Байланыс және ақпарат күнінде Қазконтент АҚ Қазақстан Республикасының Президентінен алғыс хат алды.



Бұл марапат — біздің кішкентай ғана компаниямыз үшін өте үлкен жетістік. Қазконтент АҚ өз жұмысын 2009 жылы бастаған, ондағы көздегені – ұлттық контентті құрып, қазақстандық интернет саласын дамыту болатын. Бар-жоғы 5 жылдың ішінде компаниямыз әлеуметтік маңызы бар және ірі 10 жобаны құрды, атап айтар болсақ: Strategy2050.kz және Primeminister.kz интернет-ресурстары; Bnews.kz, Baq.kz ақпараттық агенттіктері; El.kz қазақстандың әлеуметтік желісі; Adebiportal.kz әдеби порталы; e-history.kz Қазақстан тарихының порталы, баспа БАҚ-ты Интернетке көшіру, Sanamaq.kz және ұлттық видео-портал Kaztube.kz.
Kaztube.kz – қазақстандық интернет-ресурстар арасында ойып алар орны бар ең алғашқы жобалардың бірі. Бүгінде видеоматериалдардың қайнар көзі болып отырған бұл портал арқылы тәжірибелі және жас блогерлер өз жұмыстарын қазақстандықтармен қатар, әлемге көрсетуде. Бұл жобаның танымалдығын порталға кірушілер санынан-ақ байқауға болады – жылына 7 миллиондай адам кіреді. Бізді әр түрлі елден, әр түрлі маман иелері, әр түрлі қызығушылықтағы және әр түрлі жастағы адамдар көреді. Ең белсенді көрермендеріміз – 18 бен 40 жаса аралығындағы қазақстандықтар. Көрерменге жиі ұнайтыны – қазақстандық фильмдер, музыкалық видеоклиптер, сериалдар, мультфильидер, жаңалықтар және спорт. Ал, ең эксулюзивті материалдар – әрине, Kaztube Studio! Елімізде болып жатқан атаулы оқиғалар, «ұлттық» тақырыптардың талқылануы, танымал және танымал емес тұлғалар, бәрін-бәрін біздің операторымыз камерасына ілуге тырысады.

Бізге қызығушылық танытқаныңызға рахмет! Алдағы жетістіктер мен мақсатқа бірге жетейік!

Қазақ әдебиетіндегі жауһар жырларды халыққа жеткізудің жаңа жолын іздеу барысында Kaztube.kz порталы мен Әдебиет порталы жаңа жоба бастаған еді. Бейнепоэзия жобасы ақпан айынан бері көрермендерін тамаша өлеңдермен сусындатып келеді. Әдебиетке жаны құштар жастарды қазақ поэзиясындағы жауһар жырлармен тәрбиелей отырып, патриоттық сезімге баулуды көздеген жобаның алғашқы нұсқасының форматы мен ұзақтығы өзгертіліп, жаңа деммен шығарыла бастады.

Бүгінгі таңда барлығы 8 шығарылым портал қолданушыларының назарына ұсынылды. Оларды біздің порталдағы БЕЙНЕПОЭЗИЯ айдарынан көре аласыздар. Поэзия оқыған қонақтардың арасында актер, әнші, композитор, журналист әзіл-сықақ саласының маманы сынды кейіпкерлер бар. Алдағы уақытта бұл тізімнің ұзаратынына сеніміміз мол.