20 қыркүйекте Жастар сарайында Астана қаласының Жастар саясаты  мәселелері басқармасының қолдауымен, Қазақстан КВН одағы ұйымдастыруымен  Астана қалалық «Жайдарман» біріншілігінің жартылай финалы өтті. 1/4 финалдық ойындарында сәтті өнер көрсеткен 12 команда жартылай финалда ойнады. 

Біріншіліктің кезекті ойынын Жандос Самалбеков жүргізді. Финалдық жолдамаға таласқан төмендегі командалар «сәлемдесу» және «бес жаңалық» сайыстары бойынша жарысты:


«Жеті жұлдыз» — Экономика, технология және тағам өндірісін стандарттау колледжі
«Сарыарқа ауданының құрамасы» — Л.Н. Гумилев атындағы Еуразия ұлттық университеті
«Грация» — Қазақ технология және бизнес университеті
«Тұран жастары» — «Тұран-Астана» университеті
«Ашық аспан» — С.Сейфуллин атындағы қазақ агротехникалық университеті
«Бифштекс» — С.Сейфуллин атындағы қазақ агротехникалық университеті
«Агролайф» — С.Сейфуллин атындағы қазақ агротехникалық университеті
«Аграрка құрамасы» — С.Сейфуллин атындағы қазақ агротехникалық университеті
«Целиноград құрамасы» — Ақмола облысы, Целиноград ауданы
«Rixos» — С. Сейфуллин атындағы қазақ агротехникалық университеті
«Астанадағы жаңаөзендіктер» — еркін құрама
«Жалынды жастар» — Көлік және коммуникация колледжі
     Ойынның үздік командасына және үздік ойыншысына домбыралар сыйлыққа табысталды. Үздіктерді анықтап, қазылық еткендер қатарында: Қазақстан студенттер альянсының көшбасшысы Ілияс Түстікбаев, Астана қаласы дін істері басқармасының бас маманы, Жайдарман жоғары лигасының  чемпионы Әділет Төлеутаев, Қазақстан КВН одағының редакторы Қасиет Кәрім, Жайдарман ойындарының ардагер ойыншысы Хамит Ердехан, танымал жайдарманшы Эльдар Жұмағалиев.

Қорытындылай келе, «Тұран жастары», «Ашық аспан», «Аграрка құрамасы», «Агролайф», «Грация» және «Астанадағы жаңаөзендіктер» командалар финалдық сайысқа жолдама алды.

Астана қаласындағы Жайдарман біріншілігінің кезекті ойыны, яғни финалдық сайыс 4 қарашаға жоспарланып отыр.

Астана қаласының Жастар саясаты мәселелері басқармасының қолдауымен ұйымдастырылып келе жатқан Астана қалалық Жайдарман біріншілігінің 4 қараша күні финалдық сайысы өтті. Ақтық мәреде маусым бойы үздік танылған алты команданың арасындағы қызу да тартысты сайысты әдеттегідей Жандос Самалбеков жүргізді.

Финалға лайықты ойын көрсеткен жайдарманшылар көрермендер мен қазылар алқасының көңілінен толықтай шықты. Қазылар құрамында “Қазақстан КВН Одағы” Президенті Есен Елеукен, Астана қаласының Жастар саясаты мәселелері басқармасының басшысы Асхат Оралов, “Жас Отан” жастар қанатының төрағасы Данияр Манарбекұлы, “Спарта” командасының ойыншысы Алмас Нұртаза және ардагер жайдарманшы, белгілі сценарист Дархан Оспанов болды.

Әділ төрелікпен 10,8 ұпай жинаған “Аргоlife” командасы биылғы шабытты маусымның чемпионы атанды. Күміс жүлдегерлер – ұпайлары тең түскен “Ашық аспан” және “Астанадағы жаңаөзендіктер” (10 ұпай), ал 9,8 ұпайдан жинаған “Тұран жастары” мен “Аграрка құрамасы” ІІІ орынды иеленді. “Финалист” номинациясы Қазақ технология және бизнес университетінің “Грация” құрамасы бұйырды. “Маусымның үздік ойыншысы” номинациясын чемпион команданың ойыншысы “Мәшөн” боп танылған Маржан Әзімбаева жеңіп алды.

Жеңімпаздарға бағалы сыйлықтар (теледидарлар, планшет және смартфон) табысталып, финал әдемі тәмамдалды. Маусымның соңғы сайысы қызық пен жаңалыққа толы болды.

Елорда әкімдігінің медиа орталығы келесі аптада болатын бірқатар мәдени іс-шаралардың тізімін хабарлайды.

