Соңғы жылдары жастардың Батысқа еліктеуі белең алып бара жатыр. Қоғамның рухани жұтаңдап, ұлттық құндылықтардан қол үзіп бара жатқанын осыған дейінгі мақаламда да айтып өткенмін. «Әр елдің салты басқа, иттері қара қасқа» демекші өзге елдің салты өз идеологиясын, өз құндылықтарын жастар санасына сіңіретінін есте сақтаған дұрыс.Сараланып келіп, салтымыздан орын алғысы келетін Хэллоуин мейрамы жайлы сөз қозғайық.
Қазанның 31-нен қарашаның 1-іне қараған түні әлемдегі барлық адамдар АҚШ пен Канаданың соңынан еріп, бүгінде мәні мен мағынасын көбі түсіне бермейтін Хэллоуин — пұтқа табыну мерекесін атап өтуге дайындалады. Хэллоуин АҚШ-та Рождестводан кейінгі орында тұрған, халық жаппай тойлайтын мейрамдардың бірі. Бұл мерекенің тарихына үңілсек, ол сонау христиандық дәуірге дейінгі кезеңнен қазіргі Англия мен Ирландияның, сондай-ақ Францияның аумағында өмір сүрген кельт атты халықтың ескі жылмен қоштасып, жаңа күнді қарсы алу түні екен. Хэллоуин сөзінің мағынасы «мереке қарсаңындағы күн» дегенге саяды. Олай дейтін себебі, ІХ ғасырда ІІІ Папа Григорий барлық әулиелер күнін тойлауды 13 мамырдан-1 қарашағаауыстырады. Мереке қарсаңындағы күн (31 қазан) деп аталған. Яғни, бұл күн қайта тірілетін әулиелерді қарсы алуға дайындық күні. Уақыт өте келе Хэллоуин жынойнаққа айналды. Ішіне жанып тұрған шырағдандар орнату арқылы асқабақтан түрлі бейнедегі шамдар жасап, сөйтіп қайта тірілген өлілер кейпіне еніп, үй-үйді аралап тәттілер сұрайтын дәстүр болып кеткен.
Ал енді біздің мемлекетіміздің тұрғысынан алып қарасақ, не діни мереке жатпайды, не ұлттық мерекеге жатпайды, не мемлекеттік мереке емес. Дегенмен, Хэллоуин мерекесін тойлау індет болып бара жатыр. Ал індет дегеніміз мысқалдап кіреді де, батпандап шығады. Кез-келген аурудың қалай кіргенін байқамай қаламыз, бірақ одан арылуымыз қиынға соғады. Бұл індеттің салдары ерекше ауыр, әсіресе ұрпақ тәрбиесі алдында. Өзімізден кейінгі ұрпақтың алдындағы жауапкершілік жат нәрсенің бәрін «жаңашылдық» демей, санамен саралауды қажет етеді. Сондықтан, бұл жынойнақ мейрамына қарсымын. Бірақ басқаның қалауына қарсы шыға алмаймын. Қынжылтатыны бір нәрсе, тек қана береке мен бірлікті, жақсылықты, сыйластықты уағыздайтын, оның үстіне ұллтық, мемлекеттік, діни дәрежесі бар мерекелердің осы шетелдік зұлымдық мейрамының көлеңкесінде қалып бара жатқаны…

Керекинфода жарияланған соңғы постылардың ішінде осы мейрам туралы жарнаманы оқыған едім. Ал, бұл мейрамның қазаққа үш қайнаса сорпасы қосылмайды. Сонда да қызығушылар, тағатсыздана күтіп, тойлайтындар көп болғаны ма? Ал, менің алматылық Нұржан досым осыған жаны күйзеліп, ой саларлық мақала дайындапты. Көптің де біле жүргені артықтық етпес.

Алматы қаласының тұрғындары мен қонақтарына құлаққағыс:

28 қазан күні «Метро» ойын-сауық орталығында қаламыздағы ең қорқынышты кештердің бірі ұйымдастырылмақ. Әрине, бұл мерекені тойлау біздің халықа тән емес дәстүр дерсіздер. Дегенмен, көңіл көтеріп, бос уақытыңызды қызықты өткізгіңіз келсе, ары қарай оқуыңызға болады. Кештің фишкасы немесе хэдлайнері аты шулы Ресей музыканты, ди-джей, продюсер Леонид Руденко болмақ. Оның трэктері соңғы 2 жылда ТМД аумағында кең тарап, жастардың жүрегін жаулап алғанын барлығымыз да білеміз.

Бірақ ең маңыздысы бұл емес. Осы кешке тегін билет алғыңыз келсе, арнайы ұйымдастырылған конкурсқа қатысып, бағыңызды сынап көріңіз. Ол үшін фантазияны кішкене іске қосу керек. Алдымен, өз қолыңызбен қорқынышты маска жасап (асқабақ стилінде), оның суретін info@afisha.kz адресіне жіберіңіз. Жеңмпаз халявный билет алады. (Билет бағасы — 2000 тенге). Конкурс 28не дейін жалғасады. Конкурс туралы толығырақ мына жерде.



Толық ақпаратты afisha.kz сайтынан алуға болады.