Арбатқа кел, ағайын, ұлттық киім киюге!

Күні: 23-24 сәуір
Уақыты: 10.00 — 18.00

Өтетін жері: Жібек Жолы даңғылы (Арбат)
23, 24 сәуір күні Алматы Арбатында (Жібек Жолы даңғылы бойында) ұлттық киімдер мейрамы өтеді. Шара 29 сәуір күнгі «Қазақтың ұлттық киімі» мейрамы қарсаңында ұйымдастырылады. Бұл мерекені еліміздің түкпір-түкпірінде атап өту жаспарда бар. Алматы қолөнер палатасы IRIS event-агенттігімен бірлесе отырып, Алматы қаласында осы мейрамның аталып өтуіне ұйытқы болып отыр.
Ұйымдастырушар үлкендерге де, балаларға да арналған қызықты бағдарлама дайындаған. Шарада танымал қазақстандық әртістер өнер көрсетеді. Бағдарламада кәсіби дизайнерлердің және ұлттық шеберлердің Fashion-шоуы да бар.
Дизайнерлер мен қолөнершілер алматылықтардың және қала қонақтарының назарына ұлттық нақышта безендірілген киім үлгілерін ұсынады.

Шара Тәуелсіздіктің 25 жылдығына, Алматы қаласының мыңжылдығына арналады және қала әкімдігі мен Алмалы аудандық әкімшілігінің қолдауымен өтпек.
Әрі қарай

Дольче мен Габбана. Күз-2012

Сән әлеміне аналарымыздың емес, әжелеріміздің жастық шағындағы сәнді элементтер ене бастапты. Оны Дольче мен Габбана сән үйі дизайнерлерінің осы жылдың күзіне арналған киім үлгілерінен көре аламыз. Минимализм дәуірінің аяқталғаны болар, осы күзде не бар, соның бәрін тағып ал деп ұрандататын сияқтымыз. Асыл тастармен, бисер, моншақ және басқа да «жылтырақтардың» шоғырынан жасалған ободок, алқа, білезік, сырға, брошь, сақина, тіпті дорбалардың өзі де кестелеп өрнектеліп қана қоймай, сан түрлі әшекей тастармен безендірілген.
Бай және салтанатты көрінетін бұл киім үлгілері әр бір қыздың көңілінен орын табады деп есептеймін. Себебі ханның қызына тігілгендей, қымбат матаға қымбат тастармен өрнек салып, үлде мен бүлдеге орапты бұрынғы "қос ғашық".
Әрі қарай