Әкім болдым мінеки, әкім болдым,
Халыққа бірер қадам жақын болдым.
Күні кеше жүр едім мүжәлсіз боп,
Бұл күнде мың бір тәубе болып толдым.

Құдай ау май шелпек ғой әкімдігің,
Қалайша білмегенбін бұдан бұрын.
Жымиып, басың бағып жүрсең болды,
Саусаң сүті сарқылмас биелі құлын.

Жоқ деген сөз болмасын лексиконда,
Мұрның барда бір сіңбір қолда.
Мұртыңды балта шаппас, қысылмастан,
Уәдені бере бер оңды солға.

Алайда таппағайсың сен байызды,
Терең қылып жүргейсің сен тайызды.
Жымысқы тірлігіңде жан сезбесін,
Тек қана ұмытпай жүр «Он пайызды».

Үш әріпке сақ болып байқап жүрің,
Асыра бер қулықтың неше түрін.
Жұрт қолымен от көсе қиналмайсың,
Еш уайымсыз атады сенің күнің.

Оңды солды коттежді салып таста,
Иномарка жан-жаққа алып таста.
Өз атыңа ештеме жазбағайсың,
Ұсталып қап жүрерсің ойбай қасқа.

Тексеріс келе қалса тулағайсың,
Балыққа ұқсап сусылдап тұрмағайсың.
Бюджеттің қаржысы шетсіз, шексіз,
Ебін тауып бір шеттен «Ұрлағайсың».