М.Горький атындағы мемлекеттік академиялық орыс драма театрында қатарынан бірнеше премьера өтеді. 31 қазан – А. Анатольевтің «Қар ханшайымы» ертегісі, 1 қараша – П. Морозовтың «Ассоль» романтикалық феериясы. 2 қараша күні М. Булгаковтың «Мастер және Маргарита» қойылымын да тамашалауға болады. 3 қараша – Б. Жандарбековтің «Томирис – сақтар ханшайымы» эпикалық драмасы, 4 қараша – Л. Толстойдың «Анна Каренина» драмасы мен А. Хайттың «Леопольд мысықтың туған күні» атты ертегісі, 5 қараша – В. Зиминнің «Баяғыда екі түлкі өмір сүріпті» ертегісі мен А. Цагарелидің «Ханум» музыкалық комедиясы.

«Астана» концерт залында 31 қазан күні кешкісін «Әсерлі ән сал, домбыра» концерті өтеді. 1 қарашада «Айтыс – бабалар мұрасы» концерті, 3 қараша – «Шабыт» ХХ Халықаралық шығармашыл жастар фестивалінің ашылуы, 5 қарашада ҚазССР Мемлекеттік сыйлықтың иегері, СССР және Қазақстан халық әртісі, композитор Ғазиз Жұбановтың 90 жылдығына арналған концерт болады.

«Жастар» сарайында да қала тұрғындары мен қонақтары бірнеше оқиғаларға куә бола алады. 1 қарашада «GLORIA» халықаралық өнері конкурс-фестивалі, 2 қарашада «QazaQBalasy» халықаралық балалар конкурсы, 3 қарашада «Мир вкусного меда» бал көрмесі басталып, 12 қарашаға дейін жалғасады.

4 қараша – «Жайдарман» ойындарының қалалық лигасының финалы, 5 қараша – «Экзерсис» хореографиялық өнерінің VI халықаралық фестиваль-конкурсы.

Қ.Қуанышбаев атындағы мемлекеттік академиялық қазақ музыка-драма театрында 1 қараша күні А. Вальехоның «Күн сәулесі түспеген» психологиялық драмасы, 2 қараша – А. Айларовтың «Сүрінген сүр бойдақ» комедиясы, 3 қараша М. Байджиевтің «Тіл табысқандар» комедиясын ұсынады.

Тәуелсіздік сарайында 4-8 қараша аралығында декоративті қолданбалы өнері мен скульптура өнерін сүйетіндер көрмені барып тамашалауына болады.

Ал «Астана Опера» театрында 5 қараша күні «Петя мен қасқыр» концерті өтеді.

Әне-міне дегенше 10-шы қыркүйекте EXPO көрмесі жабылады. Жаз бойы оңтайлы сәтті күттім. Жаз өттіп күз келді. Үйдегілер менің қалауымнан хабардар. Күндер өтіп барады.
Тамыздың 28. Отбасылық кеңес. Сонда саяхаттың бюджеті және ұзақтылығы бекітілді. 29 тамызда Астанаға қарай жолға шықтым. Саяхатымды бастағанға күн сәтті болыпты. 31 тамызда қайтып оралдым. Шығарған шығын бар-жоғы 20 000 теңге! Соның ішінде позитивті көңіл-күйге шығынданыппын. Қысқа есеп осындай.
Осыдан 3 жыл бұрын көрме орны темір қаңылтырмен қоршалған алаң болған.
-Көрмені көрмей қалдым, кейіннен өкінетін шығармын, -деп шешім қабылдауға шарасыздық танытқандар қатарынан бөлініп шыққаныма қуандым!
-Туысқандар EXPO-ға барып келді. Солардан біліп отырмын. Астанада болдым, бірақ, «EXPO»-ға соқпай қайтып кеттім. Маған ұнамайтынын білдім, -дегенді көзі ашық қазақ ұлт иесінен естідім. Негізі ол кісі өзін патриот санайды. Бірақ патриотизм деген сөзде «П»-дан басқа әріптер барын ұмытқандай.
Әрине, көрмеге барып келгендер көрме туралы әр түрлі пікір білдіреді. Бірақ, «Нұр Әлемді» сыртынан, ішінен көргендер. Оған бір сәт болсын, қандайда бір ерекшелігіне тамсанбай кетпегенін көрген емеспін. Керсінше оның тамашалауға тұрарлық тұсын естіп көрмеге әдейлеп келгендерді көрдім.
«Не қызықтырары бар» десең ойланып көрші. Біріншіден диаметрі 80 метрлік шар пішіндегі әлем бойынша жалғыз ғимарат.
Оны сыртынан және ішінен тамашалауға тұрарлық. Басқа мемлекет астанасында мұндай архитектуралық керемет жоқ, оны естен шығарма.
Өткен жазбаларымда Минск қаласында болғанымды жазып кеткенмін. Мысалға, ондағы Ұлттық кітапхана орналасқан шыны кубтың суретін көрсеткенмін. Осы ғимарат беларусь халқының руханият діңгегінің символы десемде қателеспеймін. Егер, архитектура жағынан біздің үлкен шарымызды, дәлірірек сферамыз беларустардың куб пішінді ғимаратымен салыстырсақ оның одан әлдеқайда ілгері тұрғанына көзіңді жеткізесің.
Жай ғана ғимарат емес. Монумент дер едім. Өзінің аурасы бар -Мемлекетіміздің болашағын қалайтын азаматтарға күш-қуат беретіндей. Ұлттық рухтың қуаттандырғышы.
Жазғанымды пафосты деп санаңдар. Тіпті ғимаратымды қазақстандық архитектор жобаламады деп кінә тағындар.
-Иә, Бәйтерекпен қатар тұрарлық ғимаратты неміс архитекторы Альберт Шпеер (кенжесі) жобалады. Бірақ ғимарат неміс елін емес біздің елді ұлықтап тұр.
Сфера, яғни, геометриялық пішімі ұнатпауы мүмкін сізді.
-Неге сфера?
Сфера болса әлемдегі жер қойнауынан шыққан соңғы мұнай тамшысын бейнелейді. Бұл ойды жеткеншек балаға көрменің екінші тематикалық павильоны жақсы жеткізеді. Неге жеткіншек балаға? Қырыққа келген мен «әлемді өзгертемін» деп ойламаймын. Мен болсам:
-«Мұнай бағасы» қымбаттап өскенін қалап, доллардың теңге қатысты курсына күнде көз салып күйбең өмір кешкен жанмын.
Жеткеншек балаға арналған тематикалық павильондағы (2-ші тематикалық) шоу тамаша ойластырылған!

