Өткен бір постта Админ мырза Атырауда бұрындары, дәлірек айтсақ 2005 жылы өткен бір пикникті еске салып, бірнеше фотолармен бөліскен болатын, бірақ толқулар болғаны рас
Енді мен де өз тарпымнан бір қызықпен бөлісейін, жақында дискі атаулыны ақтарып отырып, мына басқосуды тауып алдым, еріксіз жымидым.Бұл да пикник, Керектің Атыраудағы алғашқы пикнигі.
Дайындықты бастаған — Асылбек атты «ақсақалымыз», жақсы ұйымдастырып, бәріміздің басымызды қосып, бір жасап қалған ағамыз қазір жанұясымен Астанада, мында тығылып келіп жүрген де болар
Өткен уақыты: 2005 жыл, 9 мамырға дейінгі сенбі күні, сол күн сақинамды пикник кезінде жоғалтып алғаныммен де есте қалды
Орны: Атырау, Жайықтың Сарайшық тұсы, айнала су
Аршат айтқан ЕСЕК ойыны да, воллейбол да болды, тәтті палау да жедік, күлкіге де қарық болдық, балық та ауламақшы болдық, самаурынмен шай іштік, жалпы шынайы отырыс болды.

Мына өлеңді 2005-тің көктемінде жазыппын.

Көктем!
Сен ерке қыз сияқтысың,
Жылап тұрып күле салатын!
Көктем!
Сен селтең қыз сияқтысың,
екі елі шүберекпен төсін жауып,
екі жіпті иығына іле салатын!

Көктем!
Сен менің бабымды таба алмадың!
Жаңбыр соңын қарға ұрып тағы алдадың.
Сонда да өзіңе мен сыр ашайын,
өзіңмен еріп келген бар арманым!