астана – Елбасының тарихи қолтаңбасы
Ал бүгін Астана, 20 жылдық туған күнінің қарсаңында әлем елдерін өзіне қаратқан, тамсандырған, Халықаралық ЭКСПО көрмесін абыроймен өткізген қалаға айналып отыр.

Ал бүгін, Қазақтанның жүрегінің туған күніне дәл 11 күн қалып отыр. Төмендегі таймлайнан Астана туралы 11 дерек оқи аласыз :)
cdn.knightlab.com/libs/timeline3/latest/embed/index.html?source=1sbPTtePLcZJ1-DOZglVQQncP48m_n7nmA-u_-br0hBE&font=Default&lang=ru&initial_zoom=2&width=800&height=500

Ендеше, 20 жылдыққа арналған мерекелік думанда кездескенше :)
cdn.knightlab.com/libs/juxtapose/latest/embed/index.html?uid=ee165ee8-5a5c-11e7-b2ae-0edaf8f81e27

Барлық жолдар Қазақстанның жүрегі, армандардың орындалатын қаласы Астанаға алып келсін *Angel*
__________________________________________________________________________________________________________
P.S. Материалды дайындау барысында «Астана» альбом-кітабының деректері пайдаланылды.
Материалда қолданылған барлық фото авторлары: АЙНҰР РАКИШЕВА\ ҒАБИТ МАДАЛИЕВ


«Бәйтерек» монументінің түрлі-түсті фотосы: Максим Рожин
«Бейбітшілік және келісім» сарайының жоғарыдан түсірілген фотосы: voxpopuli.kz

Астана - 20 шетелдіктің 20 фотосында

Астана- күннен күнге дамып, көркейіп келе жатқан жас қала. Қазақстанның заманға лайық жаңа астанасын салу идеясы Мемлекет басшысы Нұрсұлтан Назарбаевқа тиесілі.

Астана 1830 ж. Есіл өзенінің жағасында орыс әскерлері негізін қалаған бекіністен бастау алады. 1862 ж. Ақмола қала мәртебесін алды. 1962 ж. қалаға Целиноград атауы берілді. 1997 ж. егемен Қазақстанның Президенті Н. Назарбаев Жарлығымен елорданы Алматыдан Ақмолаға көшіру туралы шешім қабылдады. 1998 ж. 6 мамыр жаңа елорданың атау Астана болып өзгертілді.

Астана — туристердің де назарындағы қала. Келушілер жылдан-жылға көбеюде. Біз бүгін — Астанаға саяхаттап келген туристердің түсірген 20 суретін ұсынамыз.

Астана — ғаламшардағы ең суық астаналардың бірі, Моңғолия астанасы Ұлан-Батырдан жылы, Канада астанасы Оттавадан суық. Мысалға, канадалық Stephen Millar 2011 жылы қаңдар айында Астанадан мынандай суретті жариялапты %)

Блог - shota2030: Астана -  20 шетелдіктің 20 фотосында

Ал, испандық Eduardo Arostegui болса былтыр осы уақытта «Астана — үлен қала, барар жерлеріміздің арасы ұзақ. Көлік жалдауға шешім қабылдадық. Астана — Есіл өзенімен бөлініп, 1997 жылдан бері елдің астанасы болып табылады.» деп мына бойжеткеннің суретін жариялапты.

Блог - shota2030: Астана -  20 шетелдіктің 20 фотосында

Ал, ұлыбританиялық Wendy болса, 2008 жылы "қазақ мүсіні" деп мына суретті жариялап, Астанада болып жатқан құрылыс нысанын да бір кадрға сыйғызып жіберген екен.

Блог - shota2030: Астана -  20 шетелдіктің 20 фотосында

Америкалық Raymond Cunningham өткен ай Гулагтан сурет жариялаған екен.

Блог - shota2030: Астана -  20 шетелдіктің 20 фотосында

Басқа бір америкалық Peter Gorman болса, 3 жыл бұрын «киілетін мүкін» деп әзілдеп қойыпты %)

Блог - shota2030: Астана -  20 шетелдіктің 20 фотосында

Қазіргі таңда Астана дегенде еске Астана футбол клубы мен Astana Pro Team велоклубы еске түседі. Осыдан 5 жыл бұрын Alex Clark мынадай сурет жариялапты 8-)

Блог - shota2030: Астана -  20 шетелдіктің 20 фотосында

Ал, дәл сол жерден белгиялық Eric Lafforgue сол жерден "«ҚазМұнайГаз» ҰК-ның штабы" деп сурет салып, сәлем жолдапты.

Блог - shota2030: Астана -  20 шетелдіктің 20 фотосында

Тек қана ғимарат суретке түсіруге әуес итальяндық Lorenzo Zucchi екі жыл бұрын Астанадан осындай суретке өзінің архивынан орын берген екен.

Блог - shota2030: Астана -  20 шетелдіктің 20 фотосында

Ал, George Georgiev болса 2007 жылы «бетон джунгли» деп таңырқай әзілдеген екен.

Блог - shota2030: Астана -  20 шетелдіктің 20 фотосында

Французшадан аударылғанда "ғарыштық арман" атты қолданушы Rêves d'Espace екі жыл бұрын ұлттық архивтың жанынан сурет жариялаған.

Блог - shota2030: Астана -  20 шетелдіктің 20 фотосында

Кешкі Астанадан түрік Serkan Keskin айфонынан мынадай сурет жариялапты.

