Осы сенбіде жиенімнің тойын өткізіп келдік. Жұма күні жұмыстан үйге келе сала артынып-тартынып вокзал бардық. Кетіп барамыз. Айтпақшы, той Сағыз деген жерде өтті. Орта жолға жеткенде: «Мен осы шығарда үйді кілттедім бе?» деген ой мазалап, есім кетті. Не десең, о десе, есімде жоқ! Күйеуімнен сұрасам, менен бұрын шығып кеткенін айтады. Содан 3-тен кеткен баламнан сұрасам /қайтейін енді/: «Зоқ, кілттеген зоқсын!» дейді. Сонымен, бір Құдайға аманаттадым да, қоя қойдым.

Ертең тойға барамын. Жиенім үйленбек. Басқа жақта қалай екендігін қайдам, біздің Атырауда той бақ-дәулетің мен әл-аухатыңды ел — жұртқа мойындатудың бір формасына айналып бара ма деп қаламын. Той иелерінің бұл тұрғыдағы әрекеті ақтап алуға келмесе де, бірдеңе етіп түсіндіріп беруге болады. Ал, сол тойға жиналған қонақтардың әрекеті… Ех, қарным ашады… Біреу қолына микрофон ұстап, "әу" десе болды, ағайын-туған, дос-жолдас қолдарына 1000-2000 мыңдықтарын жалп-жалп еткізіп ортаға жүгіреді кеп… Жо-жоқ, өнерді бағалаудың бұған түк қатысы жоқ… гәп бәсекелестікте. Ел көруі керек!!! Олар тойды көтеріп жатыр!!! Кейбіреулер тіпті осындай оңай олжаға дәнігіп алған, бірі баласын, енді бірі немересін ортаға итергіштеп, ән салдырған, немесе би билеткен болады. Әрине, жоқ дегенде 20 мың жинап кететіне сенеді ол! Әйтпегенде ол Атыраудың тойы бола ма?! Сонда қалай боп кетті өзі?! Шашуға 10 мың салып қойдым, беташарға 2000 беремін...әлгі Гүлсім әжейдің баласы "Қара жорғаны" билемей қоймайды, оған бір 1000 салып қоюым керек. Данияр өлең айтады, нағашылары дым бермеді деп тағы айтып жүрер, оған 1000 тағы керек… Меруерт тағы бар, мәссаған, қалтамда 500 теңге ғана қалады екен, ех, Гүлсімнің немересі мен Даниярға 1000-1000-нан бергенде, біздің қызға 500 беріп деп тағы өкпелейтін болды-ау шешесі..Қой, біреуден қарызға сұрап, 1000-ға жеткізіп беруім керек… Тағы бір 2000 керек! Біздің атыраулық асабалар қонақтарды опыр-топыр ойынға шығарып, ойыннан шығып қалғандардан ақша қалдырып кетуді талап ететінді шығарып жүр… Дүйім жұрттың алдында «Ақшам жоқ!» деп қайдан айтайын(((Менде тіпті жолақыға қалмай бара жатыр ғой, ей!