“Хадис” сөзiнiң тiлдiк мағынасы – сөз, әңгiме деген мағынаны білдірсе, шариғи мағынасы – Пайғамбарымыздың (Алланың оған сәлемі мен игілігі болсын) айтқан сөздерi, жасаған амалдарының жиынтығы деген ұғымды білдіреді. “Хадис” пен “сүннет” сөздерi шариғи мағына жағынан бiр-бiрiне өте жақын. Толығырақ айтқанда, “хадис” және “сүннет” – Мұхаммед пайғамбардың (Алланың оған сәлемі мен игілігі болсын) айтқан сөздерi, iстеген амалдары, шариғи үкiмдерi. Алайда, бұл екi сөздiң түпкiлiктi мағыналарының арасында айырмашылық жоқ емес.“Хадис” – сөйлеу және айту арқылы келген хабар болса, “Сүннет” сөзi Пайғамбарымыздың (Алланың оған сәлемі мен игілігі болсын) iстеген iсi, ұстанған дiни жолы деген ұғымды білдіреді. Бұл жазбада біздер білетін, бірақ терең мән бере бермейтін хадистерді оқуға ұсынамын…

Тақырып неге бұлай екенін мына жазбадағы пікірлерді оқыған адам түсінер.  Ал қазір назарларыңызға ұсынатын демотиваторлар әдеттегідей бәрінің көңілінен шықпауы мүмкін, алдын ала кешірім сұраймын.