Блог - shota2030: Астана -  20 шетелдіктің 20 фотосында

Түнгі Астанаға кезек берсек, abalabana атты туристімізді Қаржы министрлігінен бұрын су шашып тұрған субұрқақ қызықтырған болу керек %)

Блог - shota2030: Астана -  20 шетелдіктің 20 фотосында

Жапон Akio 45 2010 жылы мынадай сурет жариялап, «Астана — түнгі қала» деп жазып қойған екен.

Блог - shota2030: Астана -  20 шетелдіктің 20 фотосында

Лондондық Jonathan Newell 2011 жылы Бәйтерек туралы «Мифтік Бәйтерек ағашына «Самұрық құсының» салған алтын жұмыртқасы» деп сурет салған екен.

Блог - shota2030: Астана -  20 шетелдіктің 20 фотосында

Австралиялық Lachlan Towart 2007 жылы Бәйтерек маңынан мынадай сурет жариялапты.

Блог - shota2030: Астана -  20 шетелдіктің 20 фотосында

Ал, 20018 жылы Бәйтерек ішінен неміс Florian Thein болса қазақ қызының суретін жариялаған.

Блог - shota2030: Астана -  20 шетелдіктің 20 фотосында

Америкада тұратын измирлік түрік Tan Yilmaz 2012 жылы википедиядан қазақшасынан көшіріп, фликрда «Нұр-Астана мешіті‎» деп қазақша аралас сурет салса, тайвандық бір қолданушы алдында тұрған домалақ шарға «НЛО-ға ұқсайды екен» деп әзілдеп кетіпті :)

Блог - shota2030: Астана -  20 шетелдіктің 20 фотосында

Ал, Сауд Арабиялық ahmed alhammad Нұр-Астана мешітін 2012 жылы басқа ракурста берген екен.

Блог - shota2030: Астана -  20 шетелдіктің 20 фотосында

Индианалық Dan биыл ғана «Отан-Ана» монументінен мынадай сурет жариялапты.

Блог - shota2030: Астана -  20 шетелдіктің 20 фотосында

Көптеген елге саяхаттаған Valentin Guidal 2016 жылы Астана аэропортынан осындай сурет жариялаған екен.

Блог - shota2030: Астана -  20 шетелдіктің 20 фотосында

Не дейміз? Келіп тұрыңыздар!

Өздеріңіз де байқағандай, шетелдіктер Астанадағы ғимараттарға және ерекше мүсіндерге қызығады. Яғни, осындай дүниелер көбейсе, шетелдіктер тағы да ағыла түсетініне сенім мол!

ЕЛОРДАДА «ТУҒАН КҮН-2018» РЕСПУБЛИКАЛЫҚ АРНАЙЫ ЖОБАСЫ ӨТТІ

17 маусым күні «Бейбітшілік және келісім сарайында» Азаматтық бастамалық қолдау орталығының ұсынған гранттары аясында Қазақстан Республикасы Дін істері және азаматтық қоғам минитсрлігінің қолдауымен «ТУҒАН КҮН-2018» республикалық арнайы жобасы өтті.

Кеште Жайдарманның танымал топтары өнер көрсетіп, көрермендерге көңілді кеш сыйлады. Олардың қатарында «Біріккен ұлттар құрамасы» (Астана), «Миллион» (Шымкент), «Тұран — Астана» (Астана), «Қызылорда құрамасы» (Қызылорда), «Боранқұл» (Маңғыстау), «Грант» (Орал), «ӨзенМұнайГаз құрамасы» (Жаңаөзен), «Элемент» (Семей), «Фемида» (Ақтөбе), «Байдың балалары» (Шымкент) болды.

Ал бұл топтарды жоғары лиганың тұрақты қазылары — Мади Манатбек, Сүндет Байғожин, Асxат Оралов, Нұрлан Өтешев және Геннадий Шиповскиx бағалады.
Ойын соңында «Жайдарман» сөзінің әр әрпіне сай номинациялар тағайындалып, командалар кубоктармен және димломдармен марапатталды.

Номинацияларға ие болған командалар тізімін ұсынамыз:
«Жігер» — «Элемент» (Семей);
«Айбын» — «Боранқұл» (Маңғыстау);
«Игілік» — «Миллион» (Шымкент);
«Дарын» — «Грант» (Орал);
«Алдаспан» — "Қызылорда құрамасы" (Қызылорда);
«Рух» — "ӨзенМұнайГаз" (Жаңаөзен);
«Мақсат» — «Тұран-Астана» (Астана);
«Абырой» — «Байдың балалары» (Шымкент);
«Намыс» — «Фемида» (Ақтөбе).

Ойыннан бір күн бұрын республикалық «Сенің жаңа қырың» спорттық акциясы аясында командалар арасында футбол ұйымдастырылды. Осылайша, жайдарманшылар ауқымды жобаға өз үлестерін қосты.
Блог - jaidarman: ЕЛОРДАДА «ТУҒАН КҮН-2018» РЕСПУБЛИКАЛЫҚ АРНАЙЫ ЖОБАСЫ ӨТТІ
Блог - jaidarman: ЕЛОРДАДА «ТУҒАН КҮН-2018» РЕСПУБЛИКАЛЫҚ АРНАЙЫ ЖОБАСЫ ӨТТІ
Блог - jaidarman: ЕЛОРДАДА «ТУҒАН КҮН-2018» РЕСПУБЛИКАЛЫҚ АРНАЙЫ ЖОБАСЫ ӨТТІ
Әрі қарай