Жеткеншек балаға сұрақ қойылады:
-Жердің жүрегі мұнайсыз (табиғи газсыз, көмірсіз) қалай соғады?
Және сол сұраққа тамаша жауап беріледі.
Бұл болса -әдейлеп ойластырылған көрме элементтері. Сол үшін ғана көрмені бала-шағамен тамашалауға тұрарлық.
Қандайда бір кеңес берген өңбейтін іс. Жақпай қалуың мүмкін. Соған қарамастан жалғыз кеңес бергім келеді.
Жалпы көрмеге алғашқы рет бара жатып одан не күтетіңізді «алдын-ала шешіп алғаннан гөрі» оның босағасын аттай сала атмосферасын сезуге тырысыңыз.
Көрме аяқталғанға 7 күн қалды.

Қазақстан Республикасы Мәдениет және спорт министрлігі Тілдерді дамыту және қоғамдық-саяси жұмыс комитетінің мемлекеттік тапсырмасы негізінде Ш. Шаяхметов атындағы тілдерді дамытудың республикалық үйлестіру-әдістемелік орталығы мен «Қазақстан КВН Одағы» республикалық жастар қоғамдық бірлестігі бірлесіп, Тіл фестивалі аясында халықаралық «Жайдарман» ойынын өткізеді.

«Жайдарман» ойындары жастардың шығармашылық алаңы ғана емес, қоғамдағы түйткілді мәселелерді әзілмен астарлай жеткізетін өнер додасына айналған және қазақстандықтар сүйіп көретін телевизиялық жоба ретінде қалыптасты.
«Жайдарман» алаңының мектеп жасындағы жеткіншектермен қатар студенттерді, жұмысшы жастарды қоса алғанда 200 мыңға жуық таланттыларды топтастырғаны көңіл қуантады.

«Бүгінде Президентіміздің рухани жаңғыру жөніндегі тағдыршешті үндеуін жастармен ұштастыру мақсаты қолға алынып отыр. Осы үндеудегі – ұлттық сана, ұлттық бірегейлікті сақтау, білімнің салтанат құруы туралы бөлімдер – ең алдымен, қазақ жастарына бағытталған ұстаздық ақыл мен талап деп түсінеміз. Сонымен қатар жобаның EXPO-2017 күндері кезінде өткізілуі оң резонанс тудыратындығына сенімдіміз» — дейді «Қазақстан КВН Одағы» республикалық жастар қоғамдық бірлестігінің төрағасы Есен Елеукен.

Жобаға Қазақстан, Ресей (татар, башқұрт), Қырғызстан елдерінен 10 команда қатысады деп күтілуде. Қазақстанда алғаш рет ұйымдастырылған қазақ тіліндегі жобаны «Қазақстан» ұлттық арнасы эфирінен көрсетіледі.

Ойын Астана қаласындағы «Астана» концерт залында 2017 жылғы 25 тамыз күні кешкі сағат 18:30-да өтеді.